BOURDE

substantif féminin

[T-L : borde ; GDC : borde ; AND : bourde1 ; FEW (I, 440b) : *borda ; TLF (IV, 812b) : bourde1]

A. -Ce qui est dit (ou fait) pour abuser de la crédulité de qqn, tromperie, mensonge, plaisanterie, baliverne.

1.Propos moqueur et mensonger, tromperie, mensonge.

Le riche fait de bourde voir Et de grant folie savoir. (Renart contref. R.L., t.1, 1328-1342, 9)

...vuiseuses paroles, Bourdes, mensonges et frivoles, Arrangies et attroppées, Malicieusement comptées, Ruses avec losangeries, Presumptions et vanteries Et toutes paroles volages. (Mach., D. Aler., a.1349, 268)

Biaus amis, par merencolie M'avez tenté de moquerie De bourde, et de parole voire, Quant vous me donnastes a croire Ma dame loing par bel mentir. (Mach., J. R. Nav., 1349, 161)

...Dont j'aray de tous poins ma bourdë averye ['réalisée'] (Flor. Octav. L., t.1, c.1356, 17)

Cuidiez vous par vo bourdez desrouter no arois ? (Hugues Capet L., c.1358, 117)

...Sans controuver bourdes ne lobbes (La Buigne, Rom. deduis B., 1359-1377, 284)

Se Dieus me gart, trop me merveille Comment vous creés teles bourdes. Avoir devez oreilles sourdes Envers tous ceulz qui vous raportent Teles paroles et enhortent ; Et c'est pechié contre noblesce De croire chose qui tant blesce (Mach., Voir, 1364, 706)

En son conseil tout pleinnement Ou hors conseil priveement, Maint sont qui en scevent bon gré, Et qui mettent en haut degré Ceuls qui leur dient tels paroles, Quant bourdes ne sont ne frivoles. (Mach., P. Alex., p.1369, 253)

...voz peres et vous, enyvrez d'oultrecuidance et animez en la doctrine des belles bourdes, contenues et manifestees en vaillance mondaine de Gauvain et de Lancelot et des autres de vostre superflueuse doctrine (Mézières, Songe vieil pèl. C., t.1, c.1386-1389, 397)

Et pource est il expedient, Beau Filz, pour ton govuernement, que tu [te] doyes garder de toy trop delicter es escriptures qui sont aprocrifes, et par espicial des livres et des romans qui sont rempliz de bourdes et qui attrayent le lysant souvent a impossibilite, a folie, vanite et pechie, comme les livres des bourdes de Lancelot et semblables, comme les bourdes des Veuz du Payen, qui nagueres furent composees par un legier compaignon, dicteur de chancons et de virelays, qui estoit de la ville d'Arras. (Mézières, Songe vieil pèl. C., t.2, c.1386-1389, 220-221)

...et ceulz qui ainsy l'ont semé, ont dit et semé pures bourdes et mensonges (Baye, I, 1400-1410, 35)

...pour les belles bourdes polies et paroles mençongieres que vous, Carle Geny, m'aviés dictes (Bouciquaut L., 1404, 281)

Voy t'an cy ung cy t'abelit, Quil chante cy fort qu'il m'eslourde ; Escoute ce je te dix bourde. Est son champ bien delicïeux ? (Pass. Semur D.M., c.1420 [1488], 158)

Je ne croy point que les paroles que vous m'avez dictes soient veritables, ne il n'en est aucune apparence et ne sont que bourdes et frivoles (Chancell. Henri VI, L., t.2, 1427, 51)

Lisent et relisent souvent, chercent et estudient es fables du livre de Charmych, que ilz ont compillé a bourdes contre lez crestiens (Chart., L. Esp., c.1429-1430, 109)

Seigneurs Rommains, c'est bourde et fable Quant que ce vilain va disant. Croirez vous qu'un povre paisant Qui fut pendu puisse estre Diex ? (Mart. st Pierre st Paul R., c.1430-1440, 125)

Et oultre vuelt par son oultrage Extordre le droit de no temple, Tout le pays de bourdes emple Et mect simples gens en erreur. (Marcadé, Myst. Pass. Arras R., a.1440, 142)

...dont, pour mieulx faire croire la bourde, fist partir une partie de ses gens de son ost (La Sale, Salade, c.1442-1444, 53)

