LAMPROIE

substantif féminin

[T-L : lamproie ; GDC : lamproie ; AND : lampreie ; DECT : lamproie ; FEW (V, 146b) : lampreda ; TLF (X, 954b) : lamproie]

A. -Poisson de mer et de rivière, lamproie.

Fourmentee, venoison, lamproye a la sause chaude, leschefrites, bresmes, et darioles, esturgon et gellee. (Ménagier Paris B.F., c.1392-1394, 176)

...et faictes la lamproye seigner en ung plat, et luy boutez une petite brochecte dedens la gueule pour la faire mieulx saigner (...) ...et quant la lamproye sera rostie verdelecte, boulez icelle saulse ung boullon seulement, et gectez sur vostre lamproye et laissiez suer entre deux platz (Ménagier Paris B.F., c.1392-1394, 235)

...et ordennez que nous aions de bon poisson assés, comme des anguilles, lampreons, lampraes, samon fraisse et saleie (Man. lang. G., 1396, 68)

...achat de six grans carreaulx, et troys grandes carppes de l'estang de Broischesac, six grandes brésmes, et six lamproyees (Comptes roi René A., t.3, 1453, 292)

Damp Abbés (...) manda a la bonne ville retenir lemprois, saulmons et des autres meilleurs poissons de mer et d'eaue doulce que l'en pourroit trouver (La Sale, J.S., 1456, 245)

Lamproyes et bourrees a la saulce chaude. (Recueil Riom L., c.1466, 80)

Toutesfois les lamproyes petites ne sont pas si perilleuses come sont les anguilles car elles ne sont pas si viscieuses ne de matiere si grosse. (Rég. santé corps C., 1480, 76)

Remarque : DESCH., Oeuvres R., t.7, c.1370-1407, 187 ; Vivendier S., c.1450, gloss.

[Cont. grivois] Manger la lamproie

La voisine ainsi logée et couchée, aux Cordeliers s'en va la vaillant femme pour menger la lemproye et gaigner les pardons, comme assez avoit de coustume (C.n.n., c.1456-1467, 264)

Locution. Payer la lamproie. Payer une gratification, d'où en être pour ses frais.

Mais toute ceste compaingnie Tient le contraire et le vous nie. Et pour ce bien dire pouez Que vous n'estes pas avouez ; Si devez paier la lamproie. De ce plus dire ne saroie, Qu'on ne puet bon argüement Faire seur mauvais fondement. (Mach., J. R. Nav., 1349, 243)

Amis, par saint Symon, Vous m'avés fait un long sarmon Adfin que ma dame ne voie. Mais vous paierés la lamproie, Car vous n'estes pas advoés, Ne consillier ne me poés Tel conseil qu'il n'i hait deffaut, Quant vous savés bien qu'il me faut Aler au doulz commandement De celle qui j'aim loialment. (Mach., Voir, 1364, 646)

Or ne nous faignons, Payer nous fauldra la lemproye. (Régn., F.A., 1432-c.1465, 10)

Humble Requeste, vous savez Tresbien parler quant vous voulez, Mais tresvoulentiers je savroye Si vous en paierez la lamproye. Si le Cueur ne vous advouoit, Vous la payerez, raison seroit ; Car je pense que au paraler Ne fauldra point pour lui parler. (RENÉ D'ANJOU, Cuer am. espris W., 1457, 192)

Remarque : LE FÈVRE, Leesce V.H., c.1380-1387, v.3973. Rostir la lamproie, même sens : GRÉBAN, Pass. J., c.1450, v.26254 (DI STEF., 470b).

Avoir la lamproie. En être pour ses frais.

...vous avriés la lamproie par deffaulte d'avoé (Percef. VI, R., c.1450 [c.1340], 449)

B. -Par analogie. Ornement, petit collier.

Murenula (...) : petite lenproie ou petite telle perre precieuse, chainecte a ourner le col [ou sens propre (muraenula 'murène') ?] (Aalma R., c.1380, 267)

Lamproye : (...) petite lamproye et aussi murenula segnefie chienette d'or ou d'argent qui est en maniere d'une lamproye que les femmes portent en leur coul pour ornement (Gloss. gallico-lat. M.M., c.1425-1450, 233)