MINUIT

substantif féminin

[T-L : mïenuit ; GDC : minuit ; AND : mienut ; DECT : mïenuit ; FEW (VII, 215b) : nox ; TLF (XI, 861b) : minuit]

A. -La minuit. Le milieu de la nuit.

'Y a il point ycy de son urine ? - Celle de la mynuyt y est, dit une des meschines.' (C.n.n., c.1456-1467, 135)

L'heure correspondante.

Quant Amours si fort enlassoit Leandus, que la mer passoit A no, sans batel n'aviron, A la minuit ou environ, Li fols qui tant y trespassa Que d'amer en mer trespassa, Il fist trop plus et plus souffri Que Hero qui a mort s'offri (Mach., J. R. Nav., 1349, 252)

...mais celle vespree ne paurrent il point passer la mer jusques a la mienuit (Jean Le Long, Voy. Odoric A.M., 1351, 15)

Il regardèrent par devers le montagne, si ne veirent nullui, car li Escot s'en estoient partit à le mienuit. (Froiss., Chron. L., I, c.1375-1400, 67)

Puis se parti de Brait entour le mienuit. (Froiss., Chron. L., II, c.1375-1400, 146)

Le lundi ensuivant, .XXIJ.. jour de novembre, devant la minuit, partismes dudit lieu de la Moiteria pour venir au Caire (Voy. Jérus., c.1395, 58)

...il regarderent par deviers la montagne ou il pensoient les Escos, si ne veirent nului, car il s'en estoient parti a la mienuit. (Froiss., Chron. D., p.1400, 146)

Ung soir environ la mynuyt il descendit de sa montaigne. (C.n.n., c.1456-1467, 98)

Elle attendoit son mari si tost que la mynuyt seroit sonnée. (C.n.n., c.1456-1467, 390)

Et je troussay mes agoubilles pour m'en tourner dormir car la minuit approchoit. (Ev. Quen. I, c.1466-1474, 99)

Raconte que en son temps, le tiers des ydes de decembre, environ la mynuit, les estoilles cleres et descouvertes, le XIIIe jour de la Lune, fut eclipse (Simon De Phares, Astrol., c.1494-1498, f° 115 v°)

Il fist le jugement sur la nativité de dame Yolland, duchesse de Savoye et fist la nativité du duc Amé de Savoye qui fut l'an mil IIIIcXXXV, le premier jour de fevrier, aucun peu après la minuyt, où il dist choses certaines que puis l'experience a monstrées veritables (Simon De Phares, Astrol., c.1494-1498, f° 155 v°)

B. -Minuit. Heure de minuit, minuit.

Et sachiés certainement que je songai, environ la Sainte Croix, que vostre ymage me tournoit la teste et ne me daingnoit regarder ; et estoit vestue de vert, qui signifie nouveleté, dont je fui en si tresgrant merancolie que nulz ne le porroit penser. Et a mienuit fis alumer chandelles pour regarder se c'estoit vray ; et quant je vi le contraire, je le baisai et prins a rire, et dix que Morpheus se moquoit de mi, et m'endormi, toute nuit, en pensant a vous. (Mach., Voir, 1364, 520)

'Se il avient ainsi que sur le point de la minuit ilz se deslogassent et se voulsissent retraire, nous nous deslogerons aussi. Ilz ne nous pevent fuir ne eschapper.' (Froiss., Chron. M., XII, c.1375-1400, 152)

...et pour ce que ycellui Andry avoit grant finance d'argent, laquelle il lui avoit monstrée pluseurs foiz, il qui parle, environ mienuit, conçupt en soy et advisa que il tueroit ledit Andry et lui embleroit la finance dessus dite. (Reg. crim. Chât., I, 1389-1392, 127)

...nagueires, environ la Saint-Martin d'iver derrenierement passée, avoit esté fait un très mauvais murtre, environ minuit, en la ville de Soucy (Reg. crim. Chât., II, 1389-1392, 375)

Et chevaucha tant que la nuit le prist et que il fu myenuit. (Arras, c.1392-1393, 23)

...et couchierent tous armez la nuitie. Et un pou après minuit, Gieffroy monta a cheval (Arras, c.1392-1393, 228)

Le dimenche partismes d'illec dès minuit et errasmes environ .IV. ou .V. milles près du flun Jordain (Voy. Jérus., c.1395, 36)

Devant mienuit un petit, on sonna les tronpetes. (Froiss., Chron. D., p.1400, 131)

Environ mienuit, vinrent li premier en l'oost, dont on ot grant joie (Froiss., Chron. D., p.1400, 134)

...il fu ordonné en l'oost le roi d'Engleterre que on se deslogeroit sus le point de mienuit (Froiss., Chron. D., p.1400, 335)

