COULPE

substantif féminin

[T-L : coupe ; AND : coupe1 ; DECT : coupe ; FEW (II-2, 1496b) : culpa ; TLF (VI, 313a) : coulpe]

A. -Faute ; péché.

1.Faute commise ; responsabilité qui en découle.

LA DAME. (...) Car en verité j'en descoulpe Tout le monde. Moye est la coulpe, Ne nulz fors moy coulpe n'y a. (Mir. enf. ress., 1353, 36)

...ce n'est pas tant la courpe du president comme du prince. (Foul., Policrat. B., V, 1372, 373)

'Monseigneur, que ferons-nous de ces hostages ? Ce n'est pas leur coulpe que le chastel n'est rendu, et ce seroit grant pitié se vous les faisiez mourir.' (Froiss., Chron. M., XII, c.1375-1400, 37)

Breton, mons. messire Olivier, mon maistre, vous mande que vous vous teniez bien en vostre bonne verité, et que, pour chose qu'il soit du monde, vous ne chargiez homme se il n'y a coulpe ; car petite chose est de la vie de ce monde. (Reg. crim. Chât., I, 1389-1392, 538)

Et ne peut que il n'y y eut faulte et coulpe de presumer en soy de juger ung proces par devant luy [un juge] (Juv. Urs., Aud. illos, 1432, 39)

C'est assavoir, quant l'une des parties confesse sa coulpe et est rendu. (La Sale, Salade, c.1442-1444, 222)

...elle luy respondit que c'estoit sa coulpe et sa faulte (C.n.n., c.1456-1467, 51)

Or estoient les termes entre le roy et le duc de Bourgoingne a celle heure mont estranges et de perilleuse attente, et tout a la cause du daulphin son filz, lequel par nulle voye ne pouoit retirer devers lui, et dont la coupe estoit toute imputee au duc son norrisseur (Chastell., Chron. IV, D., c.1461-1472, 256)

Dieux immortelz, soyés aux mortelz doux Et sans couppe genre humain ne deffaictez (Cene dieux, c.1492, 111)

La coulpe de

...la coulpe de retardance estoit pugnie par paine de la teste (Mamerot, Romuleon D., 1466, 313)

Par/pour la coulpe de. Sans la coulpe de. Par la faute de, par la responsabilité de ; sans la responsabilité de.

Quant je vi qu'elle se plaingnoit Pour m'amour, et qu'elle baignoit Son cuer en larmes amoureuses, Et que ses pensees joieuses Estoient toutes converties En droites grieuges orties, Et que c'estoit tout par ma coulpe Que vers li me grieve et encoulpe... (Mach., Voir, 1364, 420)

...messire Tristran de Roye (...) morut par sa coulpe, je vous diray comment. (Froiss., Chron. M., XIV, c.1375-1400, 113)

Donques, et le droit doné et autroyé puet estre revoqué, pour la coulpe de celluy a qui il a esté donné ; car je ne vois mie raison de diversité. (Songe verg. S., t.1, 1378, 139)

Et en cest article a diverses opynions. Une que, pour la coulpe de l'arcevesque, ou pour cause aultre juste et raisonable, le Roy puet de tel droit priver l'arcevesque. Et puet ceste opynion estre ainssi prouvee : la chose donnee puet estre rappellee pour la coulpe de celluy a qui elle est donee et pour son ingratitude (Songe verg. S., t.1, 1378, 139)

...car nous veons que une cité en laquelle l'evesque a esté tué et occis, si est privee a tousjours mais d'evesque (...) ; ouquel cas l'Eglyse cathedral est privee d'evesque sanz sa coulpe, et pour la coulpe du pueple. Par plus forte raison, une Eglyse, pour sa propre coulpe, devera estre privee de son honeur ou priviliege. (Songe verg. S., t.1, 1378, 140)

Il fault que vous faciez fonder un prioré de XV. moines et le prieur en tel lieu qu'il plaira a ma damoiselle et a son conseil, pour prier pour l'ame de ceulx qui sont mors, tant de vostre costé comme de ce païs, et de noz gens, qui pour vostre coulpe sont periz. (Arras, c.1392-1393, 168)

Qui te feïst a fourches pendre (...) Ne feroit assez grant vengeance Du sanc humain, que, par ta coulpe, As espendu (Chr. Piz., M.F., II, 1400-1403, 209)

...mais, par la machinacion d'aucuns autres officiers, la ville et chastel, sans sa coulpe, fu baillée aux ennemis (Fauq., II, 1421-1430, 348)

