FAMINE

substantif féminin

[T-L : famine2 ; GDC : famine ; AND : famine ; FEW (III, 406a) : fames ; TLF (VIII, 637a) : famine]

A. -État de celui qui est affamé, sensation de faim.

Et quant le famine senty, Nature, qui est moult soutieue De querre en tous estas ayeue, Ly fist assaier les prounelles, Melles, glans, ponmes et cenelles, Castagnes, nois, poires sauvages Et semenche de moult d'erbages. (Dit prunier B., c.1330-1350, 80)

Et savez pourquoy ne commant Il est [le lion] einssi en mon commant ? Je l'eus si juene et si petit Que pour fain, ne pour appetit, Ne pour destresse qu'il eüst De famine, il ne se sceüst Rapaistre ne mangier par li ; Si vos qu'il n'i eüst celi Ne celle par tout ce vergier Qui riens li donnast a mengier N'a boire, se ne li donnoie... (Mach., D. Lyon, 1342, 226)

Si lui porta assez a mengier ou pan de son mantel, et li chevaux si le conjoÿ pour la famine qu'il avoit (Bérinus, I, c.1350-1370, 235)

Et avec ce il estoit si atains de grant famine, que a paines se pouoit il soustenir (Bérinus, I, c.1350-1370, 251)

J'ay telle famine que je ne puys dureir. (JEAN D'OUTREM., Myr. histors G., a.1400, 127)

...Ourseau oublia lors la famine qui l'avoit oppressee et moult joyeulx se mist au chemin. (Percef. IV, R., c.1450 [c.1340], 985)

[Dans un cont. métaph.]

Fortune est amour haïneuse, Bonneürté maleüreuse (...) ; C'est l'envieuse charité ; C'est perilleuse seürté ; Trop est douteuse ; C'est puissance en mendicité ; C'est repos en adversité ; C'est famine en cuer saoulé ; C'est joie ireuse. (Mach., R. Fort., c.1341, 42)

Et se des amoureus biens fais T'a de sa grace aucuns bien fais, Present li, les dois tire a tire Doucement recorder et dire, Et elle te confortera A tes besoins et t'aidera. Elle adoucira ta dolour Et refroidera ta chalour ; Ta famine saoulera Et ta grant soif estanchera. (Mach., C. ami, 1357, 78)

B. -Disette, manque absolu de vivres dans un pays et souffrance ainsi engendrée, famine.

Oÿ avés chanter en l'istoire bien prisie Comment les bons enfans eurent de chasserie (...) Et comment il souffrirent famine et dure vie (Renaut Mont. B.N. V., c.1350-1400, 391)

Et se voit on tout en appert Qu'une ville souvent se pert Par mal song ou par traïson, Par famine ou discention. Qui de ces quatre poins se garde En fort ville assise, il n'a garde, S'elle est de bonne gent garnie, D'engiens et d'autre artillerie. (Mach., C. ami, 1357, 120)

Qui dont veïst gens esmouvoir, C'estoit merveille, à dire voir. Chascuns disoit : 'Se Dieus me faut, Jamais ne l'ariens par assaut, Ne par siege, ne par famine, Par angien, par trait, ne par mine ; Ne nous ne li poons grever, N'on ne se doit pas esprouver A ce qui ne puet avenir...' (Mach., P. Alex., p.1369, 79)

Fortune m'assault Si fort (...) Que je doubt que mes mains mengier Ne me conviengne par famine. (Mir. roy Thierry, c.1374, 289)

...quant ilz n'avoient de quoy païer leurs raençons, ilz lioient les aucuns en leurs maisons, ne leur donnoient que boire ne que mengier, et les autres ilz batoient moult durement et apprement ; et ne se puet recorder de plus grant nombre de prisonniers ou de plus petit des LX par lui cogneuz oudit article, et aussi ne puet savoir se, par famine ou desdites batures, les François se morurent ou non (Reg. crim. Chât., II, 1389-1392, 98)

