POINTURE

substantif féminin

[T-L : pointure ; GD : pointure ; DECT : pointure ; FEW (IX, 596b) : punctura]

I. -[Sur poindre]

A. -Au propre. Piqûre (provenant d'une bête, d'une épine, d'une arme...).

De cellui meismes excercite De doulceur Seneque recite Ou dit livre tout ensiwant, Et par exemple met avant Des mouches a miel, qui si felles De leur nature sont que elles Laissent l'aguillon en la plaie Ou la pointure l'omme plaie (Chr. Piz., Chem. estude P., 1402-1403, 241)

Et senefie que cellui qui premier la porta en armes [l'araignée de mer, c'est-à-dire la grande vive qui possède sept rayons épineux et venimeux devant la nageoire dorsale] estoit vng homme a soy seulement et ooyt et escoutoit souuent choses agues et piquantes de quoy il frappoit et poingnoit ses ennemis et estoit merueilleux a approchier et a auoir son acointance car qui ne le hantoit par subtilité il se trouuoit frappé de la pointure de ses oreilles. (Best. hérald. H.E., c.1435-1450, 496)

Et, quant les chevaulx sentirent la poincture du traict, ilz commencerent à tourner les testes où ilz avoient les crouppes, les lances se commencerent à colloigner l'une parmy l'autre et se entremesler (Bueil, II, 1461-1466, 202)

Remarque : DESCH., Oeuvres Q., t.3, c.1370-1407, 300, 378.

Morsure (d'un serpent, d'un animal rampant).

...comme ung jeusne chevalier (...) eust marchié de cas d'aventure sur la queue d'un serpent dit dipsas, il le mordit et a grant paine sentit la doleur, et n'apparut en la playe signe de mort par ce que la pointure estoit petite, mais il fut incontinent tout enflammé par dedens (Mamerot, Romuleon D., 1466, 226)

En oultre les aulx sont bons contre la poincture de vers venimeux et contre la morsure des serpens - quant on les boit avec du vin, de quoy Avicenne au second canon au chapitre des aulx se dit avoir experimenté. (Rég. santé corps C., 1480, 41)

B. -Par analogie.

1.MÉDECINE Picotement.

Des signes aulcuns sont qui signifient vairolles a venir, sicomme prurite de nez, apparicion de lampes, paour en dormant, rougeur en la face et pointure par tout le corps (Gordon, Prat., c.1450-1500, I, 12)

...les playes qui sont faictes a troys doys prés de la joincture sont perilleuses car cordes nerveuses sont illec desnuees de char, desquelles la poincture est generative de spasme et par consequent inductive de mort (Panis, Guidon, 1478, tr.I, doct.1, chap.2)

En tout formica, l'en scent poincture comme de formis. (Panis, Guidon, 1478, tr.II, doct.1, chap.3)

Les playes des nerfz (...) sont aulcunefoys pointures, aulcunefoys couppeures, aulcunefoyes actrictions ou concassacions. (Panis, Guidon, 1478, tr.III, doct.1, chap.4)

...de la pointure des nerfs faicte en ung chescun membre avecques une espee ou aultre chose semblable (Prevost, Cir. Guill. Salicet, 1492, II, 24)

2.Sensation de brûlure et d'aigreur.

...se la cole corrompue a seignourie en un corps, le cuir en est jaune, la personne a pou de appetit, elle a la bouche amere (...) elle sent pointures et ardeur en l'estomac, elle a soif et la langue seche (Corbechon, éd. B. Ribémont, 1372. In : Bien dire et bien aprandre 11, 1993, 381)

C. -Par analogie. au figuré.

1.Atteinte, blessure (physique ou morale).

[Physique] Atteinte, blessure, douleur.

...car sans lance M'a fait douce blesseüre Vo simple regardeüre, Dont j'ay, sans plaie, pointure Qui ja n'iert sanée, Se vo douceur ne la cure, Qui m'est si doucement dure Qu'elle art mon cuer, n'en l'ardure N'a feu ne fumée. (Mach., Ch. bal., 1377, 605)

...car de nouvel une grant pointure de son mal de goutes lui estoit prise (Chr. Piz., Faits meurs Ch. V, S., II, 1404, 93)

Et si doit on congnoistre les signes, car colique est avec plusieurs grandes pointures et douleurs et se estent soudainement sur le nombril et aulcuneffois vers le penil et vers le cul (Gordon, Prat., c.1450-1500, V, 18)

...et aussi aulcuneffois ydropizie pour grant douleur et pour torsion et pointures des ypocondres et l'appelle on passion ypocondrie (Gordon, Prat., c.1450-1500, V, 19)

Remarque : Myst. process. Lille K., t.3, a.1485, 33/475.

