NATIVITÉ

substantif féminin

[T-L : nativité ; GD : nativité ; GDC : nativité ; DECT : nativité ; FEW (VII, 44a) : nativitas ; TLF (XII, 9a) : nativité]

I. -[À propos d'une pers.]

A. -Action de naître, naissance.

De le nativité de ces deux enfans, qui estoient cousin, fu li royaumes moult resleechiés, et par especial li rois de France. (Froiss., Chron. L., VII, c.1375-1400, 93)

...par les graces faites à cause du joyeux advenement et nativité de feu mons. le Dauphin, premier filz du roy nostre sire qui à present est, il estant lors prisonnier ès prisons dudit mons. l'evesque de Paris, fu mis hors de prison (Reg. crim. Chât., II, 1389-1392, 491)

En particulier. [À propos de la naissance du Christ]

Premier le prophète Ysaye Dit de Crist la nativité Par une telle auctorité: Ecce virgo concipiet ... (Mir. st Sev., 1362, 229)

Et comment aucunes devotes creatures pensans en la vierge Marie et considerant contemplativement les grans joies qu'elle pouoit avoir durans les sains misteres qui furent en l'Annunciacion, en la Nativité, en l'Ascencion Jhesu Crist et autres, qu'ilz ont mises en .XV. joies, ou nom et pour l'onneur desquelles pluseurs bons catholiques ont fait pluseurs belles oraisons et devotes d'icelle saincte vierge Marie (Quinze joies mar. R., c.1390-1410, 4)

Gloire vous soit, Sire, es cieulz la sus quant en terre par vostre bieneureuse nativité vous avez fait cesser l'orrible guerre qui estoit entre vous et tout l'umain lignaige, et y avez amené paix, voire aux hommes de bonne voulenté ! (Gers., Noël, p.1404, 291)

Comme dist Saint Augustin ou livre De la Trinité : 'Entendons celle incarnation du Filz de Dieu et de la vierge la nativité, en laquelle le Filz se entend estre envoié, par une mesmes operation du Pere et du Filz estre faite inseparablement de et par eulz conjoinctement avec le Saint Esperit.' (Somme abr., c.1477-1481, 119)

[Dans une formule d'imprécation]

Maudite soit ma nativité

Mauldit soit ma nativité ! Mauldit soit mon orde naissance ! Mauldit soit qui m'a enffanté ! Mauldit soit ma villayne enffance ! (La Vigne, S.M., 1496, 386)

Maudire l'heure de la nativité de qqn

Ses subgetz lui desobeïssent ; Et ceulx qui par sa lascheté Il laisse destruire, maudissent L'eure de sa nativité (Chart., D. Her., p.1415, 431)

B. -[Par réf. à la date de la naissance]

1.Date de la naissance, moment de la naissance.

JOSAPHAT. Pére, il semble a vostre visage Que soixante dix ans passez Avez d'aage et plus assez, En verité. BARLAAM. Se vous de ma nativité Voulez touz les ans compter, sire, Vous pourrez bien verité dire (Mir. Barl. Josaph., c.1363, 273)

...pour ce qu'il estoit venu à sa congnoissance par aucuns que ledit prisonnier n'estoit pas nez de la ville de Bucy, mais estoit du pays d'Arthois ou environ, si comme l'en disoit, fu demandé de son propre nom, lieu et nativité, et dont il estoit nez (Reg. crim. Chât., II, 1389-1392, 29)

Des sa nativité

Item, pour ce que ilz s'entreaiment des leur nativité. (Oresme, E.A., c.1370, 443)

Depuis sa nativité

Et puis que tele est la loy que Nature y a establie, il fault dire que nul labour ne vous doit estre grief, que nulle adventure ne vous doit estre estrange a soustenir pour cellui pays et seigneurie sauver, qui depuis vostre nativité jusques a vostre mort est quant de soy ouvert envers vous a toute soustenance, et qui vous repaist et nourrit entre les vivans, et entre les mors vous reçoit en sepulture. (Chart., Q. inv., 1422, 11)

Depuis l'heure de sa nativité

Lors lui compta par vraye confesse la somme de ses pechiez dont il estoit souvenans, depuis l'eure de sa nativité jusques au jour qu'il saillist de la cave et du service de l'anemy (La Sale, Salade, c.1442-1444, 104)

Au n^e an de sa nativité. À l'âge de n ans.

