COURTINE

substantif féminin

[T-L : cortine, gordine ; GD : gordine2 ; GDC : courtine ; AND : cortine ; DECT : cortine ; FEW (II-2, 1236b, 1237a) : cortina¹ ; TLF (VI, 370b) : courtine1]

A. -Rideau, tenture (pour dissimuler, pour orner, pour séparer plusieurs parties d'une pièce...).

Et Maccaires estoit par se grant trecherie Derriere le ghourdine tous seuls sans compaignie (Flor. Rome W., c.1330-1400, 246-247)

IIIJ pièces de zetonnin azuré (...) pour faire le ciel dudit paveillon (...) Pour IIIJ aunes et demie de fin veluyau rayé, cremasin, pour couvrir les bastons dudit paveillon (...) Et Madame bailla audit Jehan du Figuier les tafetas, pour faire les courtines dudit paveillon, que elle avoit par devers li en garnison. (Comptes argent. rois Fr. D.-A., II, 1342, 28)

...la grant coutepointe pour le lit, cheveciel et ciel, tout garni de 3 courtines ; une petite coutepointe pour les piez ; un demi ciel pour laver le Roy, garni comme un ciel, sans courtines (Comptes argent. rois Fr. D.-A., I, 1352, 109)

En la sale ont tendut mainte riche gourdine. (Chev. cygne P., c.1356, 92)

Nous la ferons traire D'arriére ces courtines, dame (Mir. Berthe, c.1373, 168)

Item, une autre chambre, brodée de France et de Navarre, garnye de ciel, de dossier, de coulte pointe, de troys courtines de tartare vermeil changeant et royé d'or, et huit carreaux de mesmes. (Invent. mobilier Ch. V, L., 1379, 362)

Courtines. Premièrement : Une grant courtines de cendal vermeil, tenant vingt lez. Item, une grant courtine de cendal vermeil, tenant XVII lez. Item, une grant courtine de cendal, tenant XVI lez... (Invent. mobilier Ch. V, L., 1379, 391)

...unes courtines royées d'or et de soye de plusieurs couleurs. (Invent. mobilier Ch. V, L., 1379-1391, 237)

N'en ce monde n'a riche chose (...) Chambres tendues a courtines D'or ou de soye les plus fines (Chr. Piz., M.F., I, 1400-1403, 130)

...à Jehan de Troyes, pour avoir fait, garni, cousu et tendu icelle chambre, c'est assavoir la sarge de 8 aulnes et de 8 lez, le dossier de 7 lez et de 5 aulnes de hault, trois pieces de courtines, 3 draps courans, les 2 de 8 lez et l'autre de sept lez et 6 aulnes, 3 draps de muraille de dix lez de la sarge et de 6 aulnes de hault, le dossier et le derrain ciel du retrait de 5 lez et 7 aulnes de hault, la couche de 5 aulnes et de 5 lez, deux bancquiers de 7 aulnes chacun et de deux lez (Comptes Etat bourg. M.F., t.1, 1420, 431)

À Jehannin de Pames, ledit jour, cent IIIIxxXIIII l. six solz et huit deniers pour achat de IIIIcXXIIII aulnes de sarges et de bonneval (...), pour faire chambres pour tendre la chambre de la royne, dont Dieu ait l'âme ; la chambre dudit seigneur, son retrait, la grant chambre de parement et y faire cielz et dossielz et courtines (Comptes roi René A., t.1, 1453, 10)

Et quant il fut a l'entree des lisses, le roy sans nulles serimonies le fist entrer et aler soubz l'ombre d'un bien grant ciel de tappisserie, couvert d'une grant courtine d'un bout a l'autre a annellez courans (La Sale, J.S., 1456, 153)

Elle fist (...) desploier riches couvertes, tappiz et courtines, et se para (C.n.n., c.1456-1467, 571)

Au boult de la salle, sur la porte, avoit [ung] grant hourt, sur lequel fut joué l'istore de Jazon, comme vous orez. Devant lequel hourt, avoit une courdine de soye verde, qui gardoit que on ne veist ce que on y faisoit, jusques qu'il estoit temps. (Escouchy, Chron. B., t.2, a.1465, 144)

...ung autre vielz cotidian de satin blanc doublé de sandal vermeil, amits, toilles et phanons, une bourre de corporeau et pluiseurs vielles choses loyez en ung fardeau avec des gourdines. (Comptes Lille L., t.2, a.1467, 28)

...Je feray tendre leurs gourdines Aux gargattes de ces moutiers. (Molinet, Faictz Dictz D., 1467-1506, 724)

La grande chambre où coucha monseigneur fut tendue de drap d'or, gourdines de damas blanc et coussins de drap d'or. (Molinet, Chron. D.J., t.2, 1474-1506, 502)

...on tirera les courtines d'environ l'aultel (La Vigne, S.M., 1496, 552)

Par métaphore. Rideau formé par le feuillage.

