MESFAIRE

verbe

[T-L : mesfaire ; GD : mesfaire, mesfaisant ; AND : mesfaire ; DECT : mesfaire ; FEW (III, 348b) : facere ; TLF (XI, 582a) : méfaire]

A. -[Idée de mauvaise action]

1.Emploi intransitif. Mal agir, faire du tort, commettre une faute.

Et il li dist : 'Ma dame chiere, Moult me poise, quant sa venistes. Pour quel cause ne vous tenistes En vostre siege toute coie ?' - 'Trés chiers sires, se Dieus me voie, Jamais ne l'eüsse einsi fait, Car trop pensasse avoir meffait. Car on dit - et c'est chose voire Qu'il est assez legier a croire - Qu'entre les grans et les meneurs A tous seigneurs toutes honneurs...' (Mach., J. R. Nav., 1349, 187)

Car quant dame son ami aimme, Dou droit d'Amours pour sien le claimme Et puet clamer, ce m'est avis. Or resgardons sus ce devis, Comment li chevaliers meffist : Ce qu'elle amoit, il le deffist, Qui estoit sien dou droit d'Amour. (Mach., J. R. Nav., 1349, 264)

N'asservi mie tes subjès, Car tu les dois tenir adès En leur droit et en leur franchise Qu'ont de toy et des tiens acquise. Et s'il meffont, si leur fay grace, Car il n'est homs qui ne mefface. (Mach., C. ami, 1357, 136)

...puis que j'ay en mi Cuer si loyal qu'il ne saroit meffaire, Vous ne devés vo cuer de moy retraire. (Mach., L. dames, 1377, 208)

Mal an et male journée Puist avoir cilz qui meffait, Tant qu'il bée Qu'empirée Soit dame et deshonnourée Ou blasmée par son fait. (Mach., Les lays, 1377, 454)

Car elle est de si bonne aire Et d'affaire Tel que traire Ne scet à mal ne meffaire (Mach., Les lays, 1377, 335)

Au fort, qui nous en punira, Nous serons pugniz sans meffaire. (Gréban, Pass. J., c.1450, 401)

Se j'ay meffait, pourquoy me voullez vous rappeller et de si hault office me chargier ? (La Sale, Sale D., 1451, 80)

Si ne crains avoir despendu Par friander ne par lescher ; Par trop amer n'ay riens vendu Qu'amis me peussent reprouchier, Au moins qui leur couste moult cher ; Je le dy et ne croys mesdire. De ce je me puis revanchier : Qui n'a meffait ne le doit dire. (Villon, Test. R.H., 1461-1462, 35)

En ce point je n'ay point meffait : Car se l'en m'eust pris sur le fait. Dieu scet comme il me fust mescheu. (Fr. arch. B., c.1468-1480, 43)

Raby, si j'avoye mesfait, Pardonne moy, je t'en supply. (Pass. Auv., 1477, 156)

En particulier. Tomber dans le péché.

Et puis qu'il m'a fait ceste grace, Afin que l'enfant ne mefface Mais viengne a bien et vive a age, Du saint sepulcre le voyage Voulray faire brief sanz delay (Mir. fille roy, c.1379, 11)

JHESUS. ...Va et te garde de meffaire ; Ne peche plus, vueilles bien faire Et bien te vendra en la fin. (Gréban, Pass. J., c.1450, 184)

Saint Jehan Baptiste ainsy le fist [de montrer le bien] , Quant l'Aignel de Dieu descela ; En ce faisant pas ne mesfist, Dont sa voix es tourbes vola, De quoy saint Andry Dieu loua, Qui de lui si ne sçavoit rien, Et au Filz de Dieu s'aloua : On doit dire du bien le bien. (Villon, Poèmes variés R.H., c.1456-1463, 42)

[Associé à mesprendre]

Or pri Amours que si le face Que n'i mesprengne, ne mefface, Car il n'est riens dont tant m'esmaie, Ne de quoy si grant doubtance aie, Que de ce que trop po ne dure Pour li servir sans mespresure ; Et j'en ay bonne volenté. (Mach., D. Lyon, 1342, 236)

