DESSERTE

substantif féminin

[T-L : deserte2 ; GD : deserte2 ; AND : deserte1 ; DECT : deserte2 ; FEW (III, 53a) : deservire ; FEW (XI, 542b) : servire ; TLF (VII, 21b) : desserte1]

A. -Mérite (bon ou mauvais), ce qu'on a mérité.

...L'angoisse et travail de la mort Que je reçoy par ma desserte (Mir. femme roy Port., c.1342, 194)

Preudons, pour voz saintes dessertes Nous a Diex a vous envoié (Mir. st Ign., 1366, 105)

...lesqueles sommes d'argent ainsi par lui receues, il païa à plusieurs marchans d'icelle ville de Paris ce qu'il leur povoit devoir, et le residu dudit argent appliqua à son singulier prouffit, en deducion et rabat de ce que lui povoient devoir iceulx mariez pour sa peine et deserte, faite en fourrant les robes d'iceulx, comme dit est dessus (Reg. crim. Chât., II, 1389-1392, 360)

Mesire Jofroi, mesire Jofroi, je vous doi, par vostre deserte, petit amer, qant vous voliés par nuit embler ce que j'ai si comparet et qui m'a coustet tant de deniers. (Froiss., Chron. D., p.1400, 873)

Qui pense mal, bien ne lui vieigne Dieu doint a chascun sa desserte ! (Chart., B. Dame, 1424, 344)

Quant le grant juge vendra, Duquel la sentence vive, Final et diffinitive, Contre qui nulli n'estrive, A perpetuel tendra. La ung chacun attendra Le louier que Dieu rendra, Tel qu'a l'oeuvre appartendra, A l'egal de sa deserte. (Chart., L. Esp., c.1429-1430, 63)

Hélas ! puisque Dieu a voulu L'homme dampner por sa desserte Et plainement lui a tollu Joie qui lui estoit ouverte (Marcadé, Myst. Pass. Arras R., a.1440, 2)

Se dont on demande, se reprobation a cause du costé de l'homme quant a la premiere deserte ou merite de l'home, il n'est cause nulle. (Somme abr., c.1477-1481, 171)

Ypocrites, ceste besongne En la parfin vous decevra ; Chascun de vous en recevra De tel desserte tel salaire. (Myst. Pass. Troyes B., a.1482, 411)

...que c'est plus grant heur à ung homme quant le prince qu'il sert luy a faict quelque grant bien à peu de desserte, pour quoy il luy demeure fort obligé, que ce ne seroit s'il luy avoit faict ung si grant service que ledict prince luy en fust très fort obligé (Comm., I, 1489-1491, 252)

Remarque : MAMEROT, Romuleon D., 1466, gloss.

Par/selon la desserte/les dessertes (de qqn). Selon le mérite (en bien ou en mal).

Dou vray dieu qui est immortelz Et qui puet aus hommes mortels Donner roiaumes et empires Et tollir com souvereins sires Et donner richesse ou poverte A chascun, selonc sa desserte. (Mach., C. ami, 1357, 30)

...si sont il souvent condampnez en xil et encore plus durement puniz, selon leur deserte (Foul., Policrat. B., V, 1372, 414)

...vous avez mal fait, quant cellui qui vous avoit engendrees vous avez ainsi pugny par vostre faulx et orguilleux couraige, car c'estoit ce ou je prenoye toute la plaisance que j'avoie en ce monde mortel, et vous la m'avez tollue. Sachiez que je vous en paieray bien la merite selon la desserte. (Arras, c.1392-1393, 12)

D'autres faultes peut assez avoir sur ce point, car justice et liberalité sont deux vertuz qui regardent les guerdons et les largesses et les poisent et mesurent egalement selon les droiz et les dessertes. (Chart., Q. inv., 1422, 51)

...sans aucune réparacion ou restitucion des démolicions d'iceulx fais par avant, dont plusieurs et par desserte avoient esté destruis, tant villes, chasteaulx et fortresses, versées et ruées par terre, vignes, prez, bois et viviers destruiz et vuidez, et maintes autres dissolucions. (Monstrelet, Chron. D.-A., t.2, c.1425-1440, 296)

