ENTREMETS

substantif masculin

[T-L : entremès ; GD : entremes ; GDC : entremes ; FEW (VI-2, 175a) : missus ; TLF (VII, 1243a) : entremets]

A. -Plat que l'on sert dans un banquet entre deux services, habituellement accompagné d'ntermèdes, de divertissements.

...entre les viandes communes il ne doit pas oublier les entremés qui se font pour la magnificence du roy et pour esleechier les convivans des noces. (Mézières, Vertu sacr. mar. W., c.1384-1389, 90)

Entremés, fritures, et dorures... (Ménagier Paris B.F., c.1392-1394, 246)

Et eut bien seans a table soissante dames (...) La peut on veoir de l'estat grant noblece de bien servir de grant fuisson de més et d'entremés, si estragnes et si bien ordonnés que on ne les saveroit deviser, fors cheuls qui sont mestre dou faire. (Froiss., Chron. D., p.1400, 116)

Servis fumes de plusieurs mets Delicieux et d'entremés Beaulx et plaisans (Chr. Piz., M.F., I, 1400-1403, 39)

Faicte venir le cuysiner : Se deviserons d'entremès. (Myst. st Bern. Menth. L., c.1450, 65)

Et aprés les dansses et chanssons dictes, vous avrez tout prest le bel et gracieux bancquet, qui sera d'entremez et d'autres nouvelles viandes assez (La Sale, J.S., 1456, 83)

Remarque : Cf. GAY I, 638, s.v. entremets.

Divertissement (entre deux services d'un repas), en partic. ouvrage artisanal porté dans la salle à manger pour distraire et charmer les convives.

Deux heures ou environ à table il seoit, estranges entremez volentiers aussi il veoit. (Froiss., Chron. M., XII, c.1375-1400, 78)

A Hue de Bouloingne, varlet de chambre et paintre de MdS le duc, la somme de cinquante cinq livres de XL gros monnoie de Flandres la livre, pour les parties de son mestier qu'il a faictes pour le banquet fait et donné par MdS au roy de Secille, (...) ung entremets où il avoit ung paon tout vif sur une trespasse et entour avoir X lyons dorés d'or qui tenoient chascun une bannière armoyée des armes de tous les pais de MdS. (Comptes Lille L., t.1, 1435-1436, 348)

Auquel disner furent présentés par devant la table quatre entremès. Est assavoir, le premier d'une ymage de Nostre-Dame et ung petit roy couronné emprès ; le second fut une fleur de lis d'or couronnée, tenue de deux angles ; le tiers, une dame et ung paon, et le quart, une dame et ung cisne. Et quand est à parler des divers mès, de vins et de viandes, dont on y fut servi, ilz seroient trop longz à racompter. (Monstrelet, Chron. D.-A., t.5, c.1444-1453, 6)

...pour vint aisselles d'ormes qu'il a livrées à pluiseurs paintres pour sur icelles paindre pluiseurs entremets fais pour ledit banquet (Comptes Lille L., t.1, 1453-1454, 421)

Ainsi furent assiz les princes et dames qui estoit noble compaingnie. Mais il est temps de vous faire declaracion des entremès vifz, mouvans et allans par terre, qui furent conduis et demonstrez comme vous orez cy apprez. (Escouchy, Chron. B., t.2, a.1465, 141)

Et fut cestuy souper fait en l'hostel de l'évesque de Châlon ; et là fut la viande assise en manière de banquet très-plantureux, et grand foison de viandes de plusieurs et diverses manières ; et là eut un entremets assis sur une table d'environ huit pieds de long et environ de six à sept pieds de large, là où à l'un des costés estoit la ville de Châlon pourtraite et eslevée (Faits Lalaing K., c.1470, 239)

...et là vint mondit seigneur, accompaigné de princes et chevaliers, dames et damoiselles, et trouvans ledit bancquet asouvy, ilz se prindrent à regarder les entremectz, qui ediffiez y estoient (La Marche, Mém., II, c.1470, 348)

