MERRAIN

substantif masculin

[T-L : mairrien ; GD : mairien ; AND : merim ; DECT : mairrien ; FEW (VI-1, 486-487a) : materiamen ; TLF (XI, 691b) : merrain]

A. -Bois (de construction, de tonnelier...).

1.Bois de construction, bois de charpente, de plancher....

Item, quiconques fera maçonner ou faire aucunes ediffices, en la ville de Paris, par quoy il luy sera mestier de mettre aucuns tereaux, piarres, merrien, gravois ou autres choses, sur la voirie du Roy nostre Sire, faire le pourra par si que en telle manière que (...) il ait les tombereaux, hoteurs ou porteurs tous prestz pour porter lesdiz gravoiz, pierres, merrien, et autres choses aux lieux accoustumez (Mét. corp. Paris L., t.1, 1351, 43)

...ains fist tantost faire son hostel de mesrien et plances et couvrir d'estrain pour là demourer tout hyver (Le Bel, Chron. V.D., t.2, 1358, 112)

Seur la mer de Triple chevauche, Mais il n'i a maison de bauche, De terre, ne d'autre marrien Qu'il n'arde, et n'i espargne rien. (Mach., P. Alex., p.1369, 212)

Et l'autre terme ou fin est pour apporter les fruis qui naissent de terre et encor pour apporter matiere de fust ou de metrien [l. mesrien] [ms. A mesrien] pour quelcunque tele chose pour aucune tele operation, laquele matiere la region possede et est de legier portable. (Oresme, Pol. Arist. M., c.1372-1374, 295)

Et dès le jour de devant furent faites lices de marrien en la rue (...) pour mieulx garder qu'il n'y eust trop presse de gens. (Chron. Jean II Ch. V, D., t.2, c.1375, 63)

...et du merrien vous donne Tant (...) Com vous pourrez ediffier Et maisonner (Mir. ste Bauth., c.1376, 167)

...avoir usaige d'abbatre, coupper et emmener par lui ou par ses gens merrain et autres bois quelconques (Cartul. Laval B., t.2, 1377, 289)

Et aussi, en cas de neccessité, nous povons comuniquier avesques lez excomuniés. Et Salemon si ot le boys et le merrain dez Mescreans pour edifier le temple. (Songe verg. S., t.1, 1378, 338)

...pour avoir livré le merien que l'on a mis sur la carpenterie de 13 molins a main ordonnez pour mectre es vaisseaux de ladicte armee (Clos galées Rouen M.-C., t.1, 1385, 294)

Les religieux, abbé et couvent de Saint Ouen de Rouen ont es forests de Lions, à cause de leur manoir et terre de Periers, tout le mesrien qui fault à faire tout le tournant de leurs deux moulins de Periers (Hector De Chartres, Cout. R., 1398-1408, 3)

Et si doivent, eulx et leurs hommes de Perier et de Quievreville, reparer et avoir en estat la porte du chastel de Lions, de pierre, de fer et de fust, et maintenir en estat une perche de mur de quatorze piés de long d'une part et d'autre de ladicte porte, et pour ce faire, doivent avoir en ladicte forest tout le mesrien qui leur est necessaire à ce faire. (Hector De Chartres, Cout. R., 1398-1408, 4)

...li archier et aultres gros varlets, qui portoient hapes et quignies, aprocierent de si priés que il vinrent jusques as palis et rompirent les aix et coperent le mairien et les reverserent en l'aige. (Froiss., Chron. D., p.1400, 587)

Li gentil honme (...) fissent aporter par lors varlés gros mairiens et puis hurter contre le mur a force de bras et de gens. Et tant i hurterent et bouterent que il perchierent le mur (Froiss., Chron. D., p.1400, 427)

...les Englois (...) fissent faire et ouvrer par carpentiers deus bierefrois de gros mairiens a trois estages (Froiss., Chron. D., p.1400, 625)

...pour euls clore et tolir le pas de la mer, il fist faire et carpenter un chastiel hault et grant de lons mairiens et de gros, lesquels on aloit coper en la forest de Boulongne, et a force de gens les dis mairiens on amenoit et a force de cevaus a Wisan (Froiss., Chron. D., p.1400, 824)

N'y ot beau mur, ne beau merrien, Mais laide fu [la troisième face du château de Fortune] sur toute rien (Chr. Piz., M.F., I, 1400-1403, 96)

