ERRE

substantif masculin ou féminin

[T-L : erre3 ; GD : erre2 ; AND : eire1 ; DECT : erre3 ; FEW (IV, 823b) : iter]

A. -Au propre.

1.Voyage, déplacement.

Si tournasmes un pou a destre, Alant vers paradis terrestre, Et tant osmes ja cheminé Qu'ains que nostre erre fut finé, Nous posmes ja le son oir Des yaves que l'en ot brouir Au cheoir des montaignes dont Ce lieu est enclos, et adont Ma maistresse prist a parler Et dist : De plus avant aler, Belle fille, ne nous loist mie. (Chr. Piz., Chem. estude P., 1402-1403, 67)

Appareiller/apprester son erre. Préparer son voyage, tout ce qui est nécessaire pour son voyage, pour son déplacement.

Quant son oirre out appareillié, A son compaignon print congié. Vers Romme s'est acheminés (Renart contref. R.L., t.1, 1328-1342, 19)

Et quant il ot bien fait son pelerinage, il ne voult plus en la terre sejourner, ains fist appareiller son oirre pour retourner en son païs, et s'en vint au port ou il avoit ses nefz laissees. (Bérinus, II, c.1350-1370, 182)

'...Or mande tost a Karle celui proposement Et apreste ton oirre sans nul atargement.' (Renaut Mont. B.N. V., c.1350-1400, 419)

Yris tantost a son oirre [var. oire, hoirre, erre] aprestee ; Ses eles prent ; en l'air s'en est volee, D'une nue couverte et affublee. (Mach., F. am., c.1361, 164)

Je pren a tant congié de vous Et m'en vois aprester mon erre. (Mir. st Lor., 1380, 128)

A ce mot respondy Remondin : Ma dame, je feray mon povoir d'acomplir vostre commandement. Remondin appresta son erre et prist congié de Melusigne, et se party a moult noble compaignie de chevaliers et d'escuiers, le nombre de bien deux cens gentilz hommes. (Arras, c.1392-1393, 51)

Et fist appareillier son erre pour aler avecques les ambassadeurs de Norhombellande. (Arras, c.1392-1393, 252)

...puis quant ce vint le matin, leur oirre fu apprestee, sy s'en partirent. (Gérard de Nevers L., c.1451-1464, 132)

Quant le conte vey son oirre estre apprestee, il vint sur la marine au port, ou il trouva sa galee bien apprestee et garnye de ce que mestier estoit (Hist. seign. Gavre S., c.1456, 38)

Quant il vint en son hostel il trouva son orre apprestee ; les chevaulx furent tiré des estables, sy monta dessus et s'en party d'Atthaines. (Hist. seign. Gavre S., c.1456, 182)

En particulier.

Expédition militaire.

Alixandres a appresté Son erre, a grant host, pour conquerre Entierement toute la terre. (Chr. Piz., M.F., IV, 1400-1403, 36)

Car les Rommains ne Alixandre Ne autres conquesteurs d'eulx mendre Fors a cause de moy ne firent Tous leurs fais ; et quanqu'ilz conquistrent, De mes deniers soustins leurs erres, Et pour l'amour de moy les terres Conquistrent par l'univers monde. (Chr. Piz., Chem. estude P., 1402-1403, 168)

Pèlerinage.

Ha ! saint Clement, ouquel voiage Me suis mise et ay empris l'erre, Vueillez pour nous a Dieu requerre Que l'orage qui fait abesse (Mir. emper. Romme, 1369, 286)

Déplacements, ronde (d'un gendarme).

Ceste ballade luy envoye [à mon amour] , Qui se termine tout par erre. Qui luy portera ? Que je voye... Ce sera Pernet de la Barre, Pourveu, s'il rencontre en son erre Ma damoiselle au nez tortu, Il luy dira sans plus enquerre : 'Ordre paillarde, dont viens tu ?' (Villon, Test. R.H., 1461-1462, 82)

Par extension. Préparatifs, tout ce qui est nécessaire à une action.

