LICITE

adjectif

[GDC : licite ; AND : licite ; FEW (V, 311b) : licita ; TLF (X, 1189b) : licite]

A. -Qui n'est défendu par aucune loi, qui est permis, autorisé.

Pour ches causes aussi il est licite de lire les livres des heretiques, a cheulx tant seulment, comme il est dessus dit, qui desja sont ou sens des divines Escriptures tres bien excercités et es articles de la foy tres constanment fondés (Daudin, De la erudition H., c.1360-1380, 117)

Les Pharisees tempterent Nostre Seigneur en demandant s'il estoit licite a l'omme laissier sa fenme pour quelque cause, affin que comme par argument cornu ilz le peusent tenir et que, en quelconque maniere que il feist sa response, il fu prins en paroles. (Daudin, De la erudition H., c.1360-1380, 154)

Car en commutacions voluntaires et qui sont licites selon la loy, si comme est vendre et acheter, il peut estre aucunes fois que il y a gaaing ou damage senz injustice (Oresme, E.A.C., c.1370, 291)

...pour la quelle rente bailler et delaissier, comme dit est, les diz bailleurs vouldrent estre contrains par lesdiz preneurs par toutes voies et manieres deues et licites (Chartes Abb. St-Magl. T.F., t.3, 1386, 553)

'Monsigneur, dites et demandés, je le vous acorde, mais que ce soit cose licite, et que je puisse faire.' (Froiss., Chron. D., p.1400, 165)

...li cardinal (...) proposerent a l'encontre de ces penans que penitance puble et prise de li meismes n'estoit pas licite ne raisonnable. (Froiss., Chron. D., p.1400, 895)

...la sensualité et fragilité humaine, qui trop à paine se puet passer des plaisirs de terre, lesquelz, à voir dire, ne sont mie tous vicieux, ains licites et honnestes, de telz y a (Chr. Piz., P.V.H., 1416-1418, 33)

...il fu dit et deliberé par la greigneur partie des dessusdis qu'il estoit licite et expedient au Roy de maintenir et faire tenir l'Eglise de son royaume et Dalphiné de Viennois en ses franchises et libertés anciennes (Fauq., I, 1417-1420, 48)

Mais se il estoit aucum fol, oultrecuidié ou simple qui demandast au seigneur chose non licite de faire, et par fourme qu'il ne devroit, le seigneur les doit il oïr ? (La Sale, Salade, c.1442-1444, 12)

Et ce sont les trois causes et les trois licites manieres de exceder en contemplacion. (Cib., p.1451, 191)

...retenu que ses armes soient licites et honnestes ainssy que a nobles hommes se appartient. (La Sale, J.S. E., 1456, 165)

'Pour ce relenquira l'homme son pere et sa mere et asozira a sa femme, et seront deux en une char.' Il n'est pas dit trois ne pluseurs, mais deux. Il ne dist pas a ses femmes, mais a sa femme, par quoy il appert que il ne fut onques licite a ung homme d'avoir pluseurs femmes, se n'est par revelation divine et dispensation de Dieu (Sacr. mar., c.1477-1481, 66)

Maistre Jehan Petit, docteur en theologie et grant astrologien, fist une terrible proposicion à Paris, contendant prouver le duc d'Orleans estre tirant et, par ce, licite avoir esté à ung chacun de le tuer, à laquelle proposicion nul n'osa contredire. (Simon De Phares, Astrol., c.1494-1498, f° 147 r°)

Puisque chose est licite et necessaire D'otemperer a vostre mandement, Acompaigner je vous veulx en haulsaire Et habiller moult gorgïasement (La Vigne, S.M., 1496, 168)

...et generallement de faire telz accordez, transactions, traictez, promesses et convenancez, et besongner en tout ce que dict est et les dependences pour et ou nom de nous avec icelluy Jaques d'Armignac, duc de Nemours, et en passer telles lettres, tous actes, contractz et promesses et prandre telles seuretés d'icelluy de Nemours qu'il verra estre licites, utilles et convenables, et soubz telles peines et censures qu'il verra bon estre, et tout ainsi et par forme et maniere que nous ferions et faire pourrons comme se presens y estions en nostre propre personne. (Le Clerc, Interp. Roye, c.1502, 245)

B. -Légitime (et profitable, utile).

Je vous le dy et m'en acquicte, Que la chose si est licite S'il luy plaisoit a venir, La chose en seroit mieulx produicte, D'avoir une personne duicte Pour ung tel fait entretenir. (Myst. siège Orléans H., c.1480-1500, 139)

La chose seroit bien licite De treves avoir vrayement, Et pour faire aussi la poursuite Des mors et leur enterrement, Et pour savoir aucunement De leur tres mauvaise entreprise Adfin qu'on y peust bonnement Y penser et qu'on y advise. (Myst. siège Orléans H., c.1480-1500, 258)

Vostre conseil est bien licite (Cene dieux, c.1492, 129)

LE GENDARME. J'auray le terme de la court, Mais qu'il vous plaise, a tout le moins Je vueil produire mes tesmoingz, Et vueil monstrer par voye d'enqueste, Qu'il est plus licite et honneste Qu'elle soit a moy qu'autrement [que 'la fille' soit à moi plutôt qu'au 'moine'] . (P. moyne, a.1500, 51)

Remarque : Percef. IV, R., c.1450 [c.1340], 1137/469 ; Myst. process. Lille K., t.1, a.1485, 9/113 ; 12/36. ; t.2, 16/47...