BUTIN

substantif masculin

[T-L : butin ; GDC : butin ; FEW (XV-2, 32) : bûte ; TLF (IV, 1083b) : butin]

A. -Prises de guerre qui se partagent entre les soldats.

Si arresterent et conclurrent les capitaines entre eulx que, sus le soir, ilz se departiroient et enmerroient tout leur butin et leurs prisonniers dont ilz en avoient plus de deux cens (Froiss., Chron. M., XIV, c.1375-1400, 220)

Et eurent ce jour li Breton plus de trois cens prisonniers, que de puis il rançonnèrent bien et chier, et si conquissent tout lor harnois où il eurent grant butin. (Froiss., Chron. R., VIII, c.1375-1400, 114)

[Des bandes de brigands sont tolérées pendant les trêves entre la France et l'Angleterre] Et voloient bien li auqun dire que il estoient porté couvertement et sousfert des officiiers dou roi et des chevaliers et esquiers dou pais ou il conversoient, et que chil estoient participant a lors butins et pillages. (Froiss., Chron. D., p.1400, 857)

Je cuide bien que le ceur fault A vous tous ensamble à butin ['vous n'avez plus le coeur au butin, à chercher du butin'] , Quant vous pensez que d'un assault Serés prins, ou soir ou matin. Oncques ne veistes tel hutin ; Que ferez-vous quand vos voisins Serreront sur ces pellerins ? (Doc. 1441. In : CHART. J., Chron. Ch. VII, V., t.2, c.1437-1464, 31)

...ou lesditz prinsonniers furent mys a finance et le boutin parti. (Le Bouvier, Chron. Ch. VII, C.C.J., c.1451-1455, 411)

Et mesmement se fist de moult belles destrousses en la duchié de Bourgongne et contez de Charrolois et Masconnois, où les gens du roy y gaignerent de moult beaux butins et y prindrent de moult bons prisonniers (Roye, Chron. scand., I, 1460-1483, 257)

Ainsi passa le soir. Et fut dit et recité au Jouvencel que le cappitaine estoit bien content de lui et qu'il auroit si bonne part au butin qu'il en devroit estre content, et lui donneroit ung cheval pour porter son paige ; car il l'avoit bien desservi. (Bueil, I, 1461-1466, 38)

Aprez ceste destrousse faicte, saillirent plusieurs debatz et questions, comme tousjours advient, quant ung butin a esté fait. (Bueil, II, 1461-1466, 212)

...et après les exhorta qu'ilz feissent une course ès païs que possedoient leurs ennemys, lesquelz en furent très contens ; et partirent grant nombre de gens bien en point et chevaucherent jusques à une grosse ville champestre, laquelle ilz prindrent par force et là où ilz gaignerent grant butin et de bons prisonnyers, dont se esmeurent grans debats. (Bueil, II, 1461-1466, 80)

...la première bande voulut avoir part à tout ce qu'il avoit gaigné et voullurent que son gaing fust departy à six ou sept qu'ilz estoient, et disoient qu'il n'avoit pas puissance de abutiner les autres en leur part. Pareillement voulurent toutes les aultres bandes qu'il leur fist bon le butin qu'il avoit gaigné. Il ne le dit à nul qu'il eust aucun abutiné avecque lui ; mais s'abutinoit à tous, pensant qu'il deust avoir butin en tous les butins où il se boutoit, et pensoit pas qu'il deust faire à tous part de ce qu'il gaigneroit. Et, par ce, fut condempné à faire le butin bon à tous. (Bueil, II, 1461-1466, 96)

Retournant audictz ducz de Normandie et de Bretaigne, qui estoient alléz prendre possession de la duché de Normandie, dès ce que leur entrée fut faicte à Rouen ilz se commencèrent à diviser quant ce vint à departir le butin (Comm., I, 1489-1491, 88)

Aux gens d'armes despleüt fort le conseil que avoit donné le connestable, car ilz veoyent de beaulx butins devant leurs yeulx. (Comm., I, 1489-1491, 99)

Vendre le butin

Quant li rois de France et toute li hoos (...) eurent logiet à leur plaisir sus le mont d'Ippre, et que on i ot tenu à pluiseurs marchiés et vendu grant plenté de butin à ceulx de Lille, de Douai (...) et à tous ceulx qui acater les voloient (...) adont vint li rois à Ippre et tout li signeur. (Froiss., Chron. R., XI, c.1375-1400, 35)

Vendre au butin. Vendre comme butin (comme si c'était du butin).

