GRACIEUSETÉ

substantif féminin

[GDC : gracieuseté ; FEW (IV, 248a) : gratiosus ; TLF (IX, 389a) : gracieuseté]

I. -Qualité carctéristique d'un comportement courtois, caractère aimable, agréable de qqc..

A. -Affabilité, bienveillance, civilité, manières aimables.

1.[À propos d'une pers.]

A toute heure me vient ramentevoir Son bel atour souvenir qui ne cesse, Et mon desir sans m'arester m'apresse D'aller veoir celle qui a passé Toutes dames de gracieuseté. (Lannoy, WERCHIN, Ball. P., 1404, 332)

Et quant a dance ou a feste s'embatoit ou elle fust, la nul ne le passoit de gracieuseté et de courtoisie (Bouciquaut L., 1406-1409, 32)

Pour tant que je vous sçay discret Et saige, je le vous diray: Mon amy joieux, il est vray Que vostre excellente beaulté, Doulceur et gracïeuseté Ont mis l'amoureuse estincelle En mon cueur, qui point ne se selle, Car le semblant n'en peut mentir. (Narcissus, p.1426, 297)

Et celle grâce d'aller et venir par toutes festes et esbanois, avoit le duc Loys par sa gracieuseté, joieuse parole, et bel vivre (CABARET D'ORV., Chron. Loys de Bourb. C., 1429, 5)

...et la contesse prist congié de luy mais avant son partement luy vindrent le maistre d'ostel avecquez sez plus principaulx officiers qui luy dirent : «Vous soyez bien venu cheans, Phlipot, beau sire, car a toute heure y pouez venir et aler pour la gracieuseté de vous et amour du paiis (Comte Artois, c.1453-1467, 109)

...car Amours a mis vostre cueur en tiel lieu qu'il ne le povoit mieulx loger, pour ce vrayment qu'elle [la dame] vault trop et en couraige, en beaulté, en coustume, en doulceur et en gracieuseté, en honneur et en noblesse. ((BEAUVAU, Troyle, c.1455. In : Chrestom. R., 92)

Lors Saintré print congié, et messire Anguerrant avec pluseurs chevaliers et escuiers retint au soupper, dont tout ce soir et pluseurs jours aprés ne cessa le devisier de la beauté et gracieuseté de Saintré et de tous les siens. (La Sale, J.S., 1456, 109)

...entre les dames jamais homme ne le passa de gracieuseté. (C.n.n., c.1456-1467, 191)

...je vous avoye entre aultres choisie comme la non pareille en [beaulté], genteté, et gracieuseté (C.n.n., c.1456-1467, 233)

...sa doulceur, beaulté et gracieuseté singuliers estoient cogneues par toute la cité de long temps (C.n.n., c.1456-1467, 567)

Par personnification.

D'aultre part vindrent au devant de moy Gracieuseté et Doulx Parler qui m'amuserent a ung estroit pas nommé Espoir ou voulentiers chascun s'arreste, ce pendent que Plaisance tendoit ses laz ou mon cueur fut pris. Desir et Franc Vouloir, qui estoient mes serviteurs furent envers moy plus eschauffez que les aultres brigans et furent cause de ma destrousse ; et croy, moy, qu'ils s'estoient abutinez avecques eulx. (Vaillant, Oeuvres D., c.1445-1470, 173)

[Dans un cont. métaph.]

[À propos d'Humilité] De doulceur estoit sa monture, Armez de gracieuseté, Lance de simple esgardure, Espée de mesme mesure, Et assés bonne contenance (Prisonn. desconf. C., c.1488-1489, 26)

Par extension. Générosité susceptible de gagner la sympathie.

'...j'en ay eu IIJ paires de soulers et IIJ paires de tins, et le surplus donné le vin aux compaignons des maistres ouvriers, et aux varlez de nostre maistre l'escuier.' Madame, qui de tout ce fut bien aise et voist que sa gracieuseté devers les maistres ouvriers lui a aidié (La Sale, J.S., 1456, 57)

2.[À propos de comportements] Civilité.

...et, ce jour là, tant hommes que femmes, furent aussi bien acointés les ungs des autres que se, tout le temps de leur vie, eussent esté ensemble. Ceste journee se passa en toute gracieuseté jusques au soupper (Cleriadus Z., c.1440-1444, 440)

...je croy que on ne pourroit au monde trouver amours mieulx parties de toute biaulté, bonté, gracieuseté et noblesse d'une part et d'aultre. (Chast. Vergier S., c.1450-1480, 94)

B. -Par métonymie. Parole ou autre témoignage de courtoisie.

Et la royne lui dist : 'Saintré, les services et gracieusetez que avez faiz a tous, especialment aux dames, ont avancez voz jours a vous faire saillir de paige et devenir escuier de Monseigneur et de nous...' (La Sale, J.S., 1456, 68)

...estes vous tel, si vous m'avez donné aucune courtoisie ou gracieuseté, que vous le me vouldrez après retollir par ceste façon ? (C.n.n., c.1456-1467, 123)

...[il] trouva maniere d'avoir entrée et faire le gracieulx envers leur dite hostesse, et y continuoit souvent en devises et semblables gracieusetez que on a de coustume de faire en la queste d'amours (C.n.n., c.1456-1467, 386)

Et, à la verité, le duc Charles de Bourbon fust de son temps l'ung des meilleurs corps, fust à pié ou à cheval, et l'ung des plaisans et des mondains, non pas seullement des princes, mais des chevaliers du royaulme de France, et sçavoit des honneurs et gracieusetez du duc, son frere, prendre ce qui en estoit en son appertenir. (La Marche, Mém., I, c.1470, 254)

Par euphémisme. Faire la gracieuseté (à une femme)

Quant vint à coucher, elle eut si grant paour qu'elle commença à trembler et ne vouloit approcher ne adhérer de son mary, ne souffrir qu'il luy fist la gracieuseté, dont le mary fut courroucé (Tardif, Facéties Pogge M., c.1490, 134)

II. -Élégance, charme, grâce, séduction.

Qui se pourroit tenir d'estre amoureulx Qui regardast vo parfaicte beaulté, (...) Vo ryans yeulx, vo gracieuseté, Les hautains biens que Dieu vous a donné ? Qui s'en pourroit longuement abstenir ? (Lannoy, WERCHIN, Ball. P., 1404, 360)

Cellui de Nature [don] est ou corps, c'est assavoir, force, beauté, santé, habilité, parole ordonnée, honnourable port, maniere arrée, avenant maintien, gracieuseté, et toutes telz choses qui au corps et à ses mouvemens appartiennent. (Chr. Piz., P.V.H., 1416-1418, 34)

Et pour ce que sa doulceur, beaulté et gracieuseté singuliers estoient cogneues par toute la cité de long temps, si tost que les jeunes gens sceurent du departement de son mary, ilz la vindrent visiter, laquelle au premier ne vouloit/ wider sa maison ne soy monstrer. (C.n.n., c.1456-1467, 567)