CORPULENCE

substantif féminin

[T-L : corpulence ; GD : corpulence ; GDC : corpulence ; FEW (II-2, 1216a) : corpus ; TLF (VI, 214b) : corpulence]

A. -Envergure du corps humain, taille, stature.

...et dit que tantost qu'ilz estoient tant parcreus qu'ilz puissent souffrir aucune peine ilz les ostoient d'entour les meres et leur faisoient exerciter peine et travaulx selon leurs aages et corpulences (Chr. Piz., Corps policie L., 1406-1407, 104-105)

Duquel lieu de Pontoise vint un certain jour devers ledit duc ung homme assez puissant de corpulence, lequel entra dedens sa chambre, en entencion de murdrir ledit duc (Monstrelet, Chron. D.-A., t.2, c.1425-1440, 195)

Le colerique communement et generalment est iracondeux cruel, sans doulceur, ingenieux et de legiere apprehension, agu, legier, instable, impetueux, de corps megre et sec, moult mengant, de couleur noir, et tenue de corpulence. (Cib., p.1451, 219)

...et disoit on que en Philippe plus de corpulence, de prudence, sens et courage avoit que en Alixandre (Juv. Urs., Exort., 1458, 411)

...la dame souventesfois regarda Jehan d'Avennes, pensant en soy mesmes s'elle l'avoit jamais veu, ce que non, et grandement s'esmerveilla de veoir ung sy beau jenne homme (...) et, non obstant sa belle corpulence, defaillans de tous honnestes atournemens appartenans aux nobles. (Jehan d'Avennes F., c.1465-1468, 15)

Zacheüs suis, petit et courbe, Et de corpulance petite, Qui ne puis rien voir pour la tourbe, N'aprocher des parfaiz l'elite. (Myst. Pass. Troyes B., a.1482, 475)

Quant au regard de sa corpulence et excellente stature, elle estoit formee d'une taille la plus parfaicte du monde (La Vigne, Ress. chrest. B., 1494, 114)

Cestui fut moult entier et de belle corpullance et de lignée royalle, et vesquit cent IX ans moult honorablement. (Simon De Phares, Astrol., c.1494-1498, f° 92 v°)

...non pas seullement par la force et puissance qui en sa personne estoit, la prouesse d'effort certaine qu'en luy povoit avoir, consideré son jeune aage et la corpulence de luy (La Vigne, V.N., p.1495, 285)

Homme de grande corpulence

...un homme mendiant (...) lequel estoit fort homme et de grant corpulance, et portoit une bande de fer autour de son corps à sa char nue, et disoit qu'il estoit penancier. (Ch. VI, D., t.2, 1382, 233)

Homme de basse/faible/petite corpulence

...messire J. de Montagu, chevalier et grant maistre d'ostel du Roy nostre Sire (...) homme de basse corpulence, maigre à peu de barbe, legier et apert (Baye, I, 1400-1410, 291)

...Nicolas Saimbiaut, homme de très petite et foible corpulance et de bonne et raisonnable vie (Doc. Poitou G., t.7, 1417, 314)

Stature envisagée sous le rapport de la force physique.

Bien suis de vostre oppinion, Que je me sens de corpulance Et vouloir frapper de rendon Encontre homme qui ait puissance (Myst. siège Orléans H., c.1480-1500, 298)

Stature envisagée quant à la manière de se tenir debout.

Les bestes sont figureez les chiefz enclin et les membres courbés vers la terre, et l'omme va la corpulence droite et le visage levé aux cieux, ou l'ame tent par naturel appetit. (Chart., L. Esp., c.1429-1430, 92)

B. -Dimension d'une chose.

Mes aveques ce, c'est inconvenient que les corps qui n'ont quelcunque sens et ne oiient rien ne eussent a souffrir de ce, car nous voions que les sons excellenz destruissent les corpulences des corps meismes qui sont sans vie, si comme le son du tonnerre dissipe les pierres et les plus durs corps qui soient. (Oresme, C.M., c.1377, 470)