ENCOURIR

verbe

[T-L : encorir ; GD : encorre ; GDC : encourir ; AND : encurre ; FEW (II-2, 1567b) : currere ; TLF (VII, 1050b) : encourir1, encourir2]

I. -Au propre. emploi intransitif ou pronominal. [Idée de mouvement dans l'espace ou dans le temps]

A. -(S')encourir. Se mettre à courir, se précipiter.

...Et pour leur peril contrester [de Haine, Fausseté...] , T'encueur tantost, sans arrester, Prier Foy qu'elle te sequeure (Jacques Bruyant, Voie pauvreté richesse P., 1342, 10)

Et Madarans s'enfuit ; si reclaimme Mahon, Margot et Apolin, Jupin et Baraton. Vers Abilant s'enkeurt le pas et le troton. (Baud. Sebourc B., t.1, c.1350, 151)

Et la nouvelle si estoit ja venue en la cité d'Oursaire et de sa gent, qui avoient Aigres assailly, et quant son pere et sa mere l'entendirent, si demenerent grant duel et s'encouru Berinus tantost armer, car encores avoit il ses armeüres et le destrier que le roy Ysopes lui avoit donné a Blandie. (Bérinus, I, c.1350-1370, 380)

Et ladicte femme [à qui Jésus ressuscité vient d'apparaître] aussi tost Aprés les autres s'encourut Le plus vistement qu'elle put (Myst. Résurr. Angers S., 1456, 476)

Tantost lui souvint du preudhomme Qu'elle vey encourir isnel (Percef. III, R., t.2, c.1450 [c.1340], 358)

Quand le prestre se vit environné de feu, et que remede n'y avoit (...) se leve et s'encourt (C.n.n., c.1456-1467, 495)

...il lessa tous ceulx qui entour lui estoient et s'encourut legierement vers sa maison. (Tardif, Apologues R., c.1493-1498, 84)

[D'un animal]

Lequel chien arracha le cueur d'un beuf qui la estoit tout escorchié et s'encourut avecques sa proye. (Tardif, Apologues R., c.1493-1498, 68)

Encourir sur qqn. Venir, se ruer sur qqn.

Du sourplus ne fault faire enqueste ne demande, les oeuvres sont publiques et le tesmoing en est intollerable famine, qui encourt et courra sus a ung chascun si amerement que tart sera de regreter la passee habondance (Chart., Q. inv., 1422, 22)

...crudelité et molicion, defloracion, combustion et effusion de sang encourront sus vous (Molinet, Myst. st Quentin C., c.1482, 23)

B. -[D'une chose] Survenir, se manifester.

C'est li poins par quoi les guerres, les pestilences et les tribulations sont de puis incourutes et eslevées. (Froiss., Chron. L., I, c.1375-1400, 11)

Sus les Ligurïens se murent Aprés, mais desconfis y furent Rommains, qui ensus se tirerent, Et mieulx qu'ilz porent s'atirerent. Lorsque ceste chose encouru, Scipïon l'Affriquant mouru Le vaillant, qui tant ot empris (Chr. Piz., M.F., III, 1400-1403, 244)

...les ambasadours de France (...) furent detriiet à non venir devers nous en Escoce (...) et trop longuement les tenistes en sejour et en solas, pour quoi li meschiés avenus est et encourus entre Escoce et Engletière. (Froiss., Chron. R., XI, c.1375-1400, 173)

II. -Au figuré. [Les empl. trans. coexistent avec les empl. intrans. pour le même sens ; l'idée de mouvement (figuré) n'est perceptible que dans les intrans.]

A. -Se rendre coupable de.

1.Encourir qqc. Se rendre coupable de qqc., accomplir, commettre qqc. (qui est condamné par la loi ou la morale).

Car par encourir telz meffais Se puet homs dampner corps et ame (Desch., M.M., c.1385-1403, 315)

Laquelle femme, en merciant de ce sondit mary, auxi lui pardonna tous corrous, ires et maltalens que sondit mary povoit avoir faites, dittes et encourues envers elle, par quelque maniere que ce soit, du temps passé jusques à hui. (Reg. crim. Chât., I, 1389-1392, 272)

D'un autre inconvenient ne me puis je pas taire, c'est que aucuns chiefs et conditeurs de gens prennent l'argent des gaiges de leurs souldoiers sans le leur departir, en les faisant vivre sur le peuple, si encourent la villaine tache de larrecin farcie de desloiaulté, et en soy continuant comme les grans larrons qui emblent a la seigneurie, nourrissent et soustiennent une niee d'autres larronceaux pour rober sur le peuple. (Chart., Q. inv., 1422, 52)

Or me convient il, dist elle, user du conseil de mon mary ; en quoy faisant, je ne puis encourir crime aucun ne deshonneur, puis qu'il m'en a baillé la licence (C.n.n., c.1456-1467, 568)

...dont par raison je dis Qu'elle debvroit (...) De plus en plus tousjours s'umillïer Si encourir ne vouloit arrogance, Tresgrant orgueil et folle oultrecuydance, Ainsi que fit jadis Lucïabel (La Vigne, S.M., 1496, 340)

2.Encourir en qqc. Se rendre coupable de qqc., accomplir, commettre qqc. (qui est condamné par la loi ou la morale).