Et se Dieus me donne la grace Que n'i mespreingne ne mefface Et qu'elle soit a vostre gré, Je seray en si haut degré Que j'en vivrai plus liement, Car vous sarez mon sentement. (Mach., F. am., c.1361, 150)

Et quant Nature me commande Et li dieus d'Amours, que j'entende Aus choses dessus proposées, Seur l'onneur des dames fondées, Bien est raison que je m'aplique A faire leur bon plaisir, si que Je n'i mesprengne ne mefface. (Mach., Prol., c.1377, 11)

Sans mesfaire

Pour ce l'ameray loyaument Et serviray celéement Com vrais amis loyaus, parfais, Qui vueil et par dis et par fais Dou tout en tout son voloir faire Et li honnourer sans meffaire Jusques a mon definement (Mach., D. verg., a.1340, 55)

Helas ! s'en ay tant de contraire Que je ne say quele part traire, N'en moy joie plus ne repaire, Ne gaieté. Car pour ce que j'aim sans meffaire, Tu me vues de tous poins deffaire, Se la trés douce debonnaire N'en a pité. En toy en est, bien t'en couveingne, Car je sui tiens, comment qu'il prengne. (Mach., R. Fort., c.1341, 47)

Mais toutes pas teles n'estoient, Car maintes dames le faisoient Einsi comme Amours le devise, Sans mal engien et sans feintise, De fin cuer loial, sans meffaire, Dous, humble, courtois, debonnaire, Par franche liberalité Et de fine pure amité. (Mach., D. Lyon, 1342, 218)

Douce dame, tant vous aim sans meffaire De cuer, de corps, de desir, de penser, Que nulle autre, fors vous, ne me puet plaire En maniere que la peüsse amer. (Mach., L. dames, 1377, 73)

Car je vous aim si sans meffaire Que nulz cuers ne porroit amer Plus loyaument, et sans retraire Vous vueil servir et honnourer. (Mach., L. dames, 1377, 130)

Si me vueil de sa biauté taire, Pour ce que retraire A point, sans meffaire, Son gent corps et son bon affaire Ne porroie en cinc cens mil ans, Car Nature ne scet mais faire Un si doulz viaire. (Mach., Les lays, 1377, 393)

Mesfaire contre/vers/envers qqn/qqc.

Car li cuers trop se destruit et mehaingne Qui en tel pleur et tel doleur se baingne ; Et recorder Voit on souvent qu'on doit tout oublier Ce qu'on voit bien qu'on ne puet amender, Ne recouvrer par pleindre ne plourer. S'einsi le font, Vers Loiauté, ce dist, pas ne meffont ; Mais s'en ce plour pour amer se meffont, Homicides de leur ames se font Et de leur vie. (Mach., J. R. Beh., c.1340, 132)

Mon treschier seigneur, je m'assens A tout ce qui vous plaist a faire. Se Dieu plaist, je ne quier meffaire Vers vous en rien. (Mir. nonne, 1345, 336)

Car, par m'ame, mes cuers tant de mal trait C'onques nuls cuers, sans mort, plus n'en senti. Et pas ne l'ay envers vous desservi. Si ne puis pas vivre einsi longuement, C'onques vers vous n'en pensée n'en fait Je ne meffis, ains ay celeement En loyauté vostre service fait. (Mach., L. dames, 1377, 79)

Si m'est vis qu'envers moy meffait, Quant d'un regart m'eüst refait, Se souffert le m'eüst à faire. (Mach., Les lays, 1377, 304)

...je prie a Dieu qu'il m'aide Et me pardonne le meffait Dont je congnois que j'ay meffait Contre sa haulte magesté. (Gréban, Pass. J., c.1450, 28)

SAINT PIERRE. Pour Dieu, mon maistre, se je suis Celuy qui vostre mort procure, Dictes le au plain, car je n'aye cure Que me cellez ung tel meffait, Affin, se j'ay vers vous meffait, Tous mes compaignons me destruisent. (Gréban, Pass. J., c.1450, 241)

Mesfaire sus qqn. Causer des dommages à qqn.

