DEVERS

préposition

[T-L : devers ; GDC : devers ; AND : devers1, endevers ; FEW (XIV, 313b) : versus¹ ; TLF (VII, 104b) : devers]

I. -Devers

A. -En direction de ; auprès de.

1.Dans la direction de (d'un endroit, d'une pers., de qqc.), vers.

Elle tint le responce a voire, Dont jamais plus ne l'en parlast, Ains lui dist qu'i ly saluast Son boin pere et qu'il lui deïst Que tost deverz lui revenist (Dit prunier B., c.1330-1350, 69)

Chascuns a son office accourt, L'un devers la paneterie, Et l'autre en la boutillerie, Li autre vont en la cuisine (Mach., R. Fort., c.1341, 143)

Mes au partir jettai mes ieux Deviers ma dame (Froiss., Par. am., c.1361-1362, 50)

Mes je ne puis veoir sentier ne voie Qui deviers li hastieuement me mainne. (Froiss., Ball. B., c.1362-1377, 12)

...messires Hues li Espensiers (...) prist tantos deus chevaliers de son linage et les envoia en Avignon deviers ce pape Jehan. (Froiss., Chron. D., p.1400, 52)

Messires Lois d'Espagne, qant il fu descendus et desarmés, il se traist devers la tente de mesire Carle de Blois. (Froiss., Chron. D., p.1400, 517)

...il vey en la riviere au lez devers la pucelle ung batel... (Percef. VI, R., c.1450 [c.1340], 731)

...ilz s'acheminerent devers la ville (Comte Artois S., c.1453-1467, 97)

En direction de, du côté de, vers (un endroit).

Mais pour ce pas ne demouroit Qu'il n'en alast toudis son erre, Le chief enclin devers la terre. (Mach., D. Lyon, 1342, 174)

Et li Flamench estoient sus le mont de Cassiel et logiet d'aultre part au lés deviers Ippre (Froiss., Chron. D., p.1400, 178)

...et l'esgout d'icelle Hale, tout du costé devers la ganterie (Fauq., III, 1431-1435, 32)

...la riviere de Gennes devers la mer, et devers la terre est tout le Pimont (La Sale, Salade, c.1442-1444, 162)

...car je voeuil aler aidier ceulx qui sont devers la baniere d'Angleterre. je voy qu'ilz ont du pire. (Percef. I, R., t.1, c.1450 [c.1340], 200)

2.Auprès de qqn, chez qqn.

Le grant desir que j'ay de repairier Devers la flour de toute creature M'art et m'esprent et me fait tout sechier (Mach., L. dames, 1377, 37)

Le vallet arive devers la dame et la salue et lui dit : ... (Quinze joies mar. R., c.1390-1410, 51)

...son dit frere vint devers la dite hostesse et lui demanda de la robe ou couverture pour le couvrir, pour ce qu'il trambloit et estoit entré en icelle continue (Chartes Abb. St-Magl. T.F., t.3, 1400, 776)

Toutes ces coses furent sceues deviers le roi d' Engleterre et le signeur Espensier et lors complisces (Froiss., Chron. D., p.1400, 68)

...et vinrent a Valenchiennes deviers le conte et la contesse qui les veirent volentiers (Froiss., Chron. D., p.1400, 100)

Messires Jehans de Hainnau vint deviers son frere le conte et madame la contesse, qui les veirent volentiers (Froiss., Chron. D., p.1400, 154)

Il furent tantos consilliet, car la cose estoit toute clere et bien sceue, si retournerent deviers le roi. (Froiss., Chron. D., p.1400, 185)

...si se traÿ devers la mere du roy (Wauquelin, Manequine C.T., a.1448, 173)

...c'estoit Piniaux, que le roy Percheforest envoya en prison devers la royne. (Percef. I, R., t.1, c.1450 [c.1340], 575)

Il manda ses barons et consilliers devers luy (Gérard de Nevers M., c.1451-1464, 228)

...environ sept mois aprés que Ismaël vint devers Godolias qui le receupt amiablement... (Fillastre, Traité Conseil H., c.1472-1473, 201)

Devers Dieu. Auprès de Dieu.