... [il] a eu compaignie charnelle à plusieurs filles pucelles, lesquelles il a despucellées par force et contre leurs volentez, n'est record où, en quel lieu, ne en quel pays, ne aussi des noms ne du nombre d'icelles, pour les multiplicacions et reiteracions dudit peché, ouquel il est encouru par plusieurs et diverses fois, et pour les autres crymes, excès et delis par lui commis en ce et autrement (Reg. crim. Chât., I, 1389-1392, 67)

...les premiers conseilleurs sont encourus en rapines, et toy le plus (Expos. songes B., 1396, 210)

Il se pourroit bien faire qu'elle aymeroit mieulx estre morte que d'encourir en telle villonnie et pechié. (Percef. IV, R., c.1450 [c.1340], 345)

B. -S'exposer à.

1.Encourir/encourre qqc. S'exposer à subir (qqc. de fâcheux).

...vous mandons et commandons et a chascun de vous en paine de encourre nostre indignacion que vous cessiez du tout de contraindre tant par adiournement comme par prise ou arrest de corps et de biens ou par menaces ou autres voies compulsives quelscunques noz subgiez par moian ou sanz moien a nous faire prest (Phil. Vi Valois, Lettres closes C., 1339, 81)

Et bien y pert, vierge pucelle, Car par lui muert a honte celle Qu'ay espousé par marïage, Dont a po que de dueil n'enrage, Et que mon cuer parmy ne creve, Tant me tourmente et tant me greve La paine qu'il ly fault encourre. (Mir. enf. ress., 1353, 60)

Certainement miex ameroie La mort encorre. (Mir. Theod., 1357, 74)

...le grant dommage qu'avez encoru recovrez (Mir. Barl. Josaph., c.1363, 247)

...les (...) faictes garder [le roi de Navarre et sa compagnie] et deffendre a tout vostre loial pouoir si chier come vous avéz et améz nostre honneur et estat, et doubtéz encourre nostre ire et indignacion. (Lettres agn. L., 1369-1412, 157)

...donques, pour ce que forte chose est de actaindre au moien, l'en doit faire comme font les mariniers lesquelz, aprés la premiere navigacion ou il ne ont encouru nul peril, quant vient a la seconde il se traient vers le mendre peril. (Oresme, E.A., c.1370, 172)

En petit point est veritez, Que pluseurs ne veulent pas dire Pour paour d'encourre martire, Que Giezy deffent et Simon. (Desch., M.M., c.1385-1403, 163)

Et en servent paradis pert, Pour ce qu'il ne l'a desservy Et qu'il a le monde servy Seulement, sanz servir a Dieu Qui a touz dit en certain lieu Que homs a deux seigneurs servir Ne puet pas bien et le plesir De tous deux faire absolument : Si fault qu'il encoure briefment L'indignacion d'un d'iceulx Et qu'il serve a l'un comme seulx, En delaissant l'autre du tout. (Desch., M.M., c.1385-1403, 353)

Entrementiers que la murmure estoit, ly roy des Bretons, qui fu saiges et soubtilz, pour doubte que les parties estoient de grant lignaige et que par ce aucun inconvenient n'en peust encourir, envoya soubdainement fermer les portes, que nulz n'en peust yssir, et garder par gens bien armez ; et puis traist son conseil a part, et leur remonstra la querelle, et ilz lui en conseillerent ce qui s'en appertenoit. (Arras, c.1392-1393, 60)

...mais manificence, tout au contraire, n'a l'ueil fors au proffit d'autrui et a l'onneur de Dieu, tellement que se tel proffit devoit venir par encourir blasme personnel, ou que l'autre en eust la gloire, ja de riens ne laisseroit a faire ce que elle fait (Gers., P. Paul, a.1394, 503)

...la Court a defendu à maistre Pierre de Perach, clerc et licencié, sur peinne d'encourre l'indignation du Roy et de la Court (...) que en nulle maniere il ne conseille, ne ayde (...) messire Raymon de Turenne (Baye, I, 1400-1410, 149)

Piz me fait que les nobles hommes y prennent si peu garde que a peu se laissent ja les pluseurs couller en l'ordonnance des autres, sans difference de meurs ne de voulentez, et ne craingnent aucuns encourre male renommee contre qui noble cuer doit avoir plus mortelle guerre que contre autres ennemis (Chart., Q. inv., 1422, 60)

