LEZ

substantif masculin

[T-L : lez ; GD : les1 ; AND : lez1 ; DECT : lez ; FEW (V, 204a) : latus² ; TLF (X, 1146b) : lez]

A. -Partie latérale du corps, flanc.

Tres douche mere, seés droit chi, En ce siege, à mon deistre leit (Sept péchés C., c.1300-1350 [p.1478], 222)

Or vient a la femme malcontente la tierce maladie, qui a nom appoplecie ou epilencie, par laquelle communaument on pert un des lés ['l'usage d'un côté du corps'] . (Mézières, Vertu sacr. mar. W., c.1384-1389, 276)

...quant l'orent attaint, li demanderent pourquoy il avoit prins la choffrete ou lavoir dessus dit et trouverent la robe de dessoubz lui, au lez senestre, qui estoit toute moilliée d'eaue. (Reg. crim. Chât., II, 1389-1392, 466)

Mais alors les deux dames misrent le lyon entre elles et aloyent a ses deux lés ensemble (Lyon cor. U., 1467, 43)

Flancs, entrailles.

Celle dame qui a porté Le doulx jhesu en son las Si vous doint joye et soulas (Oudin, St Genis M.S., c.1490, 74)

À son droit lez. À sa droite.

Vo filz, no Dieu, qui (...) vous assist en gloire a son droit lez. (Mir. prev., 1352, 277)

Lez à lez. Côte à côte.

En la chambre s'en vont ensemble lez a lez (Tristan Nant. S., c.1350, 54)

Prendre qqn par les deux lez. Prendre qqn de chaque côté par le bras.

Et Anthoine lui respont moult humblement : Damoiselle, nous n'avons fait fors sans plus fors ce que nous devons, car tous bons crestiens sont tenus de destruire les ennemis de Nostre Seigneur. Et lors les deux freres prindrent la pucelle par les deux lez et l'adextrerent en son siege. La estoit la pucelle noblement acompaignie de dames et de damoiselles du pays. (Arras, c.1392-1393, 187)

Chevaucher tout d'un lez [du cheval]. Chevaucher les deux jambes du même côté du cheval.

Lequel maistre Pierre Paoul, docteur en théologie, chevauchoit moult souvent en habit de docteur avecques ledit cardinal, tout d'un lez comme chevauchent les nobles femmes. (Monstrelet, Chron. D.-A., t.1, c.1425-1440, 349)

B. -Partie latérale d'un objet ou d'un lieu.

1.Côté.

Et paiens les assaillent aussy de l'autre lez. (Tristan Nant. S., c.1350, 274)

Marne l'ensaint [le château de Beauté-sur-Marne] par derrier a un lé. (Desch., Oeuvres Q., t.2, c.1370-1407, 211)

A l'entrée de ce palais Où on feïst bien un eslais, Tant estoit grans et lons et lez, Ot C. Sarrazins aus IJ. lez, Et chascuns tenoit une hache Dont on tuast bien une vache. (Mach., P. Alex., p.1369, 196)

...et Danemarce, Qui d'un lés a ma terre marce. (Froiss., Méliad. L., t.1, 1373-1388, 56)

...fay deux lignes d'ung lé a l'autre de ta table qui facent une croix droicte au centre e (Fusoris, Astrolabe P., c.1407-1412, 104)

Et oultre dist le conte de Haynnau, en jurant comme dessus, que certainement il tenoit que se les Anglois estoient à ung lez des portes de Paris et le duc de Bourgongne feust à l'autre porte opposite, ilz lairroient aincois les Anglois entrer ens que le duc de Bourgongne. (Doc. 1417. In : MONSTRELET, Chron. D.-A., t.3, c.1425-1440, 204-205)

Et a chascun des lees du gonffolon estoient de tres riches brodures, les quatre blasons des quatre principales lignes de Saintré. (La Sale, J.S., 1456, 111)

Le marc qui est en l'autre lés de la balance signifie et demonstre lez merites des subgets (Lyon cor. U., 1467, 50)

[À propos de Fortune et de ce qui l'entoure]

Promettre assez [Fortune] puet de ses biens, Mais tu yes trop fols, se tu tiens Qu'il en y ait nul qui soit tiens. En sëant fuit ; Son droit lés est dous, l'autre cuit ; Le droit porte fleur, fueille et fruit, L'autre est desert, brehaingne et vuit Des biens terriens ; Le droit moult clerement reluit, L'autre samble a l'oscure nuit (Mach., R. Fort., c.1341, 41)

En un autre lez. D'un autre côté, autre part.