...parce que ou pays d'Engleterre a très-grant famine, et que, durant icelles treves, les Engleiz se sont fort avitailliés des biens creus et estans ou royaume de France, et que aussi plusieurs marchans de France en y ont fait mener très-grant quantité (Reg. crim. Chât., II, 1389-1392, 196)

Et lors vint une espie qui lui dist : Sire, soiez sus vostre garde, car ceulx de la ville attendent a avoir brief secours. Par mon chief, dist le roy, je ne scay ne ne puis adviser lieu dont secours leur puisse venir. Je ne m'en doubte pas que je ne les aye ou par force ou par famine. Et ainsi s'asseura le roy d'Ausay, de quoy il se trouva bien deceu. (Arras, c.1392-1393, 152)

Pour ce voit on avenir ou monde les grans mortalitez et les expidimies de gens et de bestes aussy, aucunesfoiz les grans deluges d'yaue et de feu aussi, si comme signiffie la fable Pheton, les guerres, les batailles, les sterilitez et les famines (Evr. Conty, Harm. sphères H.P.-H., c.1400, 67)

...li signeur d'Engleterre (...) faisoient doubte que ils ne les venissent escarmuchier (...) pour euls mieuls metre en aventure de vivre ou de morir, car il avoient entre euls grant famine. (Froiss., Chron. D., p.1400, 149)

...chil qui dedens estoient, furent si constraint de famine que il se rendirent (Froiss., Chron. D., p.1400, 549)

...lor ceval moroient tout de froit et de famine (Froiss., Chron. D., p.1400, 591)

...chil de Calais (...) estoient a si tres grande destrece de famine que li plus poissans et li plus fors se pooient a grant malaise soustenir. (Froiss., Chron. D., p.1400, 835)

Si les a conquis par famine (Chr. Piz., M.F., IV, 1400-1403, 10)

...aucuns (...) transportoient le blef de la ville hors pour vendre ou peril et famine du pueple. (Baye, I, 1400-1410, 326)

...le roy d'Angleterre (...) empeschoit touz vivres entrer en ladicte ville, par quoy les habitans d'icelle avoient famine et très grant deffaulte de vivres (Fauq., I, 1417-1420, 213)

Comme souvent el [la peste] prent racine En temps brehaign et de famine (La Haye, P. peste, 1426, 43)

Famine, grant défault de vivres. (La Haye, P. peste, 1426, 200)

Que nous vault cecy ? Pas enpaigne ! Nous mourons de fine famine ; Noz robbes sont plus qu'estamine Reses, et ne pouons savoir Comment nous en peussons avoir. (Path. D., c.1456-1469, 50)

Et y vint aussi plusieurs saumons, esturgons et du herenc frès, en despit et maulgré de tous lesdiz Bourguignons, Bretons et autres ainsi estans devant Paris, qui avoient menacié ceulx de ladicte ville de leur faire menger leurs chas et leurs ras par famine. (Roye, Chron. scand., I, 1460-1483, 105)

Or en verité Mains veves en Israel vivoient ; Grant femine partout estoit. A nullez d'elles n'alla Helye, Maiz a la veve de Cydonie, Pour la norrir le tramist Dieu. [Réf. à Luc 4, 25-26] (Pass. Auv., 1477, 121)

Affin que mieulx on les greve et moleste, Envoyés [leur] guerre, famine et peste Que de mil ung n'en demeure vivant. (Cene dieux, c.1492, 118)

Danger de mort, de famine, de guerre Sont bien prochains... (Cene dieux, c.1492, 141)

Cestui predist les signes horribles que se monstrerent ou ciel et aussi le grant yver et la famine subsequente (Simon De Phares, Astrol., c.1494-1498, f° 98 r°)

Nous mourrons tous d'infernalle famyne Par les nouvelles que sçay puis a matin (La Vigne, S.M., 1496, 224)

Famine canine. Voir canin