Et quant la nuit venir [le roi Pierre] veoit, En navige se retraioit. Et y faisoit sa gent retraire. Mais de jours aloient meffaire Sus Sarrazins, et destruisoient Et tuoient quanqu'il trouvoient. (Mach., P. Alex., p.1369, 213)

infinitif substantivé. Mauvaise action, ici crime.

Horrestès, filz Agamenon, Sceut cecy, pas ne lui fut bon : Moult plaingnit la mort de son pere Et la traison de sa mere, Son meffaire et sa puterie. (Desch., M.M., c.1385-1403, 86)

Proverbe. En mesfaire il n'y a qu'amendement. Une faute ne demande ni plus ni moins que réparation.

Et dist [le conte] : 'chius Dame-Diex, qui maint el firmament, Qui nous donne le vin, et le pain et le fourment, Gart ceste compaingnie, que je voi en présent ! Et le royne Rose trestout premièrement, Comment que je me plaingne de son engenrement ; Mais il n'a en mesfaire fors que amendement...' (Baud. Sebourc B., t.1, c.1350, 178)

2.Emploi pronominal.

Mal agir, mal se conduire, commettre une faute.

Hons religïeux et clergiez Qui se meffait est trop chargiez, Pour ce qu'il scet que pechié monte. (Dupin, Mélanc. L., c.1324-1340, 124)

Encor s'el pooit avenir, Qu'elle fust de bonne mort morte, Se vaurroit il mieus, drois la porte, Qu'elle demourast toute vive. Car tant com la personne vive Qui se mefferoit par folour, On n'en a peinne, ne dolour, Grieté, souffrance, ne meschief, Dont on ne veingne bien a chief. (Mach., J. R. Nav., 1349, 200)

L'EMPERIÉRE. Dame, (...) prenez convoy Et vous en alez au moustier Prier Dieu (...) Que mon mal estaingne (...). BRUN (premier chevalier). Ma dame, il dit bien, et sachiez Qu'en ce ne pouez vous meffaire (Mir. emper. Romme, 1369, 240)

Mes tous seuls, pour oster l'escandle Dont je voel ores qu'on m'escandle, Me mesfis, dont moult me repens (Froiss., Joli buiss. F., 1373, 49-50)

Sire, par vostre force, non de droit, vous me ostez et tollez les drois de mon eglise, dont en ce vous vous meffaites grandement. (Froiss., Chron. M., XII, c.1375-1400, 173)

Li rois a esté rois d'Engleterre ; et quoique il se soit mesfais, ensi conme il est apparans, par ses oevres, il a tout ce fait par mauvais enort et consel. (Froiss., Chron. D., p.1400, 89)

Maint se meffait, qui depuis reuient a bon chemin. (Miélot, Mir. N.D. W., 1456, 71)

...car elle [Vergogne] vient de meffait, et le vertueux homme en tant comme vertueux ne se meffait point (La Sale, Sale D., 1451, 196)

Car tous jours as esté feable Envers nous sans toy riens meffere (Oudin, St Genis M.S., c.1490, 54)

Se nuire à soi-même.

...dont, s'il se fust chaudement et yreusement vengié, il se fust plus meffait qu'il n'eust fait grant vengance. (La Sale, Sale D., 1451, 152)

Se mesfaire de qqc. Se rendre coupable de qqc..

JHESUS. Cinq mariz as eu d'un tenant Et cil que tu as maintenant N'est pas tien ; dont tu t'es meffaite. (Gréban, Pass. J., c.1450, 157)

Se mesfaire en qqn. Mal agir envers qqn, se mettre en tort envers qqn.

Mais, elle [la femme de Louis de Savoie chassée par un usurpateur] venue à Venise et ses doléances faites du cas, fut restituée et remise en recouvrance du sien, et puny celuy qui s'estoit méfait en elle. (Chastell., Chron. K., t.4, c.1456-1471, 194)

Se mesfaire vers/encontre/envers qqn. Commettre une faute envers qqn, faire du tort à qqn.

