MELODIEUSEMENT

adverbe

[T-L : melodïosmelodïosement ; GDC : melodieusement ; FEW (VI-1, 686a) : melodia ; TLF (XI, 608a) : mélodieuxmélodieusement]

De façon mélodieuse, agréable à entendre.

Car si melodieusement Chantoient qu'il m'estoit avis Qu'en gloire estoie touz raviz (Mir. ev. N.D., c.1348, 85)

Et là oy sonner les orgues aussi melodieusement que je feis oncques en quelconque lieu que je fusse. (Froiss., Chron. M., XII, c.1375-1400, 95)

Et quant il approucha de la dicte fontaine, il [le roi Elinas] entrouy une voix qui chantoit si melodieusement que il ne cuida pas pour l'eure que ce ne feust voix angelique, mais toutes foiz il entendy assez, par la grant doulcour de la voix, que c'estoit voix femmenine. (Arras, c.1392-1393, 6)

Lors [le roi] s'arresta tous esbahiz de la grant beauté qu'il perceut en celle qui tousjours chantoit si melodieusement que oncques seraine, faee, ne nuimphe ne chanta tant doulcement. (Arras, c.1392-1393, 6)

Car sur tous les oyseaux qui le chant et la voix humaine contrefont, le merle est cely qui le plus doulcement et le plus melodieusement chante, et qui le plus atrait les escoutans a delectacion, pour les merveilleuses manieres et diverses des melodies qu'il fait de son chant et de sa voix, especialment en printemps. (Evr. Conty, Eschez amour. mor. G.-T.R., c.1400, 693)

...si chantoient Les angelz qui devant venoient, Si tres melodieusement Que cuiday glorieusement Estre ou ciel la dont on ne part (Chr. Piz., Chem. estude P., 1402-1403, 108)

Et si y avoit autre grant nombre de clairons, trompetes, chantres, haulz et bas instrumens de diverses sortes, qui tous ensemble jouoient chacun en droit soy moult melodieusement à l'eure que ladicte royne, ses dames et damoiselles entrerent en leur basteau, dedens lequel, par lesdiz bourgois de ladicte ville, lui fut presenté ung beau cerf fait de confiture, qui avoit les armes d'icelle royne pendues au col. (Roye, Chron. scand., I, 1460-1483, 177)

Adoncques chanteront les anges ensemble le plus melodieusement qui sera possible (Myst. Pass. Troyes B., a.1482, 223)

MÉLODIEUSEMENT