CAUTELE

substantif féminin

[T-L : cautele ; GDC : cautele ; AND : cautele ; FEW (II-1, 546a) : cautela ; TLF (V, 324b) : cautèle]

A. -[Avec une valeur négative] Ruse, tromperie, perfidie.

I'ai(e) pechie [l. pechié] par symonie, Par sacrileige et brugrenie. Desloyauté et lar[e]chins Ai(e) ie tenus par mes voysens Aueucq(ue) fauseté et uzure, Cauteil, boidie et renoierie ; Gilh[e], baras et tricherie Ay ie oyut de ma partie (Sept péchés C., c.1300-1350 [p.1478], 238)

Ribaulx moynes, qui vous a donné le hardement d'avoir enchanté mon frere tant que par vostre faulse cautele vous l'avez fait devenir moine ? (Arras, c.1392-1393, 251)

...par le moyen de luy seul, homme, il voult convertir tant soudainement et merveilleusement le monde a sa foy et a sa loy contre toute la furieuse puissance des tirans, contre toute la sapience et moquerie des philosophes, contre tout l'effort et l'esclande des juifs, contre la malice et parverse cautelle des dampnez ennemis. (Gers., P. Paul, a.1394, 494)

A Herculés isnel le pas Presenta le don de par celle, Qui n'y pensa nulle cautelle (Chr. Piz., M.F., III, 1400-1403, 23)

Aprés ceste entree s'aida le malin esperit de ce decepveur d'une seconde cautele, et s'apensa que extremité n'aquiert riens sans debat et que la voie moienne a ses adresses a tous chemins. (Chart., L. Esp., c.1429-1430, 119)

Et est la sentence en ce que ung homme de Romme avoit ung filz qui amoit une femme, a laquelle hanter il consideroit la mort et perdicion de sondit filz. Et pour ce que par parolles il ne le povoit retraire, il usa de une cautelle (La Sale, Salade, c.1442-1444, 29)

...elle est trop bonne et trop seure ; force est que, si je veil parvenir a mes fins, que par cautele et deception je la gaigne. (C.n.n., c.1456-1467, 534)

Tu es assés malicïeux Pour entendre bien la cautelle... (Path. D., c.1456-1469, 148)

Du monde la nature est telle ; Traÿson y est et cautelle, Qui sans celle Vont a cheval par tout paÿs. (Pass. Auv., 1477, 111)

Voicy donc par quelle cautelle Frauder et prandre le pourrons [Jésus] : Embassadeurs luy envoyrons Pour luy demander et prier Que il nous dye s'on doit payer Tribut a l'empereur de Romme. (Myst. Pass. Troyes B., a.1482, 608)

Renoncés vous entierement En Sathan et a sa cautelle, Et croyez en la loy nouvelle, C'est au Pere et a son Filz Et aussi au sainct Esperitz : Ung dieu et une mesme essence ? (Myst. st Laur. S.W., 1499, 216)

[...employée pour la bonne cause]

...et ne povons, mie seulement avesquez lez Mescreans et aveques lez mauvaiz Crestians nous deffendre de noz anemis, ou leur faire [guerre], mez le povons aussi faire par cautele et par barat, car telle cautele si est bonne (Songe verg. S., t.1, 1378, 337)

Rouerie.

Aussy desiroit fort que en ce royaulme on usast d'une coustume et d'une mesure et que toutes ces coustumes fussent mises en français en ung beau livre pour eviter la cautelle et pillerie des advocatz, qui est si grande en ce royaulme qu'il n'en est nulle autre semblable, et les nobles d'iceluy la doyvent bien congnoistre. (Comm., II, 1489-1491, 278)

Au pluriel. Manifestations concrètes de ruse, actions inspirées par la ruse, voies tortueuses.