Mais sans doubtance, Quant il l'aimme de toute sa puissance, Et sans cause le met en oubliance, Il doit dancier einsi comme elle dance, Nom pas qu'il face Chose de quoy il puist perdre ma grace ; Car s'il la laist, et ailleurs se pourchace, Je ne tien pas qu'envers moy se mefface. (Mach., J. R. Beh., c.1340, 126)

Vous avez un point soustenu Dont po d'onneur vous est venu, En ce que ma dame de pris Avoit seur la segoingne pris, Comment elle est a la mort traite, Quant envers son male est forfaite. Cuidiez vous qu'elle vosist dire Qu'on meïst la dame a martyre De la mort, qui se mefferoit Envers celui qui l'ameroit ? Nennil ! voir ! ce seroit folie. Ne ma dame ne maintient mie Qu'il la face tuer ne tue ; Mais elle tient qu'il s'esvertue Encontre les temptations Des fausses cogitations Qui porroient en lui venir. (Mach., J. R. Nav., 1349, 199)

...si me garde Qu'envers li ne pense ne face Chose qui son honneur efface ; Car en cas que je le feroie, Envers Amours me mefferoie Et tout le bien que j'ai de li Seroit mort et enseveli, N'Amours jamais ne demourroit En moi, dont mes las cuers morroit (Mach., Voir, 1364, 326)

J'ay plus chier a avoir le chief Yci coupé en ceste place Qu'envers Jhesus tant me mefface Que le renie. (Mir. st Panth., 1364, 366)

E ! mon chier ami, peut il estre Qu'une autre demande vous face, Mais qu'envers vous ne me mefface Conme enuieux ? (Mir. Amis, c.1365, 6)

Et au donner m'a dit que vrais Li sui et loyaus amoureus Et qu'en riens ne me sui meffais Vers li, dont moult sui mervilleus ; Car je n'ay espoir ne recours, Cuer, penser ne desir aillours, Mais seulement de volenté Ma dame m'a congié donné. (Mach., Bal., 1377, 549)

User de sévérité et de rigueur envers qqn.

Prioit aussi au nom de tous délinquans qu'il [le duc de Bourgogne] les voulsist recevoir en miséricorde, et qu'envers eux il ne se meffist plus qu'envers autres, dont oncques il n'avoit esté rattaint de mespris. (Chastell., Chron. K., t.4, c.1456-1471, 168)

3.Emploi transitif indirect.

Meffaire à qqn. Faire du tort, nuire à qqn, mal agir envers qqn.

LE MARI. Elas ! Chetif ! Qu'ay je meffait A vostre filz, vierge Marie ? (Mir. enf. ress., 1353, 57)

Daires commanda qu'on preïst La pierre et qu'on la remeïst Dessus l'entree de la fosse. Car il vuet savoir, qui qu'en grosse, Et vëoir que ce devenra Et quel fin la chose penra. Si seëla de son anel La pierre moult bien et moult bel. Aussi firent si consillier. Mais ne s'en doit nuls mervillier, Qu'il ne voloit qu'on li peüst Meffaire, qu'il ne le sceüst. Si s'en part, Daniel demeure. Mais chascuns des lions l'onneure Et li fait feste et reverence, Sans moleste, sans violence. (Mach., C. ami, 1357, 40)

Il aimme bien ses bons amis Et si het fort ses annemis ; Car voisin n'a, s'il li meffait Qu'il ne soit amendés de fait. Pais a mis par toute Alemaingne, En Osteriche et en Behaingne, En Misce, en Baiviere, en Hongrie (Mach., P. Alex., p.1369, 32)

Ou vous les metez en servage Enchaainnez en une cage, Par quoy ceuls qui dessa venront Et en tel estat les verront Prengnent en eaus tel exemplaire Que mais ne vous osent meffaire. (Mach., P. Alex., p.1369, 200)

Li sires de Lesparre est cy Qui a le cuer teint et nercy Pour ce que trop vous a meffait. Si amendera son meffait A vostre gré et à mon dit ; Et, biaus fils, vous savez qu'on dit, Et toute raison s'i acorde, De pecheur misericorde. (Mach., P. Alex., p.1369, 238)

Vous avez ouvré follement, Et mauvais consaus vraiement Vous a si meü, que de fait Au roy de Chypre avez meffait. Vous li avez escript paroles Qui sont rudes, nices et foles, Et mauvaisement contruvées, Que mar fussent elles pensées. (Mach., P. Alex., p.1369, 242)

