LABOURAGE

substantif masculin

[T-L : laborage ; GD : laborage ; GDC : labourage ; FEW (V, 104b,105b) : laborare ; TLF (X, 888b) : labourage]

I. -[Corresp. à labeur]

A. -Travail, labeur.

...se il labouroient ou faissoient aucuns labourages pour leurs signeurs, il en voloient avoir leur salaire. (Froiss., Chron. R., X, c.1375-1400, 95)

Et, conme aucuns veulent dire, nous devons aussi laissier que ilz [les juifs] puissent prester aux Crestians a usure, car aultrement ilz ne pourroient bonement demourer entre lez Crestians, car il ne scevent conmunement aucun labourage faire et, ja soit ce que il soit deffendu en la Loy encienne que nul ne preste a usure (Songe verg. S., t.1, 1378, 354)

Derechief Jhesuchrist si est appellé fevre (...), et ainssi il appiert que Jhesuchrist amet miex labourage que mendycité. (Songe verg. S., t.2, 1378, 228)

Encores, au millieu de la nef [entre] la pompe et la prore, et chasteaux des costez, avoit certains habitacions et offices pour toutes manieres de gens neccessaires a la nef, c'est assavoir pour marchans et bourgois, pour gens de tous mestiers, et pour laboreurs de divers laborages. (Mézières, Songe vieil pèl. C., t.1, c.1386-1389, 538)

...Ne feu, ne fer, n'eaue, ne vent, n'orage, Ne labourage exessif, ne bruvage (...) Ne l'ont fait mort, mais naturelle mort (Molinet, Faictz Dictz D., 1467-1506, 414)

...ilz en acquierent a la fin Grans richesses et grans puissances, Dignitez, honneurs, jouyssances : Tout n'est que peine et labourage Et affliction de couraige. (Alecis, Passe temps P.P., 1480, 128)

Peine, fatigue.

MARIE. [à son fils Jésus nouveau-né] . (...) J'ay bon fruit de mon labourage Quant les roix de haultain parage Sont venus des marches longtaines Toy aourer et faire hommage Et offrir richesses haultaines. (Marcadé, Myst. Pass. Arras R., a.1440, 47)

Façon de travailler, fabrication.

Que tous les draps qui doresenavant seront fais en ladicte ville, par maniere de draps marchans, de la façon, moison et labourage d'icelle ville, auront un marc et saing publique de plom (Ordonn. rois Fr. V.B., t.11, 1419, 13)

B. -Mal infligé à qqn.

NABUGODONOSOR. Craingnent ilz point nostre puissance ? VACOR. Ilz ont ung merveilleux couraige.NABUGODONOSOR. Nous leur ferons tel labouraige Que peccavi trop tart diront. (Myst. Judith Holofernés R., c.1490-1500, 92)

II. -En particulier. [Corresp. à labour]

A. -Travail de la terre, culture.

...nous nous emploierons à bouter la guerre hors d'icellui royaume et le mettre en paix et transquillité, afin que Dieu y soit servy et honnoré, et que marchandise et labourage y puissent avoir cours. (Fauq., II, 1421-1430, 96)

Adieu vous dy se mourir me convient. Adieu vous dy, toutes gens de mestier ; Aussi faiz jë a ceulx de labourage, A ceste fois j'ay de vous tous mestier (Régn., F.A., 1432-c.1465, 136)

Nous faisons tout le labouraige De quoy se nourrist tout le monde Et nourrissons le bestiage (Pac. Job M., c.1448-1478, 188)

Faictes le blé et la semence Et tous les aultres labouraiges, Et couchez la nuyt es bouquaiges (Pac. Job M., c.1448-1478, 189)

Ung pere de famille saige, Entendant a son labouraige, Pieça de sa maison yssy Pour semer, ailleurs et icy, Son grain comme il est coustumier. (Gréban, Pass. J., c.1450, 171)

[Pour expliquer pourquoi les plantes non semées ni cultivées poussent plus vite que les plantes semées et cultivées] ...elle [la terre] est mere des herbes croissant sans culture et est marratre des herbes qui croissent par labouraige. (Macho, Esope R., c.1480, 24)

DIEU [à Adam] . (...) Malediction durement Sera sur terre en ton ouvrage, Car tu languiras povrement En vivant de ton labourage. (Myst. Pass. Troyes B., a.1482, 64)

Et [Dieu] si leur ordonna leur estre [Hors de paradix terrestre] En la val d'ebron propremant Ou il [Adam et Eve] esterent longuemant En feysant pliseurs laborages Et en la sueur de leur visages (Oudin, St Genis M.S., c.1490, 94)

B. -Par métonymie.

1.Produit du travail de la terre.