De ceaus qui si trés bien savoient Requerir, flater, losangier Et leur paroles arrengier, Aucunes en y avoit d'elles Qui savoient tours et cautelles Et faindre si trés proprement Qu'il cuidoient certainnement Meinte fois qu'elles les amassent... (Mach., D. Lyon, 1342, 215)

Renonçans en ce fait expressement ycelles parties, chascune en droit soy, ès noms que dessuz, par leursdiz seremens et foy, à toutes exeptions de deception, de mal, de fraude, d'erreur, de lezion, de circonvention et d'ignorance, à action en fait, (...) à toutes oppositions, raisons, deffenses, barres, cauteles, cavillations, hocques, malengin (Titres Bourbon L., t.2, 1400, 113)

Je me doubt qu'ancor dure La desloyal mesaventure, Et que maint, pour flater seigneurs, Et estre environ eulx greigneurs, Treuvent d'avoir argent cautelles, Sanz raison, dont mains leurs cotelles Couvient qu'ilz vendent, pour d'argent Finer, quant ilz sont povre gent, Ou le leur vendre ou engagier, Pour finer, non pas de legier, A payer mainte estrange charge. (Chr. Piz., M.F., II, 1400-1403, 50)

Et s'en ala le regnart, et aprés se rencontrerent les cerf et senglier, et reciterent les grans cautelles du regnart qui vouloit mectre division entre eulx et les vouloit faire comme roys (Juv. Urs., Loquar, 1440, 350)

...le dyable, aucunesfoiz envieux d'aultruy, bien treuve tant de cautelles et se transforme en angel de lumiere. (C.n.n., c.1456-1467, 100)

...les histoires anciennes (...) font mencion de diverses tromperies, cauteles, abusions et deceptions en cest estat advenues (C.n.n., c.1456-1467, 255)

Car elles Font rapines et cautelles Prés qu'autelles Que celles des tamps passés. (Meschin., Lun. princes M.-G., c.1461-1465, 75)

...il en y a plusieurs En l'ostel de ces grans seigneurs Qui en ont fourrez (le) nos cotelles, Et, par faulcetez et cautelles, Font ce qu'il veuillent a tous coups. (Sots mal., c.1480, 83)

Par iceulx façons et cautelles Veult avoir le miel et la cire. (Myst. Siège Orléans H., c.1480-1500, 366)

Feray sçavoir mes diverses cautelles Et mes engins qui sont inumerables, Pour actraper petites puterelles, Louves puantes, matrones macquerelles, Vielles ribauldes et paillardes prestresses (La Vigne, S.M., 1496, 222)

Faire qqc. à/par cautele

Item deys le jour de huy en avant l'une partie desdiz seignours de Beaujeu et de Vilars encontre l'autre à quelque cause que ce soit qui avignyet par le temps avenir, celemant ou en apert, ne par fraut, ne par cautele, comme principas ne comme aydans ne puysse fere guerre que celi qui la voudroit fere ne le face savoir pour dedit et deffiance clere à l'autre contre cuy il la voudroit fere ung an par devant que il la comensoit (Titres Bourbon H.-B., t.1, 1378, 594-595)

...et ce font par faintise et cautele, et les a l'en de legier en despit. (Oresme, E.A., c.1370, 269)

Et donques l'incontinent est demi mauvais et n'est pas injuste, car il ne oeuvre pas par conseil ne par aguet ou cautele. (Oresme, E.A., c.1370, 398)

Et messires Robers d'Artois li a bien sceu dire, remonstrer et esclarcir de point en point, conment, par droite succession et menbres d'iretage, il deveroit estre rois de France, dont on l'a arrieré a fraude et par cautele, car il est fils de la serour le roi Carle de France (Froiss., Chron. D., p.1400, 230)

Ainsi les traytres ont desclos Par grant cautelle celle voye, Affin qu'au siege on les envoye, Pour traitier paix, mais le roy pleure Et dit que 'ja n'aviengne l'eure Qu'aux Gregois il soit tributaire !' (Chr. Piz., M.F., III, 1400-1403, 153)

...elle est trop bonne et trop seure ; force est que, si je veil parvenir a mes fins, que par cautele et deception je la gaigne. (C.n.n., c.1456-1467, 534)

...il deist à Monseigneur d'Orleans qu'il s'en alast devant et qu'il s'en yroit aprés, et le faisoit à cautelle, car son intencion estoit, ainsi que j'ay esté adverty, que, sans le sceu de mondict seigneur d'Orleans ny d'eulx, il s'en vouloit retourner à Nantes. (Lettres Ch. VIII, P., Pièces justif., t.1, 1487, 387)

Par ruse (pour la bonne cause).