C'est bon conseil et bien dit, sire ; Car certes soubz le firmament N'a plus mais homs, se Diex m'ament. Rendons ly selonc sa desserte ; Car telz homs perdre n'est pas perte, Qui n'est bon ne jeune ne viex. (Mart. st Pierre st Paul R., c.1430-1440, 154)

Sans (nulle) desserte(s). Sans que ce soit mérité (en bien ou en mal).

Or m'avez vous tué en trahison faisant, Sans cause et sans desserte (Renaut Mont. B.L. V., c.1350-1400, 51)

...par haine et par envie, Sanz cause nulle et sanz desserte, Vous sui baillie a mettre a perte. (Mir. roy Thierry, c.1374, 279)

...s'il eust peut (...) eust prins cruelle vengance de la mort de messire Richart Burlé et ses aultres chevaliers que on luy avoit osté et fait morir sans deserte. (Froiss., Chron. M., XIV, c.1375-1400, 81)

Puisqu'a Meseur sont acostez (...) Si leur touldra leur renommee Sans desserte (Chr. Piz., M.F., I, 1400-1403, 84)

Mais puet estre que oncq n'y fustes lïez A droittes certes, Si n'en plaigniez les douleurs ne les pertes Ne les ennuis qu'on y a sans desertes, Et bien pouez par parolles appertes En dire assez (Chart., D. Fort., 1412-1413, 179)

Ha, Mort ! Or m'as tu bien deserte Et courcié le cuer sans deserte, Qui en mourra Maugré toy si tost qu'il pourra, Et non pas si tost qu'il vourra. (Chart., L. Dames, 1416, 212)

Son ami mort plaint l'une ; L'autre la prise et la fortune Du sien que Adversité fortune, Et sans deserte. (Chart., L. Dames, 1416, 260)

Dieu ne fait souffrir sans deserte Paine qui ne soit recouverte ; Tant ne tardast Ou sa joie ne retardast, Se a son proufit ne regardast Et qu'un grant bien ne lui gardast. (Chart., L. Dames, 1416, 298)

Le cueur donc qui est en prison, En douloureuse marrison, Languissant, sans nulle desserte, Peut bien demander garison De ses douleurs, sans mesprison (Narcissus, p.1426, 287)

Comme peult estre ta langue sans clameur et sans plaintez, quant la bouche ou elle siet est fameilleuse par souffrete, et les aultres sont aouilliés sans desertes dez biens que tu cuides avoir desservis ? (Chart., L. Esp., c.1429-1430, 10)

...et puis qu'il est ainsi dit dez ydoles, qu'en penseras tu de Dieu tout puissant, qui tant est juste qu'il ne gaste point ses benefices en vain, et ne depart pas ses largesses sans desserte ? (Chart., L. Esp., c.1429-1430, 102)

...on aroit tort De jugier sa mort sans desserte, Il en venroit dommaige ou perte (Marcadé, Myst. Pass. Arras R., a.1440, 163)

...car de l'amour en nous donné gracieusement sans desserte, le Saint Esperit non seulement est cause active et effective, mais aussi exemplaire et finale. (Somme abr., c.1477-1481, 115)

Et n'y a plus beste en terre vivante Que les humains (ne) destruissent sans desserte. (Cene dieux, c.1492, 110)

Helas ! tu l'es allé tuer, Tu l'as mys a mort sans desserte, Pourtant qu'il te tenoit a serte Soubz luy en te faisant honneur. (Myst. st Laur. S.W., 1499, 195)

Sans la desserte de qqn

Sans en être digne.

...quant jeo me recorde de ceo qe j'ai resceu de vous en cest siecle et receyve touz les jours saunz ma deserte (Henri Lanc., Seyntz medicines A., 1354, 1)

Sans l'avoir mérité (un inconvénient, une punition).

