CHARRETTE

substantif féminin

[T-L : charrete ; GDC : charete ; AND : charette ; DECT : charrete ; FEW (II-1, 427a) : carrus ; TLF (V, 573b) : charrette]

A. -[Moyen de transport]

1.Voiture à deux roues munie d'un brancard et de deux ridelles servant à transporter....

a)[...des marchandises, des charges diverses, les bagages d'une armée...]

L'autre mouvement est comme d'une roe de charete que l'en maine par le chemin et est dit en françois roeler ou comme une pelote roele. (Oresme, C.M., c.1377, 448)

...elle (...) fist admener avec elle par ledit charrestier, en sa charrete, plusieurs biens meubles appartenans à Martine, sa fille, et les fist mettre et descharger à Paris, en la chambre de sadite fille (Reg. crim. Chât., I, 1389-1392, 346)

Item, boiz par livrée pour charestes, cherues et hernoiz, et pour cercle, pour treillez et eschallas pour ses vignes de la Madaglaine. (Hector De Chartres, Cout. R., 1398-1408, 237)

Et fist faire li rois un grant parc priés d'un bois derriere son hoost, et la mettre et retraire tous chars, carettes et sonmages (Froiss., Chron. D., p.1400, 718)

Charretes et chars tous ensemble Assemblerent, si que ce semble Une fortresse environ elles (Chr. Piz., M.F., IV, 1400-1403, 4)

...pour mener les pouldres et habillemens, [il faut] vingt et cinq charretes à deux chevaulx chascune et garnie de ce qui lui appartient. (Bueil, II, 1461-1466, 47)

...cestui trouva mesures et poix, qui fut chose admirable aux hommes, qui alors estoit gros et ruddes, et fut leur disciple Entonus et Entriolus, qui premiers trouverent l'art de fere charretes. (Simon De Phares, Astrol., c.1494-1498, f° 26 r°)

Cestui predist les eaues et les glaces qui rompirent en plusieurs lieux plusieurs ponts, après le grant yver qu'il fist, par lequel elles furent si glacées que chevaux, chariotz et charretes passoient par dessus. (Simon De Phares, Astrol., c.1494-1498, f° 114 v°)

...et estoit le pas qui fut depuis Pise jusques au Pont Tremolo que je craignoye le plus et dont je avoys plus ouy parler, car une charrète gectée au travers et deux bonnes pièces d'artillerie nous eussent gardéz de passer, sans y trouver remède, avecques gens en petit de nombre. (Comm., III, 1495-1498, 152)

Aller à la charrette. Faire des transports avec une charrette.

Et feront le prouffit dudit hostel a tout leur pover, tant comme eulx vivront, fors que ledit Peisson ne sera point tenu a aler à la charete (Cartul. Hôtel-Dieu Cout. L., 1378, 183)

b)[...des personnes (en partic. des condamnés qu'on emmène au supplice)]

Le bourrel tout a pié ira Devant, la charrette menant, Et vous deux irez costoiant La dame (Mir. marq. Gaudine, 1350, 162)

Et afin qu'il en soit perpetuel memoire, et que tous autres y preignent exemple, en la maniere qui ensuit, c'est assavoir : que icellui Merigot, prisonnier, soit trainé sur une claye, comme gentilhomme, et, en après, assis en hault sur un haiz mis au travers des paumeles d'une charrete, et que, à trompes cornans, il soit menez tant ès hales de Paris comme aillieurs, aus notables portes de la ville de Paris, et esqueles hales icellui Merigot feust decapité, et la teste mise au bout d'une lance sur l'eschaffaut (Reg. crim. Chât., II, 1389-1392, 208)

...et juedi derrien passé fu ledit Montagu environ X heures mené du Petit Chastellet du Petit Pont à Paris en une charrette es hales de Paris, où fu devant infinité de peuple decapité (Baye, I, 1400-1410, 292)

...sur une cloye atachée à la queue d'une cherrette (Baye, II, 1411-1417, 116)

LE BOURREAU. De pié viendra. Je n'ay point trouvé de charrette. (Myst. jeune fille L., c.1413-1445 [c.1530], 55)

Le lendemain, des le point du jour, le bourreau avec sa charrette fut devant la prison (C.n.n., c.1456-1467, 450)

Et, après lui, estoit mené ledit Hardi en une basse charrette, où il estoit moult bien enferré de gros fers enchaynez, et le conduisoit Jehan Blosset, escuier, cappitaine des cent archers de la garde de monseigneur le daulphin, et avecques lui avoit cinquante desdiz archers tousjours estans autour de ladicte charrette. (Roye, Chron. scand., I, 1460-1483, 304)

Battre/mener au cul de la charrette. Traîner (un condamné) attaché à l'arrière de la charrette.