[Morale]

...point ne peuent recevoir pointure de juste reprehencion (Foul., Policrat. B., I, 1372, 109)

Là n'ai je pensée obscure, Tristesse, mal ne pointure Ne chose qui me soit dure (Mach., Les lays, 1377, 351)

...pour ton reconfort contre les assaulx et pointures de tribulacion, quant elles t'oppressent (Chr. Piz., P.V.H., 1416-1418, 33)

...salut en crainte de Dieu, humiliacion soubz sa justice, cognoissance de ses jugemens et retourner a sa misericorde soubz la pointure de sa punicion. (Chart., Q. inv., 1422, 1)

...mais, a l'encontre de ceste evasion, je dy pour replique que tousjours en est il mal prins, si ne doit l'usaige avoir lieu dont l'user porte prejudice, mesmement quant le temps et la pointure des cuisans affaires contraignent a refraindre ce que la planté des biens et l'oiseux esloingnement de grans cures avoit fait ouvert et abandoné. (Chart., Q. inv., 1422, 51)

Ez cités publiques ne peulz tu demourer sans avoir quelque regret au rabaiz de ton estat, et amere pointure de souffrir entre lez riches citoyens dangereuse indigence. (Chart., L. Esp., c.1429-1430, 12)

Compassïon esmeut fort ma nature A m'employer pour oster la poincture Que point et navre les cuers par desplaisance. (Pouvre peuple H., c.1450-1492, 195)

Remarque : DESCH., Oeuvres Q., t.1, c.1370-1407, 180 ; t.2, 100 ; Percef. IV, R., c.1450 [c.1340], gloss. ; Jourd. Blaye alex. M., a.1455, gloss. ...

[De la mort]

Et nos wardés de le pointure De le mort (Prières saints R., t.2, 1349, 451)

Venez mes saincts et mes amis, Qui fustes a ma pourtraiture Formés, et puis en ce lieu mis, Venez, vous avez ouverture Par la pointure de mort sure, Par morsure fustes banis, Par mort sure arez droitture Telle que je vous ay promis (Marcadé, Myst. Pass. Arras R., a.1440, 243)

Puissanment doit ressusciter Aprés qu'il a voulu porter De mort la terrible pointure Pour le bien d'humaine nature Qu'il a remise en liberté. (Myst. Pass. Troyes B., a.1482, 827)

[De l'amour]

Lors estoit mors d'amoureuse morsure Mes cuers et poins de joieuse pointure Et repeüs de douce nourreture Par Dous Penser Qui ma doleur faisoit toute cesser Et garison me faisoit esperer (Mach., J. R. Beh., c.1340, 75)

...Qui [les coers loyaus et entiers] oënt parler volentiers Des fes d'Amours et des pointures, Dont si douches sont les ointures (Froiss., Joli buiss. F., 1373, 75)

Certes bien doy amer l'eure et le jour Que je senti l'amoureuse pointure, Quant j' aim la flour de toute creature. (Mach., L. dames, 1377, 23)

...son gracieux cuer (...) sentoit ardemment la pointure du desir amoureux qui tire les amans a couvoiter veoir leurs amours (Bouciquaut L., 1406-1409, 40)

De tant plus que Dieu et Nature Ont fait plaisir d'amours plus hault, Tant plus aspre en est la pointure Et plus desplaisant le deffault (Chart., B. Dame, 1424, 342)

JUSTICE. (...) Il est vray, je le vous concede ; Mais, pour porter plus grant pointure D'amour a humaine nature Et plus ardente charité, Je vueil qu'i me soit presenté En l'arbre de la croix pendu, Fixé, cloué, mort estandu (Myst. Pass. Troyes B., a.1482, 689)

[De l'enfer]

...Que nous d'enfer la grief pointure Puissons puissamment eschaper (Mir. N.D. Rosarius K., c.1330, 71)

2.Aiguillon, sollicitation.

...ja pour ce le cuer ne lui en deuldra ne le vice d'envie ne la surmontera, nonobstant que les aguillons et pointures en courage de celle fausse envie soient en tel cas telz (Chr. Piz., Trois vertus W.H., c.1405, 136)

Telz et semblables sont les remedes que la sage dame ou damoiselle de court bien porveue puet mettre contre les pointures et aguillons d'Envie. (Chr. Piz., Trois vertus W.H., c.1405, 139)

3.Moquerie, raillerie.

Et par signes dient grans pointures. (Mir. N.D. Rosarius K., c.1330, 134)

II. -[En lien avec point1]

A. -Nombre de points obtenu par un jet de dés.

En manieres cinquante et six Sont en trois dez les poins assis Qui donnent diverses pointures Selon diverses adventures [fait référence à un schéma de calcul des probabilités] . (Le Fèvre, Vieille, trad. De vetula H., a.1376, 99)

...Car autant y a d'aventures Comme on y gecte de pointures. (Le Fèvre, Vieille, trad. De vetula H., a.1376, 111)

B. -MUSIQUE Figure de note (note pointée ?).

... [musique] de diverses notes variee, de melodieuses pointures, de couleurs de rymes... (Foul., Policrat. B., I, 1372, 114)

III. -[En lien avec pointe ?]

[Au jeu d'échecs] Pointe (?).

La fierge est a cellui compaingne, Qui est de pareille tainture Et voulentiers suist la pointure De l'auphin, qui est de bonne garde Quant est ou point ou il regarde. (Le Fèvre, Vieille, trad. De vetula H., a.1376, 131)

Remarque : S'agit-il de ce mot ds l'ex. suiv. (au sens de 'broderie' ?)

Chevaulx houssez de veloux, de drap d'or, Bardés d'acier, d'asur, d'acre et pointure, Ung songe estoit de voir le grant tresor Qu'ilz comportoient sur leur riche vesture (La Vigne, V.N., p.1495, 217)

Sans doute plutôt forme du mot peinture.