OBLATION

substantif féminin

[T-L : oblacïon ; GD : oblacion ; FEW (VII, 266a) : oblatio ; TLF (XII, 344b) : oblation]

A. -Offrande.

1.Action d'offrir, de donner volontairement, offrande.

Item, il est expedient que il [le tirant] face telement que il soit amis as grans, et leur semble que il cuelle les entrees et les oblations diligeanment et pour grace ou afin de les bien despenser. (Oresme, Pol. Arist. M., c.1372-1374, 248)

Par oblacions il [Aristote] entent ce que l'en donne liberalment. (Oresme, Pol. Arist. M., c.1372-1374, 249)

Et [soit fait] que les riches contribuent a ce que les povres aient louier pour venir as sancs ou assemblees neccessaires et que il soient refusans et non faisans vaines oblations. (Oresme, Pol. Arist. M., c.1372-1374, 268)

De graces souppes jacoppines Et flans leur faiz oblacïon (Villon, Test. R.H., 1461-1462, 97)

2.En particulier.

a)Offrande faite à Dieu ou faite aux dieux.

Elle ne fait que reclamer Nepturnus, le dieu de la mer, Et li promet veaus et genices, Oblations et sacrefices, Mais que la mer face cesser, Par quoy Leandus puist passer. Einsi toute nuit se maintint Et l'ardant sierge en sa main tint, Jusqu'a tant qu'il fu adjourné. (Mach., J. R. Nav., 1349, 250)

...le saint patriarche (...) Encommencha le messe et fait oblacions (Renaut Mont. B.N. V., c.1350-1400, 726)

... [le roi] loa Dieu devotement Et sa douce mere ensement ; Et fist faire processions, Veus, promesses, oblations, À la gloire de Dieu toudis Et de la court de paradis. (Mach., P. Alex., p.1369, 122)

Item, Aristote met apres ou .XXIe. chapitre comment en policie tres bonne une partie de la region du territoire doit estre assignee as oblations et as sacrefices. (Oresme, Pol. Arist. M., c.1372-1374, 307)

Item, Aristote met apres ou .XXIe. chapitre comment en policie tres bonne une partie de la region du territoire doit estre assignee as oblations et as sacrefices. (Oresme, Pol. Arist. M., c.1372-1374, 307)

Vous voïés, donques, que le roy Joas est loué, en la Sainte Escripture, de ce que il mist poine et diligence que lez oblacions du pueple fussent converties ez usages esquelles ilz devoient estre converties selon la volanté dez offrans. (Songe verg. S., t.1, 1378, 36)

Sur cest autel sont faiz sacrifices et oblacions de bonnes ou mauvaises affections. (Gers., Purif., 1396-1397, 63)

Les oblacions et sacrifices sont moult cruelz bien souvent, car ilz sont de char et sang humain. (Gers., Purif., 1396-1397, 67)

Ad ce jour fu faicte la premiere oblation ou offre pour nostre salut dedens le sacré temple du ventre Nostre Dame. Et fut acceptee ceste oblation par toute la Trinité pour nostre redemption. (Gers., Annonc., a.1400, 230)

Offrandes et oblacions, Luminaires, devocions, Cire et encens lui offre et veus, Genices, sacrefice et beus (Chr. Piz., M.F., I, 1400-1403, 45)

Ainsi commencerent sacrifices et oblations, immolations de bestes et aultres offertes et hosties, ainsi que en la loy ancienne est contenu, en laquelle il est contenu et commandé que nul ne se doit comparestre devant l'autel de Dieu vuit d'offrende, et que sacrifice fut fait a Dieu, et les dismez lui fussent renduez de toutes les meilleurs et premieres choses qui naissent sur terre (Chart., L. Esp., c.1429-1430, 171)

Reçoy en gré l'oblation De ton fil que je te presente (Marcadé, Myst. Pass. Arras R., a.1440, 52)

Vous verrez, se vous faictes paix, Le grant et doloreux [l. et tres doloreux] fais Que vostre doulz seigneur porta Quant en la croix se présenta, Oblacion divine et pure, Immaculée sans ordure, En laquelle pour les humains Volt estre cloés piez et mains (Marcadé, Myst. Pass. Arras R., a.1440, 155)

Reverence, honneur, oblacion et gloire soit rendue, attribuée et presentée à la sainte Trinité (La Marche, Mém., I, c.1470, 7)

Le Roy de France, qui moult estoit saige, doubtoit la fortune de la bataille, et qui ne la craint est plus oultrecuidance que courage vaillant, dont à ses dieux et selon sa loy il faisoit de grans oblations, oroisons et aulmosnes. (La Marche, Mém., I, c.1470, 55)