...veu aussi l'estat de sa personne et figure d'icellui, que comme larron il feust executé, c'est assavoir pendu, sauf et excepté les dessus dis maistres Beraut, La Haye, Robert de Tuillieres et Goebe, qui furent d'oppinion qu'il feust mené au cul d'une charrete, tout batant, jusques à la justice, et, illec, bany de la ville, viconté et prevosté de Paris à tousjours, sur peine de la hart, et, illec, lui coppé l'oreille destre. (Reg. crim. Chât., I, 1389-1392, 237)

...que icellui prisonnier, à la premiere justice que l'en feroit, feust batus et mené tout batant, au cul de la charrete, puis le Chastellet jusques à la justice, et que illec, et par cry solempnel, à l'oye et audience de tous, icelli prisonnier, sur peine de la hart, feust banyz à tous jours de la ville, viconté et prevosté de Paris (Reg. crim. Chât., II, 1389-1392, 159)

...delibererent et furent d'oppinion que ledit prisonnier feust très-bien batus publiquement et tout nu au cul de la charrete, puis le Chastellet jusques à la justice de Paris, et illec bany à tousjours de la ville de Paris et à dix lieues environ, sur peine de la hart, et que partant il feust mis hors de prison et leissié aler. (Reg. crim. Chât., II, 1389-1392, 279)

En ce temps, fut grant bruit à Paris de larrons et crocheteurs, alans de nuit crocheter huis, fenestres, caves et celiers. Et, pour lesdiz cas, en furent aucuns batus au cul de la charrete et les autres pendus et estranglez au gibet de Paris. (Roye, Chron. scand., I, 1460-1483, 166)

2.[La charrette comme mesure]

D'une charrette. De la longueur d'une charrette.

Item, les branches des arbres esrachiéz de plus d'une charete, sans adeser au corps de l'arbre, hors deffens. (Hector De Chartres, Cout. R., 1398-1408, 55)

Par métonymie. Une charrette de qqc. Une charrettée de.

Item, plus passé Hugonet Plazart led. mois huit charretes de fein, lequel a chargié à Taponna... (Journal Bellev. H.D., 1424-1425, 107)

Il dist a sa femme (...) qu'il vouloit aller, ung jour tel qu'il nomma, mener a Saint Omer une charette de blé (C.n.n., c.1456-1467, 441)

3.[Un des nombreux jeux d'enfant évoqués par Froissart] Jouer à la charrette Michaut. ?.

Aussi en cest avenement Jeuiens nous au roi qui ne ment, Aux barres et a l'agnelet (...), Au mulet, au salir plus haut, Et a le carette Michaut (Froiss., Espin. amour. F., c.1369, 55)

4.Par analogie.

Meuble à roulettes servant à apporter les plats.

...vint petites charrettes estoffées de double fons de tourelles et de rouets, lesquelles ont servi à aporter les mets aux tables le jour d'icelui banquet (Comptes Lille L., t.1, 1453-1454, 421)

Appareil muni de roulettes dans lequel on place un enfant qui apprend à marcher (ici représenté sur un bijou).

Une charuette d'argent blanc à aprendre à aler enfans, laquelle est sur le devant de quatre bastons à demi roons assamblés en esquarrie, et celi d'amont est le plus lonc et à ses bous a deux pommeaux à plusieurs costes (...). Et se porte et mainne ladicte charuette sur trois roes, l'une qui est pres du bout dudit baston derrain devisé, et les autres sur le bas des deux des costez de devant. (Doc. 1374. In : H. Moranvillé, Bibl. Éc. Chartes 62, 1901, 220)

B. -Locution.

Bouter à la charrette. Faire des efforts, employer ses forces à qqc..

