MENESTREL

substantif masculin

[T-L : menestrel ; GD : menestrel, menestreul ; AND : menestral ; DECT : menestrel ; FEW (VI-2, 117a) : ministerialis ; TLF (XI, 641a) : ménestrel]

A. -Serviteur, ouvrier, artisan.

Guillaume Daigneaulz, escuier, pour 4 gentils hommes, 3 vallez, 2 fourniers et 3 menestereulx, par lettre 13 l. (Clos galées Rouen M.-C., t.2, 1341-1342, 50)

...que tout menestrel en qui main, drap u couvretures venront pour apparillier, wargent bien a l'enprendre, que li drap u couvretures aient boin plommet et souffissant, et que, depuis qu'il venra en leurs mains, il soient sougneus dou warder par quoi il demeure souffissans. (Drap. Valenc. E., 1344, 287)

Ce sont divers menestereux Qui y sont et les laboureux Sens les quiex li autre vivre Ne pourroient n'euls conduire (Guill. Digull., Pèler. âme S., c.1355-1358, 267)

Pou sont de menestereux qui N'aient grant mipartissement De fer et terre aucunement. La matiere ou leur labeur fait Est de terre ou elle en naist, Et les pluseurs a mon advis De fer ont mains de leur oustis. (Guill. Digull., Pèler. âme S., c.1355-1358, 269)

Là furent menestrel qui firent leur mestier, Cascuns endroit de lui dont il estoit ouvrier (God. Bouillon R., t.2, c.1356, 51)

Item, aussi comme du boisviceur, juglëeur et de l'ymagier et de chascun menesterel en son artifice il est aucun fait et aucune operacion et en l'oeuvre est le bien et la parfeccion [ou sens C ?] (Oresme, E.A., c.1370, 120)

C'est a savoir, le menestrel de son instrument, si comme le charpentier de sa hache... [ou sens C ?] (Oresme, E.A.C., c.1370, 439)

Remarque : Nombreux ex. d'a.fr. et doc.1354 (tous marchans, menertelz, laboureurs, et ouvriers de bois) ds GD V, 238a-c. T-L V, 1422-1423. FEW VI-2, 117a.

B. -Officier de justice ou officier d'église.

Item, affiert à dit maieur et à ses sergans, appelleis botteilhons ou menestreis [var. menestraus], et nient aux aultres, de faire et defaire bains et arestes ['bans et arrêtés'] , sens l'ensengnement des esquevins et sens eaux à appelleir (Hemricourt, Patron Temp. B., c.1360-1399, 92)

Remarque : Ex. d'a.fr. et doc.1355 (Liège, a faire ledit essay [des poids et mesures] lymestraulxdoivent avoir de chescune ayme [estimation] un denir) et 1469 (Metz, l'office de bannalmenstreyde nostre dicte ville et ban de Baccarat) ds GD V, 239a. En m.fr., semble attesté seulement dans les parlers de l'Est.

C. -Joueur d'instrument (en partic. de vielle ou de harpe), musicien (poète, artiste...) ambulant, ménestrel. (synonyme menestrier)

[Var.] Et mennestreulx [var. menestriers] pour soy desduire (Dupin, Mélanc. L., c.1324-1340, 82)

...Dames, chevaliers et pucelles, Et d'autre gent grant compaingnie, Moult joieuse et moult envoisie Qui dansoient joliement ; N'il n'avoient la instrument, Ne menestrels, fors chansonnettes Deduisans, courtoises et nettes. Quant je les vi, moult m'esjoy, Et plus, quant je les entroï. Lors alai tantost celle part. (Mach., R. Fort., c.1341, 124)

Mais qui veïst après mengier Venir menestrels sans dangier, Pingniez et mis en puré corps ! La firent mains divers acors. (Mach., R. Fort., c.1341, 145)

Faire couvenra liement, Present li, ce qu'elle vorra Et quanqu'elle commandera, Et qu'on li ait admenistrez, Pour faire feste, menestrés. (Mach., J. R. Nav., 1349, 204)

