LIBERALEMENT

adverbe

[T-L : liberalliberaument ; GD : liberalment ; GDC : liberalement ; AND : liberalment ; FEW (V, 300a) : liberalis ; TLF (X, 1158a) : libéralement]

A. -Librement, sans contrainte.

Judas Scarioth senefie Le pecheour qui se confie, Et samble par sa contenance Que bien weille faire penance ; Mais ce fait il generaument Pour pechier plus liberaument. (Le Fèvre, Respit Mort H., 1376-1380, 123)

...s'il n'y avoit nouvel empeschement tel que la Court ne peust franchement parler au Roy et à nosseigneurs, afin de faire liberalment et sans empeschement justice (Baye, II, 1411-1417, 45)

...et pour eschever l'efusion du sanc humain ayons par deliberacion de nostre conseil et chevalerie envoyé par devers les cappitaines et gouverneurs de la dite ville de Montbelliart leur fere requerir que icelle nous voulissent bailler et délivrer libérallement, sans ce que y nous y convenist proceder par puissance d'armes, en nous faisant plainiere obbeissance (Ecorch. Ch. VII, T., 1444, 8)

Toutefois, de tant [moins] griève le travail comme l'acteur y prend, quand il le fait libéralement en y prenant plaisir. (Monstrelet, Chron. D.-A., t.4, c.1444-1453, 129)

Aultrement il samble que violence il fut faite a celui qui justement posidoit l'omme, lequel violentement il n'avoit pas attrait a luy, car l'omme obeÿ a lui avoit liberalement. (Crap., Cur Deus, De arrha B.H., c.1450-1460, 172)

[Le peuple de Hiselstein] ne désiroit que paix, et par tant, mettans espoir en ce duc que par son moyen et par soy pourvoir en leur tribulation il pourroient vivre en paix désormais libéralement, lui accordèrent les clefs et les tenoient estre en aussi seure main comme en le leur propre (Chastell., Chron. K., t.3, c.1456-1471, 139)

...le griffon commença a entammer traittié de paix et, pour ce qu'il n'estoit de aucun souspechonnez, les parties se compromirent liberallement en son ordonnance. (Colart Mans., Dial. créat. R., 1482, 214)

Par cest fable pouons aprendre a faire toutes choses caritativement et liberallement sans contrainte, car service constraint ne peut plaire a Dieu. (Colart Mans., Dial. créat. R., 1482, 232)

[À propos d'une chose] Librement, sans obstacle.

...affin que la sanie puisse liberalement yssir (Prevost, Cir. Guill. Salicet, 1492, II, 8)

B. -Généreusement, par un acte de générosité.

Quant il ot sa chanson finee, Bien escoutee et bien loee, Tout son païs m'abandonna Et de ses joiaus me donna Liberalment et largement, Plus qu'a moy n'affiert vraiement. Et j'humblement l'en merciay, Cuer, corps, pooir offert li ay. (Mach., F. am., c.1361, 244)

...car touz telz biens dehors, le vertueus les baille et laisse aler legierement et liberalment a son amy ou pour son amy. (Oresme, E.A., c.1370, 482)

Et par oblacions il [Aristote] entent ce que l'en donne liberalment. (Oresme, Pol. Arist. M., c.1372-1374, 249)

Par foy, sire chevalier, dist Gieffroy, c'est petite chose de mon fait envers la puissance de mes deux seigneurs et freres, mais je vous mercie de ce que si liberaument m'avez accordé de venir avec moy, et je le vous meriray bien, se Dieu plaist. (Arras, c.1392-1393, 212)

...Andry d'Espernon, changeur, commiz à recevoir l'ayde nagueres liberaument octroyé au Roy nostre Sire par les bourgois et habitans de la ville de Paris (Baye, II, 1411-1417, 38)

...disant que pour ce faire et par conquerre, deux choses lui estoient neccessaires, c'estassavoir finances et gens d'armes. Lesquelles demandes par lui faictes lui furent accordées et octroiées libéralement de tout son povoir et peuple des citez et bonnes villes de son royaume. (Monstrelet, Chron. D.-A., t.4, c.1425-1440, 25)

Laquelle resqueste fut audit bourgois liberalement accordée. (C.n.n., c.1456-1467, 426)

Tout luy fut liberalement accordé [à une femme qui a beaucoup d'exigences] (C.n.n., c.1456-1467, 527)

...en lui requerant quy lui pleust accorder trèves le terme de six sepmainnes ; ce qu'il fist liberallement (Escouchy, Chron. B., t.2, a.1465, 14)

...et il leur pardonnoit liberalement, et les envoyoit à saulveté, selon qu'ilz se rendoient. (La Marche, Mém., II, c.1470, 273)

Item Dieu par sa misericorde atend patiaument les pecheurs et les rapelle benignement et dissimule, afin de non pugnir et soy vengier et preserve de pluseurs perilz. Il donne sa grace liberalement sans deserte et le multiplie, et aprez le conserve et garde, et que plus est, il le recompense par remuneration ez cieulz et en la glore eternele. (Somme abr., c.1477-1481, 180)

Et, à ceulx qui se retiroient devers luy delaissans ledit conte d'Armignac, liberalement les recevoit, leur bailloit abolition de leur desobeïssance et delivrance de leurs biens. (Le Clerc, Interp. Roye, c.1502, 250)

Volontiers, avec plaisir.

Pour Dieu, seigneurs, soyez contens Du povre hostel qui vous reçoit Et n'espargnez riens qui y soit : Je le fais liberallement. (Gréban, Pass. J., c.1450, 239)

'...sy demourez au mains ceste nuit et souppez en mon palaix avecquez moy a vostre bien alee', ce que le conte fist liberalment (Comte Artois S., c.1453-1467, 150)

Sy acceptèrent les dits chevaliers libéralement la charge et de bon coeur, et estoit bien leur intention de eux y acquiter bien à leur pouvoir (Chastell., Chron. K., t.3, c.1456-1471, 273)

Tantost aprés celle noble dame vint jusques en la ruelle de ma couche, au plusprés de moy qu'elle peult et de sa doulce, basse voix amyablement me dist : 'Mon enffant, esveille tes espriz et ouvre l'escrin et coffret de ta memoire, pour loger ce beau don et present que liberalement et de bon vueil te donne, ainsi qu'aultresfois le t'ay promis.' (Meschin., Lun. princes M.-G., c.1461-1465, 34)

Pour Dieu, seigneurs, soyés contens Du povre hoste qui vous reçoit Et n'espargnez riens qui y soit : Je le fais liberalement. (Myst. Pass. Troyes B., a.1482, 645)

Et si vint on en chasuble et en chappe Avec tout autre exquis habillement De croix, reliques, precïeux sacrement Comme davant j'ay cent fois relaté, Luy presenter moult liberallement Et de bon cueur les clefz de la cité. (La Vigne, V.N., p.1495, 227)

C. -Dans l'aisance.

...car separeement l'en peut vivre liberalement et trop delicativement, et aussi peut l'en vivre attrempeement et a grant labour et a grant misere. (Oresme, Pol. Arist. M., c.1372-1374, 88)

LIBÉRALEMENT