COMPLANT

substantif masculin

[GDC : complant ; FEW (IX, 24b) : plantare ; TLF (V, 1173b) : complant]

A. -Plant d'arbres ou de vigne.

...et parmy ce aussi que les dis preneurs et chascun d'euls sont, seront tenus, promettent et gaigent a faire planter en vingne en ceste presente annee toute la dite piece de terre de tres bon complant, de bons morillons et de melliers, bien et deuement... (Chartes Abb. St-Magl. T.F., t.3, 1371, 422)

...mais, quant a propos, autres choses sont d'une espece presque tres especial et toutevoiez, elles sont de diverses especes tres especialz, si comme pour grace de exemple sont les pommes dont les unes sont de Pepin et les autres de Blancdurel ou d'autre complant (Oresme, C.M., c.1377, 460)

...et y fera en chascun arpent quatre cens de prouvains en saison, du meilleur complant et des plus anciennes souches et sepz qui sont et seront es dites vingnes (Chartes Abb. St-Magl. T.F., t.3, 1380, 498)

[Cont. métaph.]

...mais, lui laissié en tonneaulx croupir au long d'iver, à la gellée, avient souvent que celle verdeur se tourne en bon vin et en meureté couvenable, et semblablement doit retourner homme, après toute verdeur de jeunece, au complant de meureté raisonnable. (Chr. Piz., Faits meurs Ch. V, S., I, 1404, 30)

Au figuré. Planter me faut autres complants. Il me faut faire d'autres projets (avec accept. grivoise).

Et se j'ay prins en ma faveur Ses doulx regars [de celle que j'aimais] et beaux semblans De tres decevante saveur Me tresparsans jusques aux flans, Bien ils ont vers moy les piés blancs Et me faillent au grant besoing : Planter me fault aultres complans Et frapper en ung aultre coing. (Villon, Lais R.H., c.1456-1457, 12)

B. -Par métonymie. DROIT FÉODAL Terre accordée à vie du preneur, à charge de la planter de vignes ou d'arbres fruitiers et d'en payer une redevance au seigneur.

...le droit que nostredit cousin suppliant a ès complans et foulaiges des petiz fiefz assis près le chasteau d'Olonne, aveques les gardes et recepz d'iceulx, pour cinquante solz de rente ; item, demy marc d'argent en masse deu par ledit abbé de Thalemond à la recepte dudit lieu (Doc. Poitou G., t.10, 1462, 378)

Et s'en doyvent paier les ventes incontinent après le terme du complant finy, à la raison de la valleur à une foiz poier des chouses qui demeurent à celuy qui les a complantées. (Cout. instit. Anjou Maine B.-B., t.3, 1463, 282)

Bailler une terre à complant

Et pareillement a ventes en terres baillées à complant pour planter en vigne. Et s'en doyvent paier les ventes incontinent après le terme du complant finy, à la raison de la valleur à une foiz poier des chouses qui demeurent à celuy qui les a complantées. (Cout. instit. Anjou Maine B.-B., t.3, 1463, 282)

Droit de complant

...le dit suppliant, pour et ou nom de son dit pere, feust en un fief appellé la Vessete touchant ou bailliage de Saint Ligier et de Melle, pour faire vendengier et recevoir le quart pour droit de complant seignorable, à lui appartenant en la vendange et fruiz du dit fief, et en sa compaignie estoit un autre gentil homme appellé Guillaume Bonnin, demourant au dit Melle, teneur du dit fief (Doc. Poitou G., t.6, 1396, 244-245)

Champ loué à complant.

...la dicte terre de Saincte Gemme, appartenances et appendences, soient hebergemens, terres, vignes, complans de vignes, prez, pasturaux, marois, bois, garannes, foins, molins, cens, rentes de deniers, de blez, de poullailles, juridicion et autres choses quelconques (Doc. Poitou G., t.6, 1393, 119)