Sans faille, on pourroit dire que Platon a cautelle, ja soit ce que ce feust a bonne entente, faignoit ce que dit est des esperes du ciel pour mieulx le simple peuple attraire et encliner a vivre honnestement et vertueusement a la fin qu'ilz peussent aprés la mort avoir ou ciel leur part de celle melodie et des grans biens qu'elle signifioit. (Evr. Conty, Harm. sphères H.P.-H., c.1400, 66)

[Opposé à de volonté] Avec des arrière-pensées.

Finablement, il mua son pourpos, ne sçai si elle le fist par cautèle ou de volenté ; mais il dist a ses gens que il creroit leur conseil. (Froiss., Chron. L., IV, c.1375-1400, 34)

À cautele de qqc. En visant à qqc. d'une manière rusée.

Mesmes à tous ceux à qui tu faisoies tes dons d'office (...) tu ce faisoies à regret et à dur repreuve en leur derrière, ou tu le faisoies à singulières notées personnes, et à cautelle de mauvaises préaviséees fins, qui depuis sont descouvertes. (Chastell., Chron. K., t.5, c.1456-1471, 145)

Entente déloyale.

...il ne deuissent pas cela avoir fait, ne le mariage acordé si legierement, de la fille d'Engleterre a lor adversaire le roi d'Escoce, que il n'euissent convoqiet l'especial et general consel dou pais ; et convenoit que il l'euist entre ceuls qui de ce mariage s'estoient ensonniiet, auqune cautelle secree qui se descouveroit, quanq que ce fust. (Froiss., Chron. D., p.1400, 171)

En cautele. En secret.

Et envoièrent leurs gens ossi pour apparillier leurs hostels (...) et tout en cautelle, car li rois ne li signeur n'estoient point consilliet de entrer si soudainement en Paris (Froiss., Chron. R., XI, c.1375-1400, 74)

Faire cautele à qqn. Jouer un mauvais tour à qqn.

Se m'aist Dieu, je prendray congé, Se vous m'en faictes plus d'autelle. Vous me faictes tousjours cautelle, Et je vous sers si loyaulment. (Myst. st Laur. S.W., 1499, 176)

[Métaph. grivoise] Faire la cautele

...il estoit nuyt Et pour mieulx faire la cautelle Il n'y avoit point de chandelle (B. veoir, p.1480, 17)

Prétexte fallacieux.

Chercher cautele + interr. indir.

Et tint tousjours le maltalent que ses predecesseurs avoient tenu à la ducié de Braibant, et querroit tousjours ocquoison et cautele comment il y peuist avoir la guerre (Froiss., Chron. M., XIV, c.1375-1400, 156)

B. -[Avec une valeur plutôt positive ou neutre]

1.[Souvent accompagné d'un adj. ou d'un synonyme pour marquer l'aspect positif] Prudence, précaution, prévoyance.

Il [le corps de Nostre Seigneur] conforte les feibles, il delite les fors, (...) ou ['on'] en est plus doulz a correccion, plus pacient en adversité, plus ardent en amour, plus saige a cautele, c'est a dire a soy garder des perilz advenir (Frère Robert, Chastel perill. B., c.1368, 388)

...quelconque grace il viengne de la familiarité de plus puissant, l'en doit avoir plus diligent et sage cautelle, et par especial les sougiéz (Foul., Policrat. B., III, 1372, 235)

...car, se la soutille cautele delaisse mesure et attrempance, tout en l'eure elle ist hors de la sente de vertu et s'esgare tres malcautement. (Foul., Policrat., IV, 1372, 74)

Aussi est lors bonne cautele, Pour eschiner la corruptele, Apposer, o les médicines Qu'on veult prendre, tant soient fines, Unes choses especiales Que l'en appelle cordiales (La Haye, P. peste, 1426, 118)

Cautele, c'est à dire subtil avisement. (La Haye, P. peste, 1426, 188)

[Le livre latin traduit par l'auteur] ...pourroit bien donner bonne instruction et sage cautelle de bien eulx gueter et garder (...) du barat etde la malice des Angloisfe (Droiz Cour. Fr. H., 1460, 297)

À cautele. Par précaution.

