OUBLIE

substantif féminin

[T-L : oblee ; GD : oublee ; FEW (VII, 266b, 267a) : oblatus ; TLF (XII, 700a) : oublie]

A. -Pain azyme, hostie non encore consacrée.

Remarque : GD V, 663a.

Faire mascher les oublies. Détourner de la préoccupation du salut.

Creature, tu me remembres De Jhesucrist la mort terrible (...). Quoy plus ? Le jugement orrible, Et le monde qui a toy rible Et te fait maschier les oblies Pour quoy ton sauvement oblies (Chast., Temps rec. D., 1451, 81)

B. -Sorte de gaufre, oublie.

...les Escos n'avoient nulles pourveances de vin, de pain ne de seel. Des bestes avoient il assés, si en pooient mengier en seve et en roost, sans pain et sans seel, a laquelle cose, qant il lor touche, ils n'acomptent point granment, mes que il aient de la farine et une plate piere a faire des oublies. (Froiss., Chron. M., XIV, c.1375-1400, 146)

...et fu ly disners en une grant tente riche et noble, tout emmy la praierie. Et furent servis de tant de mez, et si grandement, et de vins si bons, d'oblies, d'ypocras, si largement que chascun s'esbahissoit dont tant de bien povoit venir. (Arras, c.1392-1393, 39)

Item, que nul d'eulx ne puisse avoir chascun que une fornaise a pardon ; et aussi que nulz d'eulx ne puisse porter que petites oublées, aval la ville de Paris, de paste clère ; et que nul ne puisse racheter son cofin que d'icelles petites oublées (Mét. corp. Paris L., t.1, 1397, 372)

...et le font habilement et tost et plus que ung oublieur ne fait une oublie (La Broquière, Voy. Outr. S., c.1455-1457, 91)

Les oblyes farcies au frommage. (Recueil Riom L., c.1466, 81)

...ung coffin à oublies, d'argent blanc, fermant à clé (Comptes Lille L., t.2, a.1467, 80)

L'oublieur doibt prendre la fleur de ses oublies d'achapt, et prendre en la cuisine le sucre, le bois et le charbon ; il doit avoir ung estuy d'argent pour mettre les oublies du prince (...) ; et peut asseoir son estuy sur le buffet de l'eschanssonnerie, jusques à ce que le prince soit servy (La Marche, Mém., IV, Pièces annexées, 1474, 31)

...trois ou quatre jours avant la feste de la Chandeleur derrenière passée au soir, environ sept ou huit heures devers le soir, ainsi que ledit Moulin et son varlet alloient criant les oblies par ladicte ville de Poictiers, comme il et autres pasticiers de ladicte ville ont acoustumé faire (Doc. Poitou G., t.12, 1479, 275)

Oublie de beguine

...et destrempent ung petit de leur farine d'yaue (...) et en font ung petit tourtel à maniere d'une ovlée de beguine et le mengent pour reconforter leur estomac. (Le Bel, Chron. V.D., t.1, 1352-1356, 51)

Quant leur pière est cauffée, il jettent de ceste clère paste sus ceste chaude pière, et en font un petit tourtiel à manière de une oublie de beghine (Froiss., Chron. L., I, c.1375-1400, 52)

Charité de l'oublie. Aumône du pain.

...comme par le maire de la ville de Niort et par ses deputez une charité, appellée la charité de l'oublée, ait esté acoustumée estre donnée, chascun an, en la dite ville de Niort, le jour de la feste de l'Invention Sainte Croix, c'est assavoir à chascun povre qui y vient deux denrées de pain (Doc. Poitou G., t.3, 1355, 210)

Jouer aux oublies. Jouer pour gagner des oublies.

...auquel lieu ilz trouvèrent Colin Corgnou, Charles Debutz et Jehan Desmier, hommes d'armes, qui jouoyent aux oblies soubz ung hauvant (Doc. Poitou G., t.10, 1460, 225)

Mascher les oublies. Prendre du plaisir (au détriment de ce qui importe).

...le monde qui a toy rible Et te fait maschier les oblies Pour quoy ton sauvement oblies (Chast., Temps rec. D., 1451, 81)

[Valeur minimale]

...Ne craint Panalois une oublie. (Pastor. B., c.1422-1425, 199)

Qui sa dame aime tart l'oublye, Et morte la pense et regrette Ne d'aultre lui chault une oublye. (Martin Le Franc, Champion dames D., t.3, 1440-1442, 83)

C. -Par métonymie.

1.REDEVANCE Redevance due au seigneur, payée à l'origine en petits pains et gâteaux, et ensuite en tout autre produit ou en argent.

...item, pour oblies dou four, XXV sols tournois, sans descrois, item, pour lesdites oblies ancor XII livres de cire (...) item pour les oblies dou molin XXV sols tournois, XII livres de cire (...) item, ancor pour lesdites oblies dou molin II sols de poivre (Trés. Reth. S.L., t.2, 1348, 115)

...item, les terrages de la ville de Liry, ban, finage et territoire d'icelle ville, qui puelent valoir chascun an toutes oublies et aumosnes paiés XXX sestiers de grains, quart froument et quart soile, et moitié avainne à rez, mesure de Reims, et XII livres de cire, à crois et à descrois (Trés. Reth. S.L., t.2, 1369, 192)

Remarque : Ex. d'a.fr. ds GD V, 663b.

2.MESURES ['Mesure de grains en usage dans le Nord ; trois oublees font un havot, huit oublees font une rasière' (GD V, 663a)]

Remarque : Ex. d'a.fr. et doc.1341, 1471 et 1489 ds GD V, 663a.

Remarque : On a regroupé ici les formes en -ee et les formes en -ie (dues à une substitution suffixale).