POMMEAU

substantif

[T-L : pomel ; GD : pomel ; GDC : pomel ; DECT : pomel ; FEW (IX, 152a) : pomum ; TLF (XIII, 746b) : pommeau]

A. -Élément décoratif en forme de pomme, de boule.

1.Boule, élément de poignée arrondi à l'extrémité de qqc..

[...d'une épée]

Pour faire et forger la garnison toute blanche d'une espée dont l'alemelle estoit à fenestres. C'est assavoir, faire la croiz, le pommeau, la boucle et le mordant, et un coipel (Comptes argent. rois Fr. D.-A., I, 1352, 127)

Il portoit entre toute gent Une espée de fin argent, Qui avoit le pommel desseure, En signe de crois qu'on aeure, Assise en un champ asuré, De toutes coulours espuré. (Mach., P. Alex., p.1369, 12)

Aussi dou pommel la rondesse Demoustre qu'elle est grant maistresse, Et qu'eu monde a grant signourie, Car elle donne mort et vie. (Mach., P. Alex., p.1369, 15)

Et cil tira un costel trenchant et agu, et l'en cuida ferir, mais vostre pere despassa et lui donna du pommeau de l'espee qu'il lui avoit tollue si grant coup en la temple, a ce que la coiffe d'acier qu'il avoit affublee n'estoit pas forte, qu'il le rua tout mort sur la terre. (Arras, c.1392-1393, 50)

A ce qu'il estoit fors et aspres chevaliers, et la coiffe d'acier estoit feble et mal seure, et le pommel de l'espee estoit pesant, l'aventure fu telle qu'il le tua tout mort estendu a la terre. (Arras, c.1392-1393, 58)

Onques en ma vie je ne vis Cinq croix en ung pommeau d'espee. (Myst. siège Orléans H., c.1480-1500, 394)

[...d'une crosse]

Puis au dessous du croceron Lez metrés [les boîtes rondes contenant les oignements] de vostre baston. En guise sera de pommel. Sy en yert le baston plus bel [...] Le pommel et le croceron Quë ilz portent sur leur baston, C'est signë et segnifiance Par quoy ilz ont leur cognoissance. (Guill. Digull., Le Dit de la fleur de lys D., 1338, 288-289)

Une autre croche d'argent, verrée, où il a ou crochon l'istoire de la Trinité, et est semée au long de petis angles nulz et de grans feulles moictié dorées, et est le pommeau fait de massonnerie (Comptes Lille L., t.2, a.1467, 26)

[...d'un bâton]

Quar les pommiax [du bourdon, le bourdon du pèlerin] te soustenront (Guill. Digull., Pèler. vie hum. S.C., c.1330-1331, 288)

Encores cestui bourdon doit avoir par dessus .IJ. pommiaux moult riches et de tres grant vertu. Le plus hault des pommiaux du bourdon et le plus gros est tout ront, d'un fin miroir resplendissant, ou quel celui qui le bourdon porte voit ou pommiau clerement Jesu Crist en fourme humaine, et tout entour le pommiau du miroir il voit les formes et misteres a menu des ameres Passions du doulx Aignelet occys. Le second pommiau du bourdon un paou plus bas que l'autre est fait d'un fin dyamant entaillié a fourme de pommiau ront (Mézières, Vertu sacr. mar. W., c.1384-1389, 260-261)

Encores, en la dicte reigle a un groz pommeau dessus la main, qui est de cristal, et est tournant en la reigle. (Mézières, Songe vieil pèl. C., t.2, c.1386-1389, 459)

2.Élément en forme de sphère plus ou moins aplatie dont on pare certains ornements sacerdotaux.

...deux pommeaux d'argent à chape pesans trois onces et trois esterlins (Industr. Paris F., 1384, , , 285)

3.Élément décoratif de certains objets, de mobilier ou d'une construction.

a)Boule au sommet d'un objet, sur une partie d'un objet.

A Jehan Le Boucier, tourneur, demourant à Dijon, pour XLIII pommeaulx de bois mis et assis oudit chariot neuf et en deux autres charioz pour XII billons et quatre atheloires de bois pour atheler les chevaulx desdiz charioz, 55 solz tournois (Comptes Etat bourg. M.F., t.2, 1419, 504)

Et avoient trouvé que ladicte croix et pommeau d'icelle pesoient VJ mars, J once, XVIJ estarlins et obole, et le baton d'icelle pesoit IX mars IIJ onces et demie (Baye, I, 1400-1410, 177)

b)Boule au sommet d'un meuble.