...il eust voulenté d'aler chasser es fourestz de Noyon et print ses veneurs et son erre de chasse et prist en sa main ung fort espieu et aussy des chiens. (Baud. Flandre P.-M., c.1443-1452, 52)

2.Chemin, route, trajet.

Et quant l'uevre fu assevie, Li preudons qui estoit en vie L'ama durement et prisa Et ce vergier ci baptisa Qu'il fust appellez a tous jours : 'L'Esprueve de fines amours', Pour ce qu'il n'est nuls qui compasse Si bien son erre [var. sen oeuvre] qu'il y passe, Puis qu'a fausseté penseroit, Et li loiaus y passeroit ; Car nuls n'i vient qui ne se prueve Tous tels comme il est, sans contrueve. (Mach., D. Lyon, 1342, 222)

Leur zodiaque vi et l'erre De leur fin et terminement (Chr. Piz., Chem. estude P., 1402-1403, 82)

DIEU LE PERE. Uriel, il te fault aler Descendre la bas sur la terre, Et tout droit adreche ton erre En Hierusalem (Myst. Incarn. Nat. L., t.1, c.1454-1474, 243)

... [le duc] s'avança très-hastivement, et en marchant encontre le dauphin, le dauphin marcha contre luy et lui rompy la moitié de son erre et le saisi à bras et l'acolla (Chastell., Chron. K., t.3, c.1456-1471, 208)

Justice en erre. Juge itinérant.

...sire Robert Perninke et ses compaignons, justices en eyre assignez (Chron. London A., c.1350, 88)

...des bailifs en eyre (Chron. London A., c.1350, 89)

Aller son erre. Poursuivre sa route.

Mais pour ce pas ne demouroit Qu'il n'en alast toudis son erre, Le chief enclin devers la terre. (Mach., D. Lyon, 1342, 174)

Cheminer telle erre. Prendre tel chemin.

Aller vous fault, gens poureux, ailleurs querre Qu'en ceste court, car ce n'est pas vostre cas. Tirés avant et cheminez autre erre, Et que ce soit plus vite que le pas ! (Coquill., Oeuvres F., 1478-p.1494, 122)

Faire et desfaire son erre. Changer constamment de chemin.

... [le duc] s'en alla croisant les champs puis cy, puis là, tout de gré, afin de rompre son trac et de non estre sievy, et fit et défit, puis par montaignes, puis par vallées, tellement son erre qu'à peine l'eust pu sievyr homme (Chastell., Chron. K., t.3, c.1456-1471, 241)

Appareiller / apprester / prendre son erre. Aller en voyage ; se mettre en route.

Son bourdon reprent et l'arace. Si comme il l'out hosté de terre, Einsois que il eust prins son erre, Une fontaine en est issue (Vie st Evroul S., c.1350, 72)

...il jura Dieu qu'il apresteroit son erre et qu'il s'en yroit oultre mer conquerre Jherusalem. (Baud. Flandre P.-M., c.1443-1452, 68)

Et prirent leur erre par la mer en Constantinnoble. (Baud. Flandre P.-M., c.1443-1452, 70)

...elle apareilla son erre aveuc .XX. noblez chevaliers (Baud. Flandre P.-M., c.1443-1452, 98)

Et ce fait, Rebremette regraciant Dieu de sa victoire, prist son erre, cuidant tourner vers son maistre le roy qui l'attendoit (Chastell., Chron. K., t.3, c.1456-1471, 357)

Remettre qqn en son erre. Remettre qqn dans la bonne voie.

Car orayson est le mierre Que Dieu prent d'omme pour erre De le remettre en son erre. (Chart., L. Esp., c.1429-1430, 169)

Tenir (son) erre. Continuer sa route.

Saint Paulin, qui neis un avoir Ne convoitoit fors Dieu avoir, De quanqu'il ot se delivra Et es povres Dieu tout livra, Son avoir et son heritage, Et fut en maint pelerinage Pour tousjours aprendre et enquerre A mielx tenir vers Dieu son erre, Et tant plus sceut, tant mielx faisoit. (Tomb. Chartr. Trois contes S., c.1337-1339, 104)

Par maintes foiz, encore, L'isle Bachan, au temps de l'ore, Crosla moult merveilleusement : Flammes jaicta, qui si griefment Eschaufferent et mer et terre Que l'en ne pouoit tenir erre, Par la entour les nefz ardoyent Et les poissons tous mors flotoyent. (Chr. Piz., M.F., III, 1400-1403, 261)

[D'un bruit, d'un son fort] Poursuivre ses erres. Se propager.