Le povre homme sans dire mot S'enfuyra en ung autre lé (Coquill., Oeuvres F., 1478-p.1494, 367)

Tourner à un lez. Se tourner d'un côté.

Mais Guyon et le maistre de Rodes et leurs gens les assaillirent si asprement que Sarrasins ne savoient auquel lez tourner pour eulx deffendre, car noz gens qui estoient es galees tournoient si appertement entour eulx que payens furent tous esbahiz. (Arras, c.1392-1393, 129)

2.Locution.

À dextre lez. Au côté droit.

Et quant il vit qu'il en fu du tout au dessus, si tire le court coutel qui lui pendoit a dextre lez et lui dist : Faulx traitre, rens toi ou tu vaulz prez que mort. (Arras, c.1392-1393, 63)

Au lez dextre

...les deux autres cuilliers sont ou feurre de son lit, au droit son chevet, au lez destre (Reg. crim. Chât., I, 1389-1392, 307)

À tous lez. De tout côté, partout.

Je ne treuve chambre ne sale Que tout ne soit plain a touz lez. (Gréban, Pass. J., c.1450, 64)

Or le frotez donc a tous lez (Gréban, Pass. J., c.1450, 230)

...[il] vint sercher et visiter les angletz de sa chambre a tous lez au mieulx qu'il luy fut possible (C.n.n., c.1456-1467, 444)

Elle se pourchassoit a tous lez et ne demandoit que hutin. [D'une femme luxurieuse] (C.n.n., c.1456-1467, 518)

...en ruant mes yeux a tous lez... (Chastell., Temple Boc. B., 1463-1464, 15)

...la tres souefve et resplendissant rose, pour espandre son odeur a tous lés (Molinet, Faictz Dictz D., 1467-1506, 114)

Nuysse assiegie à tous lez... (Molinet, Chron. D.J., t.1, 1474-1506, 42)

À tous lez du monde. De tous côtés ; à tous les niveaux, à tout point de vue.

Et par ainsi le duc craignant le roy (...), quant se vit ainsi acueilli en indignation sans cause (...), ne visoit qu'a soy fortifier par sens et de mettre en Dieu sa querelle, car a tous léz du monde se voioit avironné de peril et de manasses (Chastell., Chron. IV, D., c.1461-1472, 262)

Au lez de / au lez devers. Du côté de.

...douze cenz arpens de bois et de forès en la forest de Chisic, à prendre et mesurer au lez devers Preic, en alant de l'un plaing dehors la forest à l'autre plain dedens la forest, comprenant les bois de la Courbe de Mallevaust, en alant vers les champs du Larris et vers le parc de Villiers, et entre les deux plains dessus nommez tout uniement sanz riens tressailler ny oster (Doc. Poitou G., t.2, 1346, 312)

...et dist que lui qui parle et ledit Perrin Amiot prindrent à Petit-Pont, sur une boursiere qui fait bourses au lez devers le pont Neuf, une bourse de soye à boutons d'argent dorez (Reg. crim. Chât., I, 1389-1392, 81)

...en cest estat [le désespoir] , issy hors de sondit hostel, et ledit drappelet ainsy lié, et ouquel ledit charbon ardant estoit, elle qui parle bouta soubz la couverture de chaume et entre deux ais de la maison dudit Miserelle, au costé et lé de devers la demeure d'elle qui parle (Reg. crim. Chât., II, 1389-1392, 63)

...print icelle et l'embrassa, et en après, par maniere d'esbatement, la porta en une chambre qui estoit appareillée pour lui, et la coucha sur un lit, et illec, ou au moins contre le chalis d'icellui lit, au costez et lez de la ruelle (Reg. crim. Chât., II, 1389-1392, 122)

...et, iceulx ainsi par elle merlez [la cire et la poix] , meist auprès et lez du lit où elle et son ami, ou celui que elle vouldroit avoir à mary, coucheroit. (Reg. crim. Chât., II, 1389-1392, 323)

Au lez de çà. Par ici.

