POURFENDRE

verbe

[T-L : porfendre ; GDC : pourfendre ; DEAF, F 250) : porfendre ; DECT : porfendre ; FEW (III, 552a) : findere ; TLF (XIII, 947a) : pourfendre]

I. -Emploi transitif. Fendre de haut en bas, fendre complètement.

Puis doit fendre le cerf depuis endroit la guele tout au long par dessus le ventre jusques au cul, et puis doit prendre le cerf par le pié destre devant et enciser tout entour la jambe au dessoubz de la jointe du pié et le doit pourfendre o la pointe du coutel par dessus la jambe tout au long, depuis son enciseüre jusques a la hampe ou poytrine, jusques a l'enciseüre qu'il a fet au long du ventre et de la hampe. (Gast. Phébus, Livre chasse T., 1387-1389, 178)

Puis le doit pourfendre tout au long par devers le jarret jusques a la fente premiere, entre le cul et ou il osta les daintiers. (Gast. Phébus, Livre chasse T., 1387-1389, 178)

Nonobstant ce, leurs nefs pourfendent Tarentin, qui trop sont plus gent, Et tant fort les vont dommagent Que occis les ont et emmenez, Excepté seulement .V. nefs, Qui, a grant peine, en eschapperent (Chr. Piz., M.F., III, 1400-1403, 200)

Lors se fiert du coutel par itel avenue, Que son cour pourffendi, devant sa gent tresmue. (Galien D.B., c.1400-1500, 142)

La tierce estoit eschevellee, et sa robe pourfendue sur le pis, ses yeulx presque mortiffiez et enfoncez en sa teste, la couleur destainte, ung suaire sur son bras, le chevestre au col, et le coustel au poing (Chart., L. Esp., c.1429-1430, 6)

Remarque : HENRI FERR., Modus et Ratio, Livre deduis T., c.1354-1377.

En particulier. [Au combat] Fendre de haut en bas ; tuer d'un coup.

Et premier il lança a ceulx qui leurs espees avoient prinses pour lui et son pere occire, et les feri de si grant volenté qu'il les pourfendi jusques aux dens, car il estoient desarmé (Bérinus, I, c.1350-1370, 104)

Donc courut Aigres tant aprés qu'il l'aconsieuvy et lui donna un tel coup de l'espee sur le heaume que tout le pourfendi et lui cassa la coiffe (Bérinus, II, c.1350-1370, 178)

Aquillant en fery sur son hëaume en son, Trestout le pourfendy jusquez au garguechon (Renaut Mont. B.N. V., c.1350-1400, 605)

Le cuer ly pourfendy et toute la corée (God. Bouillon R.B., t.3, c.1356, 66)

Li roy li dist : 'Tu ne scez pas Encor comment m'espée taille, Mais briefment le saras, sans faille.' Il passe avant ; si li rendi Tel cop que tout le pourfendi, Et dit : 'Cuvert, vous mentirez ; N'à roy jamais ne metterez La main qu'il ne vous en souveingne.' (Mach., P. Alex., p.1369, 71)

Là se combat si durement D'une hache bien enferrée Que riens à ses cops n'a durée. Il est chastiaus, il est fortresse À ses gens ; tant en tue et blesse, Tant en abat, tant en pourfent, Qu'il en a ocis plus de cent. (Mach., P. Alex., p.1369, 94)

Et quant il fu bien consilliez, Bien aprestés, bien abilliez, Il fist nagier tout droit au port, Et là se combati si fort, Que maugré tous est descendus. Tant en y ot de pourfendus Et de tuez, qu'il s'en fuirent. Li roys et sa gent les sievirent Qu'il monterent sus les chevaus, Comme preudommes et vassaus. (Mach., P. Alex., p.1369, 213)

Si garde si bien le trespas Que nul n'ose passer le pas Contre lui, pour les coups qu'il donne, Dont tous les pourfent et estonne (Chr. Piz., M.F., II, 1400-1403, 307)

En la male heure, Hector le fiert Plus grant coup qu'a homme n'affiert, Car tout parmi le pourfendi (Chr. Piz., M.F., III, 1400-1403, 104)

N'entendoient a eulx deffendre La les veissiés a tas pourfendre Mais leurs cris bien furent ouys, Tous desarmez y sont fouys (Chr. Piz., M.F., III, 1400-1403, 127)

Jusques a la poiterine va le paien pourfendant (Galien D.B., c.1400-1500, 98)

Lors ennuya moult a Regnault, Des esperons fiert le destrier, Du poing estraint le branc d'acier, De Traquo va ferir le roy Par tel force et par tel desray Que jusqu'aux dens le pourfendi. Roidement le coup descendy ; Regnault l'abat, le roy chiet mort, Dont ses gens eurent desconfort. (Coudrette, Mélus. R., c.1401-1402, 192)

Jà l'euist pourfendut jusques ou gavion, Quant chis s'est escriés : «Je me reng vo prisson.» (Geste ducs Bourg. K., c.1410-1419, 521)

...sy l'attaint sur le healme ung cop sy desmesuré que le healme et le cherqule d'or ne la coiffe d'achier ne le pot garantir ne tenser que de l'espee, que moult estoit trenchant, ne fust pourfendu jusques es dens (Gérard de Nevers L., c.1451-1464, 103)

Le chief lui pourfendit, la cervelle espautra. (Huon Bordeaux B., c.1400-1450, 127)

S'il y a ribault qui s'embusche, Quoy qu'il soit, estrange ou privé, Et s'il y peut estre trouvé, Il ne fauldra pas a la feste, Car les espaules et la teste Je luy pourfendré jusqu'aux dens (Myst. Pass. Troyes B., a.1482, 819)

II. -Emploi pronominal.

A. -[Pronom. réciproque]

Remarque : Mabrien V., 1462, 38/8.

B. -Au figuré.

Comment pourra ton cuer souffrir veior [veoir ?] ta dame bien amee mort sans ce qu'il se crieve de duel et pourfende d'anuieux souvenir ? (Cligès C.T., 1455, 148)