Bourde, verité au jour d'uy m'est tout ung (Villon, Poèmes variés R.H., c.1456-1463, 47)

Et il, autant asseuré en bourdes que ung aultre a dire verité, s'excusa treshaultement (C.n.n., c.1456-1467, 44)

...ses bourdes sembloient autant veritables comme l'Euvangile. (C.n.n., c.1456-1467, 236)

Ha ! ribauld, je sçay bien que vous mentez de tout ce que me dictes. (...) Et vous ay je nourry pour me rapporter une telle bourde (C.n.n., c.1456-1467, 311)

Verjus suis qui mensonges forge (...), Qui sçays broudes rattripeller [forme par métathèse] (Molinet, Faictz Dictz D., 1467-1506, 790)

CASSANDREE. Je te congnois bien, ne te chault : Je t'ay veu bien souvent au temple Avec luy. ST PIERRE. C'est bourde tout ample, Il ne la fault point contredire, Ne je ne sçay que tu veulx dire. (Myst. Pass. Troyes B., a.1482, 725)

Je luy useré de frivolles, Belles bourdes et railleries Et ung grant tas de choses volles Qui seront toutes menteries. (La Vigne, S.M., 1496, 539)

Par bourde(s)

...et, pour che, ne serat point chis traitiies vicieuz, car mies vaut que je en y mette moins par veriteit que plus par bourdes et par losenges, dont je avisse reprendement. (Hemricourt, Miroir Hesb. B.B., 1353-1398, 4)

N'y a voisin, ne tort, ne droit (...) De qui ilz ne dient nouvelle, Souventes fois, et laide et lourde, Ou soit acertes, ou par bourde (Chr. Piz., M.F., II, 1400-1403, 63)

Sans bourde

Aprez suit la forme plaisant D'autres trocisques, proffitans A tous adonc febricitans, Auxquelz faire prenez, sans bourde, Semences froides de cohourde, De citrules, laictue, endive (La Haye, P. peste, 1426, 145)

Demeurer en la bourde. Rester dans l'état de celui qui est trompé.

...qui n'en fist après son tout extrême pouvoir pour non en demourer en la bourde (Chastell., Chron. K., t.4, c.1456-1471, 323)

Faire des bourdes. Tromper, bafouer.

Plusieurs font de bouches promesses ; Mais, par le sacrement des messes, Ce sont, qui bien les nommeroit, Larrons d'amoureuses richesses, Faisant des bourdes a largesses, Que chascun fuïr se devroit. (Narcissus, p.1426, 306)

Payer qqn de bourde(s). Repaistre qqn de bourde(s). Servir qqn de bourde(s). Raconter des histoires à qqn (pour se tirer d'affaire), se moquer de qqn.

...Sans plus me repaistre de bourde (Au grey d'amours F.-H., c.1400-1500, 213)

...il commettoit faute et le payoit de bourdes (Chastell., Chron. K., t.5, c.1456-1471, 461)

...en la plus part des hommes n'a verité ne leaulté quant au regard d'amours, et (...) il en est beaucoup qui ne scevent aultre chose faire que servir dames et damoiselles de bourdes. (LEFÈVRE (R.), Hist. Jason P., c.1460, 152)

FOLIE. Après leur crier, Payez les. LE SECOND. Et de quoy ? FOLIE. De bourdes. (Fol. Gorr. P., c.1465, 160)

...et les va servir d'une bourde (Compl. Dinant T., 1466, 34)

(Des) bourdes en paiement

Et vraiement, Leur hantise et leur voiement, Quoy qu'ilz se habillent gaiement, Tout est bourdes en paiement. (Chart., L. Dames, 1416, 279)

Baillés bourdes en payement. (Fol. Gorr. P., c.1465, 161)

Il a des bourdes en payement Par Dieu ! voyla grant desplaisir. (P. Jouh. D.R., a.1488, 32)

Trouver qqn en bourde. Convaincre qqn de tromperie.

...tu en seras mis en prison, et en auras à souffrir, si tu es trouvé en bourde. (Chastell., Chron. K., t.5, c.1456-1471, 503)

Vendeur de bourdes. Trompeur.

Entre vous, bourdeur et langageur et vendeur de bourdes et de langages ou palais à Paris... (Froiss., Chron. R., IX, c.1375-1400, 129-130)

2.Plaisanterie, baliverne (souvent avec une nuance plus ou moins perceptible de tromperie).