Un petit de lui s'eslongna, Et devant lui s'agenouilla, Si li a dit moult humblement Et moult très honnourablement : 'Monseigneur, je vous ay meffait De cuer, de pensée et de fait, De volenté et par escript, Car mal à point vous ay escript. Dont je me repen, sans mentir, Tant com je m'en puis repentir...' (Mach., P. Alex., p.1369, 243)

Se je me fusse envers Amours meffais, Bien me deüst de ma dame eslongier ; Mais je sçay bien qu'onques n'en dis n'en fais Ne li meffis, dont se deüst courcier, Ce m'est avis, qui vuet à droit jugier. Quant je me plein, nulz ne m'en doit blasmer, Puis qu'en amer ne puis trouver qu'amer. (Mach., L. dames, 1377, 39)

...combien, ma belle dame, que je vueil bien que vous sachiez que je ne suiz mie venus par de ca pour guerroier dames ne damoiselles, Dieux m'en gart. Et soiez toute seure que a vous ne a voz gens ne a vostre forteresse, je ne souffreray rien a meffaire ou cas que vostre mary n'y soit. (Arras, c.1392-1393, 209)

...qu'a Romme ne face Nul grief, n'a Rommains ne mefface. (Chr. Piz., M.F., III, 1400-1403, 195)

La Court a fait defense à Amiot Viard, sur peine de cent marcs d'or, qu'il ne mefface ou face meffaire à maistre Jehan Mengin, conseillier du Roy nostre sire. (Fauq., I, 1417-1420, 159)

...vous, qui estes armé (...) a qui il a trop plus meffait que a moy, ne l'avez osé assaillir ne moy defendre ? (C.n.n., c.1456-1467, 52)

Comment ! dit il, voulez vous morir sans pardonner a ceulx qui vous ont meffait ? (C.n.n., c.1456-1467, 516)

...et commanda le roy de sa bouche audit duc d'Alençon que, sur sa vie, il ne lui meffist ne feist meffaire, en lui disant qu'il le mettoit en sa main, protection et sauvegarde, ensemble sa famille et biens. (Roye, Chron. scand., I, 1460-1483, 189)

SAINCT MARTIN [à l'empereur] . (...) Plains toy de moy quant je te mefferay. Puisque tu dis que je serche la fuyte, Dire te vueil ce que demain (je) feray : Saiche de vray que poinct ne m'armeray Ne dessus moy n'auray beston në armes ; Devant tes gens ainsi je marcheray (La Vigne, S.M., 1496, 246)

[D'une chose] Nuire, faire du mal à qqn.

Et si ne mesfist point la fouldre A ceulx qui après li s'esterent (Tomb. Chartr. W., c.1337-1339, 124)

NOSTRE DAME. Feu, je te deffens et forclos Que sur ceste femme ne passes Ne que de riens tu li meffaces. (Mir. femme, 1368, 217)

Mesfaire à qqc. Endommager qqc..

[Les parroissiens et habitans ont en la forest de Montfort] la branche de XVII piés en hault et le tiers fourq, le mendre, sanz meffaire à l'arbre, hors deffens. (Hector De Chartres, Cout. R., 1398-1408, 130)

Participe passé. Corrompu, vicié.

...l'omme doit eviter la puantise des latrines, et du retraict et toutes aultres infections particulieres de l'air, come sont les infections de la [cuisine], et d'aulcunes fosses et lieux ou sont mis les corps mors et les os des mors, et fault eviter l'air prochain des eaues ou sont mis le lim et le chenesve pourry, car l'air mefait fait les esperis infect en corps humains et tresgrandement nuyt au cerveau. (Rég. santé corps C., 1480, 45)

4.Emploi transitif. [Le compl. d'objet est uniquement chose, rien ou un pronom personnel]

[Le compl. désigne un délit] Mesfaire qqc. Commettre qqc..