La benediction prinse de monsseigneur le Partriarche, la present, et leur oblacion faicte comme de grosses chandelles et ciergez de bougie (Barbatre, Voy. T.-C. P., 1480, 105)

Lesquelles lettres receues par le roy, fist de grans dons et oblations en plusieurs eglises, en recommandant à Dieu son affaire et qu'il luy pleust avoir ses gens d'armes pour recommandés. (Le Clerc, Interp. Roye, c.1502, 392)

Faire oblation à

...il sommet Ton corps, ton honneur, ta puissance, Ta gloire, ta magnificence, Ton roiaume, ta dignité Et toute ta felicité A mort et a destruction, Pour ce qu'as fait oblation Aus ydoles et sacrefice Et as laissié si digne office Com d'aourer le roy celestre Qui ton pere fist le feinc pestre. (Mach., C. ami, 1357, 33)

Tuit furent en acort comme un, Princes, satrapes, senatours, Menistres, juges et centours, D'un edit faire et un decret, Tout en appert, non en secret, Que quicunques petition, Sacrefice ou oblation, Jusqu'a trente jours, c'est la somme, A quelque dieu ou a quelque homme Fera, qu'a Daire seulement, Qu'il soit getés isnellement Ou mis en la fosse aus lions (Mach., C. ami, 1357, 36)

Moult hautement la mercia Dou confort que donné li a Et dit qu'il li fera service, Oblation et sacrefice En un temple qu'il fondera Ou sacrefice li fera. (Mach., F. am., c.1361, 234)

...mon nom si est grant en Orient et en Occident, et toute gent si sanctifient mon nom, et me font oblacions. (Songe verg. S., t.1, 1378, 314)

Pour cel appaisement, armer Un noble homme et jaicter en mer Firent, par grant devocïon, Pour faire aux dieux oblacïon (Chr. Piz., M.F., III, 1400-1403, 255)

Si prandrons, par affection, Or, encens et mierre, au partir, Pour luy en faire oblacion Et luy de nos biens departir. (Myst. Pass. Troyes B., a.1482, 249)

Remarque : Percef. I, R., c.1450 [c.1340], gloss.

Offrande de soi-même à Dieu.

...Saintré (...) retourna arriere au moustier et la a genoulz, chef descouvert, et a mains jointes, a Dieu et a Nostre Dame fait devotement ses prieres et oblacions (La Sale, J.S., 1456, 105)

...pour faire son oblacion en lieu eleu et de luy desiré (...) se mect a voye devers les bons seigneurs de Perusse [Le terme est glosé plus loin : «le chevalier (...) delibera a Dieu faire sacrifice du corps qu'il luy avoit presté». Éd. Vérard : obligation] (C.n.n., c.1456-1467, 109)

LITURGIE

Oblation (divine). Offrande faite à Dieu, à la messe, du pain et du vin qui seront consacrés.

...le prestre par devant la percepcion du corps et du sanc Jhesucrist doit dire les oroisons instituees par les sains peres, et, aprés, mediter et contempler l'incarnacion, la Passion et vertu sacramentele de ceste oblacion en disant : ... (Jean Golein, Rational B.D., c.1370-1372, 632)

...car ceulx qui administrent les sacrifices et oblations divines ne sont pas seulement appellés sacerdotes, mais ceulx qui sont professeurs et menistres de justice (Baye, II, 1411-1417, 181)

Hostie.

La fraction de l'oblation signifie ce que Jhesucrist froissa le pain (Jean Golein, Rational B.D., c.1370-1372, 274)

[À propos de la présentation de Jésus au Temple, lors de la purification de la Vierge]

NOSTRE DAME. Zebel, il est temps que je doye De ceste gesine lever, Et au temple de Dieu aler Pour ma purificacion, Et mon filz en oblacion Porter : c'est droiz. (Mir. nat. N.S.J.C., c.1343, 222)

NOSTRE DAME. Sire prestre, tenez en lieu De ma purificacion Ce cierge, et en oblacion De mon enfant ces oisiaux ci. (Mir. nat. N.S.J.C., c.1343, 226)

DIEU. (...) A ce jour de m'oblacion Vueil de messe reffeccion Donner Guibourt, qui la me sert (Mir. femme, 1368, 225)

[À propos de prières à Notre-Dame]

En servant Dieu d'oracions Trois foiz le jour oblacions A ceste haulte dame sainte (...) Devant son ymage feras (Mir. parr., 1356, 62)

b)Offrande destinée au clergé.