Sy fut dit alors et sambloit assez vray que cest évesque avoit fort le coeur à ce saint voiage, et qu'en ensievant l'inclination du duc il boutoit fort à la charrette afin qu'il se fist (Chastell., Chron. K., t.3, c.1456-1471, 334)

Or avoit ce chevalier beaucoup de hayneux à l'entour de ce roy et de moult long temps, lesquels toutesvoies n'estoient point gens de si grant poix que on pourroit bien dire ; mais sachant leur maistre avoir coeur fel envers luy, boutèrent de leur venin avecques le sien et boutèrent à la charrette le plus que purent pour l'enverser. (Chastell., Chron. K., t.4, c.1456-1471, 26)

Bouter à la charrette de qqn. Faire des efforts pour hâter la chute de qqn, intriguer contre qqn.

Sy s'en devisa [le comte de Saint-Pol] avecques luy [le comte de Charolais] , complaignant que ceux de Croy boutoient à sa charrette terriblement fort, et que le duc aussi s'y consentoit de légier (Chastell., Chron. K., t.4, c.1456-1471, 419)

...si l'on n'eust secrètement bouté à la charette du bastard (...) ne fust pas mort (Chastell., Chron. K., t.4, c.1456-1471, 405)

Bouteur à la charrette. Intrigant.

...et naquit grand brouillis entre eux, et plus qu'oncques grande certes apparence de ruine et de meschief, et, par les bouteurs à la charette du comte, occasion grande à iceluy de soy desvoyer et vuidier règle (Chastell., Chron. K., t.5, c.1456-1471, 203)

Se garder des charrettes. Chercher à échapper à un danger apparent, alors que le vrai danger est caché.

A propos de quoy vint le commun mot, que on dit : 'Gardez vous des charetes'. Ou temps que Phelippe, le roy de Macedoine, et pere du grant Alixandre, regnoit en grant prosperité, ot desir de savoir l'eure et la maniere de sa mort, si fist de ce sa requeste au dieu Appollo, dont l'idole li respondi 'que il se gardast des charetes'. Pour laquel response, Phelippe fist destruire tous les chars et charetes de son royaume ; mais il fu deceu en son oppinion, car Pesanias, le prince qui le tua en la bataille, portoit en ses devises et banieres la figure de charette, et au panoncel du glaive, dont il fu occis, avoit pourtrait .II. charettes (Chr. Piz., Faits meurs Ch. V, S., II, 1404, 69)

[Deux façons de rimer évoquées par les troubadours, d'apr. LA CURNE (s.v. charrette) «L'une étoit appelée rima clausa et l'autre rima cara...»] Rimer en clos ou en charrette

...Car pour rimer en clos ou en charrette N'est au jour d'ui, bien le puis soustenir, Si grant faiseur ne si noble poete. (Desch., Oeuvres Q., t.5, c.1370-1407, 54)

Locution proverbiale. La charrette de qqn branle. Les affaires de qqn vont mal.

Et par ainsi, ceux qui guères n'aimoient le chancelier (...) maintenant quant virent clameurs et doléances sourdre, puis contre le père, puis contre les enffans, se baignèrent en roses, et avecques ce que veoient leur charrette branler beaucoup pour cheoir, boutoient quanque pouvoient aussy en leurs tribulations dont on leur donna beaucoup et de bien aigres. (Chastell., Chron. K., t.3, c.1456-1471, 337)

Proverbe.

Quand fortune est diverse, il n'est charrette qui ne verse

Et j'ay ouy souvent racompter ung proverbe, fait en ryme, qui dit : 'Quant fortune est diverse, il n'est charrete qui ne verse' (La Cépède, Paris Vienne K., 1432, 211)

...Je prenoye longue traverse Affin que ne peusse verser, Mais tu [Fortune] m'es venu traverser Par ta voulenté si perverse Que tout jus m'as fait renverser ; Il n'est charrette qui ne verse. (Régn., F.A., 1432-c.1465, 13)

[Allusion au prov. Quand fortune est diverse, il n'est charrette qui ne verse]

Fortune m'est dure, amere et diverse, Qui ma cherrette einsi trebuche et verse. (Mach., Compl., 1340-1377, 252)

Dieu aide à la charrette. Dieu est là pour nous aider en cas de besoin.

L'Oiceus ja ne se pourvoit du nient, Mais q'un jour vait et autre vient : Il dist : 'Dieus aide a la charette ! ' (Gower, Miroir homme M., c.1376-1379, 70)