Hommes, femmes, jeunes et vieulx, Moult travaillans, en cellui temps, Soit en hostel ou soit es champs, Sont en dangier d'en encourir L'encombrement et de mourir, Pour l'abondance que leur fault traire De l'air infect et tout contraire. (La Haye, P. peste, 1426, 60)

Qui nos dis despiter vourra, Sache de voir qu'il encourra Apostolique maleiçon ; Mez tous ceulz aront beneiçon Qui nos status honnoreront Et a leur pouoir les feront. (Mart. st Pierre st Paul R., c.1430-1440, 161)

Et en pourroit le pape encourir infamie et deserviroit d'estre privé de tout honneur (Fauq., III, 1431-1435, 45)

Les vngs ont melancolie sur aucune maladie se ilz lont [l. l'ont] et cuident sans raison quilz [l. qu'ilz] se doient tantost mourir. Les autres cuident encourir ou auoir ia encouru lindignacion [l. l'indignacion] de ceulx quilz [l. qu'ilz] ont en amour bon ou mauuais. (Cib., p.1451, 219)

Prince amoureux, des amans le greigneur, Vostre mal gré ne vouldroye encourir, Mais tout franc cueur doit, par Nostre Seigneur, Sans empirer, ung povre secourir. (Villon, Test. M., 1461-1462, 84)

Si ne vueille ung chacun faillir, Sur peine de pugnicion Et sa malle grace encourir, Aussi son indignacion. (Myst. siège Orléans H., c.1480-1500, 534)

2.Encourir en qqc.

S'exposer à (qqc. de fâcheux).

Les anchiens offrent choses febles et demi morte, et pour che doivent cremir que ilz ne encourent en celle malediction dont on list en Malachie ou premier chapitre : 'Maudit est le fraudeleux qui a le masle en son tropeau et offre le feble a Nostre Seigneur !' (Daudin, De la erudition H., c.1360-1380, 172)

Desqueles accus[ac]ions il se repentoit m[oult] fort, comme triste et marry d'avoir fait icelles, et que c'estoit le pechié que oncques il eust fait dont il se doubtoit plus encourir en l'indignacion de nostre seigneur Jhesu-Crist. (Reg. crim. Chât., I, 1389-1392, 114)

...ly provoire De la loy donnerent a croire Aux Rommains que les dieus estoyent Aÿrez contre eulx, qu'ilz laissoyent Encourir en divers meschiefz, Sanz point estre d'eulx revenchiez (Chr. Piz., M.F., III, 1400-1403, 255)

A l'endemain, les assaillirent Rommains, qui mie ne faillirent De trouver gent moult deffensable, Car tous d'un propoz communable Amoyent plus chier la mourir Qu'en aultruy servage encourir. (Chr. Piz., M.F., III, 1400-1403, 257)

Estre encouru en qqc. Être exposé à, être sous le coup d'une peine, d'un sentiment négatif de la part de qqn (ici, Dieu).

...il [le comte d'Armagnac] cuidoit certainement avoir obtenu dispense de nostre Saint Pere de pooir maintenir sa seur en l'estat de mariage, et de cela avoit acquises bulles fauses, non que lui sceust la faulseté (...). Si en fut ledit conte deceu et mis en grant declamace du peuple (...) et, que plus est, avecques la honte du monde, encouru, ce savoit bien, en l'indignation divine dont il vouloit widier. (Chastell., Chron. IV, D., c.1461-1472, 257)

3.En particulier.

a)[Domaine juridique]

Encourir une accusation, une pénalité S'exposer à une pénalité.

Voz enfans touz trois Vous mandent que sanz sejourner A eulz pensez de retourner Sanz plus aler en penitance, Sur paine d'encorre sentence (Mir. mère pape, c.1355, 379)

Et avecques ce, comme il est dit devant, il pourroit encourir aucune painne et devroit en tel cas publiquement declarier ce qui meut sa conscience. (Oresme, E.A.C., c.1370, 320)

...entre les autres exemples, qui en pourroient estre diz, une fois avint que un chevalier de sa court donna une buffe à un sergent, faisant son office, de laquel chose à tres grant peine pot estre desmeu le roy par priere de ses plus amez princes, que ycellui chevalier n'encorust la loy et rigueur de justice (Chr. Piz., Faits meurs Ch. V, S., I, 1404, 60)

...et qu'ilz les denoncent, par leurs seremens et sur toutes les peines qu'ilz pourroient encourir envers le Roy et justice (Baye, II, 1411-1417, 154)

Pareillement vïolateurs, Vïolentement oppresseurs De filles, femmes sans respit, Selon les droitz et vray edit Encourent crime capital ; Et au cas semblable et esgal, Gens obstinez, felons, et fiers, Guetteurs de chemins et meurtriers De faict et d'aguet, loy et raison Si les privent de remission (Myst. jeune fille L., c.1413-1445 [c.1530], 69)

On leur laisse leur cours courir Et commencier pis de rechief, Et tristes dames encourir D'autrui coulpe, peine et meschief. (Chart., B. Dame, 1424, 352)

Semblablement, qui frappoit son cappitaine par maltalant, ou qui s'enfuioit de la bataille et les aultres y demourassent, ou se aucun estoit envoyé en ambassade devers les adversaires, ou pour les espier, et il revelloit sa legacion, il encouroit pareille peine. (Bueil, II, 1461-1466, 13)

Emploi absolu. proverbe. Qui ne peche encourt. Qui ne commet pas de faute peut quand même être puni.