Après lequel Robert Guiscart succeda monseigneur Rogier, son filz, qui seignouria XXV ans et VI mois, puis trespassa en la cité de Salerne, au L^e an de sa nativité (La Sale, Salade, c.1442-1444, 168)

2.Anniversaire de la naissance.

Ouÿr, saichés qu'il [Hérode] veul tenir De sa nativité la feste (Pass. Semur D.M., c.1420 [1488], 104)

Faire vous a pleut commander Que tous princes qui sont subgis Et manans en votre pays Et qui veullent honneur acquerre Es parties de votre terre, Viennent a la sollempnité De votre grant nativité (Marcadé, Myst. Pass. Arras R., a.1440, 83)

En particulier.

Anniversaire de la naissance du Christ, Noël.

...ordonné fu et aresté que Edouwars ses fils seroit rois couronnés et solempniiés a roi, le jour de la Nativité Nostre Signeur (Froiss., Chron. D., p.1400, 102)

Anniversaire de la naissance de la Vierge, d'un saint.

Ce jour, la Court a donné delay à l'evesque du Puy de bailler ses memoires à l'encontre du chapitre dudit Puy juques à la vegile de la Nativité Nostre Dame prouchainement venant (Baye, I, 1400-1410, 43)

Et semblablement depuis l'institucion de la feste de la nativité saint Jehan, la nativité nostre Dame fut ordonnee par revelacion d'une seule femme. (Gers., Concept., 1401, 421)

Mecredi, VIIJe jour de septembre, feste de la Nativité Nostre-Dame, fina ce Parlement, tant en plaidoiries que en consultacions (Fauq., II, 1421-1430, 109)

3.[La naissance du Christ marque le début de l'ère chrétienne] L'an de la nativité Nostre Seigneur n

Escript en Rodes, le quars jour d'Aoust, l'an de la Nativité Nostre Signeur mil CCCLXVIJ. (Mach., P. Alex., p.1369, 231)

Escript à nostre hostel dou Quid le XVe jour de septembre, l'an mil CCCLXVIJ. de la Nativité de nostre Seigneur Ihesucrist. (Mach., P. Alex., p.1369, 233)

C. -[Par réf. au lieu de la naissance]

Et pour che dist ung aucteur : «Ne scay de quel doulceur le lieu de la nativité touche toutes personnes, car il leur fait tousjours avoir memoire de eux mesmes». (Daudin, De la erudition H., c.1360-1380, 48)

...ledit prisonnier confessoit estre agiez d'une sienne suer qu'il a ou pays de sa nativité, et laquele a jà eu enfans en mariage (Reg. crim. Chât., I, 1389-1392, 237)

Par métonymie. [Ici, à propos d'un animal] Lieu de naissance.

Quant Baude s'aperceust avoir changé et prins le brocquart pour le cerf, il se réclama sur le premier erre, et, par sauvaiges païs et divers buissons et bocaiges, poursuyvy le grant cerf jusques en ung maraiz près d'ung beau manoir, qui estoit le buisson et nativité dudit cerf. (Baude, Eloge Ch. VII, V., p.1484, 128)

D. -[Par réf. aux circonstances de la naissance]

1.[Pour désigner une caractéristique physique]

MÉDECINE De nativité. De naissance.

Item note que les cheveulx n'ont nule vertu de nativité ne fluente influxee, mais ilz ont seulement generacion (Gordon, Prat., c.1450-1500, II, 5)

Donc se strabosité vient de nativité au commencement on le peult en aulcune maniere rectifier (Gordon, Prat., c.1450-1500, III, 6)

Aveugle de nativité

Et de ce treuve len en l'hystoire rommaine que un qui estoit aveugle de nativité ot response des dieux que s'il aloit a l'empereur et lui priast de cuer tres humblement qu'il lui voulsist les yeux touchier de sa propre salive, qu'il se verroit guery oultreement. (Evr. Conty, Harm. sphères H.P.-H., c.1400, 41)

2.[Pour désigner des dispositions intellectuelles, morales]

De nativité. De naissance.