Et dedens les vignes près Saint-Anthoine des Champs furent prins bien XX ou XXIIII povres paillars Calabriens et Bourguignons tous nuz et mal en point, qui furent venduz au butin, et en donnoit on quatre pour ung escu, qui est audit pris VI sous VI deniers parisis la piece. (Roye, Chron. scand., I, 1460-1483, 108)

B. -Par métonymie.

1.Partage de ce qu'on a pris sur l'ennemi.

LE CONTE. Quant est de moy je m'armeray, De mil hommes vous aideray Touz combatans. L'EMPEREUR. Et vous serez conté par tans Au butin (Mir. fille roy, c.1379, 66)

À butin. Au partage de ce qu'on a pris sur l'ennemi, en partageant ce que l'on a pris.

Si fu renvoiiés querre en Gand li sires d'Enghien, que li Gantois, pour resjoïr la ville, i avoient porté, lequel corps il ne vaurent onques rendre si en eurent mille frans tous aparilliés, lesquels on leur paie et delivra, et les departirent ensamble à butin. (Froiss., Chron. R., X, c.1375-1400, 145)

...Les estrangiers pas ne pillassent ; Mais les nobles mesmes, subgeiz Du roy, vont vers eulx quant ilz passent Faire rançonner les logeiz. Que le grant deablë y ait part ! Chascun dit qu'ilz sont a butin. (Chart., D. Her., p.1415, 434)

...il menroit en un lieu où ilz trouveroient grant quantité d'or, et que ce seroit a butin. (Chancell. Henri VI, L., t.1, 1426, 324)

En ce jour, y eust de bons prisonniers pris ; et ceulx qui les avoient pris vouloient dire qu'ilz ne seroient point à butin, sinon par les butins particulliers que chascun avoit fait à par soy. Et la pluspart des compaignons vouloient dire qu'ilz estoient tous à butin ; et pareillement faisoient les cappitaines. Ceste question vint devant le Regent, qui donna audience aux parties. (Bueil, II, 1461-1466, 215)

Et, pour ce que c'est le bien general de la compaignie, le cappitaine a ce povoir de mettre la compaignie à butin toutes et quantes foys qu'il voudra et à tel butin qu'il lui plaira. (Bueil, II, 1461-1466, 216)

...j'ay receu vos lettres et vous mercye de l'honneur que me voulez faire de me mettre à butin entre vous. (Archives servit. Louis XI, T., 1477, 125)

Ceste nouvelle ouverture fut que le roy et eulx retournassent en leur première amytié et ancienne et eulx deux à butin emprissent toute la conqueste d'Ytallie et à communs despens et que les deux roys fussent ensemble (Comm., III, 1495-1498, 289)

Au butin

Et abatirent et ardirent toutes les maisons des gentils hommes ; et tout che que il trouvèrent ens, il le departirent entre iaulx au butin. (Froiss., Chron. R., IX, c.1375-1400, 227)

2.Part des prises de guerres reconnue à un soldat ou à un groupe de soldats.

Et, pour ce, fut dit qu'il souffist que le chief ou cappitaine die seullement : à butin, à bonne usance, au priz d'une esguillette, lequel qu'il lui plaira ; car il peult faire tel butin que bon lui semblera et souffist seullement que le mot soit ouy d'aucuns. Car la chose peult estre si soubdaine que le cappitaine ne peult pas parler à chascun (Bueil, II, 1461-1466, 215)

Au fort, ce sera mon butin, Que je rapporte de la guerre. (Fr. arch. B., c.1468-1480, 45)

3.Dispositions prises dans une troupe en vue du partage des prises qui seront faites lors d'une opération militaire.