...pour le fust d'icelle litière, ouvré à painture, pour les cloux dorés et autres qui y appartiennent, pour les pommeaux, aneaux et chevillètes à fermer ladicte litière, tout de cuivre doré (Comptes argent. rois Fr. D.-A., I, 1352, 297)

...Audit Pierre, voirrier, (...) - Pour avoir mis trois pemaux de neuf voire en la chambre de Madame (Comptes Lille L., t.2, 1396, 204)

c)CONSTRUCTION Boule décorant le sommet d'une tour, ou un autre élément d'architecture.

Mais tousjours es comptes du receveur de Lusegnen avoit au derrenier : Item, X. solz pour le pommel de la tour. (...) Et adont demanda Gieffroy de laquelle tour c'estoit que le pommel coustoit tous les ans X. s. Ne le povez vous faire si fort qu'il durast plus de X. ans ou de XX., afin que on ne le comptast pas si souvent ? Et ceulx respondent. Nennil, monseigneur, c'est rente. (Arras, c.1392-1393, 295)

...tous les ans, le derrenier jour d'aoust, venoit une grant main, et prenoit le pommel de la Tour Poictevine, et l'en esrachoit, si fort qu'il abatoit grant partie de la couverture de la tour, et coustoit, tous les ans, XX. ou XXX. livres a reffaire. (Arras, c.1392-1393, 296)

...et les feist porter [XXXI. pièces d'argent] , entre nonne et vespres, ou derrenier estage de la tour, et feussent mis ces X. solz en la bourse de cuir de cerf dessus la piece de bois qui soustient l'esguille du pommel, et sur quoy il est assiz, et ce feist continuer tous les ans, et le pommel demourroit entier. Et depuis a esté ainsi fait, ne oncques puis le pommel ne se bouga, ne ne fu empirez, et n'y treuve on rien le landemain. (Arras, c.1392-1393, 296)

Tant est ouvré par grant malice Que moult semble fort edifice Et tant est de beau maçonnage Qu'a peine ou monde est il si sage, S'il n'estoit par trop pourveü, Qui ne deïst qu'onques veü N'oÿ parler n'ot de si bel, Non fist nul puis le temps Abel Et si est si tres bien taillez, Si dorez et si esmaillez, Plain de pommiaulx et de banieres De plus de cent mille manieres, Si qu'on ne le peüst voir a l'ueil, Quant contre rayoit le souleil, Qui faisoit l'or contre son luire Plus de cent lieues loing reluire (Chr. Piz., M.F., I, 1400-1403, 62)

Creniaulx alees et retrais Y a plains de grant beauté tres ; Pommeaulx dorez et a devises, Banieres sur les maisons mises (Chr. Piz., M.F., I, 1400-1403, 108)

...et ont les chevrons dudit comble environ trente un piés et la feste entre les deux poumelx, seize piés de long ou environ (Trés. Reth. S.L., t.2, 1409-1410, 623)

...achapt fait de dona Jaumone de Tres, premièrement à cause d'ung balon de claveaulx, broudés d'estaing de cinq milliés, à raison de dix florins, par convertir en aucunes portes et fenestres du palaix dudit seigneur, à cause aussi de douse fueilles, aussi broudés d'estaing, à cause de convertir au couvert des pomeaulx de la-d-vis du palaix dudit seigneur (Comptes roi René A., t.1, 1459, 78)

B. -Par analogie.

1.MÉDECINE Pommette.

Aultres muscules sont a mouldre et a macher et viengnent des pommeaulx des joes. (Panis, Guidon, 1478, tr.I, doct.2, chap.2)

Il est a entendre que goute rose selonc Avicenn est appellee albed zanam et est rougeur estrange semblable a la rougeur avec laquelle commance mesellerie et le plus souvent appert en la face et proprement ou nez ou es pommeaulx des joes. (Panis, Guidon, 1478, tr.VI, doct.2, chap.2)

2.CUISINE Mets fait de viande hâchée, présenté sous forme de boules, de boulettes' (D'apr. T-L).

Fourmentee au pourpoiz, dorures de pommeaulx et de petz de Espaigne et de chastellier, rost de poisson, gelee, lamproyes, congres et turbot a la saulse vert, bresmes au vertjus, leschefroyes, darioles et l'entremetz. (Ménagier Paris B.F., c.1392-1394, 182)

Et quant ilz se roussiront, ayez percil broyé et passé par l'estamine et de la fleur meslee ensemble, ne trop cler ne trop espoiz, et ostez vos pommeaulx de dessus le feu et mectez ung plat dessoubz, et en tournant la broche sur le plat oingnez voz pommeaulx, puis mectez au feu tant de foiz que les pommeaulx deviennent bien vers. (Ménagier Paris B.F., c.1392-1394, 253)