...et se aucun lettres avoient esté seellées par le dit bailly, ce pourroit avoir esté par le couppe dampnable d'un quy fut clerc de le dite ville ou par autre dissimulation ou simplesse, quy ne doivent valoir à le dite dame (Hist. dr. munic. E., t.2, 1422, 166)

...il estoit celuy qui lui vouloit garder son honneur jusqu'a la mort, et aymeroit mieulx estre pery, et en l'autre siecle tourmenté, que par sa coulpe elle eust deshonneur (C.n.n., c.1456-1467, 387)

Au second cas [i.e. si le serviteur s'est marié sans le consentement du seigneur et sa femme demande le dû du mariage], il samble qu'il doibve acomplir le mandement du seigneur (...). Aultrement le seigneur porroit estre privé du service de son serviteur sans sa coulpe. (Sacr. mar., c.1477-1481, 50)

(N') avoir (nulle) coulpe à/en qqc. (Ne pas) être en faute à propos de qqc., (ne pas) y avoir de (la) responsabilité.

Je n'ay en sa mort nulle courpe, Pour ce devant tous m'en descourpe. (Mach., C. ami, 1357, 12)

Et certes elle n'i ha courpe, Si fait grant pechié qui l'encourpe (Mach., Voir, 1364, 684)

Le roy respondy que il vouldroit voulentiers que les Londriens, qui très grant couppe avoient de ces affaires, fussent corrigiez et mis à raison (Froiss., Chron. M., XIV, c.1375-1400, 49)

Si n'en amoient mies mieux le duc Aubert, quoique à toutes ces coses il n'euist nulles couppes. (Froiss., Chron. R., XI, c.1375-1400, 187)

Mais je vous prie, par pitié et par misericorde, qu'il vous plaise a moy donner la vie de Olivier, car, veue la vaillance de lui, et aussi consideré qu'il n'a coulpe en la trahison, ce seroit moult grant dommage de sa mort, car encore pourroit il faire des biens assez. (Arras, c.1392-1393, 65)

Par foy, dist le roy, touteffoiz ne vueil je autre don, ne autre ne vous demanderay. Par Dieu, dist la dame, roy, se tu me demandes plus, il te mesavendra, et a tes hoirs avec, qui coulpe n'y ont. (Arras, c.1392-1393, 305)

...et les corpes que povoit avoir en ycellui homicide ledit d'Arlay (Doc. 1391. In : M. Bubenicek, Entre rébellion et obéissance, 2013, 605)

[PYLAS] . Prenés le et le jugés. Or sa, je veulx lavés mes mains, Car checung doit savoir Que je n'en ay culpe de ssa mort (Pass. Autun Roman F., c.1400-1500, 193)

...mon maistre et seigneur Charles n'avoit ne n'a en laditte mort coulpe ou faulte (Juv. Urs., Aud. celi, 1435, 229)

La chambriere, qui coulpe n'avoit au meffait desusdit, emporta la punicion par en avoir congié. (C.n.n., c.1456-1467, 77)

Et de ladicte venue en furent portées les nouvelles au roy par aucuns qui en parlerent à la charge de ladicte ville, qui n'y avoient aucune coulpe. (Roye, Chron. scand., I, 1460-1483, 10)

Et, à ce que le roy n'eust aucune ymaginacion que ceulx de ladicte ville de Paris eussent aucune coulpe ou charge à ladicte venue, lui fut envoyé de par ladicte ville une ambaxade où estoient maistre Jehan de l'Olive, docteur en theologie et chancellier de l'eglise de Paris, Nicolas de Louviers, sire Jehan Clerebout, general maistre des monnoyes, sire Jehan Luiller, clerc de ladicte ville... (Roye, Chron. scand., I, 1460-1483, 10)

Et pour mieulx a eulx le cueur detourner, Ilec fit [Pilate] de l'eaulx appourter ; Et puis en lava ses mains, Affin que depuis le plus grand Juif qu'au moins Chascum puisse sçavoir et entendre, Contre luy mal ne vouloit entreprandre, Aussy que n'eusse culpe en sa mort, Quar sçavoit bien que avoent tort. (Pass. Autun Biard F., 1470-1471, 100)

La coulpe de qqc. La faute de qqc..

C'est maldit ; pour ce disoit Chaton d'un homme yvre que ce n'est pas la culpe du vin, mais est la culpe du bevant. (Oresme, E.A.C., c.1370, 179)

2.Péché, souillure du péché.

