GESIER

substantif masculin

[T-L : gisier ; GDC : gesier ; DEAF, G 770) : gisier ; FEW (IV, 135b) : gigerium ; TLF (IX, 227b) : gésier]

A. -Foie.

...De rate et de jusier l'emflure Ceste pierre kabratés cure. (Best. lap. Rosarius S., c.1330, 158)

Et Tycïus ['Tityos'] , qui son entraille Et son jusier aus voutoirs baille, Oublia sa male aventure, Ni li voutoir n'en orent cure, Pour la harpe oïr et le son De son chant et de son arson. (Mach., C. ami, 1357, 90)

Elle desvote les absens, qui ne sont pas presenz, et compose ymages de cire a leur semblance et point de menues aguilles leur chief, jusier et membres. (Foul., Policrat. B., I, 1372, 123)

Prins et lié comme le beuf La suist [le jouvencel la folle femme] c'om maine au sacrifice, Ou comme la povre genice Que l'en maine au bersault pour traire. Mais li las ne s'en scet retraire Qui est plus liez qu'il ne cuide ; Jusqu'au juisier se gaste et vuide, et se boute la hart ou coul Plus que l'oisel qu'om prant au voul (Desch., M.M., c.1385-1403, 189)

Iecur (...) : jozier, foie (Aalma R., c.1380, 192)

Et tantost aprés dist : «Ilz le sieut comme ung beuf mené au sacrifice et le aigneau deslié, ignorant que aux liens il est tiré comme fol jusques a che que la saiette percera son jusier, comme ung oiseau qui se haste d'entrer ou las et ne scet que on traite du peril de son ame». (Daudin, De la erudition H., c.1360-1380, 280)

Et chils, qui une verde vainne Avoit encore en son jusier, Respondi et dist : 'Plas que rainne, De quoi te sert on au mengier ? Tu as ja plus que ton leuwier Alleuwé, de ce sui je fis...' (Froiss., Past. M., c.1362-1394, 191)

La cinquiesme paine est la paine Ticius qui est sy merveilleuse que les voultours ly rungent le giser et du tout le devourent, et quant neantmoins il est tout devourés, sy renouvelle il et devient tout entier come devant (Evr. Conty, Eschez amour. mor. G.-T.R., c.1400, 322)

Et c'est la paine dont les luxurieux sont travailliés, qui leurs guysiers, c'est a dire leurs cuers et leurs desirs et leurs affeccions, donnent tousdiz as voultours a mengier, c'est a dire a deliz charnelz qui du tout les deveurent et consument, non mie seulement le corps, maiz aussi leur substance et leur bon non mesmes. (Evr. Conty, Eschez amour. mor. G.-T.R., c.1400, 323)

Il fauldroit rompre sa malice Pa[r] cynamome à ce propice, Ou par eaue de mastic boire, Qui au gisier fait moult de gloire. (La Haye, P. peste, 1426, 125)

...fens luy le ventre [au grand poisson tiré hors du fleuve] , Jette la broualle en la voye, Fors le juisier, le cueur, le foye Et le fyel, que tu garderas... (Myst. Viel test. R., t.5, c.1450, 113)

Ticius aussi s'en repousa de bailler aux voultours d'enfer son gesier à rongier. (Ovide mor. B., 1466-1467, 256)

B. -Poche digestive des oiseaux, gésier.

Plus est haus hon et plus l'aplaigne [l'épervier] Par josier, par vantre et par queue ; Quant il est tans que il manjue, Pijon ou de poulle la cuisse Il an avra, s'iert que hon truisse... (Renart contref. R.L., t.2, 1328-1342, 249)

Prenez jugiers et foyes et faictes cuire en vin et en eaue, premierement les jugiers et au derrenier les foyes. (Ménagier Paris B.F., c.1392-1394, 204)

Cuisiez en eaue et en vin des foyes et des jugiers de poulaille, ou de char de veel ou d'une cuisse de porc ou de mouton, puis la haschiez bien menuement et friolez au saing de lart. (Ménagier Paris B.F., c.1392-1394, 246)

Iésier, c'est à dire le foie par espécial des oyseaulx. (La Haye, P. peste, 1426, 208)

GÉSIER