Ceste erreur repreuve Aristote en supposant que telz habiz, ou ilz sont en nous acquis par nous, ou il sont en nous de nativité et de nature. (Oresme, E.A.C., c.1370, 201)

Car estre justes, estre actrempéz, estre fors et autres choses semblables nous les avon tantost de nostre nativité (Oresme, E.A., c.1370, 358)

3.[Pour désigner la situation sociale]

Et par ce sunt exclus de tel honneur sacerdotal gens qui ont deffaute en nativité (Oresme, Pol. Arist. M., c.1372-1374, 306)

Le bon duc, cognoissant que c'estoit l'heritier de France et son seigneur apparant, de nativité, de nom et de plusieurs seignouries, le rechupt en ses pays et luy departy de ses biens largement (La Marche, Mém., I, c.1470, 103)

Parquoy il vous supplie, considerée la noblesse de sa nativité et les services faictz par ses predecesseurs, qu'il vous plaise de le faire banneret et le relever en banniere (La Marche, Mém., II, c.1470, 267)

4.ASTR.

a)La naissance d'un individu, considérée d'un point de vue astrologique.

...un astrologyen vous dira : «Tel, selon la constellacion de sa nativité doit estre pendu, ou doit estre nayé, luxurieux, larron ou murtrier, ou doit estre riche et tres puissant», toutes telles choses ont causes accidenteles et qui dependent de la volanté d'onme et, par consequant, nul honme humain n'en puet jugier, se ce n'est Dieu seulement. (Songe verg. S., t.1, 1378, 363)

A ce respondent les folz astronomiens et dient que la constellacion et vertu des planetes a la nativite de aucun a sa puissance en un moment et en un batre d'oeil et en un point. (Mézières, Songe vieil pèl. C., t.1, c.1386-1389, 613)

Et de toutes ces choses parlent et prenostiquent les astronomiens par la figure du ciel et l'ordonnance des estoilles a l'eure de la nativité de la personne, laquelle figure s'accorde par nature a la figure du ciel qui est a l'eure de la concepcion (Evr. Conty, Harm. sphères H.P.-H., c.1400, 25)

Pour ce dient aucuns que pour plus proprement faire aucune eleccion et plus efficaument pour aucune personne on doit considerer, se c'est chose possible, la figure du ciel de sa nativité, pour ce que la figure de la nativité, aprés celle de la concepcion a qui elle est semblable et proporcionnee, est la premiere racine et le commencement de son naturel estre (Evr. Conty, Harm. sphères H.P.-H., c.1400, 32)

b)Situation des astres au moment de la naissance.

Li science des jugemens d'astronomie si est ausi prouvee par les revolucions, par les mutacions de l'air, par les nativités, par les questions, par les elections et par les entencions... (Compil. sc. étoiles C., a.1324, 92)

Car toute nature (...) vient de la vertu du firmament, des 12 signes et particulierement selon leur figures (...) come a l'eure des revolucions de ans, grans conjunccions, eclipses, nativités, questions, et eleccions (Pèler. Prusse, Élect. L.F., 1361, 92)

Menados le Grecq, notable philosophe et astrologien, fut en ce temps moult aprecié du roy Xerxes, fils de Daire, auquel il prenostiqua sur sa nativité les infortunes qui lui advindrent (Simon De Phares, Astrol., c.1494-1498, f° 46 v°)

Onesicritus de Eginense, philosophe et perspicu astrologien, fut ententif de rediger les euvres de Alexandre et dit qu'il congneut totallement que ses faiz correspondoient à sa nativité et à une grande conjuction que le preceda. (Simon De Phares, Astrol., c.1494-1498, f° 57 r°)

Aucuns dient qu'il predist sur la nativité de Julien choses merveilleuses et l'orrible tempeste et gresle qui fut en Constantinoble, où plus de mille hommes furent periz. (Simon De Phares, Astrol., c.1494-1498, f° 90 v°)

c)Représentation de l'état du ciel au moment de la naissance ; horoscope.

