BENIGNITÉ

substantif féminin

[T-L : benignité ; AND : benigneté ; FEW (I, 325a) : benignus ; TLF (IV, 386b) : bénignité]

Bienveillance, bonté.

Dieu, par ton gré, Acorde moi a Karle par ta benignité (Renaut Mont. B.N. V., c.1350-1400, 418)

...et si estoit largez a donner la praie et la benignité naturelle que il avoit et qui tout par luy estoit gracieuse aidoit il et confortoit par courtoisie et par dons. (Bers., I, 9, c.1354-1359, 42.5, 78)

Hé ! mére Dieu (...) A cest enfant donnez santé Par la vostre benignité (Mir. Clov., c.1381, 253)

Et Jhesu Crist l'a bien remuneré en benignité et plantureuse misericorde. (Gers., P. Paul, a.1394, 512)

[L'evesque] Je suis bien tenuz que je prie Tous jours pour vostre Sainteté. Maiz de vostre benignité M'en vueilliez voz bulles donner ? (Gris., 1395, 73)

Je espandray et inspireray par sa face une lueur, une beaulté, une doulceur plaine de simplesse, honneur et benignité, et tellement compasseray son chaste viayre, regart, ses diz, ses faiz et contenances, que a tous ses regardans elle sera exemplaire (Gers., Concept., 1401, 392)

De ce vient que aucune foys une simple personne qui sera devote et aymera Dieu, aura trop plus haulte et digne congnoissance de la Divinité, de sa puissance, saigesse et bonté, et de sa doulceur et benignité que n'ont eu les philosophes (Gers., Trin., 1402, 171)

...elle meismes rira avecques elles et s'esbatra en devisant si famillierement que toutes loueront sa grant priveté et benigneté et l'aimeront de tout leur courage. (Chr. Piz., Trois vertus W.H., c.1405, 51)

Et ad ce propos dit un sage qu'il n'est chose qui tant surprengne les cuers de subgiéz ne tire vers leur seigneur, comme quant ilz treuvent benignité et doulceur en lui (Chr. Piz., Trois vertus W.H., c.1405, 71)

...tant que l'esclande en est es autres royaumes a la perpetuelle honte et diffame du peuple françois, qui es temps passez estoit renommé de toute benignité. (Chart., Q. inv., 1422, 28)

Et cecy peult venir par contrition, et despent de la clemence du pere eternel, qui puis la passion de son filz Jhesu Crist a plus tenue close sa fureur que sa benignité. (Chart., L. Esp., c.1429-1430, 78)

...et j'ay esperance en vostre clemence et benignité que ainsi le ferez. (Juv. Urs., Loquar, 1440, 306)

...laquelle [la libéralité] est appellee de saint Bernart Benignité flourie. (La Sale, Sale D., 1451, 245)

Nest ce pas grant benignite, grant doulceur et bonte quant il te dit que tu dois faire et que tu ne dois pas faire pour ton salut. (Cib., p.1451, 188)

'Treschier et redoubté Seigneur et pere, sil playst a vostre benignité, ottroyés moy ce que je demande.' (Belle Maguel. C., 1453, 4)

Las, Dieu, par ta benignité, Veulhe moy prendre en ton service. (Pass. Auv., 1477, 164)

Et celle est par generation eternele, par laquelle il engendre Filz, et l'emanation, decours et proces tres amoureux et joyeux, qui procede par maniere de benignité et de liberalité. (Somme abr., c.1477-1481, 123)

...il le valoit ; car c'estoit l'escharboucle des princes de son estat en beaulté, en bonté, en humanité, en sagesse, doulceur et benignité. (La Vigne, V.N., p.1495, 309)

BÉNIGNITÉ