LEOPARD

substantif masculin

[T-L : liepart ; GD : lupart ; GDC : leopard ; AND : lepart ; DECT : liepart ; FEW (V, 257a) : leopardus ; TLF (X, 1096a) : léopard]

A. -Léopard.

Car j'y vi de maintes manieres De bestes crueuses et fieres, Dragons, serpens, escorpions, De toutes generations, Buglos, chameus, tygres, pantheres, De tous genres, peres et meres, Olifans, liepars et liepardes, Ourses, lins, renars et renardes, Loiemiers, grans alans d'Espaingne, Et pluseurs matins d'Alemagne, Castors, aspis et unicornes (Mach., D. Lyon, 1342, 172)

Plus fiére la truis que liepart (Mir. emper. Romme, 1369, 265)

...ours, leons, et lïeppart (Chr. Piz., M.F., IV, 1400-1403, 53)

Le lieppart est beste tres cruelle et en signe de cruaulté et hardement a tous iours la face vers les gens engendré par adultere du leoppart et d'une leonnesse si comme dit Ysodore en son XIIe liure (Best. hérald. H.E., c.1435-1450, 467)

Mainctes bestes ay fait lasser, Quant je chassoye en Normandie ; Meinctes en pris en Picardie, Serz, sanglers, bisches, renars. Alheurs ay prins lyons et lyonpars Advecques mon chien Forte-gorge. (Pass. Auv., 1477, 141)

En songe je veyes liompars, Chiens, chatz, loups et renars, Ouls, lions, colevres, sanglers, Noirs hommes et fort estrangiers, Trestous a l'environ d'un jucge, Qui disoyent : 'Si Pilate jucge Jhesus le prophete tresgrand, A tous vous faiz comandement Que l'estranglés luy et sa femme, Car Jhesus est homme sans blasme, tresparfait et juste personne'. (Pass. Auv., 1477, 167)

Remarque : WAUQUELIN, Belle Hélène Const. C., c.1448-1452 (lieupar) ; Jourd. Blaye alex. M., a.1455, gloss. (lupart) ; Cligès C.T., 1455, gloss. (liepart) ; SAINT-GELAIS, Séj. honn. D., c.1490-1495, gloss. (liepart)...

[Dressé pour la chasse]

Si y avoit trois ou quattre luppars, lesquelz si tost que les lievres estoient en course on lessoit aller aprés ; et tantost furent lesdis lievres pris des lupars, dont l'esbattement estoit bel. (Chastell., Chron. IV, D., c.1461-1472, 244)

[Comme terme de compar.]

Il ot le regart fier que lupart et lÿon. (Hugues Capet Lab., c.1358, 235)

De bien ferir pas ne se faint, Il abat tout ce qu'il ataint. Enclos estoit de toutes pars ; Si se deffent comme un liepars, Quant on li vuet tollir sa proie. Mais la force ne fu pas soie, Car tout ensamble et à une heure Plus de C. li coururent seure (Mach., P. Alex., p.1369, 69)

Sotz enragez, hors du sens, fantastiques, Venez avant, saillez de toutes pars. Esveillez vous plus aspres que liepars. (Sots triumph., c.1475, 33)

Hardiz soyez comme liepars, Sans atendre ne pas ne heure, Puis devant vous comme renars Les verrez fouyr sans demeurre. (Myst. siège Orléans H., c.1480-1500, 219)

Oncques viel lupart arabis N'eurent tel fain de devourer Que j'ay grant fain de labourer A la mort du faulx ypocrite. (Myst. Pass. Troyes B., a.1482, 696)

Bruslecosté ! sa, celle corde ! Et tiron chascun de sa part. Il est reffait com ung liepart ; Maulgré noz dieux, quel compaignon ! (Myst. st Laur. S.W., 1499, 223)

Par métaphore.

Lion de nobilité En prosperité, Liepart de fierté En adversité, Roy te puet on bien nommer, Sangler hardi et cresté, En fait apresté, Ferm et arresté Et entalenté De tes nuisans contrester. (Mach., Les lays, 1377, 475)

BURGIBUS. Vielle caroigne, villain cueur de liepart, Loudier puant, nous venons ceste part. Pourquoy faiz tu tes hurlemens si haulx ? (La Vigne, S.M., 1496, 219)

B. -[Représentattions]

1.HÉRALDIQUE [Animal héraldique (en partic. armoiries d'Angleterre)] Meuble représentant un léopard (lion passant dont la tête se présente de face).

...sy portoient d'argent à lupar de geules. (Hemricourt, Miroir Hesb. B.B., 1353-1398, 454)

...il veirent les banieres, les pennons et les estramieres, des lupars d'Engleterre qui voloient amont sus ces nefs et baulioient au vent. (Froiss., Chron. D., p.1400, 277)

...pour ce les armes de Guienne sont d'un lieppart et est vne beste que haulx princes et seigneurs ont tous iours portees et portent encore en armoirie, mais cellui qui le porte en sa propre couleur doit estre bastart, et pour ce nulz princes ne le portent de sa vraye couleur, mais le portent en aultre couleur en signifiance de sa proprieté et non pas de sa nature. (Best. hérald. H.E., c.1435-1450, 468)

Le seigneur de Maubec, qui portoit de geulles a trois liepars d'or, armez d'argent, et crioit 'Maubec !' (La Sale, J.S., 1456, 200)

Me semble voi le cy venir, Que je voy la ung estandart De roige et d'asur my parti, Et ou millieu a ung liepart (Myst. siège Orléans H., c.1480-1500, 247)

Remarque : MOLINET, Faictz Dictz D., 1467-1506, 632.

Par métonymie. Les trois leopards. Le roi d'Angleterre (dont les armoiries sont de gueules à trois léopards d'or).

'Sire, vray est que par l'aigle à deux testes, qui de France volle en Espaigne, devez estre de tout desherité et, pour ce, j'ay oy dire que Berthrand, qui conduit Henri, porte telles armes, par quoy je tien que ce soit celui aigle, mais vray est que par le premier faon des trois liepars [le prince de Galles, fils d'Edouard III] sera vostre terre recouverte et l'aigle emprisonné et Henri, vostre frere, qui sans terre sera, s'en ira fuyant par devers le grant lion de France...' (Simon De Phares, Astrol., c.1494-1498, f° 142 v°)

2.MONNAIE [Monnaie anglaise]

...en laquelle cedulle avoit CVIII lieppars renvoiez par ledit Girart audit Martin par Jehan le Moustardier, son clerc, pour ce que ledit Girart ne les povoit mettre au pris que ledit Martin les li avoit envoiez (Compte Navarre I.P., 1367-1371, 54)

3.Vase portant la représentation d'un léopard.

Et sy te mande par ledit ambaxadeur ung present, c'est assavoir du baulme fin de nostre saincte vigne, ung bel lupart, trois escuelles de pourcelaine de Sinant, ung plat de pourcelaine de Sinant, deux grans platz ouvertz de pourcelaine, deux touques verdes de pourcelaine, deux bouquetz de pourcelaine, ung lavoir ès mains et ung garde manger de pourcelaine ouvré, une jatte de fin gingembre vert, une jatte de noiaux d'amandes, une jatte de poivre vert, des amandes, et cinquante livres de nostre fin bamouguet, ung quintal de sucre fin de trois quittes. (Escouchy, Chron. B., t.1, a.1465, 124)

LÉOPARD