Il y avoit ung aultre entremectz d'ung petit enfant tout nu sur une roche, qui pissoit eaue rose continuellement. (La Marche, Mém., II, c.1470, 349)

Ung aultre entremectz y avoit, d'une caraque ancrée, garnie de toute marchandise et de personnaiges de mariniers, et ne me semble point qu'en la plus grant caraque du monde ayt plus d'ouvraiges ne de manieres de cordes et voilles, qu'il y en avoit en ceste (La Marche, Mém., II, c.1470, 349)

Ung aultre entremectz y avoit d'une moult belle fontainne, dont une partie estoit de voirre et l'aultre de plomb, de très nouvel ouvraige, car il y avoit petitz arbriceaulx de voirre, feuilles et fleurs si nouvellement faictes qu'à merveilles (La Marche, Mém., II, c.1470, 350)

Le secont entremectz de celle table estoit ung chasteau à la façon de Lusignian, et sur ce chasteau, au plus hault de la maistresse tour, estoit Melusine en forme de serpente, et par deux des moindres tours de ce chasteau sailloit quant on vouloit eaue d'orange, qui tomboit ès fossez. (La Marche, Mém., II, c.1470, 351)

Le tiers et derrenier entremectz pour celluy jour fut ung grant dromadaire qui entra parmy la salle, faict auprès le vif par tel artifice, qu'il sembloit mieulx vif que aultrement (La Marche, Mém., III, c.1470, 137)

B. -Par extension.

1.Divertissement, amusement.

Seigneurs, menez joyeuseté Comme a tel feste le convient ; Voicy ung entremetz qui vient Pour la compaignie esjoÿr (Gréban, Pass. J., c.1450, 163)

Que les entremés soient veüz De ceste haulte bourgoisie. (Myst. Pass. Troyes B., a.1482, 482)

LE DUC. Je croy, moy, qu'il est peu subtil. Qu'a il fait ? LE MARQUIS. Et je vous prometz Qu'il a donné pour entremetz De son manteau, comme ung taquin, Une partie. LE DUC. Voire, mais A qui ? LE MARQUIS. A ung vïelz coquin Que vous avez veu a la porte. (La Vigne, S.M., 1496, 198)

2.Poème divertissant.

La soupasmes bien et a trait (...). La fumes servis de doulz lais, D'entremés et de virelais Qu'on claimme chansons baladees, Bien oÿes, bien escoutees, Et de tout le fait de musique Tresbien et tresproprement, si que On ne savoit au quel entendre. (Mach., Voir, 1364, 344)

3.Façon, agrément.

...Ayans habitz de divers entremetz Tant de drap d'or comme de cramoisy (La Vigne, V.N., p.1495, 214)

C. -Par antiphrase.

Mal les voulez recompanser, En servant de telz entremais : Et ne cesserez vous jamais ? (CH. D'ORLÉANS, Rond. C., 1443-1460, 372)

NOSTRE DAME. (...) Dur entremais ! Filz, es tu ce ? Je ne te congnois mais. (...) En croix te rens... (Gréban, Pass. J., c.1450, 339)

Dispute, querelle.

ENVIE (...) Nuit et jour vous feray songier A trover voye et chemin Pour destruire vostre voisin. Il y a tant de ces villains Qui sont sy cossés et sy plains. Par moy ne cesserés jamais, Tant qu'il aient quelque entremaitz Et que puissiés trouver coleur Pour leur fere perdre le leur. Se vous ne sçavez rien trover Sur eulx, il en fault controver. (Pouvre peuple H., c.1450-1492, 165)

Assaut, attaque.

S'i retournent et nous guaingons, Destruiz seront a tousjours mes ; Plus puissance sur nous n'aront Et desconfiz seront desormais. Que serviz les avons d'un mes Qui pain et potaige a valu ; S'il ont encor ung entremes, Il aront tous cuyt et mollu. (Myst. siège Orléans H., c.1480-1500, 550)