Et vus requir(e) qne [l. que] por me couppe Me donneis absolucion (Sept péchés C., c.1300-1350 [p.1478], 238)

...jeo sai bien qe jeo et mes pecchés sumes la cause de cele mort pitous et despitous, et la morte cause de vostre dolour, siqe jeo siu ensi coupe et cause de tout le male ? (Henri Lanc., Seyntz medicines A., 1354, 97)

...selon la coulpe doit estre satisfacion mesurée par le jugement du confesseur (Mir. st Ign., 1366, 73)

...se coulpe y a a l'ame, Dieu lui pardonne doulcement ! (Villon, Test. R.H., 1461-1462, 87)

Icy [au cimetière des Innocents] n'y a ne riz ne jeu. Que leur valut avoir chevances N'en grans liz de paremens jeu, Engloutir vins, engrossir pances, Mener joyes, festes et dances, De ce fere prest a toute heure ? Toutes faillent telles plaisances, Et la coulpe si en demeure. (Villon, Test. R.H., 1461-1462, 133)

Les pecheurs qui ne sont pas justifiéz par grace ne sont pas esleuz ne preordenéz de Dieu a la coulpe, mais seulement sont presceus que pas n'auront grace et que ilz seront relenquis a leur nature. (Somme abr., c.1477-1481, 171)

Coulpe charnelle. Péché de la chair.

...et teles sont celles [delectacions] qui sont en boire et en mengier et vers oportunité de coulpe charnel. (Oresme, E.A., c.1370, 376)

Absoudre de coulpe et de peine / absolution/remission de coulpe et de peine

Car li sains peres ordonna Et tels indulgences donna Que tous ceuls qui se croiseroient Et qui avec eaus en iroient Sont absols de coupe et de peinne (Mach., P. Alex., p.1369, 22)

Li papes absoloit tous chiaus de painne et de coupe, qui en ce saint voiage iroient. (Froiss., Chron. L., I, c.1375-1400, 117)

Et pour ce c'est bien fait de baillier penitence en general, que tous ses biens fais se tournent en remission de ses pechiez ; et dy que absolucion de peine et de coulpe delivre de purgatoire (Gers., Déf., 1400, 237)

Adont fu avisé dou Saint Pere et dou colege a preechier celle crois parmi la crestienneté et de absorre de painne et de coupe, tous vrais Crestiiens qui la vermelle Crois encargeroient (Froiss., Chron. D., p.1400, 241)

Et qui n'aura argent, se movera avecque la personne et avecques lez armes, pourquoy il y aura la indulgence de colpe et de poine. (Passage Terre Sainte Piloti D., 1441, 172)

...l'evesque (...) leur donna la pappalle de paine et de coulpe absolucion (La Sale, J.S. E., 1456, 308)

... [le pape] fist l'asolucion Generalle (...) Et si donna plaine remission De peine et coulpe, comme en l'an Jubilé. (La Vigne, V.N., p.1495, 238)

Donner/rendre sa coulpe. Reconnaître son péché.

Remarque : Jourd. Blaye alex. M., a.1455, gloss.

B. -Par métonymie.

1.Signe par lequel on se reconnaît coupable (en disant mea culpa et en se battant la poitrine).

Battre sa coulpe

Mais dy ta patenostre et baz Ta coulpe (Mir. st Guill., c.1347, 35)

Confesse maintenant ce que tu ne peus denyer et bat ta coulpe de tes mauvais pechiez et ramentoy a toy mesmes que tu crias 'Noël' de grant feste et joieuse leesce du douloureux fait pour lequel tu dis maintenant 'Helas' cent fois le jour (Chart., Q. inv., 1422, 28)

Si cogneut qu'il avoit erré, si battit sa coulpe (C.n.n., c.1456-1467, 331)

Remarque : JEAN GOLEIN, Rational B.D., c.1370-1372, gloss.

Rendre sa coulpe

Si en rench par III foy ma coulpe Et vus requir(e) qne [l. que] por me couppe Me donneis absolucion (Sept péchés C., c.1300-1350 [p.1478], 238)

Si en rens ma coulpe à mon pis (Sept péchés C., c.1300-1350 [p.1478], 244)

2.Punition.

Auguste (...) fut de grant curialité et clemence et condempnoit de petite coulpe pour la paine desservie. (Mamerot, Romuleon D., 1466, 296)