...il devoit primierement proceder (...) par plusieurs exortacions et predicacions, avant que par voie de guerre, en laquelle plusieurs ont a soufrir sanz leur coulpe et sanz leur desserte, conme, en cas samblable, nul Roy ou aultre seigneur terrien ne doit faire guerre, tant que il la puist eschiver (Songe verg. S., t.1, 1378, 339)

Par dessus la desserte. Au delà de ce que l'on a mérité.

Mais misericorde met arriere ceste rigueur rendant loyer par dessus la deserte et pugnissant moins qu'on a desservi. (Somme abr., c.1477-1481, 178)

Payer qqn de sa desserte/de ses dessertes. Payer à qqn sa desserte. Récompenser qqn comme il le mérite.

...Gardon, le jayant, qui a mis vostre pays de Guerrande en patiz (...) jusques a la Rochelle. Par Dieu, c'est grant honte a vous. Quant Remond l'entent, si lui respond : Gieffroy, beaulx filz, il n'a gueres que nous n'en savions nouvelles, et avons souffert pour amour de vostre venue, car nous ne voulions pas troubler la feste. Mais ne vous chault, car Gardon sera bien paiez de sa desserte. (Arras, c.1392-1393, 239)

...le temps n'estoit pas sans plus de payer au poeuple sa desserte, mais de grace faire a tout le poeuple (La Sale, Sale D., 1451, 183)

Dieu, qui rend a chacun ce qui luy est deu, vous paiera de vostre desserte (C.n.n., c.1456-1467, 245)

La croix bieu, puis que c'est acertes, Payé seras de tes dessertes. (Sav. serg. D.L., c.1480-1490, 34)

...fut en ceste propre place deceü et trahy par celuy dont plus se fyoit et par adventure justement payé de sa desserte pour les cas qu'il avoit commis dudict connestable et par avarice de ladicte ville de Nancy. (Comm., II, 1489-1491, 140)

Rendre sa desserte à qqn. Rendre la pareille à qqn.

C'est pour li rendre sa desserte De ce qu'elle orains me tença. (Mir. abbeesse, 1340, 77)

B. -Récompense, salaire.

...se uns teliers tissoit si maisement un drap que, par se defaulte, il ne fuist poient saillés, il perderoit se desierte et avech che seroit à l'amende de chiench s. (Hist. industr. drapière Flandre E.P., t.3, 1372, 404)

Un bien de ceulx qui loyaulx sont, Quant il leur puet d'Amours bien prendre, Est si grant que les faulx n'en ont Pas la centiesme part du mendre. Mais le grief mal que c'est d'actendre En longue douleur la deserte, Leur fait sembler qu'on leur veult vendre Ce qu'Amours donne ailleurs en perte. (Chart., D. Rev., a.1424, 312)

...selon la dignité et desserte des merites d'un chascun. (Somme abr., c.1477-1481, 134)

Item se moeut par mouvement droit en rendant aux bons leurs dessertes et pugnissant les mauvais se moeut obliquement ou de travers. (Somme abr., c.1477-1481, 145)

LE JUIF. Que tout son sainct corps glorieux [de Jésus] A ouvert la porte des cieulx, Viendra juger bons et mauvais Et qu'a chascun selon leur faitz Rendra le loyer et desserte. (Mir. st Nic. juif, c.1480-1500, 153)

C. -Faute commise.

...ce que nous est advenu me donne a present moins de poix a porter ; de tant que tu m'as monstré clerement l'equitté divine et l'iniquité de nos humaines offences, et cil ne doit indignement soustenir la paine, qui arrogaument a commis la deserte. (Chart., L. Esp., c.1429-1430, 86)

Punition.

De procéder vers les furtifs par contumaces et de les actaindre et convaincre et mettre en forban, de les rappeller et leur donner et impartir pardon et rémission de leursdits cas et délits, et les autres, pour leurs dessertes, faire escheler ou batre (Cartul. Laval B., t.3, 1452, 147)