...quer a trouvé En ne say quel fable d'Ovide, Qui est bourde, si com je cuide, Que les chiens mengerent leur maistre (La Buigne, Rom. deduis B., 1359-1377, 465)

Or alons de bourdes Servir tant la feste et de lobes Qu'avoir puissons l'une des robes A l'espousé. (Mir. chan., c.1361, 165)

...ces foulz faiseurs de bourdes Ou il n'a ryme ne raison Qui veulent en toute saison Parler et ne scevent qu'ilz dient (Desch., Oeuvres R., t.7, c.1370-1407, 351)

Heraulx y a et menestrelz, Que, quant ilz sont leans entrez [dans un repas de noces] , L'un par corner, l'autre par bourdes, Leur dient tant de fafelourdes Et portent si grant renommée Que le mentel de l'espousée Ara l'un, tant sera rusé (Desch., M.M., c.1385-1403, 51)

Dames ne sont mye si lourdes, Si mal entendans ne si foles Que, pour un peu de plaisans bourdes Confites en belles parolles, Dont vous autres tenés escoles Pour leur faire croire merveilles, Elles changent si tost leurs coles (Chart., B. Dame, 1424, 342)

Forte bourde a cy et digne de risee et de mocquerie, se la perte de tant de amez n'en fust ensuye. (Chart., L. Esp., c.1429-1430, 124)

D'illec en avant chevauchasmes Joyeusement, pous nous desduire ; Des bourdes a plain bras comptasmes, Trop je mectroye a les redire. (Régn., F.A., 1432-c.1465, 207)

- A dya, dit l'autre, ses bourdes sont rabaissées. - Par ma foy, dit le tiers, (...) il a ja perdu la force de sa langue ! [Il s'agit d'un tresgracieux farseur qu'une mésaventure a rendu subitement muet] (C.n.n., c.1456-1467, 199)

...ses serviteurs commencerent a rire, et firent semblant de adjouster foy a la bourde de leur maistre (C.n.n., c.1456-1467, 583)

Item, ne sçay qu'a l'Ostel Dieu Donner n'a povres hospitaulx. Bourdes n'ont icy temps ne lieu, Car povres gens ont assez maulx. (Villon, Test. R.H., 1461-1462, 127)

Je doubte qu'i ait jeu sans bourde. LE TIERS. Se le chat entre dans la bourde Souris hayront la chandelle, De cela bien je me vante. (Rapp., c.1480, 69)

Planter une bourde. Plaisanter (et tromper ; cf. planteur, qui peut désigner le trompeur en jargon).

Souventesfoiz s'esbat et rit A planter une gente bourde. (CH. D'ORLÉANS, Rond. C., 1443-1460, 374)

B. -Par extension.

1.Bavardage, badinage.

[Si] communiqua [Estiennette de Besançon] avecques ledit seigneur de Foix de questions joieuses et amoureuses, et, sur plusieurs requestes, offres et autres plaisans bourdes que lui fist et promist ledit conte de Foix, convindrent tellement ensemble que, le dimenche XIIe jour dudit moys de decembre, oudit an IIIIcLXVIII, icelle Estiennete se departy de son hostel de Paris qu'elle laissa et habandonna, ensemble sondit mary, ses enfans, pere, mere, freres et seurs (Roye, Chron. scand., I, 1460-1483, 222)

J'ay esté jolye, Fardee et pollye Et ay ma follye A tous follement descouverte (...), Et presté l'ouye A toute belle bourde ouverte ['mon ouïe est ouverte à n'importe quel badinage'] (Michel, Myst. Pass. J., 1486, 149)

Jactance, vantardise.

...desvés tost appertement La robe rouge que as vestue ! Jhesu (...) Bien est rabatue ta bourde ! (Myst. Pass. N.S. R., c.1350-1370, 183)

2.Ce qu'on imagine, apparence (?).

Et ceo n'estoiet mye bourde a vous a veoir le tresprecious sank de coer vostre douz filtz raier si habondaument hors de celuy costee debonaire tantqe vous, Dame, en estoietz tout diaspree de son sank, si pres esteietz vous. (Henri Lanc., Seyntz medicines A., 1354, 143)

Estre bourde. N'être qu'apparence, que tromperie.

Tout soit rompu, tout soit traciet, Nos dieux sont bourdes et frivolles. (Molinet, Myst. st Quentin C., c.1482, 177)