Car adonques les roys, ducs, princes et autres grans seigneurs tenoient avecques eulx les bons menestereulx et estoient honnourez et deportez plus que nulle autre gent (Bérinus, I, c.1350-1370, 2)

Avecques ce ilz orent plusieurs menestrelz de chant et de vielle, qui tous se penoient d'eulx resjoïr, car ilz estoient si plantureusement serviz de toutes viandes et de tous vins que nul ne s'en plaingnit au derrenier (Bérinus, II, c.1350-1370, 111)

Et quant ce vint au departir de la feste, il n'y ot menestrel povre ne riche qui ne feust bien paiez selon ce qu'il estoit, ou de robes ou de deniers (Bérinus, II, c.1350-1370, 163)

Un ménestrel qui joua d'un chien et d'un singe devant le Roy qui aloit aus champs ce jour, 1 escu (Comptes argent. rois Fr. D.-A., I, 1352-1360, 265)

Au[s] menestrés donnoient et lez vairs et les gris, Il n'y ot menestreul qui en voit escondis ['sans cadeau'] (Hugues Capet Lab., c.1358, 232)

Et je pense que vous estes tout le bien, la joie et toute la douceur de ce monde, a mon avis, ne sans vous ne puis avoir bien ne joie ne douceur. C'est fort a faire que j'eusse bien ne joie n'envoiseure ; toute voie je fais de necessité vertus, et ressemble le menestrel qui chante en place et n'i ha plus courecié de li. (Mach., Voir, 1364, 522)

...et comment porrai je faire joieusement et vivre dolereusement ? Par m'ame ce m'est fort a faire ; mais je ressemble le menestrel qui chante tele fois en la place, et il n'i ha plus dolent de li. (Mach., Voir, 1364, 568)

Faites me tost venir bonne erre Les menesterez qui joueront, Ou mes clers qui bien chanteront, Tandis qu'en irons nostre voie. (Mir. roy Thierry, c.1374, 338)

Et, tant que il fu à Bruges, il tint estat de prince, car tous les jours par ses menestrés il faisoit sonner et corner devant son hostel ses disners et ses souppers. (Froiss., Chron. R., X, c.1375-1400, 240)

Et la chanterés balades et motés, virelais et rondiaux, et arés menestres et menestreles qui jouront de divers instrumens, et puis enterrés en voz chambres bien parees et souef flairens, et dormirés souefvement et molement, sanz sousy et sanz noyse. (Songe verg. S., t.1, 1378, 40)

...elle s'en ala en la compaign[i]e d'icelle Jehennette veoir les jeux que les menesterelz fesoyent ès hales. (Reg. crim. Chât., I, 1389-1392, 265)

...et, jeudi derrenierement passé, se parti ledit Thevenin de ladite ville de Francouville, et lessa ladite Belon en l'ostel d'un menestrel ou joueux de guiterne, et là servoit la femme dudit menestrel, qui gisoit d'enffant. (Reg. crim. Chât., II, 1389-1392, 56)

...un compaignon menestrel, duquel elle ne scet le nom, vint veoir ledit de Ruilly (Reg. crim. Chât., II, 1389-1392, 331)

LE MARQUIS. (...) My baron, faites ça venir Menestrelz de tous instrumens, Tant que li doulz ressonnemens Face le palais retentir (Gris., 1395, 98)

Flateur mensongeux est comme menestrel du dyable qui tourne tousdis sa note selon la voulenté des escoutans ou dansans, tant se deussent trebucher, et est comme le mirouer qui rit au riant et pleure au plourant. (Gers., Annonc., a.1400, 235)

...sus la fin dou disner, entrués que on entendoit a regarder la roine, entrerent dedens la sale tronpes et menestrels qui faisoient lor mestier, et tantos apriés euls, douse chevaliers parés et vestis tous parellement et d'une livrée tres rice. (Froiss., Chron. D., p.1400, 98)

