ARMURIER

substantif masculin

[T-L : armëurier ; GDC : armeurier ; AND : armurer ; FEW (XXV, 269a) : armatura ; TLF (III, 516a) : armurier]

A. -Celui qui fabrique, répare, vend des armes et des armures. (synonyme armierarmoyerarmoyeurarmoyeux)

Droit chiez ung armurier qui ot a nom Gieffroy S'en vint le jeune enfant et le lÿon o soy, L'armurier salua et luy dist sans delay : 'Il me faulsit armures et ung chival pour moy, J'alasse volentiers pour aider le bon roy, Prestés les moy, beau sire, ou les loués a moy, Bien je vous payeray, n'en soyés en effroy. - Amy, dit l'armurier, mye ne vous congnoy, Rien ne vous presteray, certes, a ceste foys Se n'avoye bons pleges, par la foy que vous doy. (Flor. Octav. L., t.1, c.1356, 206)

Si comme l'armeürier tent afin que le chevalier soit bien armé, et le chevalier le veult afin que il se combate et se combat afin d'avoir victoire. (Oresme, E.A.C., c.1370, 104)

Va t'en chiez Jehan de Savoie L'armurier, et dy qu'il m'envoie Un parement a armer gent (Mir. Rob. Dyable, c.1375, 66)

Armuriers, lormiers, qui fer batent (...) Y a, qui, sanz cesser, martellent (Chr. Piz., M.F., I, 1400-1403, 138)

...et tant que plusieurs furent navrez tant des gens du Roy que des diz freres, et en eut IJ en peril de mort, comme l'en disoit, et un armeurier navré d'un piet (Baye, I, 1400-1410, 11)

A Henryet Rumault, armurier de mondit seigneur, la somme de vint ung frans et demi monnoye royal qui deue lui estoit par mondit seigneur pour la vente, bail et delivrance d'un gorgerin de Millan (Comptes Etat bourg. M.F., t.1, 1420, 440)

...Beaulté y estoit chef et principal des diz brigans, armé d'ung harnoys complet si bel, si cler, si blanc et tant net que ne croy pas c'onques empereur ne roy en eust jamaiz de plus bel ne jamaiz n'en saillit de Millan ung tel ; ne n'est pas a croire que Dieu n'en soit l'armusier [var. armurier] et qu'Il ne l'ait fait pour y prandre plaisance. (Vaillant, Oeuvres D., c.1445-1470, 172)

...n'estoit point de deshonneur a ung homme de guerre (...) de estre armurier a reffaire son harnoys (Juv. Urs., Verba, 1452, 262)

...et quant il fut le soir au preau, il compta et devisa tout ce qu'il avoit fait, et commant il avoit trois chevaliers, tel, tel et tel, a XIIIJ chevaulz (...) un fourrier, un mareschal et un armurier, a IIIJ chevaulz (La Sale, J.S., 1456, 89)

...et la cause du long délai sy fut (...) que l'armurier avoit failli à clouer le harnas de jambes (Faits Lalaing K., c.1470, 216)

...Jacques de Challant feit une atteinte sur le grant gardebras du chevalier, dont il fut desarmé, tellement qu'il convint ouvrer audit gardebras, par les armuriers, plus de trois heures (La Marche, Mém., I, c.1470, 333)

Il n'est costurier ne barbier Ne fermier (...) Armeurier, paintre, lanternier Ne bouchier (...) Qui sceussent jeunesse regir, Si elle veult faire pas a pas Grans amas De biens mondains pour s'enrechir. (Pass. Auv., 1477, 119)

A ung armurier pour ung pousset pour la main de fer qui est couppée... (Comptes roi René A., t.1, 1479, 396)

Jehan [de] Hanpont l'airmoirier (Jug. maître-échev. Metz S.M.S., t.1, a.1494 [1355], 333)

B. -Celui qui réalise les armoiries.

Veulliez encor .II. fleur tallier, Et sus l'asur eulx apointer. Mon vuel est qu'il y en ait trois, Pour ce qu'au faire sommez trois. Se mon amy plus en vuet faire Bien en pourra a l'exemplaire Faire faire a son armurier. (Guill. Digull., Le Roman de la fleur de lis, éd. A. Piaget, 1338. In : Romania 62, 1936, 352)

...orfevre, brodeur, ameurier, tapissier et autres (Chr. Piz., Trois vertus W.H., c.1405, 205)