...le prophete, qui lors flourissoit en vertu, empetra devers Dieu que cellui contritt et humilié fut retournez à sa fourme humaine et à son reaume restitué. (Chr. Piz., Faits meurs Ch. V, S., I, 1404, 76)

Mecton nous toust en oroyson Et en humble devocion Devers Dieu que vueillie monstrer Qui doibt la dignité porter (Myst. st Bern. Menth. L., c.1450, 111)

B. -Auprès de (d'une institution, d'une autorité...), devant (une institution, une autorité, surtout juridique).

Et finablement, de l'acort des dite parties, jour leur fu assigné au lundi aprés la feste saint Mathias, qui fu l'an de grace mil trois cens trente et un, a jurer et dire leur verités sur les fais et resons baillés devers la court de par ledit procureur, ou nom que dit est. (Chartes Abb. St-Magl. T.F., t.3, 1332, 51)

...que l'en enterinast lesdictes lettres sanz plus renvoyer devers la Court (Baye, I, 1400-1410, 8)

Ce jour, maistre André Cotin m'a requiz que je le vousisse excuser devers la Court (Baye, I, 1400-1410, 34)

C. -Par analogie. [Dans le temps] Aux alentours de, à l'approche de.

...durant la feste de la royne, il, seul, se bouta devers le soir en l'ostel d' un pasticier demourant en la grant rue Saint-Anthoine (Reg. crim. Chât., I, 1389-1392, 111)

...mais elle est ung pou apaisee devers le soir (Quinze joies mar. R., c.1390-1410, 21)

Or s'en vient lendemain bien matin veoir la dame et lui demande comment il luy est, et elle lui dit qu'il lui est ung pou amendé devers le jour, mes que elle ne dormyt de toute la nuit (Quinze joies mar. R., c.1390-1410, 22)

Et aucuneffoiz que le mari et sa femme sont en leur chambre et ont joué et parlé ensemble toute une nuit et demy jour, devers le matin sont en toutes joies et liesses (Quinze joies mar. R., c.1390-1410, 49)

Remarque : Gir. Ross., c.1334, éd. Mignard, 2262, ds TLF.

II. -De devers

A. -(Verbe +) de devers. De, depuis (un endroit, un lieu).

...et venoient iceulx chevaucheurs de devers Poitiers (Reg. crim. Chât., I, 1389-1392, 547)

...je vieng de devers les marches de Mellumge (Arras, c.1392-1393, 178)

...une foiz es jours d'esté je venoie de devers Chaumont en Bassigny a Paris, et a une heure de vespres me arrestay pour logier en la ville de Bar sur Aube (Ménagier Paris B.F., c.1392-1394, 87)

...jusques à ce que l'un d'eulz soit retourné de devers le Conseil du Roy estant à Rouen. (Fauq., III, 1431-1435, 11)

...le vent venoit de devers la terre (Percef. VI, R., c.1450 [c.1340], 282)

...et le conte de Sainct Pol se proumenoyt hors de l'ost, regardant s'il viendroit riens de devers Paris. (Comm., I, 1489-1491, 84)

De chez.

De devers le roy vien tout droit (Mir. Clov., c.1381, 226)

...il le attandroit jusques ad ce qu'il feust retournez de devers ledit mons.. de Berry, où il aloit porter les lettres closes qui baillées lui avoient esté de par le roy (Reg. crim. Chât., I, 1389-1392, 521)

...depuis qu'il fut retournez de devers le roy de Chippre (Voy. Jérus., c.1395, 86)

Tout droit de devers lui je vien (CH. D'ORLÉANS, Rond. C., 1443-1460, 327)

Et, le mardy IIe may, vint et arriva à Paris monseigneur de Lion de devers le roy (Roye, Chron. scand., I, 1460-1483, 329)

Departir qqc. de devers qqc. Séparer qqc. de qqc..

Item , se le vin est aigre, preigne une cruche d'eaue et gecte dedens pour departir le vin de devers la lye (Ménagier Paris B.F., c.1392-1394, 134)

B. -(Subst. +) de devers. Qui est vers, qui est du côté de.

Et court la une riviere, qui vient d'amont des montagnes de deviers Carduel, que on apelle le Thin (Froiss., Chron. D., p.1400, 124)

Ci dit des sieges de devers Oriant et Auffrike et autres. (Chr. Piz., M.F., II, 1400-1403, 11)

Puis après gaignerons le portail de devers la ville (Bueil, I, 1461-1466, 80)

...par le costé de devers la ville, vous entrerez ou boullevart (Bueil, II, 1461-1466, 124)

Du costé de devers. Du côté qui est vers.

...en et sur une maison, assise a Paris, devant le Palaiz du roy nostre sire, du costé de devers l'eglise Saint Berthelemi, tenant, d'une part, a Pierre Tiret et, d'autre part, aux hoirs de feu Jehan Sançon, en la censive de l'eglise Saint Magloire a Paris. (Chartes Abb. St-Magl. T.F., t.3, 1369, 407)

Et dit que, à deux lieues de là, a une ville qui a nom Saint-Selerin, où il a un puis du costé de devers le Mans, ouquel il jetta une piece desdites poisons (Reg. crim. Chât., I, 1389-1392, 429)

Et lesquieulx ses biens il qui parle, c'est assavoir environ de cinq à six mil frans, tant en escuz que en frans, il qui parle a mucez et mis en petiz coffrez ferrez ès riviere de Venves, près d'Archez, à une lieue au-dessus d' celle ville et de ladite riviere, du costé de devers le pays d'Auvergne. (Reg. crim. Chât., II, 1389-1392, 210)

