CHARNELLEMENT

adverbe

[T-L : charnel2charnelment ; GDC : charnelment ; AND : charnelement ; FEW (II-1, 381a) : carnalis]

A. -[P. oppos. à l'existence spirituelle]

1.[Du Christ] Par incarnation.

Dy se c'est plus digne chose estre mere de Dieu charnelement que espirituelment par grace ? Dy se c'est plus grand dignité que de sacrer le corps Nostre Seigneur ? Laissons teles questions a l'escole. (Gers., Annonc., a.1400, 231)

C'est verité, dit tantost Obeissance, puisque tu, souverain Prince, veulz avoir mere charnellement en terre, tu luy donras honneur, reverence, service et obeissance ; ne ja a ce Justice ne contredira. (Gers., Concept., 1401, 400)

2.En vertu d'une parenté par le sang.

...pour Dieu alez vous ent ! Car ne pourroye amer ung homme vraiement Puisqu'il vouldroit grever mes amis charnaulment. (Gir. Vienne D.B., c.1350-1400, 166)

B. -Par union charnelle, sexuellement.

[À propos d'un couple]

Et semblablement [Mahommet] commanda faire cinq oreisons par jour et neuf genuflections, deux au point du jour, deux aprés medy, deulx aprés soleil absconsé, et troys aprés le souper, par telle condition que toute la nuyt fust exploittee a boyre et a mengier sans cesser, et a soy conjouir en toutes delices entre les bras dez femmez charnellement, jusquez a si cler jour que on peust congnoistre ung fil blanc d'un fil noir. (Chart., L. Esp., c.1429-1430, 121)

Connoistre/habiter/toucher charnellement (une femme)

...car le juste ne peut pas moins, mais plus, faire quelzconques teles choses comme seroit cognoistre charnelement la femme de son voisin et ferir le. (Oresme, E.A., c.1370, 322)

...celle nuit coucha avecques ycellui chevalier, lequel la despucella et congnut charnelment, et ot sa compaignie par deux fois. (Reg. crim. Chât., I, 1389-1392, 44)

...ledit Baudet touzjours soy efforçant d'entrer ès jambes d'elle qui parle pour la charnelment congnoistre (Reg. crim. Chât., II, 1389-1392, 511)

Et celle dame avoit un esparvier, ou tout chevalier de noble sang qui le povoit veillier IIJ. jours et IIJ. nuys, sans dormir, elle s'apparissoit a eulx, et avoient un don de elle, tel qu'ilz le vouloient demander, voire des dons temporelz, sans pechié de corps, ne sans elle touchier charnelment. (Arras, c.1392-1393, 302)

Se un prestre seculier ou autre religieux congnoist charnelement femme mariee, il n'aura jamais du pechié pardon, se premierement ne lui est pardonné du mari d'elle. (Ev. Quen. I, c.1466-1474, 101)

Et se maternité ensieut le mariage, il fault distinguer se ta femme depuis qu'elle aura de toy esté charnelement habitee, aura receu le filz d'aultrui. (Sacr. mar., c.1477-1481, 56)

Et se par artacion et indisposition elle est separee du premier mary qui ne le puet congnoistre charnelement, et elle soit mise avec ung aultre homme et soit faicte ydonie avec l'aultre homme, elle sera separee du second et remise avec le premier. (Sacr. mar., c.1477-1481, 78)

Accointer/avoir compagnie charnellement à/avec (une femme)

...messire Edouart de Guerles se maria en Haynnau et prist la fille aisnée au duc Aubert, mais la dame estoit pour ces jours si très jonne que onques carnelement messire Edouart n'accointa à luy (Froiss., Chron. M., XIV, c.1375-1400, 153)

...il print par force une jeune femme mariée à un cousturier demourant à Saint-Aubin du Cormier en Bretaigne, à laquelle il ot compaignie charnelment, oultre le gré et volenté de ladite femme. (Reg. crim. Chât., I, 1389-1392, 19)

Coucher/gesir/se gesir charnellement avec qqn

...le dit chevalier, si comme l'en disoit, avoit forcé pieça Margot, fille Perroteau, de Dampierre suz Voutonne, et une autre feme, appellée la Bouteilliere, demorans à Surgieres, et s'estoit juz avecques elles charnelment à force et contre leur voulenté (Doc. Poitou G., t.2, 1335, 118)

...jamais nul jour ne gerray Avec nul homme charnelment (Mir. enf. diable, c.1339, 4)

Si traita, et bailla sa fille au marquis de Blancquebourc, qui tantos l'espousa et jut avoecques li carnellement. (Froiss., Chron. R., XI, c.1375-1400, 250)

...a nous vous devez rendre le disme du nombre des foiz que vous couchez charnellement avecques voz mariz. (C.n.n., c.1456-1467, 216)

Se maintenir charnellement avec (une femme)

...ung jeune prebstre (...), lequel a esté et est notoirement famé et renommé de soy estre maintenu charnellement avecques une nommée Jehanne Girarde (...), laquelle s'est dèspieça abandonnée au péché de la char, tant avec ledit Gonu, prebstre, que autres plusieurs du païs d'environ (Doc. Poitou G., t.12, 1475, 17)

[À propos de rapports contre nature]

Item, confessa que, environ devant la S. Jehan-Baptiste derreniere passée a eu un an, que il demoroit au Mans avecques sa mere, il congnut charnelement, par une fois, une jument qui estoit à sadite mere. (Reg. crim. Chât., I, 1389-1392, 187)

Cestui Zabulon fist la nativité de [Pasiphaé] et de sa lubricité, et expressement nota qu'elle appecteroit bestes brutez et à la fin se fist au moïen Dedalus congnoistre charnellement au torel, où elle s'encloyst en la forme d'une vache. (Simon De Phares, Astrol., c.1494-1498, f° 28 r°)

...car sa mere Erudice avoit fait mourir ses II autres filz pour ce qu'ilz ne volurent coucher avecques elle charnelement. (Simon De Phares, Astrol., c.1494-1498, f° 51 v°)