MAI

substantif masculin

[T-L : mai ; GD : mai1 ; GDC : mai ; AND : mai1 ; DECT : mai ; FEW (VI-1, 62b,63a) : maius ; TLF (XI, 159b) : mai]

A. -Mois qui suit avril, mai.

Mais a merveille Fu sa couleur, des autres nompareille, Car elle fu vive, fresche et vermeille, Plus que la rose en may, eins qu'on la cueille, Et, a briés mos, Blanche com noif, polie, de biau gros Fu sa gorge, n'i ot fronce ne os ; Et s'ot biau col dont je la pris et los. (Mach., J. R. Beh., c.1340, 71)

Et comme il naist en mai fueillettes, Fruis, fleurs, graines et poilz d'erbettes (Mach., Voir, 1364, 772)

'Et vous en orés plus vraies nouvelles que nous ne vous dissons, dedens le mai.' (Froiss., Chron. R., XI, c.1375-1400, 84)

Le mercredi XXVe jour de may, fu ce jugement exécuté. (Reg. crim. Chât., I, 1389-1392, 224)

LE SECRETAIRE en lisant. '(...) Escript on palaiz de Saluce Le quatorziesme jour de may'. (Gris., 1395, 23)

Le visaige ot de belle taille Et tres bien façonné, sanz faille, Blanc et sanguin com rose en may (Chr. Piz., M.F., I, 1400-1403, 91)

Jeudi, XJe jour de may, messire Guy de Bar, chevalier, fu receu bailli de Sens et d'Aucerre. (Fauq., II, 1421-1430, 130)

En l'an mil CCCCLXIIII, à ung jour de mardi, XVe jour de may, le roy vint et arriva en sa ville de Paris, qui venoit de Nogent le Roy, où ilec la royne s'estoit delivrée d'une belle fille. (Roye, Chron. scand., I, 1460-1483, 34)

Il partit l'an en dix mois et le fist commancer en mars pour l'onneur de son dieu Mars et pour ce qu'il disoit femme porter IX mois et se delivrer au Xe, le second mois nomma avril, le IIIe may pour l'onneur des senateurs qu'il institua, 'unde dicitur maius a majoribus', le IIIIe juing pour les jeunes hommes qui maintenoient la guerre 'a junioribus' (Simon De Phares, Astrol., c.1494-1498, f° 40 v°)

Et durerent les dictes jouxtes des le mercredi .XXIII. jour d'avril jusques au premier jour de may (La Vigne, V.N., p.1495, 261)

Mois de mai

A ce dous temps, contre le mois de may, Par un matin cointement m'acesmay, Com cils qui trés parfaitement amay D'amour seüre. (Mach., J. R. Beh., c.1340, 57)

Le premier jour du mois de moi (Mach., Voir, 1364, 776)

Six mois entiers fu à Venise, à grant despens et à grant mise ; Et s'en parti en moys de May, Si com laissié dire le m'ay. (Mach., P. Alex., p.1369, 49)

Le jeudi XXVJe jour dudit mois de may, l'an dessus dit, par devant mons. le prevost, lui estant en jugement sur les carreaux, presens maistres Jehan Truquam, lieutenant (Reg. crim. Chât., I, 1389-1392, 234)

Ce jour fist il moult biel, moult cler et moult joli, ensi que il fait ou mois de mai (Froiss., Chron. D., p.1400, 382)

L'an de l'Incarnacion courant Mil .IIIIc. IIIIxx. et huit, Des jours il estoit dix huit De ce beaul joly mois de may, Ung dimanche aprés dimay, Ceste notable Passïon Fust par grande devocïon Achevee du tout d'escripre (Pass. Semur D.M., c.1420 [1488], 269)

...et peu de jours après, ou premier jour du mois de may, fut veue une ymage de perre, nommee Larualis, faisant contenance de foy, autrement qu'elle n'avoit acoustumé. (Simon De Phares, Astrol., c.1494-1498, f° 76 r°)

[Valeur symbolique de répit] Ne mai n'avril

LE PÈLERIN À MARIE. Bien scai qu'en enfer en exil Ou n'est onques ne mai n'avril Et ou tout meschief s'assemble Serai mene, se tu m'as vil (Guill. Digull., Pèler. vie hum. S., c.1330-1331, 35)

Mi-mai

Dist avecques ce, que eulx tous ensemble, ce fait, vindrent en la ville de Meaulx à la my-may darrenierement passé, à la foire qui y estoit, en entencion de gaig[n]er. (Reg. crim. Chât., I, 1389-1392, 65)

Item, dist que, environ mi-may darrenierement passé, à un cry de haro qui fu fait en la rue du Bourc-l'Abé, il entra en l'ostel d'un homme qui avoit esté navré (Reg. crim. Chât., I, 1389-1392, 90)

La moyenne de mai

...environ le moyenne de may (...) aulcuns compaignons (...) estoient issus et partis hors de Calusset (Froiss., Chron. M., XIV, c.1375-1400, 197)

Feste de mai

Item, durant les joustes qui ont esté faites à ceste feste de may, en la Cousture de Sainte-Katherine, et par deux jours l'un après l'autre, il a coppé, en chascun d'iceulx jours, un mordant d'argent (Reg. crim. Chât., I, 1389-1392, 234)

Feuille de mai. Voir feuille

Ides de mai. 15 mai.

