DESTRIER

substantif masculin

[T-L : destrier1 ; GDC : destrier ; AND : destrer1 ; DECT : destrier1 ; FEW (III, 62a) : dexter ; TLF (VII, 38b) : destrier]

Cheval de combat du chevalier (éventuellement conduit par un écuyer, en principe de la main droite), destrier.

Après Prudence se sëoit Largesse qui riens ne vëoit, Einsois donnoit a toutes mains, A l'un plus et a l'autre meins, Or, argent, destriers, oisiaus, terre, Et quanqu'elle pooit acquerre, Contez, duchiez et baronnies, A heritages et a vies. (Mach., J. R. Nav., 1349, 180)

Il [l'] a mort abatu de son destrier courant (Gir. Vienne D.B., c.1350-1400, 134)

Se tu vosisses or molu Mengier, ou pierres precieuses, Ou avoir robes curieuses, Joiaus, deniers, chevaus, destriers, Dont d'or fin fussent les estriers, Tu l'eüsses sans contredit (Mach., C. ami, 1357, 66)

Bien scé ou doy voz armes prendre Et vo destrier. (Mir. Amis, c.1365, 34)

Nous Harnaut Hemeniou, seigneur de Lebret, faisonz savoir à touz que comme messire de Bourbonnois et son pays fussient tenus et obligiés et par letres à fu notre cher et amé coisin messire Harnaut de Lebret, seigneur de Cusac, en la somme de vint et ung mille escuz vieux, quatre detrerz, quatre cousers [sic], quatre trociers et quatre aquenées pour cause de lachast de la ville de Pheletin, (...) desquelles somes et chouses dessusdictes (...) avonz fait fin compte ou nom et pour les hoirs dudit messire Harnaut et ceulx qui de lui peuvent avoir cause, pour lesquieux nous nous prenons en main de ferme sur touz nos biens. (Titres Bourbon H.-B., t.1, 1365, 518)

N'il n'est homs si acouardis, S'il l'a, qu'il n'en soit plus hardis. Et se fait on les chevaliers Armez aus chams, sus leurs destriers, Quant on vuet entrer en bataille, De ceste espée qui bien taille, Pour garder raison et justise, Orphenins, vefves et l'Eglise. (Mach., P. Alex., p.1369, 16)

Amenez selles et estriers, Roncins, courciers et bons destriers (Mach., P. Alex., p.1369, 53)

...haulx destriers couvers et parés de draps d'or. (Froiss., Chron. R., X, c.1375-1400, 12)

[Funérailles du comte de Flandres] Item s'ensieuwent chil qui offrirent les destriers de la guerre (...) Item s'ensieuwent chil qui offrirent les destriers dou tournoi. (Froiss., Chron. R., XI, c.1375-1400, 161)

Là ot au palais au disner très grant noblèce, et sist li rois de France à table, li doi mariet et les deus mariées ; et tout li autre signeur servoient sus haulx destriers. (Froiss., Chron. R., XI, c.1375-1400, 194)

Et voient grant foison de nobles gens par la praierie, dames, damoiselles, chevaliers, escuiers, et par my la praierie courir chevaulx, destriers, pallefrois et coursiers, a grant multitude. (Arras, c.1392-1393, 37)

Le roy senty grant angoisse, et trait le dart hors de son costé, et le cuida getter au soudant. Mais il vira le destrier si appertement que le dart passa oultre et fery un Sarrasin par my le corps si qu'il le rue par terre mort, a ce qu'il ne fu pas bien armez. (Arras, c.1392-1393, 105)

L'espee glissa et vint descendre sur le col du destrier et lui entra si avant qu'il lui trencha les deux maistres nerfs qui soustenoient la teste du cheval. Le destrier s'encline, qui ne se povoit plus soustenir. (Arras, c.1392-1393, 138)

Anthoine et Regnault furent ou premier front, montez sur IJ. riches destriers, armez de toutes pieces. (Arras, c.1392-1393, 160)

Ces destriers braidissoient, et pluseurs s'en aloient par le champ, sans maistre, leurs resnes traynans. La noise fu grant du charpenteis des espees, des haches, des brans, du bruit et du cry des abatuz et navrez et du son des trompettes. (Arras, c.1392-1393, 161)

Lors broche le cheval des esperons et estraint l'espee ou poing et va ferir le roy sarrasin sur le heaume par telle vertu qu'il l'embrunche sur le col du destrier, et par pou qu'il ne versa par terre, car il perdy tous les deux estriers. (Arras, c.1392-1393, 180)

Là estoit hault montéz, vestu en habit royal, car autre nul temps ne portoit. Si te promet que bien sembloit estre prince. Et puis ses destriers de parement, à riches selles, les plus beaux que on peust veoir, à tres grant foison apres. (Chr. Piz., Paix W., 1412-1413, 72)

Tantost fut mise ladicte banyere sur ung destryer blanc, covert d'un drapt d'or, et le destroyent troys barons, montés sur ung beau destryer, chascun covert d'ung drapt d'or moult riche. (La Cépède, Paris Vienne K., 1432, 101)

Alors Saintré descendit a terre et sur un roncin monta, et en son loigeis pour changier destrier s'en ala, mais onques pour conseil de homme ne se voult desheaumer. (La Sale, J.S., 1456, 118)

Frisques destriers et grans chevaulx de jouxtes (La Vigne, V.N., p.1495, 218)

...et fierent leurs destriers des esperons, et s'entreviennent tost et roidement l'un contre l'autre, qu'ilz s'entrefierent si roidement qu'ilz rompirent leurs lances (Charles de Hongrie C., c.1495-1498, 179)