DEBILITER

verbe

[GDC : debiliter ; FEW (III, 22a) : debilis ; TLF (VI, 758b) : débiliter]

I. -Emploi transitif.

A. -Affaiblir qqn (physiquement ou moralement).

Pour ce que il est possible que abstinence affebloieroit ou debiliteroit trop sa nature (Oresme, E.A.C., c.1370, 535)

Item, soy lever de nuit avant que la digestion soit faite nuist moult et debilite le corps (Oresme, Ycon. Arist. M., 1374, 824)

Et n'estoit nulle doubte que celle chose ne deubt debilliter le coraige de noz chevaliers, quant ils le regardoient et qu'ilz le convenoit combattre, et sy veoient que ceulz qui les devoient aydier se deppartoient. (La Sale, Salade, c.1442-1444, 37)

Participe passé en emploi adjectival. Diminué, affaibli.

...la vertu du corps affoiblie et debilitee, se toutes ces choses sont faictes, le pacient est prez de la mort. (Saint-gille, A.Y., 1362-1365, 76)

...elle avoit esté questionné (...) et en avoit ses membres moult debilitez et affeibliz (Reg. crim. Chât., I, 1389-1392, 353)

...tant en fut afoiblis et debilites que toute sa vie demoura tres palle et tres maigre, et sa complexion moult dongereuse de fievres et froidure d'estomach (Chr. Piz., Faits meurs Ch. V, S., I, 1404, 132)

...car aussi estoie-je aucunement debilité de ma veue et ne povoie pas bien enregistrer sans avoir lunettes (Baye, II, 1411-1417, 273)

...la debilitacion de la personne dudit maistre Toussains, lequel puis environ an et demi ença est cheu en inconvenient et maladie de sa veue, dont il est du tout debilité (Comptes Etat bourg. M.F., t.3, 1416-1418, 178)

...et encores quant on les [des prisonniers] delivre ilz sont communement si debilités de leurs membres que jamais ne feront bien. (Juv. Urs., Loquar, 1440, 310)

LE Ier LADRE. O Jhesus plains de grant puissance, Veullies nous envoier santé, Car nous vivons en desplaisance Et sommes moult debilité. (Marcadé, Myst. Pass. Arras R., a.1440, 112)

...grevé et debilité de sa personne (Rambaux Frise S., c.1450-1475, 80)

...ledit Vulquin, qui est anxien et débilité de sa personne tellement qu'il ne peut chevauchier (Aff. Jacques Coeur M., 1453-1457, 440)

Ung gentilhomme des marches de Flandres, ayant sa mere bien ancienne et tresfort debilitée de maladie... (C.n.n., c.1456-1467, 458)

Tiercement et finablement mettray en termes d'establir et constituer ung chief qui puisse desoremais porter la paine et le travail de nos entreprinses. Car en bonne foy je suis doresenavant viel, usé et lassé et fort debillité pour pourveoir à exercer les armes. (Bueil, I, 1461-1466, 94)

...ceulx qui en eschappèrent, venans par la grace de Nostre Seigneur en Savoye, encores doubtoient proprement s'ilz estoient mors ou vifz, par le grant peril de quoy ilz avoient esté, et fort debilitez de leur memoire. (Escouchy, Chron. B., t.2, a.1465, 345)

Le chevalier estoit vestu d'une longue robe de velours tanné, fourrée d'ermines, à ung grant collet renversé, et la robe fendue de costé, et les manches fendues par telle façon, que, quant il se dressa en sa littiere, l'on veoit partie de son harnois. Il avoit une barrette de velours noir en sa teste et tenoit toute maniere de chevallier ancien, foulé et debilité des armes porter. (La Marche, Mém., III, c.1470, 128)

La tierce doctrine est que l'omme doit estre sobre en boire et en mengier, car boire et mengier excessivement fait l'omme pesant, endormy et paresseux, et rent les membres et l'estomac debilités. (Rég. santé corps C., 1480, 2)

SAINCT MARTIN. (...) A mort mes membres se transportent, En vigueur plus ne se deportent Tant suis foible et debilité (La Vigne, S.M., 1496, 565)

Remarque : JEAN GOLEIN, Rational B.D., c.1370-1372, gloss.

B. -Affaiblir qqc..

Item, mutation de prince et de lays est cause de debiliter et affeiblir la reverence qui leur est deue et l'auctorité que il doivent avoir, si comme il fu dit de mutation de lays ou .XVe. chapitre du secunt. (Oresme, Pol. Arist. M., c.1372-1374, 153)

...dont je [la France] suis moult affoiblie et debilitee de puissance et comme toute desnuee (Juv. Urs., Aud. celi, 1435, 152)

...et estoit la noblesse de France et puissance fort debilitee et la puissance des Anglois augmentee (Juv. Urs., T. crest., c.1446, 38)

Si a [Jeanne d'Arc] ma terre recouvree Qui estoit fort debiletee, Degastee et mise au neant, Dont Dieu et la Vierge honnoree, Je les remercye en tous sans. (Myst. siège Orléans H., c.1480-1500, 587)

Participe passé en emploi adjectival. Privé de son intensité, affaibli.

En somme, se la sapience de Salomon, la proesce de Hector, la constance de Machabees, la force de Sanson, la cautelle de Ulixes, la multitude des legions de Daire et de Xercés et l'avoir d'Octovien estoit en ung ost desordonné sans justice et sans discipline de chevalerie, la sapience seroit au paraller irritee, la prouesce ramollie, la constance froissee, la force debilitee, les cautelles aneanties, la multitude dissipee et l'avoir degasté, et, se bien y advenoit, plus devroit estre imputé a Fortune que a Raison. (Chart., Q. inv., 1422, 61)

II. -Emploi intransitif ou pronominal. S'affaiblir.

Par laquelle chose les membres encommencerrent a debiliter et deffaillir. (La Sale, Sale D., 1451, 185)

...le Turc naturellement, et par l'expérience et l'usage qu'on en voit, n'attend point la guerre en aucune cité ou chastel, mais se tient continuellement aux champs, luy et toutes ses forces, parquoy il se diminuera et débilitera, luy et les siens. (Doc. 1453. In : CHART. J., Chron. Ch. VII, V., t.3, c.1437-1464, 34)

Par cest endroit l'engin se debillite Et prent ung ply que jamais ne luy fault : Le cueur se ruse et le corps s'agillite ['s'affaiblit dans sa résistance ?' ; semble avoir ici une valeur quasiment positive] (La Vigne, S.M., 1496, 191)

Remarque : Doc.1308 ds TLF.

DÉBILITER