Je ne te puis mie tout dire Ce qui est de ceste matyre : Comment Cerès par toute terre Sa fille ala serchier et querre ; Comment elle escommenia Sicanie et quanqu'il y a ; Comment les bestes des charrues Faisoit morir par mi les rues Et destruisoit tout labourage ; Comment dou roy d'enfer l'outrage Li fist savoir Arethusa ; Comme Elchalaphus encusa Proserpine qu'il vit mengier Dou fruit d'enfer en un vergier (Mach., C. ami, 1357, 89)

...et ung donnoit son labouraige pour du pain ou pour de la laine. (Oresme, Monnoies W., c.1365, VIII)

Et qui n'est pas de partir hastiz, Dieu scet quel meschief on li fait, Jusque au bouter le feu de fait. Plus n'y fault querir labourage De tout (Concil Basle B., 1434, 104)

Je voy que, par son fol oultrage, Me fait sacriffice indecent Du pire de son labourage, Mal impropice et non decent. (Myst. Pass. Troyes B., a.1482, 103)

2.Terres cultivées.

...si ont de grans revenues Des maisons qui d'eulx [ces moines] sont tenues Et de leurs autres labourages (Mir. Rob. Dyable, c.1375, 7)

De ces laboureurs vi je maint Laches, ribaux, faillis et faint En autrui labourage et faire Maint faulx ouvrage, pour parfaire Leur tache plus tost qu'ilz ne deussent, Ne leur chaloit, mais qu'argent eussent, Fust ou en vigne ou en gaignages (Chr. Piz., M.F., II, 1400-1403, 78)

Si di que cil la poursuit laschement [la mort] Et porte armes en meschant vasselage, Qui s'espreuve sur povre labourage Et des assaulx des ennemis s'esloigne (Chart., B. Nobles, c.1424, 400)

Labourages Et villages, Bourgs, villes, chasteaulx, passages, Ars, destruis, et mis au bas ! (Chart., L. Paix, a.1426, 414)

...envyron six vins arpens de terres arrables et seize fauchies de prez ou environ, que je tiens de mon labouraige et pourroient voloir pour an qui les balleroit a cense huit muys de grain ou envyron (Trés. Reth. L., t.3, 1449, 265)

Je vueilz que tout leur laboraige Soit tempesté, ou par oraige, Ou par gresle, ou par gelée, Ou par fouldre ensemble meslée. (Myst. st Adr. P., c.1450-1485, 7)

...ledit Pierre Fradineau suppliant estant en ladicte pièce de terre, arrachant des espines pour la convertir en labourage, et estoit avec lui ledit Pierre Baudin, son gendre, (...) lesquelz Baudin, suppliant, et Laurens Fradineau avoient chacun deux beufz et vouloient labourer en icelle pièce de terre (Doc. Poitou G., t.12, 1476, 136)

Chambre a devis, salles, haultes tourelles Constituees a plusieurs fenestraiges Pour regarder devant et autour elles Rivieres grandes, praieries, labouraiges. (La Vigne, V.N., p.1495, 178)

Pres de ces villes a une grant forest, Advironnee de fertilz labouraiges (La Vigne, V.N., p.1495, 229)

3.Sorte d'impôt sur les vins déchargés d'un bateau à terre' (GD).

Remarque : Doc. 1408, d'apr. Du Cange : Laboragium 2 (Tantost que les vins amenez par la dite riviere et arrivez et mis hors des nefs ou des bateaulx et assis a terre sur le dit port, nostre dit conseiller doit avoir et a accoustumé recevoir, pour chacune piece de vin, trois poitevines de labourage) ds GD IV, 687c-688a.

C. -Par métaphore. [Dans un contexte grivois]

Homme et fame est chose prouchaine Plus que les aneaulx d'une chayne Qui sont l'ung dedens l'aultre enté, Car de leur franche volenté Se doivent si bien aproucher Et de leurs jambes accrochier, Sans moyen de barbe et de braye, Que l'ung autant de payne traye Que l'aultre en leur labourage S'ilz veulent faire bon ouvrage. (Barbes brayes A., a.1450, 260)

Toutesfois ne sceurent ilz si bien faire et celer leur cas que il ne fust sceu, car ainsi qu'ilz estoient au labouraige, le pere survint, qui trouva sa femme soubz son filz, dont fut moult esbahy pour la nouvelleté de la chose, qui estoit indigne, que ung filz touchast la femme de son pere. (Tardif, Facéties Pogge D.H.-P., c.1490, 199)