...l'en voit corruption Aulcunes foiz en advenir Des oÿes, a quy venir Peut de noise grant habondance ; Tant que fait a l'oÿe grevance, Comme forgeurs, cors ou tonnerres, Dont les tons poursuivent leurs erres ; Tant que le organë en empire Et le oÿe en a du pire, Tel foiz que elle en assourdit (Courcy, Chem. vaill. D., 1424-1426, 19)

Estre en erre de + inf. Être près de, en voie de, sur le point de.

...par leus ravisans et crueux durement, Suy en esre de pierdre le dingne sacrement, Dont li roy sont enoins à leur avénement (Geste ducs Bourg. K., c.1410-1419, 532)

Certes je suis en tresgrant herre De morir (Oudin, St Genis M.S., c.1490, 67)

Estre à son erre de + inf.. Être en train de.

Item, [pour mes obsèques] je vueil qu'on sonne a bransle Le groz beffroy qui est de voirre, Combien qu'il n'est cueur qui ne tremble Quant de sonner est a son erre. Sauvé a mainte belle terre, Le temps passé, chascun le scet : Feussent gens d'armes ou tonnoirre, Au son de luy tout mal cessoit. (Villon, Test. R.H., 1461-1462, 144)

Mettre qqn en erre de + inf. Amener qqn au point de.

Je vous vueil d'amours tenir serre, Nompas m'abandonner a tous, Car vostre amour m'a mis en erre Et de faire mon mary coux. (Coquill., Oeuvres F., 1478-p.1494, 380)

Direction.

LE MATHENOT. Avant, seigneurs, entrez dedens ! Nous avons vent de si bonne erre Que plus tost que ung cop de tonnerre, Nous serons en Tarse singléz. (Gréban, Pass. J., c.1450, 94)

[À propos d'un animal]

Voie, traces.

Sire, saichiez que je trouvees Ay les erres et les fumees Du cerf, et tost le trouverons, Si croy que beau deduit avrons Se Dieu plaist, celle matinee. (Gris., 1395, 24)

Et aussi li vueill aprendre que routes et erres vuelent dire, quar ce est tout un. Erres sont les aleüres par ou une beste va, ou soit de bon temps ou de viell. Routes sont aussi par la ou il va. (Gast. Phébus, Livre chasse T., 1387-1389, 151)

Bonne(s) erre(s). Traces d'une bête qui est passée récemment.

Et se il asentent du lievre, aucunes fois avient, se il asentent de bonne hairre, que il le vont trouver en cachent baudement. (Henri Ferr., Modus et Ratio, Livre deduis T., c.1354-1377, 70)

Et, s'il y avoit nul cerf en parc ou privé, il le doit fere suyr de hautes herres et de bonnes, espiciaument li enseignier de suyr de hautes erres au commencement, quar touz jours assentent chienz voulentiers de bonnes erres et non pas de hautes. (Gast. Phébus, Livre chasse T., 1387-1389, 191)

Hautes erres. Traces d'une bête qui est passée il y a plusieurs heures.

Et, s'il y avoit nul cerf en parc ou privé, il le doit fere suyr de hautes herres et de bonnes, espiciaument li enseignier de suyr de hautes erres au commencement, quar touz jours assentent chienz voulentiers de bonnes erres et non pas de hautes. (Gast. Phébus, Livre chasse T., 1387-1389, 191)

D'unes erres. En une course, d'une traite.

Et, quant il s'en va tout droit d'une randonnee et d'unes erres et non de plus, les chienz n'en peuent mie assentir si aysieement ne si bien d'assez. (Gast. Phébus, Livre chasse T., 1387-1389, 223)

Parcours d'un corps céleste.