Et se tenoit li rois d'Engleterre (...) ausi joieus que onques on l'avoit veu. Et fist ses menestrels courner devant li une danse d'Alemagne que messires Jehans Camdos qui la estoit presens, avoit nouvellement raporté (Froiss., Chron. D., p.1400, 883)

...et encores par esbatement il faisoit le dit chevalier chanter avoecques ses menestrés, et prendoit en ce grant plaisance. (Froiss., Chron. D., p.1400, 883)

Finablement, la contesse prist le conte par la main, sy le mena en la sale ou la joie se renouvela au plus hault, car menestreux furent prest de faire devoir (Comte Artois S., c.1453-1467, 6)

...danses et carolles encommencèrent par la grande salle du chasteau de Lalaing ; trompettes et ménestrels commencèrent à jouer de leur mestier. Là y avoit qui jouoient de plusieurs instrumens mélodieux (Faits Lalaing K., c.1470, 8)

Lors trompettes, clairons et ménestrels commencèrent à sonner et à demener si grand bruit qu'à les oyr estoit grand mélodie (Faits Lalaing K., c.1470, 52)

...trompettes et ménestreux et autres plusieurs instrumens mélodieux de diverses manières, jouans à la mode du pays (Faits Lalaing K., c.1470, 119)

Par extension. Musicien (au service d'un grand personnage, musicien militaire...).

A l'ordenance de monsigneur Jehan Chandos s'acorda li princes, et fist sa banière mettre sus un hault buisson, pour toutes gens ralloiier, et corner ses menestrelz, et osta son bachinet. (Froiss., Chron. L., V, c.1375-1400, 56)

En cel estat où il estoient, tout ordonné et appareillié (...) et pipoient et cornoient leur menestrel en grant reviel, à heure de tierce, il fisent vuidier et partir chiaus de le forterèce de Belleperce et madame de Bourbon. (Froiss., Chron. L., VII, c.1375-1400, 219)

Le mardi le roy entra en la ville à grant gloire et à grant triumphe, et fu mené à grant foison de menestrelz et de processions de toutes les gens des eglises de Luscebonne, qui estoient venus à l'encontre de luy, jusques au palais. (Froiss., Chron. M., XII, c.1375-1400, 168)

Li compagnon comsideroient trop bien l'ordenance des François, conment il freteloient sus lors cevaus et faisoient courner lors menestrels (Froiss., Chron. D., p.1400, 383)

...et sur ce les faire so vent crier et resbaudir par cris, par trompettes et menestrelz, car aultrement nul chief de battaille, s'il puelt, ne les [ses gens] doit faire assembler. (La Sale, Salade, c.1442-1444, 244)

Et, le lendemain bien matin, lesdiz Bourguignons et Bretons vindrent bailler une raverdie devant le bolevert de la tour de Billy ; et avoient avecques eulx clerons, trompetes, haulx menestrelz et autres instrumens dont ilz faisoient grant bruit. (Roye, Chron. scand., I, 1460-1483, 94)

Et fist tant Salhadin que l'en li monstra le chevalier flamenc, pour quoy, ad ce qu'il resjouïst la compaignie, il prinst sez armez au champ de gueulez et a .VJ. besans d'or, et atout grant plenté de menestreulz, clarons et trompettez, autant par sorne comme aultrement, s'adreça lui mesmez devant le chevalier de Flandrez (Saladin C., c.1465-1468, 108)

Aux quatre ménestrelz, ledit jour, la somme de trente deux escuz d'or, pour leurs gaiges de deux moys (...) A Mengin, trompète des ménestrelz, ledit jour, la somme de douze escuz d'or, pour ses gaiges de deux moys (Comptes roi René A., t.3, 1479, 80)

Roi des menestrels. Musicien, membre de la Fourrière.

Le roy des ménestereulx, pour deniers paiez par li à plusieurs personnes pour la façon de l'auloge du Roy (Comptes argent. rois Fr. D.-A., I, 1359-1360, 209)

MÉNESTREL