...et, se n'estoit le butin que le cappitaine y met [dans la compaignie] , les gens se desroyeroient pour aller au pillaige ; et mainte besongne en a esté perdue. (Bueil, II, 1461-1466, 216)

Et, quand il regardoit devant, darrière et aux costez et y véoit tant de si belles gens et si bien arroyez, il lui sembloit bien que tout devoit estre sien. Tant chemina sur ses petiz pas qu'il arriva au logeiz et là conclud la maniere de son chevaucher et fit son butin et dist que chascun seroit à butin à son plaisir, par ainsi que de chascun butin il demourroit avecques les estandars le tiers des gens, et les deux pars iroient courre avecques aucuns chiefz de guerre qui furent ordonnez pour ce faire (Bueil, II, 1461-1466, 86)

Et, les choses debatues et plaidoyées d'une part et d'aultre, fut dit que les cappitaines les avoient tous miz à butin. Aucuns debatoient qu'ilz n'en savoient riens et les aultres disoient qu'ilz le savoient bien et qu'ilz l'avoient bien ouy et estoient presens quant les cappitaines firent le butin. Ilz estoient peu de gens à l'ouir, mais cela fut bien prouvé. (Bueil, II, 1461-1466, 215)

[Formule qui règle le partage (cf. BUEIL, I, 65, note 1)] À butin

Et, pour ce, fut dit qu'il souffist que le chief ou cappitaine die seullement : à butin, à bonne usance, au priz d'une esguillette, lequel qu'il lui plaira ; car il peult faire tel butin que bon lui semblera et souffist seullement que le mot soit ouy d'aucuns. Car la chose peult estre si soubdaine que le cappitaine ne peult pas parler à chascun ; et ce qu'il en fait il le fait pour le bien publique de la compaignie. (Bueil, II, 1461-1466, 215)

4.Groupe de soldats constitué pour effectuer des prises de guerre selon une répartition fixée.

...Et les compaignons s'endormirent, N'oncques nulx d'eulx ne se leva Tant que huit heures lever les firent. Si mis en escript ce qu'ilz dirent Pour mieulx estre de leur butin, Et l'ont nommé ceulx qui le virent Le debat Reveille Matin. (Chart., D. Rev., a.1424, 319)

Il ne le dit à nul qu'il eust aucun abutiné avecque lui ; mais s'abutinoit à tous, pensant qu'il deust avoir butin en tous les butins où il se boutoit, et pensoit pas qu'il deust faire à tous part de ce qu'il gaigneroit. (Bueil, II, 1461-1466, 96)

C. -Par extension.

1.Bénéfice qu'on tire de qqc..

...en laquelle [une somme d'argent] gaignant, il conquist bien meilleur butin comme d'estre nommé coux, avec jaloux qu'il avoit nom paravant. (C.n.n., c.1456-1467, 435)

Mais que vault Argent, en botin ? ['Que peut-on acheter avec Argent ; quelle est sa valeur en marchandises' (éd.)] (Oliou, Mess. Arg. A., c.1470, 478)

DOYEN (en allant). Je suis esbahy quant je vise Au gouvernement de Martin, Commant ce grant bien il mesprise, Car ce n'est pas petit butin. (La Vigne, S.M., 1496, 407)

Par antiphrase.

...se fist guider et mener ung jour jusques a l'ostel ou il conquist ce beau butin [Le 'médecin' est devenu aveugle en soignant sa malade] (C.n.n., c.1456-1467, 36)

...du pluc et butin qu'elle avoit a la force de ses reins conquesté avoit acquis vaisselle et tapisserie (C.n.n., c.1456-1467, 462)

En particulier. Profit d'un vol, d'un détournement.

...et vos officiers ne vous en advertissent point [des étrennes faites par le roi] , car eulx ou leurs femmes en ont comme l'en dit leur part et butin. (Juv. Urs., Verba, 1452, 284)

...trop bien demanderent comment il les desroba [les chemises] . Et il leur declara tout au long, et dist aussi qu'il avoit eu de tout ce butin cinq escuz (C.n.n., c.1456-1467, 401)

2.Partage (de ce dont on bénéficie).

À butin. En partage.

...Bonne amour me fait consentir A pareilz maulx ou biens sentir Que sont les siens, Et puis que tout mien je le tiens, Je les reçoy comme les miens A butin, noz maulx et noz biens (Chart., L. Dames, 1416, 233)

Tout à butin. Tout doit être partagé.

- (...) il en y a assez pour nous deux. N'a pas, mon compaignon ? - Oy, monseigneur (...) tout a butin. Et je le veil. (C.n.n., c.1456-1467, 214)

Estre à butin. Mettre en commun ce que l'on a.

Veulx tu qu'a boutin nous soion, Sans que façons extorsion [,] De ce qu'on nous pourra donner ? (Myst. st Vincent L., 1471 (1476), v. 4251, X. Leroux, R. Ling. rom. t.77, 2013, 483)