BEAU-FRERE

substantif masculin

[T-L : frere ; FEW (I, 321a) : bellus ; TLF (IV, 330b) : beau-frère]

Frère par alliance, époux d'une soeur.

Le duc de Jullers euist eu petite ayde, se n' euist esté son biau frere messire Edouart de Guerles. (Froiss., Chron. M., XIV, c.1375-1400, 162)

Dont dist le duc de Jullers, et estans en genoulz devant l' empereur qui seoit en une chaiere imperiale : 'Mon très redoubté et souverain seigneur, par la haulte noblesce et puissance de vous, je me tieng à meffais de tant que à main armée je me mis et assamblay contre mon cousin, vostre biau frere et vicaire du Saint-Empire...' (Froiss., Chron. M., XIV, c.1375-1400, 170)

Je laisse a beau frere de Berry mon grand saphir gitane, ou quel a un visage d'homme entaillé dessous (Invent. mobiliers ducs de Bourg. P., t.2, 1386, 226)

...laquelle requeste il refusa pour ce que par plusieurs foiz il avoit envoyé en Holande devers le duc Guillaume, son beau-frère, en lui requérant qu'il amenast ledit Daulphin par deçà (Monstrelet, Chron. D.-A., t.3, c.1425-1440, 164)

...trop mieulx vouloit avoir le bergier a beau frere, au gré de sa seur, que ung aultre bien grand maistre au desplaisir d'elle. (C.n.n., c.1456-1467, 361)

Et puis ledit Edouart, voyant qu'il estoit seul demouré et du tout habandonné, s'enfouy et wida hors ledit royaume et s'en vint à recours audit duc de Bourgongne son beau frere ; et audit royaume d'Angleterre demoura sa femme et mesnage (Roye, Chron. scand., I, 1460-1483, 248)

[Le roi de France aux ambassadeurs du duc de Bourgogne :] Aussi n'ay je pas procedé en ceste matere si rigoreusement comme j'ay esté conseillié par les ducs d'Orleans et de Bretaigne, le seigneur de Croy et le chancelier de beaufrere de Bourgoigne (Chastell., Chron. IV, D., c.1461-1472, 60)

Le roy sur les motz du chevalier [ambassadeur du duc de Bourgogne] respondy benignement : 'J'en remercye beau frere, et m'y fie bien...' (Chastell., Chron. IV, D., c.1461-1472, 61)

[Le roi de France aux ambassadeurs du duc de Bourgogne :] Si est vray que j'ay oÿ ce que m'avez dit (...) touchant le bon voloir et affection que beau frere de Bourgoingne a envers moy, meismement pour appaiser ceste matere (Chastell., Chron. IV, D., c.1461-1472, 70)

Sy est vray que le roy repeta sinc ou six fois lesdictes offres de son beau frere le duc [Il s'agit, dans ces ex. de CHASTELL., du duc de Bourgogne Philippe le Bon, beau-frère du roi de France Charles VII par sa première épouse, Michèle de France, soeur de ce roi] (Chastell., Chron. IV, D., c.1461-1472, 72)

Lors dist le roy : (...), ains espere que beau-frere s'i acquitera bien, et l'en prie tresactueusement - Ce fera mon, sire, se Dieu plest, et ne m'en doubte pas, ce dist le chevalier de Croy. (Chastell., Chron. IV, D., c.1461-1472, 75)

...aucuns larrons et malfaicteurs avoient prins et furtivement emporté de son molin ung quartier et demi de lart, trente cinq solz tournois, deux aulnes de drapt de bureau camelin et neuf boisseaulx de mousture appartenans à ses beauffrères, et comme le lendemain au matin on avoit dit à Jehan Chevreau le jeune (...) que le jour precedant on les avoit veuz tournoyer et visiter ledit molin (Doc. Poitou G., t.12, 1482, 544)

Et fut faict le rapport au roy de ceste deliberation ; mais, non obstant cela, il y envoya monsr de Bresse, depuys duc de Savoye, le seigneur de Beaumont de Poulignac, mon beau-frère, et le seigneur d'Aubejoux, de la maison d'Amboise (Comm., III, 1495-1498, 153)

Remarque : Doc.1386 ds TLF.

Voir aussi beau

BEAU-FRÈRE