Et de ce qu'ami vous appele Devant la gent, c'est a cautele, Que je puisse a vous mieulz parler Et vers vous venir et aler. (Mach., Voir, 1364, 258)

À la cautele du temps à venir. En prévision de l'avenir.

Et là requist li evesques de Tieruane (...) au dit roy d'Engleterre que il volsist acomplir de point en point le dit trettié de le pais et tous les articles, à le cautèle dou temps à venir. (Froiss., Chron. L., VI, c.1375-1400, 33)

Ces lettres raportèrent en France li dessus nommet signeur (...) et les baillièrent au roy de France, qui tantost les fist porter à sa cancelerie, et mettre en garde, avec ses plus especiaulz coses, à le cautèle dou temps à venir. (Froiss., Chron. L., I, c.1375-1400, 100)

Mettre cautele contre qqc. Prendre des précautions pour éviter qqc..

Solon, qui fu un des sept sages, disoit que la prece de l'adversite a avenir est mendre quant on scet devant pour ce que on puet par prudence mettre cautelle contre la fortune avenir. (Oresme, Divin. C., c.1366, 66)

Trouver voie et cautele + interr. indir. Trouver une manire habile.

Si me convenoit trouver voie et cautelle, conment je me peuisse de euls delivrer. (Froiss., Chron. D., p.1400, 808)

En particulier. Précaution prise dans un contrat.

...mais ilz [des officiers royaux] ont trouvé une cautelle que es lettres des contrats ilz ont mis. (Juv. Urs., Verba, 1452, 348)

2.Finesse, intelligence.

Pour bien entendre ceste lettre et ystoire, fault recourre au iiime livre de Vallerius et au chappiltre de force, ou il parle a plain de la gouvernance du royaume de Perse et des mages qui gouvernerent, et comment celle gouvernance failly, et comment les mages furent ochiz ; dont, après ce, Dairès en fut roy, par sa [l. la] subtillité et cautelle d'un scien varlet (La Sale, Salade, c.1442-1444, 30)

Or ne peut avoir a soudaineté l'omme la cautele ne la subtilité de bien congnoistre et entendre ce que peut nuyre ou aydier. (Fillastre, Traité Conseil H., c.1472-1473, 236)

Si fault trouver voye utille Pour encontre eulx remedier, Par cautelle bonne, sutille Somtensement y ovier. (Myst. Siège Orléans H., c.1480-1500, 600)

Le Turc, que devant ay nommé, a esté saige et vaillant prince, plus usant de sens et de cautelle que de valleur ne hardiesse. (Comm., II, 1489-1491, 337)

Et alors, le seculier commença en disant : 'Moy, qui par sens naturel, par prudence et astuce cautelle, estoye parvenu a l'honneur de dignité ducalle, qui me estoye enrichi si tres opulemment que tous mes voisins me craingnoyent, les estrangiers me renommoyent, mes amys me decoroyent et mes ennemys me redoubtoyent, par mes actes trop inhumains et tiranniques fuz des miens habandonné et par mes souldars mis et livré es mains de mes ennemys.' (Antitus, Poés. P., c.1500, 75)

Au pluriel. Stratagèmes, actions habiles.

Car par le grant sens qu'ilz pourquistrent Et orent ou gouvernement Des batailles qui prudemment Menoient es particuliers Cas de leurs fais les chevaliers, Guerroians par sages cautelles, Avoient les victoires belles. (Chr. Piz., Chem. estude P., 1402-1403, 211)

L'autre obstacle si est que, quelque grace de bon entendement ou discretion de bien jugier que Dieu ait mis en testes et comprehencions des jounes hommes, leur capacité ne pourroit les regards particuliers et cauteles ingenieuses qui affierent a si hault oeuvre bien conduire ne comprendre. (Chart., Q. inv., 1422, 46)

[Titre de chapitre] Aucunes cautelles pour obtenir victoyre en guerre guerroyable (Vasque De Lucène, Cyropédie G.-G., 1470, 216)

A vous, sancts peres, je vien Et vous porte bonnes nouvelles, Car vostre saulveur et le mien [Jésus] Tantost viendré. Levés vous eles[.] Pour ses prudences et cautelles (.) Il a les dïables deceu. (Pass. Auv., 1477, 113)

CAUTÈLE