PECUNE

substantif féminin

[T-L : pecune ; GD : pecune ; FEW (VIII, 115a) : pecunia ; TLF (XII, 1250b) : pécune]

A. -Avoir, richesse.

Quant est de exposer peccune ou richesces ou de les prendre et aquerir, liberalité est le moien (Oresme, E.A., c.1370, 165)

Et ceuls qui sont incontinenz et qui vivent par desactrempance et en ce gastant leur pecune ou leur substance nous les appelon prodiges. (Oresme, E.A., c.1370, 230)

Touz juges et cognoisseurs de causes si gardent leurs mains de peccunes et d'autrui patremoine (Foul., Policrat. B., V, 1372, 415)

Qui la pecune, a lui commise, Faire mouteplier ne vise Et le rent sans gaigne au seigneur, Reproche a de mais serviteur. (Thomas Maillet, Prov. Alain H., c.1375-1400, 69)

Ay ! Fortune, Qui es forte une, Preste et commune De baillier prune Verte ou meüre, quant tu veulz ; Ta force aüne Biens et peccune, Puis prent rancune, Si desaüne ; Einsi le fais et faire soels. (Mach., Les lays, 1377, 476)

...car la richesse des roys anciennement estoit plus en bestial, que on dist en latin 'pecudes', que en aultres choses : et pour ce, de 'pecude' est ditte pecune, car les riches, maintenant, sont ceulx qui ont planté peccune. (La Sale, Sale D., 1451, 168)

Gagner pecune. Acquérir des richesses, faire fortune.

Et vueil bien que vous sachiez que mon frere et moy ne sommes pas venus de nostre pays sur la fiance de gaignier peccune sur vous ne sur autrui, mais en desir et en espoir d'acquerir honneur et bon renom, sans avarice. (Arras, c.1392-1393, 167)

B. -Argent, argent monnayé, argent comptant.

Car les edifices et les temples faiz par eulz de grant magnificence monstreront que le pecune qu'il ont prise sus le peuple a esté despendue en nobles oevres. (Oresme, Pol. Arist. M., c.1372-1374, 270)

Et en ce monstra il l'office De souffisance, la propice, Qui sanz peccune le faisoit Riche, tant qu'il lui souffisoit, Et sanz de maisgniee servi Estre, le faisoit assouvi (Chr. Piz., Chem. estude P., 1402-1403, 205)

Sachent encorez tous princes et gouverneurs de la chose publicque que une des choses que fait amer les seigneurs et gouverneurs de leurs hommes est que la peccune et aultres entrees que viennent au commun prouffit des hommes soient par eulz bien gardees (La Sale, Salade, c.1442-1444, 18)

Vous avez argent et pecune, Plus que homme qui soit soubz la lune (Myst. st Adr. P., c.1450-1485, 9)

...[il] rembourra son bas a son cher coust, tant en substance de son corps que en despense de pecune [L'amant d'une dame exigeante] (C.n.n., c.1456-1467, 461)

Je doy boire et si mangeray De l'oye, par saint Mathelin, Chiez maistre Pierre Pathelin, Et la recevray je pecune. (Path. D., c.1456-1469, 92)

LE CRESTIEN. A cela je ne sçay que dire. Du moyen trouver, c'est le fort, Mais nous seroit grant reconfort Se nous trouvons personne aulcune Qui nous prestast quelque pecune Pour marchandise relever. (Mir. st Nic. juif, c.1480-1500, 83)

Alors, le seigneur respondy A l'un d'eulx, et dist : 'Mon amy, Je ne te faiz injure aucune En distribuant ma peccune...' (Myst. Pass. Troyes B., a.1482, 596)

Cestui fut très cler astrologien ; touteffois ils preveut mal à son cas comme plusieurs font. C'est comme, à tout grande quantité de pecune, peu acompaigné se mist en mer en la main des piractes, qui pour icelle avoir le gecterent dedens. (Simon De Phares, Astrol., c.1494-1498, f° 41 v°)

...Veulx tu Venir avec nous a butin ? Du vin y buron maint tatin, Et si atraperon pecune. (Myst. st Laur. S.W., 1499, 176)

Dauec vous men voys a grand regret Si vous ne me baillez pecune (Myst. st Martin K., a.1500, 208)

Au pluriel. Somme d'argent.

Item, ceulz semblent estre et sont comunelment les plus liberals non pas qui ont acquises leur peccunes ou richesces, mais qui ont receü leur substance de autres. (Oresme, E.A., c.1370, 234)

'Ainsi font telz questeurs, car ilz vont par le monde en habit et en semblance de povreté pour aumosnes demander (...). Mais quoy ? pour eulx pourveoir plus couvertement pour le tempz advenir ilz convertissent leurs pecunes en joyaulx, c'est assavoir, en livres, en vaiselle, en paremens d'eglise, en reliquiaires et en autres meubles...' (Horloge de sapience S., c.1389, 82)

...il a fait mectre sus tailles et emprunts intollérables sur le peuple, en feignant que c'estoit pour soustenir la guerre contre les ennemis du royaume, et en donnant d'icelles pécunes aux ennemis, adversaires et malvueillans du Roy et du royaume (Doc. 1408. In : MONSTRELET, Chron. D.-A., t.1, c.1425-1440, 241)

...à Romme celx qui voloient estre promeuz à prelatures et dignitez et avoir benefices transportoient innumerables pecunes et finances (Baye, II, 1411-1417, 111)

...et pour obvier à ce que les prelaz et autres collateurs desdis benefices ne puissent commettre les abuz acoustumez à Court de Romme à faire lesdictes collacions, tant en conferant iceulx benefices comme en exactions de pecunes et autrement (Fauq., I, Pièces diverses, 1418, 95)

Pièce de monnaie.

Il entent ici par pecunes monnoie, qui est neccessaire en bonne policie, si comme il fu dit ou .Xe. chapitre du premier. (Oresme, Pol. Arist. M., c.1372-1374, 301)

Valeurs financières.

Et nous appelon pecunes toutes choses quelconques desquelles le digne pris et la valeur est mesuree et estimee par monnoie. (Oresme, E.A., c.1370, 230)

PÉCUNE