Cedit jour, le graphier a delivré XX libvres parisis à Michiel Salmon, marchant de merrien, pour les aysemens de Parlement refaire (Baye, I, 1400-1410, 93)

Item, ce jour a esté pourparlé sur la provision des petis pons et passages pour le marrain (Baye, I, 1400-1410, 220)

...on feroit hastivement coper et abatre les bois du Roy environ Saint-Cloud et certaine quantité du bois de Vinciennes pour faire merrian et bois chauffage pour la provision et neccessité de ladicte Ville (Fauq., I, 1417-1420, 253)

...duquel planchier le merrien est pourry (Paris domin. angl. L., 1427, 279)

...lesquelz bois ne furent oncques venduz et ne valurent oncques rien, fors tant seulement l'afouage de mond. chastel du marien pour ouvrer en icelluy, quant mestier en est. (Trés. Reth. L., t.4, 1451, 350)

Merrain escarré. Bois équarri.

...l'en prent tant que la foire dure le rouage des charretes, et non pas en autre temps, c'est assavoir des charretes qui mainent vin, merrien esquarré, laine, draps, fer, acier, mitaille, toiles, de chascune charrete ferrée qui menera les choses dessus dites VI deniers ; et de la charrete qui sera defferrée, III deniers (Cout. bourg. glosé P.M., c.1380-1400, 32)

Merrain de quartier. Grosse bûche refendue, quart du tronc.

Les habitans de Varclive ont en la forest coustumiere, hors taillez et deffens, le boiz sec en estant et en gesant, le vert en gesant, de brachie et de mains, pour leur ardoir seulement, senz merren de quartier, senz estre plus long que charetil, et ne s'en pevent clorre ne hebergier. (Hector De Chartres, Cout. R., 1398-1408, 10-11)

Et ceulx qui demeurent en ladicte ville en lieu dit 'delà l'eau' n'on pas telles coustumes, mes telle coustume comme les autres villes atraitées, c'est assavoir le bois vert en gesant et le sec en estant pour arder, sans mesrien de caretier, et n'ont point de chesne par livrée (Hector De Chartres, Cout. R., 1398-1408, 22)

Merrain pour maisoner

...merrien pour maisonner, d'escailles et ardoises qu'ilz font et chevent dedens les rochés (Trés. Reth. S.L., t.2, 1400, 475)

[Comme bois de chauffage]

Despence faite la veille Saint Jean Baptiste l'an 1425 en l'Ostel de ladite ville, en Grève, pour le feu et feste dudit jour, montant icelle depence 56 l. 14 s. 8 d. p., c'est assavoir : pour busche de moule, cotterests, merrien pour mettre oudit feu, pour le sallaire des ouvriers qui l'ont fait, pour charetiers, broutiers, gardes d'icellui feu (Comptes Paris V.L.D., t.1, 1424-1425, 53)

2.Bois débité en planches utilisé en tonnellerie.

...que iceulx hommes se boutassent en certaine vielle estable estant en ladite basse-court, en laquelle a plusieurs vielz fus de queues wides et merrien (Reg. crim. Chât., II, 1389-1392, 191)

...Jehan de Conteville, qui semblablement retournoit dudit lieu de Dieppe, là où il estoit alé et y avoit mené paravant une charretée de mesrien a baril. (Chancell. Henri VI, L., t.1, 1426, 371)

Merrain à vin. Bois à futaille.

Et auxi doit avoir boiz par livrée semblablement pour faire tonnez et tonneaux, cuves, queues, sercles, et tout autre mesrien à vin (Hector De Chartres, Cout. R., 1398-1408, 238)

De Colin Huart, compagnon Jehan le Minoys, dudit Villers, pour merien à vin 10 s. (Comptes Paris M., t.2, 1457-1458, 63)

3.Poutre, poteau, pieu, échalas....