Si ne say, s'il prent la vengence De ce qu'as meffait en t'enfance (Mach., C. ami, 1357, 73)

Et disoit, ycellui prisonnier, que plus ne autre chose il n'avoit meffait que les larrecins dessus declarez, lesquelx il avoit faiz lui seul (Reg. crim. Chât., I, 1389-1392, 223)

...disant et affermant par serement icelles confessions estre vrayes, et que oncques ne meffist autre chose que dit est cy-dessus. (Reg. crim. Chât., I, 1389-1392, 227)

Et dit que de là il s'en ala en un vilaige nommé Chauffour, de la parroisse de Limay, où il coucha par une nuit, sans aucune chose y meffaire (Reg. crim. Chât., I, 1389-1392, 460)

...parmi payant lesqueles raençons ou patis, il qui parle n'a aucune chose mesfait, prins, pillié, robé ou couru la terre dudit conte Dalphin, mais icelle lui a gardée à son povoir du mieux qu'il a peu et sceu. (Reg. crim. Chât., II, 1389-1392, 204)

La chouse n'est pas fort honeste, Couper la teste D'un homme qui n'a riens meffait, Et, par Dieu, j'ay esté bien beste D'estre en feste Ou ung si grant mal a esté fait. (Pass. Auv., 1477, 107)

[Le compl. désigne un tort fait à qqn] Mesfaire qqc. à/vers/envers qqn

Si pri a Dieu que jamais ne mefface Chose envers vous qui nostre amour efface, Et que vo vueil Puisse acomplir, einsi com je le vueil Faire, humblement, sans hautesse, n'orgueil. (Mach., J. R. Beh., c.1340, 81)

Ma chiere dame, S'il y a chose ou il ait blame Ne se je vous ai riens meffait, Pour Dieu, corrigiés le meffait (Mach., Voir, 1364, 240)

Doulz amis, que t'ai je meffait ? De cuer, de pensee et de fait Ai toujours ta volenté fait Sans deshonnour (Mach., Voir, 1364, 524)

J'ai bien veu ce que vous m'avés escript, que jamais vous ne serés en doubte ne ne penserés que je vous oublie ; car par ainsi je vous pardoing ce que vous m'avés meffait. (Mach., Voir, 1364, 560)

Quant li roys oy la nouvelle, Il dist : 'Ma doleur renouvelle, Quant je voy qu'on me tient si vil, Qu'on dit villenie à mon fil ! Biaus dous Dieux, que t'ai je meffait ? Ne sera pugnis ce meffait ? J'ay perdu honneur et loange En ce monde, se ne m'en vange.' (Mach., P. Alex., p.1369, 258)

Dame, mercy vous requier humblement, Se j'ay vers vous nulle chose meffait, Qu'il vous en plaise à vo commandement Penre seur moy l'amende et le meffait (Mach., L. dames, 1377, 79)

: ...espoir les Londriens ne vous heent pas, car vous ne leur avez riens meffait. (Froiss., Chron. M., XIV, c.1375-1400, 59)

Jehan Eustace, mon compere et ami, qu'avez-vous ? Que vous a l'en meffait ou mesdit ? (Reg. crim. Chât., I, 1389-1392, 416)

...lui qui parle et ledit Maceot s'en alerent au giste en la ville de Vittry, sanz aucune autre chose mesfaire ou mesdire à nulle personne quelconques (Reg. crim. Chât., II, 1389-1392, 230)

Par foy, dist Anthoine, se j'eusse eu voulenté de leur porter contraire, je leur eusse fait savoir. Et aussi je n'ay pas cause de le faire, car je ne scay pas que ilz m'aient riens meffait, ne aux miens, combien que ilz m'y font penser quant ilz se deffient de moy qui oncques riens ne leur meffiz. (Arras, c.1392-1393, 175)

Ha ! ma tresredoubtee dame, et que vous ay je mesfait ? Est il personne ou monde qui osast dire et soustenir que je ne vous aye tresloialment amee et servie de tout mon pouoir ? (La Sale, J.S., 1456, 289)

Ha ! Jehan, mon amy, je vous cry mercy, pardonnez moy si je vous ay rien meffait (C.n.n., c.1456-1467, 290)

'Et vien ça ; qu'as tu meffait a ton pere qui te veult tuer ?...' (C.n.n., c.1456-1467, 325)

Sans rien mesfaire

Et pour ce à vous, tres douce debonnaire, Doing tout mon cuer, comme à la miex amée Qu'onques amast amis sans rien meffaire, Sans ce qu'amours y soit en riens faussée, Car à toutes mes loyaus cuers se vée, Fors qu'envers vous que je serf en espoir. (Mach., L. dames, 1377, 112)

[D'une chose] Faire du mal, être nocif.