Mais cest cas chiet souvent en court Que qui ne peche si encourt. (Tomb. Chartr. W., c.1337-1339, 22)

Par ma foy, fait elle, il ne m'en chauldroit s'il estoit pendu ! Mais ainxin est car qui ne peche si encourt. (Quinze joies mar. R., c.1390-1410, 55)

Encourir une inhabilité. Subir une incapacité.

Derechief, se le pere ou la mere a encoru aucune inhabilité, avant que le filz fust nez, pour laquelle il ne puist succeder, le filz aprés nez ne pourra par le moyen du pere ou de la mere succeder (Songe verg. S., t.1, 1378, 251)

[D'un bien] Enchoir en dettes. Être chargé de dettes.

, contenant que, tant pour le fait de noz guerres, sterilitez de temps et autres pestilences qui ont esté et sont seurvenues ou temps passé ou païs comme pour ce que ledit prieuré par aucuns predecesseurs du prieur qui est a present a esté petitement gouverné, les rentes et revenues d'icelui sont grandement diminuees et amendries, leurs heritages et maisons demourees en desert et ruine et ledit prieuré cheu et encouru en si grans debtes que lesdiz religieux ne le pourroient de present acquiter sanz faire miserable distracion des biens dudit prieuré, si comme ilz dient, requerans sur ce nostre provision. (Odart Morchesne, Formulaire G.L., a.1427, fol. 17v)

[D'une pers.] Estre encouru en une pénalité Être exposé à (une pénalité), passible de.

Et avec ce la Court declaire ledit duc, pour les desobeissances plus à plain contenues ou procès, estre encouru envers le Roy nostre Sire es peinnes de X mil mars d'argent (Baye, II, 1411-1417, 77)

...ensamble toutes les paines, amendes et offenses corporelles, criminelles et civilles, en quoy, pour raison des dis cas et autrement, ilz pourroyent estre encourus envers nous et nostre justice, en metant au neant tous deffaulx, bans et appeaulx (Hist. dr. munic. E., t.1, 1477, 422)

Encourir en une accusation, une sentence

Et prissent de toutes ces paroles, ordenances et convenances, li signeur et les bonnes villes, lettres seelees et instrumens publiques a tenir ferme et estable a tousjours mes, sus painne de encourir en contredit de Ronme et sentense d'empereur. (Froiss., Chron. D., p.1400, 415)

[D'une pénalité] Encouru. À quoi on a été exposé.

J'ay baillé commission adressant au premier sergent royal pour faire commandement à la vefve et héritiers de feu Jehan Bonhomme, de Montferrant, de paier la somme de trois cens royaulx avec les dommages et les intérestz encouruz (Aff. Jacques Coeur M., 1453-1457, 577)

b)Encourir une maladie

...les vieillars ne encourent pas si souvent fievres (Saint-gille, Comment. A.Y. L., 1362-1365, 268)

Item, ilz encourent souvent par leur pechié maladies, impotences, travail et ennuy, povreté, diffame, haines, perilz et pluseurs autres matieres de desplaisances selon la diversité des vices (Oresme, E.A.C., c.1370, 468)

Mez pour ce que, a la conservacion de corps humain naturel et pour querir santé quant il enquert aucune maladie, Diex si a donnee et trouvee une art, laquelle est appellee Medicine (Songe verg. S., t.2, 1378, 168)

Mez celle abstinence doit estre raysonnable et telle que nul ne perde l'usage de rayson, et que l'abstinence soit telle que, par elle, nul n'en enqueure aucune maladie (Songe verg. S., t.2, 1378, 226)

Encourir en une maladie

...se aucun encourt en une fievre (Saint-gille, Comment. A.Y. L., 1362-1365, 268)

Et des paines, tribulacions et affliccions que j'ay eu et souffertes suis encouru en plusieurs et diverses maladies, non mie si aspres que celles de Job, mais il avoit ung grant confort et je ne me puis conforter, car je voy mon peuple tout desconforté, sans avoir comme aucune esperance, si non la voye de paix dont on parle de present. (Juv. Urs., Loquar, 1440, 302)

Voir aussi incourir