De cestui plusieurs choses se pourroient bien dire, fort dignes de memoire, que je laisse, excepté qu'il aporta à Paris la nativité de la royne, la communiqua à monseigneur le chancellier Rocheffort, mon calumpniateur, lui remonstrant qu'il faisoit mal de vouloir calumpnier astrologie, actendu les utillités d'icelle (Simon De Phares, Astrol., c.1494-1498, f° 164 r°)

Faire la nativité de qqn. Établir l'horoscope de naissance d'un individu.

Philomades fut environ ce temps, car il est escript qu'il fist la nativité de Jacob, fils Ysaac, dont il fit estrange judice (Simon De Phares, Astrol., c.1494-1498, f° 20 r°)

Yparcho l'encien fut en Grece en ce temps, stipendié de Theseus et fist la nativité de son filz, nommé Ythis qu'il ot de Progné, fille du roy Pandion. (Simon De Phares, Astrol., c.1494-1498, f° 23 r°)

Maistre Michel de Pompadour, astrologien du roy, fist la nativité de Philippe de France, qui fut né l'an après, c'est assavoir mil cent LXVI. (Simon De Phares, Astrol., c.1494-1498, f° 118 r°)

Ascendant de la nativité. Degré ascendant sur l'horizon au moment de la naissance.

Cestui composa aucuns instrumens pour trouver les ascendens des nativitez qui encores sont, mais non gueres par deçà en usage. (Simon De Phares, Astrol., c.1494-1498, f° 43 r°)

d)(Science des) nativités. Une des parties de l'astrologie.

La quarte partie [de l'astrologie] est de nativités, a jugier principalment de la fortune d'un homme par la constellacion et figure de sa nativité (Oresme, Divin. C., c.1366, 54)

Et de ce parle la partie d'astrologie qui traicte des nativités. (Oresme, Pol. Arist. M., c.1372-1374, 253)

L'autre quarte partie est des nativitez. Ceste s'esforce de ramener les causes des merveilles et des diversitez que nous veons avenir es humaines nativitez au ciel et aux estoilles en supposant tousjours les dessus diz principes (Evr. Conty, Harm. sphères H.P.-H., c.1400, 25)

Pour sauver donc aucunement ce que ceste science dit des nativitez et pour tout ramener a bon entendement, nous devons soubtillement considerer que la vertu du ciel, selon la verité, ne donne pas a l'omme les vertus ne les vices, ne elle ne le fait pas estre bon ne mauvaiz. (Evr. Conty, Harm. sphères H.P.-H., c.1400, 26)

Cestui fut des premiers qui sercherent ès nativités le periode de vie et qui premier investigast les hilleaz et allcocodem et, durant sa vie, experimenta les nativités de plusieurs et veriffia lesdicts periodes moult à la vérité et precisement (Simon De Phares, Astrol., c.1494-1498, f° 17 v°)

Job, le bon patriarche et prophete, mirouer et exemple de toute patience, fut en ce temps très erudict en la science des estoilles, comme appert assez par ses vers heroïques, où il en traicte haultement, et, à bien les entendre, il conferme la partie des nativitez, mesmement l'ileg de vie et l'alcocoden, signifficateur des ans, par ce mot qu'il dit : 'Constituisti terminos ejus id est ileg et alcocoden, que preteriri non poterunt' (Simon De Phares, Astrol., c.1494-1498, f° 26 v°)

Il traicta sur les nativitez, comme dient aucuns, et eut plusieurs disciples et predist plusieurs choses dont grandes envies furent consitées sur lui. (Simon De Phares, Astrol., c.1494-1498, f° 43 r°)

[Jehan Hispalense] traicta bien compendieusement sur les quatre principalles parties d'astrologie, c'est assavoir sur les nativités, interrogacions, ellections et revolucions (Simon De Phares, Astrol., c.1494-1498, f° 112 v°)

II. -[À propos d'une chose, d'un événement] Origine.

Prendre nativité. Prendre son origine, venir.

...Déterminer présentement Du premier point et fondement, Ce est des causes primeraines, Célestiaulx et suseraines, Desqueles prent nativité La horrible mortalité Dont est un pou touchié et dit (La Haye, P. peste, 1426, 24)