De Sauvage me plains qui est au lez desa (Tristan Nant. S., c.1350, 431)

Je lui apporte [au géant] l'argent du patis que toutes les gens de la terre de monseigneur mon pere lui doivent, en la pointe du fer de ma lance. Comment, dirent ilz, le pensez vous a aler combatre ? Par mon chief, dist Gieffroy, autre chose ne quier je au lez de ca. Par ma foy, ce dirent ceulx, monseigneur, c'est une fole entreprinse. (Arras, c.1392-1393, 244)

Au lez par deçà. De ce côté-ci.

Beaulx seigneurs, le soudant est il gueres jeunes homs, ne de grant emprise ? Et ceulx respondirent : Sire, oïl, pour certain. Et comment, dist Uriiens, fut il oncques mais au lez par deca faire guerre que ceste foiz. Par foy, dirent ilz, non. Et qui l'a doncques, dist Uriiens, maintenant meu de passer la mer, puis qu'il est homme d'emprise ? (Arras, c.1392-1393, 93)

Au lez où. Du côté où.

...et lors ouyrent, au long du boys, un grant escroiz et fort desrompre les menus rams et le ronceys. Lors print Remondin son espie qui estoit par terre, et ly contes traist l'espee, et attendirent ainsi longtemps pour savoir ce que ce seroit, et se mirent au devant du feu, au lez ou ilz avoient ouy le bois desrompre. (Arras, c.1392-1393, 21)

Au lez vers. Du côté de.

Or dit l'ystoire que, quant [Remondin] ot ouy messe et fait sa devocion, qu'il yssy du Moustier Neuf, et a l'issue de l'abbaye, au lez vers le chastel, il encontra un homme qui portoit un sac sur son col, qui lui vint a l'encontre et lui dist : Sire, acheterez vous ce cuir de cerf que je tiens en mon sac ? (Arras, c.1392-1393, 33)

Et y a trois paire de brayes haultes et puissantes, et pluseurs tours es dictes braies. Et si y a poternes fors a merveilles. Et au lez, vers le hault bois, au dessus de la praierie, est la roche si haulte et si droitte que de ce lez nulle creature n'y pourroit habiter. (Arras, c.1392-1393, 46)

De l'autre lez de. De l'autre côté de.

Et Olivier lui laisse le frain et le point de l'esperon, et, au redrecier que ly chevaulx fist, Remondin le va ferir de la lance ou cousté, tellement qu'il le porta a terre de l'autre lez du destrier, et demoura a Olivier bien demy pié du fer de la lance dedens le corps. (Arras, c.1392-1393, 63)

De ce lez. De ce côté.

Et au lez, vers le hault bois, au dessus de la praierie, est la roche si haulte et si droitte que de ce lez nulle creature n' y pourroit habiter. (Arras, c.1392-1393, 46)

De deux lez. De deux côtés.

J'ay ci tenu mains parlemens Qui sont, ce m'est vis, paremens De quoy l'alerion paroie, Quant a dame l'a comparoie. Mieus ne le porroie parer Que lui a dame comparer. Or ne l'ay pas dou tout paré, Quant je ne l'ay pas comparé, Selonc ce que Raison me baille, Des pelles dont chascune taille Com durs rasoirs bien affilez, Et sont assises de deus lés, Einsi comme elles doivent estre, Devers destre et devers senestre. Celle de destre signefie Scens, honnesté et courtoisie, De la senestre le contraire (Mach., D. Aler., a.1349, 336)

D'un lez. D'un côté.