Au costé de devers / au (costé et) lé de devers

...et ledit drappelet ainsy lié, et ouquel ledit charbon ardant estoit, elle qui parle bouta soubz la couverture de chaume et entre deux ais de la maison dudit Miserelle, au costé et lé de devers la demeure d'elle qui parle (Reg. crim. Chât., II, 1389-1392, 63)

Et celle chambre regardoit sur les vergiers, qui moult furent delictables et regardoit aux champs au lez de devers Lusegnen. (Arras, c.1392-1393, 254)

Et lors Melusigne sault sur l'une des fenestres de la chambre qui regardoit aux champs et sur les jardins, au costé de devers Lusegnen, aussi legierement comme se elle volast et eust esles. (Arras, c.1392-1393, 259)

Et ses freres et les barons le convoient jusques au ruissel qui court emmy la praierie au lez de devers Poictiers. (Arras, c.1392-1393, 299)

III. -Par devers

A. -En direction de ; auprès de.

1.Dans la direction de (d'un endroit, d'une pers., de qqc.), vers.

Or sommes ci par devers vous venus, Par quoy li drois soit jugiez et sceüs (Mach., J. R. Beh., c.1340, 117)

Mais li lyons me convoia, Sans moy laissier, et m'avoia Tout droit par devers la nacelle Par une petite sentelle (Mach., D. Lyon, 1342, 233)

Si vous pri que, pour l'amour de moi, vous voelliés prendre une devise, par la quele je vous recongnoisse, et liement rescrire par deviers moi lettres et epitles com a vostre desciple apparilliet a che que vous vorriés (Froiss., Par. am., c.1361-1362, 58)

Et se je me sui souffers d'escrire ce terme par deviers vous et che tamps passé, je vous pri que vous m'aiiés pour escusé (Froiss., Par. am., c.1361-1362, 113)

...puis afourche les deux jambes dou cerf par devers la cueue et mette son coutel au bout de la cuisse (Gast. Phébus, Livre chasse T., 1387-1389, 180)

...que casquns se pourveist, dedens celle aultre sepmainne, de charettes et de tentes pour jesir as camps, et de tous aultres hostils necessaires, pour aler oultre par deviers Escoce (Froiss., Chron. D., p.1400, 124)

...un petit apriés on conmanda que les batailles alaissent avant par deviers les ennemis, tout bellement le pas. (Froiss., Chron. D., p.1400, 142)

...et pour sçavoir se nuls de deça la mer s'aparelloit pour aler oultre par deviers la Sainte Terre de Jherusalem (Froiss., Chron. D., p.1400, 167)

...j'envoieray mon escuier par devers le palais (Percef. V, R., t.1, c.1450 [c.1340], 77)

Du côté de, vers (un endroit).

...la ditte maison ou est le grant pignon faisant le coing de la rue du Bourc l'Abbé et de la rue de Dernetal qui est a l'opposite de la Trinité de Paris et des murs d'icelle eglise de la Trinité, tenant, d'une part, par devers la rue du Bourc l'Abbé, a la maison qui jadiz fu Nicolas Rose Dieu, et, d'autre part, a la maison qui fu Guibout de l'Image, aboutissant par derriere au jardin qui fu Raoulant le Gaignier (Chartes Abb. St-Magl. T.F., t.3, 1358, 228)

...car les deux bous de terre habitable sont asséz prochains par devers la partie inhabitable (Oresme, C.M., c.1377, 330)

Au lez par devers Chalenton Fut ses sieges moult longuement (Desch., M.M., c.1385-1403, 368)

Et est assavoir que les edifices cy dessus prins ont le lonc, lé et large qui s'ensuit, c'est assavoir le pan du mur alonc des edifices de l'ostel des Estuves du Chasteau de Pontoise pardevers la court de la dicte eglise, depuis le bout du plaidouer pardevers les maisons devers la grant rue Saint Denis jusques aus estables qui sont communes pour la dicte eglise, vint quatre toises de lonc, et de lé, du costé des dictes estables, trois toises deux piés entre deux murs, et au bout du dit plaidoir, trois toises et un pié (Chartes Abb. St-Magl. T.F., t.3, 1388, 586)

...et ainsy comme il aloit son chemin, en sa compaignie Merigot, escuïer, ad present prisonnier ou Chastellet, rencontrerent ledit Breton et un autre chevaucheur du roy, nommé Raimbaut, au dehors de Verberie, par devers la ville de Senliz, près du lieu que l'en dit les Tumberiaulx de Verberie (Reg. crim. Chât., I, 1389-1392, 548)

En tandis que le tournoy s'assambloit (...), les pucelles, dames et damoiselles des hourdis veirent venir par devers la forest deux chevaliers moult richement armez (Percef. V, R., t.1, c.1450 [c.1340], 637)

2.Auprès de qqn.