Amours trouva premier haulx instrumens, Chançons, dances, festes, esbatemens, Chappeaulx de fleurs, jolis habillemens, Joustes, essais, bouhours, tournoiemens, Prëaulx et treilles, Et tonnelles a courtine de fueilles ; Et fist faire les gales et les veilles, Les jeux, les ris et les autres merveilles Dont joye sourt. (Chart., D. Fort., 1412-1413, 178)

Tout au plus pres, sur le pendant De la montaigne en descendant, Fut assiz un joieux boscage Qui au ruissel s'aloit rendant Et vertes courtines tendant De ses branches sur le rivage. (Chart., L. Dames, 1416, 201)

B. -En particulier. Rideau de lit.

Et si te respon sans demande Qu'il n'avoit tapis ne courtine N'autre chose qui encourtine Son lit, eins prenoit a l'ostel Ce qu'il trouvoit. (Mach., C. ami, 1357, 105)

...quant vint à le nuit et c'on ot bien soupés, Es gourdinez s'ala ly bons rois reposer (Hugues Capet L., c.1358, 235)

Car je y vins si songneusement Que la belle encor se gisoit. Et l'esveillai, ce me disoit, A l'ouvrir d'une fenestrelle Qu'a senestre estoit delés elle. Si tirai un po la courtine De cendal a couleur sanguine. (Mach., Voir, 1364, 352)

Et lors vint ly evesques qui les avoit espousez, qui beney le lit. Et lors prist chascun congié, et furent les courtines tirees. (Arras, c.1392-1393, 41)

[Griseldis] Avant, mes amis ! Labourez A ce que tout soit nettement Ordonné et que noblement Recevons l'espeuse nouvelle. Dames, pour Dieu, qu'il n'y ait celle Qui ne mette a euvre les mains. Les tables metteray au moins, Puis yray les chambres parer Et les courtines ordonner De la bonneureuse espousee. (Gris., 1395, 91)

Halbadu le nain est muchéz entrez les gordinez du lit l'empereur et l'emperesse (JEAN D'OUTREM., Myr. histors G., a.1400, 118)

Si ne pourent Deffiance et Desesperance plus endurer celle delicieuse flaireur, qui est a leur nature contraire comme tyriacle a venin, et se tirerent ariere en l'ombre de la courtine du lit comme en tapinage. (Chart., L. Esp., c.1429-1430, 89)

Cleriadus entra dedens les courtines et se couche. (Cleriadus Z., c.1440-1444, 649)

Vous, dames et les damoyselle, Qu'elles soient parées et belle, Les chambre, et courtine tendue. (Myst. st Bern. Menth. L., c.1450, 62)

...Portés le doeul, venés en nos gourdines (...) Plourés celuy qui tant vous honnoroit. (Molinet, Faictz Dictz D., 1467-1506, 41)

[Indication scénique :] ...et doit on tendre une gourdine, en laquelle sera ung lit paré. (Molinet, Myst. st Quentin C., c.1482, 4)

...avoit prenostiqué des fouldres et tempestes, qui advindrent, par especial, audit Vincennes et tumba la fouldre sur le lit de la royne et furent les courtines brullées et plusieurs personnes suffoquées et plusieurs arbres dedans le bois subversés et arrachés. (Simon De Phares, Astrol., c.1494-1498, f° 134 r°)

Jouer dessous la courtine. Faire l'amour.

...elles prindrent a parler de leurs marys et dire royallement comment ilz estoyent bons ouvriers de jouer dessoubz la courtine (Tardif, Facéties Pogge D.H.-P., c.1490, 154)

Par métonymie. Alcôve.

Adonc en sa courtine entra Et pour entrer y m'apella (Guill. Digull., Livre pèler. vie hum. E.M., 1355, 428)

Encor estoit en sa courtine La roÿne qui s'atournoit ; Et li mes celle part tournoit Et fist tant qu'il vint devant elle ; Et puis il conta la nouvelle... (Mach., Voir, 1364, 438)

Par extension. Couverture de lit.

Ses crins tiroit et batoit sa poitrine Et pour s'amour seur lit ne soubs courtine Ne pot dormir. (Mach., F. am., c.1361, 162)

Devant son lit sont arresté De mal faire tuit apresté. Li sires d'Absur la courtine, Qui de soie estoit riche et fine, Tira, pour le roy mieux veoir, Et pour son cop mieux asseoir. (Mach., P. Alex., p.1369, 268)

Item, aux Freres mendïans, Aux Devotes et aux Beguines, Tant de Paris que d'Orleans, Tant Turlupins que Turlupines, De graces souppes jacoppines Et flans leur faiz oblacïon, Et puis aprés, soubz ces courtines, Parler de contemplacïon. (Villon, Test. R.H., 1461-1462, 97)

Par analogie. Moustiquaire (autour du lit).

Connopeum : grondine (Abavus IV, R., c.1350, 292)