Lesquelles choses [sucrées] doit-on prendre Aprez l'asil, sans moult attendre, Maiz vin aigre riens ne meffait De franc roisin et sec extrait ; Naturelment ne peut il nuire Qui le veult mesler et confire Sagement avec la racine De caparis, une herbe digne (La Haye, P. peste, 1426, 126)

[Avec compl. d'obj. interne] Mesfaire un mesfait. Commettre une faute.

...Conme celle qui a meffait Contre Dieu trop vilain meffait. (Mir. abbeesse, 1340, 96)

5.Participe présent en emploi substantival masculin. Mesfaisant. Malfaiteur, fauteur de troubles.

...et si revint en Engeltere pur meintener la pes et chastiser les meffesauntz. (Chron. London A., c.1350, 67)

JUSTICE. '...Ge doy de ceulx qui vous meffont Et qui contre vostre estat vont Prendre venjance et justicier Et touz meffaisans chastier...' (Guill. Digull., Pèler. âme S., App., p.1358, 375)

Pécheur.

Il n'ont nul aultre pensement Que de mener esbatement, Mais tel chose ne poet durer. Diex ne poet tous jours endurer, Ains voelt punir le meffaisant (Pastor. B., c.1422-1425, 59)

B. -[Idée de déshonneur, de tort fait à l'honneur de qqn]

Emploi pronominal. Se déshonorer, se déconsidérer.

Et ja Ihesu Cris ne consente Qu'en fil de roy traïson s'ente, Car mieus vaurroit mort par honnour Que vivre à tele deshonnour ; En ce cas, especialment, Car trop ouvreroit folement Et trop griefment se mefferoit Li homs qui traïson feroit, Comment qu'en nul cas rien ne vaille. (Mach., P. Alex., p.1369, 264)

Qu'aler ne puis vers ma dame souvent, Et quant je y sui, à li ne puis parler, Ne je ne l'os veoir ne regarder. Et miex morir ameroie, pour voir, Que par autrui li feïsse savoir Comment je l'aim, car trop me mefferoie, Se de m'amour en autrui me fioie. (Mach., L. dames, 1377, 33)

Mais, tres chier oncle, de moy si tost marier après la mort de mon pere, je ne monstreroye pas que j'en eusse gaires de douleur de sa mort. Et me semble que je me mefferoye trop et en seroye blasmee moult durement en derriere ; et tel me monstre belle chiere qui en tendroit moins compte de moy. (Arras, c.1392-1393, 189)

Mais le bon chevalier n'avoit garde de soy tant mesfaire, ne de souiller des nobles vertus monstrées en tant de lieux, par une lâcheté de coeur prise en une menace de fortune (Chastell., Chron. K., t.4, c.1456-1471, 181)

Se mesfaire en son honneur. Se déshonorer.

...leur estoit [à ces chevaliers] une bien dure chose a veoir et savoir que ung de leurs freres [de l'ordre de la Toison d'or] , et encore ung si hault et si noble prince, s'estoit meffait en son honneur et venu a telle condempnation (Chastell., Chron. IV, D., c.1461-1472, 122)

Mesfaire son honneur. Se déshonorer.

Car s'il est riens que puisse faire Pour vous, sanz mon honneur meffaire, Je le feray tresvoulentiers (Mir. emper. Romme, 1369, 260)

[D'une femme]

Se mesfaire. Se déshonorer, commettre l'adultère.