Danger de mort, de famine, de guerre Sont bien prochains, de ce ne ignorent nulz, Car Jupiter abrege fort son erre Pour se conjoindrë avec Saturnus. (Cene dieux, c.1492, 141)

3.Allure (d'une pers. ou d'un animal qui se déplace, d'un moyen de transport...) .

Mais par sa grant devocion Et qu'en Dieu s'esperance ot mise Ne volt unques lesser s'emprise Pour ce s'il avoit pou de gent, Ainz les ordenna bel et gent, Et puis esmut tantost son erre Pour aller ses ennemis querre Tant qu'en un fort lieu destendi Et illec un aguet tendi Pour mielx ses ennemis quasser Qui par la devoient passer. (Tomb. Chartr. Trois contes S., c.1337-1339, 77)

Dont mirent leurs mains tuit cil qui estoient dedens la nef a l'ancre, et la getterent dedens la mer pour ancrer, mais onques pour ce la nef ne mua son erre, ains couroit tousjours de plus en plus. (Bérinus, I, c.1350-1370, 215)

Quant Dis entendi la nouvelle, Ses chevaus hastë et son erre Et durement, sans mot dire, erre. (Mach., C. ami, 1357, 88)

Lors se haste il [le loup] de fuir, quant qu'il peut, maiz, se ilz sont levriers qui ne l'osent prendre, tantost les cognoist, si ne hastera ja son erre. (Gast. Phébus, Livre chasse T., 1387-1389, 98)

A cheval encor pou aloient, Car si grans et si fors estoient Que pou leur chaloit de chevaulx, A pié pouoient grans travaulx, Sanz qu'aultre beste les portast, Ne qui plus leur erre hastast. (Chr. Piz., M.F., II, 1400-1403, 179)

Pourquoy il hasta son erre tant qu'il entra en la ville (Percef. IV, R., c.1450 [c.1340], 809)

Si advint apres qu'il [le prisonnier] fut mené a Alençon, ilz le firent troter a pié a l'erre de leurs chevaulx en alant audit lieu d'Alençon, si devint si las qu'il ne peut plus aler en maniere qui fust, si desiroit plus la mort que la vie (Mir. ste Cath. Fierbois C., 1470-1483, 53)

Haster son erre. Se hâter.

...il hasta son erre tant qu'il entra en la ville (Percef. IV, R., c.1450 [c.1340], 809)

Remarque : Passage correspondant dans Percef. Compl. R., c.1450 [c.1340], 269 : Quant Ourseau sceut que c'estoit le chastel de Hurtemer, il hasta son oirre tant qu'il entra par dedens la ville.

Se mettre en erre. Se hâter.

PREMIER SERGENT. Le premier me veul mettre en erre. En moy n'avés point de deffault ; Je feray autant en ung sault Que ung autre feroit en trois. (Myst. st Adr. P., c.1450-1485, 120)

Locution adverbiale.

(À) son (grand) erre. À son allure.

Alez devant, seigneurs, vostre erre. (Mir. fille roy, c.1379, 86)

Pour certain vous puis affichier Depuis que l'envoyay couchier Et qu'il y aloit, ce me dit, Je feusse alé sanz contredit Tout a loisir et a mon erre, Ce m'est vis, deux milles de terre, Ou l'avenant. (Mir. st Alexis, 1382, 310)

...lors [damp Abbé] vira sa mulle et son grant erre le vint saluer (La Sale, J.S. E., 1456, 405)

(De/par) bon(ne) erre. Rapidement.

Or, sus, seigneurs, or sus, bonne erre ! Trop fort dormez. (Mir. ev. arced., c.1341, 114)

On m'a ci amené bonne erre Pour une femme qui travaille, A qui je dois estre la baille De son enfant. (Mir. nat. N.S.J.C., c.1343, 213)

Or alons, mon seigneur, bonne erre, Qu'il est ja tart. (Mir. nonne, 1345, 322)

Sa, dame, yssez de cy bonne erre ! (Mir. enf. ress., 1353, 66)

Mére, je vueil qu'aliez bonne erre A mes amis que voi la estre, Qu'on veult a mort pour mon nom mettre. (Mir. st Val., c.1367, 157)

De devers le roy vien tout droit, Qui m'a envoié (...) Pour dire vous (...) Que vous ne vueilliez pas laissier (...) Que ne veigniez a li bonne erre En son palais. (Mir. Clov., c.1381, 226)

Ainsi avons mis par bon erre Les estoilles au ciel de lassus Pour donner clarté sur la terre (Myst. Pass. Troyes B., a.1482, 27)

La bas nous en irons bon erre, A vostre vueil entierement. (Myst. Pass. Troyes B., a.1482, 60)

Grant erre, à/de/par/ grant (fervent) erre/de plein erre. En hâte, promptement.