'...Faites aporter des grans mairiens, ouvrés à manière de pillos, et hurter as murs de l'abbeye ; nous vous certefions que de force on le pertuisera en pluiseurs lieus...' (Froiss., Chron. L., II, c.1375-1400, 67)

Et fist bastir et ordonner entre le ville et le rivière et le pont de Nulais hostelz et maisons, et carpenter de gros mairiens (...) ensi que donc que il deuist là demorer dix ans ou douze. (Froiss., Chron. L., IV, c.1375-1400, 2)

Et fisent ces Flamencq au dessus d'Audenarde en l'Escaut fichier et planter grans et gros mairiens, par quoi point de navire de Tournai ne peust venir en Audenarde. (Froiss., Chron. R., X, c.1375-1400, 247)

...lui firent dommaige, tant pour sa maison qu'ilz descouvrirent, mariens de bois, de chaslys, d'arches, bans et autres utensilz d'ostel qu'ilz lui gasterent et arderent, pour plus de quatorze frans, sans les vivres, foing et fourraiges qu'ilz lui gasterent. (Ecorch. Ch. VII, T., 1444, 312)

...pour ung quarteron de merrien à treille, baillié à Colin [le] Lavendier, pour fichier à la gueulle du fossé de la tour Saint Bernart, à ce que les pescheurs n'y puissent entrer, 20 d. p. (Comptes Paris V.L.D., t.1, 1455-1456, 876)

[D'une vigne] Tenu en merrain. Échalassé.

Comment vignes que seigneur tient pour son rachat deivent estre faictes et labourées l'année du rachat, c'est à savoir deschaucées, taillées et bechiées, pour quoy elles aient esté en celle facon en l'année de davant ; et aussi tenues en merrain, se elles y estoient quant le rachat commenca. (Cout. instit. Anjou Maine B.-B., t.1, 1385, 202)

Par métaphore. [Idée de soutien]

Dieu nous soit bon merrien ! (Flor. Octav. L., t.1, c.1356, 54)

Bois du cerf.

Remarque : DESCH., Oeuvres Q., t.6, c.1370-1407, 201 Chasse am. W., a.1509, 4166.

[Acception grivoise]

Et s'en pechié vous le trouvez, Couper lui pouez son mesrien (Martin Le Franc, Champion dames D., t.2, 1440-1442, 155)

4.Au pluriel. Arbres qui constituent une forêt.

Remarque : Chasse am. W., a.1509, 4667.

B. -Par extension. Substance, nature, espèce.

A tous besoins me truevent preste Par penser, sans autre requeste, Car j'oubeï a leurs pensées, Se trop ne sont desordenées. Mais tant sont de foible marrien Que sans moy il ne puelent rien. Et quant il ont mestier de mi, Je te di comme a mon ami Qu'aler ne me faut ne courir Loing ne près, pour euls secourir (Mach., R. Fort., c.1341, 79)

Je l'avoie tantost couvert Soubz une estrange couverture, Non contrestant leur ouverture, Pour ce qu'a leurs mos respondoie Par une moult simplette voie Et d'un parler de tel marrien Qu'il sambloit qu'il ne m'en fust rien. (Mach., D. Aler., a.1349, 245)

Einsi fina belle Hero, Qui de dueil fu noïe en mer Avec son ami, pour amer. Si qu'il n'est doleurs ne meschiez Dont cuers d'amans soit entechiez, Qui soit de si triste marrien Com celle qui n'espargna rien Que Hero ne meïst a mort Pour son ami qu'elle vit mort, Ne nuls n'en porroit par raison Faire juste comparison (Mach., J. R. Nav., 1349, 250)

Ainsi disoit la dame qui fu de faulx maintien [var. mairien] (Flor. Octav. L., t.1, c.1356, 269)

C'est une ville si pueplée Qu'on y voit à une assamblée Cent mille hommes en une place, Biaus et gens de corps et de face ; Mais tant sont de foible marrien Qu'en armes il ne valent rien, Eins s'en fuient comme chevriaus. (Mach., P. Alex., p.1369, 62)

Ethioclés de mal merrien, A brief parler, n'en fera rien. (Chr. Piz., M.F., II, 1400-1403, 305)

Homme tissu de tresnoble merrien Doibt on tenir inutil et bien lasche Qui pert son temps sans cause et sans moyen En la maison, ainsi comme une vache. (La Vigne, S.M., 1496, 186)

Remarque : NESSON, Vigiles des morts C., c.1400-1442, 477.

Race, lignée.

Et te dis plus, que de meschant mesrien Ne de maison povre ne suis venue : Fille de roy suis et noble, combien Qu'a toy me rens, voire vestue et nue. (La Vigne, S.M., 1496, 481)