Et encores disoit Faintise Que trop plus ses enfans feroient, Après sa mort remembreroient Leur pere par fondacions De chappelles, d'oblacions (Desch., M.M., c.1385-1403, 332)

...et afferma en la presence des dis notaires que, a cause du patronnage de l'eglise monseigneur Saint Magloire a Paris, reverent pere en Dieu monseigneur Mahy, abbé a present du dit Saint Magloire, et ses predecesseurs abbez du dit lieu avoient acoustumé et droit [de] prandre, chascun an au jour de Chandeleur, trois livres de cire en et sur toutes les oblacions et revenues d'icelle [cure] de Marueil. (Chartes Abb. St-Magl. T.F., t.3, 1399, 761)

Item, reservé audit prieur et pour lui la revenue et rente de la chappelle Saint Estienne, sauf les oblacions qui seront audit messire Hugues. (Chartes Abb. St-Magl. T.F., t.3, 1406, 798)

...et quant elle eust au grant autel son oblacion faite fut en sa chappelle conduite pour sa messe oïr. (La Sale, J.S., 1456, 245)

3.Par analogie. Action de donner à titre de contribution, impôt.

Mes en Crete telz convis sunt faiz du commun, car de touz les fruis qui sunt nais de terre et de toutes les bestes et de toutes les oblations publiques que les forains paient... (Oresme, Pol. Arist. M., c.1372-1374, 106)

Contribution (due à un ordre religieux).

Les Mendians pareillement avoient impétré une bulle, laquelle ilz apportèrent à Paris, contenans moult de nouvelletez desquelles ils n'avoient point acoustumé de user, et estoit la conclusion telle, que les dismes et autres oblacions leur devoient lors mieulx appartenir que aux curez, pour ce que ceulx qui se confessent à eulx, ne sont tenus de eulx confesser à leursdiz curez. (Monstrelet, Chron. D.-A., t.2, c.1425-1440, 60-61)

Et lors Costentin, meu au bien et relevement de l'Eglise, lui donna les possessions terriennez qu'elle tient, qui depuis s'est augmentee dez dismez et oblations courans, avecquez les sensives et offertes ecclesiaulx, qui est le droit patrimoine du crucefix qu'il acquist de son precieux sang, par sa tres douloureuse passion (Chart., L. Esp., c.1429-1430, 57)

...ledit Rendu (...) disant icelles lettres estre surreptices et oreptices en plusieurs poins, et que a lui, au droit et tiltre de son église cure et bénéfice, compette, doibt competter et appartenir lesdites diexmes, oblacions et aultres choses descordables, et en estoit et ses prédécesseurs a juste tiltre canonique en bonne et paisible pocession (Cartul. Hôtel-Dieu Cout. L., 1451, 273)

B. -Par extension.

1.Offre.

Samuel (...) enseigne que il doit avoir en l'ostel du juge continuel sacrefice, la quelle se donne et presente par oblacion de justice et de bonnes euvres (Foul., Policrat. B., V, 1372, 412)

Vierge plus forte qu'un champion (...) Qu roy la folle oblacion Et des maistres l'oppinion Saigement avés reprouvee. (Prières saints R., t.2, 1400-1500, 134)

Et par yceulx ambassadeurs ayent esté faictes pluiseurs ouvertures et oblacions, d'un costé et d'aultre. (Doc. 1435. In : MONSTRELET, Chron. D.-A., t.5, c.1444-1453, 153)

Et puis l'archediacre de Mez en Lorraine, notable clerc, prinst le parolle et proposa moult haultement en faisant ung proces verbal de tout ce qui avoit esté porparlé et traictiet devant ladite convention, tant des offres et oblations faictes du costé des Englez comme des Franchoiz (La Taverne, Journ. Paix Arr. B., 1439, 69)

...aux quelles journées et convencions le Roy a tosjours envoyé ses ambaxeurs notables, fournis de povoir soffisant, et tellement que après pluseurs ouvertures et oblacions, d'une partie et d'aultre, finablement, par manière d'expedient, furent arrestés et mis en escript certains poins et articles telz qui semblèrent lors plus convenables et prochains du bien de paix (Escouchy, Chron. B., t.3, Pièces justif., 1442, 62)

2.Ce qui est donné en guise de repas, collation, repas.

En yver et en printemps, la chaleur naturelle est plus forte et les sompnes sont plus longues ; et pour ce faut il avoir plusieurs oblacions, car les corps humains sont adonques plus chaux de chaleur naturelle, pourquoy ilz requierent plus grant nourrissement : preuve l'aage des enffans et aussi les champions. (Saint-gille, A.Y., 1362-1365, 56)