Au pueple dirent li faus prestre A droit faire esclanche et senestre : 'Envoyez nous Susanne querre, La femme Joachin !'. Grant erre Fu Susanne la amenee, De tous costez avironnee De ses parens, de ses amis, A ses deus mortels annemis, Et aussi devant tout le pueple. (Mach., C. ami, 1357, 8)

Quant li cheval furent à terre Et trestoute sa gent, grant erre Les menerent devers le roy, Qu'il trouverent en grant conroy, Tout à piet, dessous sa baniere... (Mach., P. Alex., p.1369, 79)

Li roys fist un commandement, Qu'on amenast isnellement En sa presence le vallet, Qui po savoit et po valet, De dire outrage et villenie Au conte de Triple en Surie, Qui fils dou roy de Chypre estoit, Et telement le despitoit. Et on li amena grant erre. (Mach., P. Alex., p.1369, 258)

Egar ! je voy Grain d'or et Mauduit ça grant erre Venir. (Mir. st Lor., 1380, 173)

A Scipïo, qui mal les meine, Pevent contrester, a grant peine, Et, que tost conquerra la terre Se il ne s'en tourne grant erre. (Chr. Piz., M.F., III, 1400-1403, 231)

Et si véons que la lumière Est si mouvant et si légière Qu'en un petit temps ou moment Se multiplie parfaitement En l'air, en l'eaue et sur la terre, Tant est agile et de grant erre Dont fait confort et moult d'aïe à toute rien qui porte vie Sa nature doulce et plaisant (La Haye, P. peste, 1426, 4)

Dont s'ensuit que c'est chose sote Que jouer lors à la pelote, Courre, lutier, jeter la pierre, Et cheminer de fervent erre, Et tous autres telz excez faire Qui peuent à Nature desplaire (La Haye, P. peste, 1426, 85)

A tous je faiz commandement, Soyent nobles ou bien villains, Citiens, esclaves ou forains, Qui pourront pourter arme en guerre, Que briefment s'arment a grant erre Et montent a cheval, sans faille, Et s'en viennent, comment qu'il aille, Devant l'ostel imperial, Sur peinne d'estre desleal Et trahiteur a tout l'empire. (Myst. st Adr. P., c.1450-1485, 55)

Et montant à cheval en effet, s'en alla de plein erre jusques aux Innocents (Chastell., Chron. K., t.4, c.1456-1471, 148)

Et [Simon] la pourta [la croix] Sur son dos par grant erre Jusque il fut au mon de Calvaire (Pass. Autun Biard F., 1470-1471, 106)

(Or parle LE PREMIER CHEVALIER.) Bien avés dit, par l'ame mon pere Quar je m'ampliray tout a grant here, Car le veulx et se le loux ; Quar se je puis tenir saint Poul, Ou son compaignon, saint Pierre, Je lé ferait plus deul que pierre (Pass. Autun Biard F., 1470-1471, 136)

Le mercredi vingthuitïesme jour De ce dit moys, sans prendre autre sejour, Devotement a Saint Marc ouÿt messe, Et pour tousjours maintenir la promesse Qu'avoit au pape, il s'en alla grant erre Pour desjuner et disner a Saint Pierre. (La Vigne, V.N., p.1495, 239)

B. -Au figuré.

1.Action de suivre (au fig.) tel chemin, d'où manière d'agir.