Predist aussi la mort dudit empereur par l'eclipse qui fut du Soleil ès ydes de may, et ledit empereur mourut le jour devant les nones de juin. (Simon De Phares, Astrol., c.1494-1498, f° 110 v°)

Chat de mai. Chat né au mois de mai (de mauvaise réputation dans la tradition populaire).

Pensez vous qu'elle soit si besjaune Et si cocarde de vous prendre ? Veu qu'elle est (si) gracieuse et gente, Miste, gorriere aux rians yeulx, Et vous les avez chacieulx Commë ung povre chat de may. (P. moyne, a.1500, 50)

B. -Par métonymie.

1.Branchages verts de hêtre, de houx (qu'on place devant la maison ou qu'on offre le 1^er mai).

Quant sa femme fut venue a une journee pres de Paris, il fist parer son hostel et mectre du may et de l'erbe vert, et assembla ses amis pour aler au devant de sa femme (Ménagier Paris B.F., c.1392-1394, 109)

Primo, appareil de draps a tendre, vaiselle de sale et de cuisine, may, herbe vert. (Ménagier Paris B.F., c.1392-1394, 183)

...et tous leurs chevaulx couvrirent de mai, et a plusieurs pendirent campanelles et clochettes comme on fait aux chevaulx qui vont en pasture. (Chr. Piz., Cité dames C., c.1404-1407, 714)

Et pour tant, premier jour de may, monta à cheval, et avecques luy deux cens hommes d'armes, roides et expers en fait de guerre, avec aucuns piétons, et tous ensemble, chascun ung chapelet de may sur leurs testes par dessus leurs armeures, les mena auprès de la porte de Pierrefons pour porter une branche de may à iceulz asségez (Monstrelet, Chron. D.-A., t.3, c.1425-1440, 2-3)

En ce mesme an, le premier jour de may, les Angloiz de la garnison de la Fresnay-le-Viconte vindrent courir et apporter le may devant le chastel de Saint-Célerin (Chart. J., Chron. Ch. VII, V., t.1, c.1437-1464, 154-155)

Aiez pictié, aiez pictié de moy, A tout le moins, s'i vous plaist, mes amis ! En fosse giz, non pas soubz houz ne may, En cest exil ouquel je suis transmis Par Fortune, comme Dieu l'a permis. (Villon, Poèmes variés R.H., c.1456-1463, 68)

À deux compaignons qui ont esté aux boys quérir du may pour couvrir le basteau de ceulx qui ont fêté (Comptes roi René A., t.3, 1476, 43)

Remarque : DESCH., Oeuvres Q., t.2, c.1370-1407, 13 ; DESCH., Oeuvres Q., t.3, c.1370-1407, 217 ; DESCH., Oeuvres R., t.8, c.1370-1407, 341...

[Représentation de ces branchages (en broderie)]

...c'est assavoir fait de broderie sur chascune d'icelles [houppelandes] autour de l'assiette de la manche senestre, un chappel dont l'esclice est d'or cler, semées d'oeilles, faits en façon de plumes de paon ; et gecte la dicte esclisse vingt-quatre branches de may et huit de genestes, dont les seize vont contremont le collet et s'espandent sur le quartier de devant jusque près de la ceinture ; et pareillement sur le quartier de derrière, et les autres seize branches vont contreval la manche senestre d'icelle houppellande et s'espandent et champoient toute icelle jusques au coude ; et sont, les dictes branches de may et de genestes, semées de fueilles et de cosses d'or cousues de soies des dictes quatre couleurs du roy nostre seigneur (Chart. J., Chron. Ch. VII, V., t.3, Fragm. hist., 1408, 266-267)

Cadeau, présent fait à l'occasion du 1^er mai.

Aux filles suivant la court qui ont demandé le may au roy (Comptes roi René A., t.3, 1476, 43)

...le lundi landemain de la Penthecouste derrenière passée, après la première messe du matin, allèrent avec leurs menestriers et estandart qu'ilz font d'une serviette ou couvrechief, querir le may ainsi qu'il est de coustume, c'est assavoir lesdiz supplians ou boys appellé de Jarrie où ilz doivent pour devoir une espaule de mouton, et ceulx de la parroisse des Espoisses ou boys du Pié du Fou, où ils doivent deux solz tournois pour le devoir dudit may. (Doc. Poitou G., t.12, 1478, 226)

Remarque : Cf. DU CANGE V, 189a-b, s.v. maium.

Ramassage du mai, réjouissances du 1^er mai.

Mais pour faire nostre chose plus nouvelle, je vous prie que vous soiez cy a quatre heures au plus matin, si yrons aveillier le roy et la royne, qui coucheront ensemble, et, s'il leur plait, nous les menrons au may (La Sale, J.S., 1456, 231)

[D'une corporation] Faire son mai. Se livrer à des réjouissances à l'occasion du mois de mai.

Le mercredi XIXe jour de may, Guillaume Boguin, roy du mestier des costuriers, Jehan Paien et plusieurs autres dudit mestier sont au jour duy venuz prendre congié et licence de monsieur le mayre de faire leur may a demain, jour des rouzons, eunxi qu'ils ont acostumé (Doc. 1406. In : P. Rézeau, R. Ling. rom. 78, 2014, 433)

2.Souhaits formulés à l'occasion du 1^er mai.

'...le tresbon jour et le tresbon may vous soit huy donnez.' Et le roy leur dist : 'Bon jour, bon jour, compaignons.' (La Sale, J.S., 1456, 236)