Et le coup qui descendi de grant ravine, avec la force du bras de quoy il fu feruz, ly uns des cloux de la maisselle rompy, et Remondin tire a lui fort, et la visiere lui demeure pendant d'un lez, si que il ot le visaige tout descouvert. De ce s'esbahy Oliviers durement. (Arras, c.1392-1393, 63)

D'un lez et de l'autre. D'un côté et de l'autre.

Et la presse commenca si grant qu'il fu tous deffoulez des piez des chevaulx. La commenca la bataille grant, et y ot grant dommage d'un lez et de l'autre. (Arras, c.1392-1393, 72)

Ni d'un lez ni de l'autre. Ni d'un côté ni de l'autre.

Atant esvous venir Remondin, monté sur un riche destrier liart, que sa dame lui ot tramis, et fut tout couvert de blanc, cheval et harnoiz. Du premier poindre qu'il fist dessus les rens, il abaty le conte de Forests, son frere ; et fist tant qu'il n'y ot chevalier d'un lez ne de l'autre, qui ne le reffusast. (Arras, c.1392-1393, 40)

De tous lez. De tous côtés.

Et vos misme, qui (y) esteis Dieu, Voult li maluais dyable tempteir, Et quant vers vus lasa penseir, Beaus ne vos esmeruilhies, S'il at les pecheür engignies, Car vos saueis que char humaine Est mult frailh et à pau de paine S'encline et ploie de tous leis. (Sept péchés C., c.1300-1350 [p.1478], 223)

La m'assis pour prendre repos Et pour mettre a point mon propos Qui estoit tous entremellez Et si entrepris de tous lez De pensées contrarieuses, Unes douces, autres grieteuses, Que par maintes fois ne savoie Aus queles tenir me devoie (Mach., D. Aler., a.1349, 386)

[Un arbre] S'estent ses branches de tous lez, En eslargissant sa biauté Et en acroissant sa bonté, Pour traire a la conclusion Qui est dite perfection (Mach., J. R. Nav., 1349, 221)

...mes coers est, voir, si espars De tous les et de toutes pars A veoir ces vairs rainsselés... (Froiss., Joli buiss. F., 1373, 105)

Mais l'embusche Hervy leur vint par derriere et les assaillirent de tous lez si asprement qu'ilz ne sceurent que faire ; ne ilz ne se povoient deffendre, ne ilz ne povoient fuir. (Arras, c.1392-1393, 73)

...et tout par dessus le dit couvertoir a or tyssu avoit un autre grant drap de lin (...) qui estoit si grant et si large que il couvroit de tous lez le tres grant lit de parement (Chr. Piz., Trois vertus W.H., c.1405, 185)

Car un cuer qui par tout s'espart Et requiert dames de tous lez En doit avoir petite part [d'amour] . (La Sale, J.S., 1456, 16)

C. -Au figuré.

1.Côté, parti.

Seigneurs chevaliers, vous avez voué sy haultement que je, qui suys de pou de valeur, ne sçay auquel lez prendre [contre qui faire un voeu ; nombreux autres ex. dans ce texte, cf. gloss. de l'éd.] . (Percef. I, R., t.2, c.1450 [c.1340], 705)

[À propos d'une chose abstr.] Côté.

Et par aventure pourroit on dire et bien que c'est pour ce que les consonancies musicaulx desirent que les sons qui les font soient moiennement et par bonne mesure ne trop ne pou distans et eslongié de equalité et de union. Et pour ce dit Boece que les consonancies ne doivent point passer oultre la quadruple proporcion ne oultre la sesquitierce aussy a l'autre lez. (Evr. Conty, Harm. sphères H.P.-H., c.1400, 57)

2.Côté familial, lignage.

Certes pas ne sont de tel lé Ne de tel ligne com je suy. (Desch., M.M., c.1385-1403, 44)

Est il de ton lez qui te ose justifier de non avoir coulpe droit cy en ceste mutation... ? (Chastell., Temple Boc. B., 1463-1464, 149)