Quarante ans a chanté de Requiem Nostre curé, sanz faire porter paix ; Tant qu'il ne scet d'autre service rien, Ne d'autre saint ne chantera jamais. On l'en a bien reprins pluseurs foiz, mais Respondu a qu'il ensuivra son erre (Desch., Oeuvres Q., t.1, c.1370-1407, 136)

Hector, le fort et le puissant, Un leon forsené ressemble ; D'ire et de maltalant tout tremble, Dont on lui contredit son erre (Chr. Piz., M.F., III, 1400-1403, 99)

Manière dont qqc. se passe.

Sant Pol, se je n'en suy creü, Le tesmoigne par ses epistres [la permanence des corps et leur embellissement pour l'éternité] . Et Jhesucrist a ses menistres Plus procheins - Jehan, Jaques, Pierres - En monstra assez bien les erres En sa transfiguration (Tomb. Chartr. Dix-huit contes K., c.1337-1339, 19)

D'estre destruis virent les erres, Si comme il ot destruit Celice, Par sa force et par sa malice (Chr. Piz., M.F., II, 1400-1403, 216)

[À propos d'une abstraction personnifiéee] Perdre son erre. Ne plus connaître son cours habituel, n'être plus le même.

La nature d'umanitey Est corrompue par faulsetey En mer, en l'aer et en la terre Et les signes de veritey Et touz les drois sont perturbez ; Loyaulté a perdu son herre. (Dupin, Mélanc. L., c.1324-1340, 44)

Sous les erres de qqn. Sous la conduite, la direction de qqn.

ENVIE (s'adressant à AMPLE FACULTÉ). Vous fournissez grans vanités et pompes, Joustes, tournoys qui ce font soubz voz erres, Houssures, grans bannieres et trompes, Dances et jeux qui ne servent aux guerres. (Lyon cor. U., 1467, 46)

Mal erre. Manière d'agir hostile.

Premierement, dire vous vueil Que vous avez en Engleterre Le duc d'Orleans en grant traveil, Prisonnier dedans vostre terre ; Lequel vous a volu requerre Que en son pays n'en ses lieux Ne luy feisseiz aucun malerre, Et que luy fussiez gracieux. (Myst. siège Orléans H., c.1480-1500, 271)

A Tallebot feras messaige : C'est que, de par toy, je luy mande Luy, princes et tout leur barnaige, Ne facent Orleans nulle escande, Mes vueillent (de)ppartir de la lande Sans plus leur mener de malerre, Et que je leur prie et commande Qu'i vueillent cesser ceste guerre. (Myst. siège Orléans H., c.1480-1500, 363)

Vous estes myen certainement Que pris vous ay en bonne guerre, Si vous garderay soigneusement Sans que souffrez nulle malerre (Myst. siège Orléans H., c.1480-1500, 559)

2.Dessein, projet.

Et la raison qui m'a meu De le vous dire, la vezci : Je voy qu'en ceste ville ci Nous alons, ou vous trouverez Celui a qui femme serez, Et qui tant vous honnourera Que royne estre vous fera De tel royaume conme est France, Qui est, ce tien je sanz doubtance, Plus renommée qu'autre terre : Si qu'avançons, damme, nostre erre D'aler ensemble. (Mir. Clov., c.1381, 226)

Mais destourber ne poz leurs erres. La vi je ordener de grans guerres, Famines et mortalitez Et changemens de voulentez (Chr. Piz., Chem. estude P., 1402-1403, 93)

Aussi le grant Holofernes Qui a mal faire s'arrudist, Du quel, ge croy, pas meilleur n'es Fut tué jeune par Judith, Mains exemples d'autel nature Trouveroie, s'en avoie eu erres, Escrips en la saincte escripture Encontre laquelle tu erres (Robinet, Compl. François H., p.1420, 132)

Direction, voie à suivre.

Alons, je conseil que nostre erre Soit de droit a son fort aler (Mir. Rob. Dyable, c.1375, 16)

ALEXIS. Rousselet, ou vas tu, par t'ame ? Tu vas trop malement grant pas. Dy me voir, et ne me mens pas, Ou est ton erre. (Mir. st Alexis, 1382, 300)

Attitude, tactique.

Le gentil homme tantost congneut que toutes ses excusacions estoient erres pour besoigner (C.n.n., c.1456-1467, 120)