...et soupoit à minuit, et aloit coucher au point du jour ou à soleil levant (Baye, II, 1411-1417, 232)

Ce jour, après mynuit, vindrent courir devant Paris les gens d'armes de la garnison de Montlehery (Fauq., I, 1417-1420, 168)

Laquele chose ainsi retraite Doit principalement estre faite, Comme met le Livre en latin, À mynuit, au soir et matin, À quoy servent moult seurement Thamarisque espécialment, Grain de junière et cypéron (La Haye, P. peste, 1426, 81)

Le duc de Bedford, regent et gouvernant le royaume de France, a fait signifier à la Court que, environ deux heures après myenuit, feu très noble dame Anne de Bourgongne, sa femme, estoit alée de vie à trespas (Fauq., III, 1431-1435, 74)

Ce jour, après mienuit, par faulte de bon guet, entrerent en la ville de Saint-Denis les capitaines de Meleun et de Laigny (Fauq., III, 1431-1435, 155)

Et fut baillé audit Hardi, pour la conduicte de son ame et conscience, ung notable docteur en theologie, nommé maistre Jehan Hue. Et puis, le samedi ensuivant, environ myenuit (par quoy ce fut, il n'a point esté sceu), la teste d'icellui Hardi, mise au bout d'une lance, fut ostée de dessus l'eschaffault, où elle estoit mise, et gettée en une cave près d'ilec. (Roye, Chron. scand., I, 1460-1483, 309)

Item, varletz et chamberieres De bons hostelz - riens ne me nuyt ! - Feront tartes, flans et goyeres Et grans ralïatz a mye nuyt - Riens n'y font sept pintes ne huit Tant que gisent seigneur et dame -, Puis aprés, sans mener grant bruyt, Je leur ramentoy le jeu d'asne. (Villon, Test. R.H., 1461-1462, 122)

Et a la poincte du jour, environ l'heure de deux heures aprés minuyt vint le dit seigneur de Cernon (La Vigne, V.N., p.1495, 300)

Ce qu'il pleut audit conte ; et ordonna à icelluy Voyau soy lever dès deux heures après mynuyt (Le Clerc, Interp. Roye, c.1502, 181)

Heure de minuit

...ouquel jardin ilz se esbatirent avec icelle fille, tous et chascun d'eulx, jusques environ heure de minuyt, que de rechief ilz retournerent en ladite ville de Rungy tous ensamble (Reg. crim. Chât., II, 1389-1392, 236)

...si diray du nepveu du cappitaine qui fort s'en va vers Famagouste, et a tant exploictié qu'il vint en droit heure de my nuit a la corniere d'un bois sur une petite montaigne (Arras, c.1392-1393, 95)

...messires Guillaumes de Douglas (...) issi de lor hoost environ l'eure de mienuit atout .CC. armeures de fier (Froiss., Chron. D., p.1400, 148)

Quelle fut la joyeuse exultacion de vostre esperit quant vous entendistes une grant multitude d'angelz chanter a heure de minuyt a haulte voix, tellement que toute la terre et tout le ciel en resonnoit (Gers., Noël, p.1404, 291)

...c'est assavoir que tout le soleil obscurcist, si comme se il fust l'eure de minuit (La Sale, Salade, c.1442-1444, 188)

Et, après que ledit siege ot esté ainsi mis devant ladicte ville de Riom, et voiant à Paris que lesdits Bourguignons approuchoient de ladicte ville, fut ordonné et establi en icelle ville de Paris ung grant guet de cheval, qui aloit toutes les nuiz sur les murs et en ladicte ville, depuis l'eure de mienuit jusques au jour apparant, pour la conduite duquel guet y avoit cappitaines ordonnez par icelle par chacune nuit de gens de façon d'icelle. (Roye, Chron. scand., I, 1460-1483, 53)

Par métonymie. Indication de l'heure de minuit sur le directoire.

...et querez en vostre espere le poinct qui sert a vostre jour lequel poinct represent le mynuit du dicte jour et le signes et vault chacun poinct 5 jours et trois poins une heure, par duis leves vostre directoire tant que vous puissies veoir par le trou du mylieu de la dicte espere une estoille qu'on appelle transmontaigne (...). Et puis regardes quans poins vous la trouver devant le point de vostre minuit ou quans poins apres se reste apres minuit ; car se vostre languette est trois poins devant minuit il est deux [l. onze] heures, se six il est 10 heures, se 9 il en est 9 ; mais s'il est trois poins apres minuit il est une heure, se 6 2 heures, se 9 3 etc. (Fusoris, Maniére de trouver l'heure, éd. G. Arrighi, c.1407-1412, 348)

ASTR. Ligne de minuit. Voir ligne