Elle s'apensa d'un malice, pour sa mauvaistié et felonnie couvrir, et s'en vint par devers son mary, si lui dist : ... (Bérinus, I, c.1350-1370, 31)

Or sont elles, pour confort querre, Chi venues par deviers mi (Froiss., Par. am., c.1361-1362, 119)

Par devers Dieu / Par devers Nostre Seigneur. Auprès de Dieu.

Lembert, sanz fère arrestoison, Alons men saluer saint Prist Et li prier qu'il nous aist Par devers Dieu. (Mir. prev., 1352, 233)

...tu as trouvé grace par devers Dieu. (Mir. fille roy, c.1379, 6)

Celle n'y ot quy ne feist sa priere par devers Nostre Seigneur (Gérard de Nevers M., c.1451-1464, 185)

À l'égard de qqn, en ce qui touche qqn.

N'a mon las cuer jamais bien ne vendra, N'a nul confort n'a joie n'ateindra, Jusques atant que la mort me prendra, Qui a grant tort Par devers moy, quant elle ne s'amort A moy mordre de son dolereus mort (Mach., J. R. Nav., 1349, 64)

Et de ces commendemens aucuns en y a qui ont pardurable neccessité et qui sont raysonnables par devers toutes gens et qui ne pueent estre trespasséz sanz punicion. (Foul., Policrat., IV, 1372, 68)

Du côté de qqn, chez qqn.

...affin que il feussent condampnez et contrains a oster les diz agoux et a recevoir et requeillir leurs eaues par devers eulx ['du côté de leur propriété, chez eux (sans que les eaux s'écoulent chez le voisin)'] (Chartes Abb. St-Magl. T.F., t.3, 1365, 303)

Et tantost aprés le decés des diz Raoul et sa femme et de leur dit enffant premier et du seurvivant pourront iceulz religieus prendre et apliquier pardevers eulx tout le dit jardin et ronpre la closture de fait par devers eulx. (Chartes Abb. St-Magl. T.F., t.3, 1368, 371)

Par devers soi. Auprès de soi, avec soi.

Car nous veon souvent d'aucunes choses que les enfans ont par devers eulz que il les cuident et reputent estre tres bonnes et tres precieuses. (Oresme, E.A., c.1370, 516)

...et prist par devers soy en garde tous les clefz des yssues et entrées de là dedens. (Froiss., Chron. M., XIV, c.1375-1400, 65)

...et avecques ce avoient en iceulx boys prins et amporté par devers eulx grant quantité de fruict creulx en iceulx boys et par plusieurs foys, ce que lesdiz habitans ne povoient ne devoient faire (Chartes Abb. St-Magl. T.F., t.3, 1389, 593)

...il vit et apperçut une houppellande de drap gris sengle à usage d'omme, qui estoit pendue à une perche d'une chambre prez du lieu où il buvoit, laquelle houppellande il print par devers soy (Reg. crim. Chât., I, 1389-1392, 105)

B. -Auprès de (d'une institution, d'une autorité...), devant (une institution, une autorité, surtout juridique).

...nous adjugons audit procureur de Saint Magloire la demande qu'il a faite contre le dit Pierre de Coucy, et en ycelle condempnons le dit Pierre de Coucy et es despens fais en ceste cause, la tauxacion d'yceuls reservee par devers nous, par nostre sentence diffinitive et par droit. (Chartes Abb. St-Magl. T.F., t.3, 1332, 52)

...qu'ilz apportassent par devers la Court les lettres des dictes prorogacions dont il se disoient avoir aucunes par deça, et la Court leur pourverroit si avant que elle pourroit et qu'il appartendroit (Baye, I, 1400-1410, 6)

Et en oultre commande la Court, sur lesdictes peinnes, que quiconques aura aucun tel ou telx quaiers, copies ou escriptures appellées comme dessus, qu'il les apporte par devers la justice du Roy incontinent et sans delay après la publication de ceste ordonnance pour envoier devers la Court à en faire ce qu'il apartendra. (Baye, II, 1411-1417, 270)

...pour eviter la desolacion de ce royaume et ycellui entierement conserver, on devoit incessamment, sans intermission, poursuir par devers le Roy, monseigneur le Dauphin et les gens de leur Grant Conseil l'accord et apaisement des divisions estans entre les subgez de ce royaume (Fauq., I, 1417-1420, 53)

...et vouloient debatre par devers monseigneur le Chancelier à ce que ledit maistre Nicolas n'eust auctorité ou licence de signer, comme dit est, s'il n'estoit notaire du nombre ordinaire (Fauq., I, 1417-1420, 170)