Espoir Lion de Bourge a qui estoit la duché Si ot une moullier plainne de grant biaulteit, Pais ne jut avec lie tous lez jour de son aiez Et se elle se meffit elle fit folleteit. (Lion Bourges K.P.F., c.1350, 920)

C'est mes argus, ossi ferés Ne ja vous ne vos mesferés, Mais poursieurés tres volentiers D'onneur tous les milleurs sentiers. Toutes fois, fille, entendés chi... (Froiss., Dits Débats F., 1363-1393, 118)

JOSEPH....Que dis tu, meschant homme Que je suis ? Il est verité Et par pure necessité, Puisqu'engendre est en elle faicte, Il fault qu'elle se soit meffaicte, Car de moy n'est il pas venu (Gréban, Pass. J., c.1450, 59)

Dune [l. d'une] femme qui se meffaisoit auecques ung cheualier marie [l. marié] , et saluoit la vierge Marie soigneusement dun [l. d'un] Ave Maria (Miélot, Mir. N.D. W., 1456, 12)

Se mesfaire de son corps

...et celle royne se meffist de son corps, pourquoy elle fut du roy separée et fut emmurée au Chastel Gaillart. (Chron. norm. 14e M., c.1369-1372, 31)

Emploi intransitif. Mesfaire de son corps

LA PREMIERE FEMME. Que vous estes sotte ! Sçavez vous pas que j'ay esté, Que je suis et tousjours seray Celle que ['qui'] jamais ne meffist De son corps. (Deux hommes deux femmes T., c.1500, 439)

C. -[Idée de faute, de culpabilité]

Se mesfaire encontre/envers qqn. Se rendre coupable envers qqn et encourir ainsi une peine.

Et leur commanda et enjoindi, sur quanqu'il se pooient meffaire envers lui, que il fuissent à ces signeurs et à ces gens courtois, et les fesissent yaus et leurs gens tenir en pais, car il estoient en se garde. (Froiss., Chron. L., VI, c.1375-1400, 56)

'Si vous commant, en quant que vous vous povez meffaire encontre moy et par la foy et lignaige que vous me devez, que le chastel de Lourde vous me rendez.' (Froiss., Chron. M., XII, c.1375-1400, 61)

...la Court defent de par le Roy, sur peinne de corps et de biens et sur quanques un chascun se puet mesfaire envers le Roy, que aucun, de quelque estat ou condition qu'il soit, d'ores en avant ne die, publie, afferme ou enseigne en la signeurie du Roy qu'il soit loisible à quelque vassal ou subgiet ou autre occirre aucun par aguet (Baye, II, 1411-1417, 270)

Se mesfaire de qqc. Se rendre coupable de qqc..

JHESUS. Cinq mariz as eu d'un tenant Et cil que tu as maintenant N'est pas tien ; dont tu t'es meffaite. (Gréban, Pass. J., c.1450, 157)

Participe passé. Mesfait. Coupable.

'Tres chier Seigneur vous aves [l. avés] oï comment le proculeur des humeins, la Char et le Monde, se tiennent pour meffais, de tant comme il ont creu Sathan...' (Henri Ferr., Modus et Ratio, Songe pest. T., c.1354-1377, 89)

...trop sui mesfés Quant je gardoie un tel tresor (Froiss., Joli buiss. F., 1373, 67)

Pendant ce temps, le comte dessusdit y vint à grant regret encore, ce disoit-on, et à bien envis ; car se sentoit durement mesfait et offenseur en la maison. (Chastell., Chron. K., t.5, c.1456-1471, 70)

Sy fut ceste response rapportée en Gand, et joyeusement reçue du peuple et tournée à bon espoir, quand encore il daignoit les souffrir venir vers luy, si mesfaits comme ils se cognoissoient. (Chastell., Chron. K., t.5, c.1456-1471, 291)

Mesfait envers qqn. Coupable envers qqn.

Pour Dieu, levez sus. Je ne quier Point, sire, telle humilité Con ci faites, qu'en verité Vers moy de riens n'estes meffaiz (Mir. femme, 1368, 219)

...les cappitainnes de Gaind si se sentoient si meffait envers leur signeur le conte (...) que il n'esperoient mies que (...) il peuissent jamais venir à paix (Froiss., Chron. R., IX, c.1375-1400, 229)

Emploi substantival.

...du costé des trois estas du pays qui tous se ruèrent à genoux, prist l'un la parole et commença à faire ses persuasions en vers le duc en termes les plus humbles du monde, pour le traire à mercy et miséricorde envers eux, souverainement les meffais, et alléguant qu'en tout temps passé il avoit esté coustumier de la monstrer (Chastell., Chron. K., t.4, c.1456-1471, 167)

MÉFAIRE