AFFAITER

verbe

[T-L : afaitier ; GD : afaitier ; AND : afaiter ; DECT : afaitier ; FEW (XXIV, 244a) : *affactare]

I. -Emploi transitif. Apprêter, préparer.

A. -Affaiter qqn

1.Traiter, entourer qqn de soins délicats.

Et quant a son tres dous voloir M'ot pris et saisi plaisamment, Si m'afaita moult noblement (Acart, Prise am. H., 1332, 54)

C'est fins deduis, joie esmerée, Qui vient d'une douceur parfaite Qui tous en deduit les affaite, Jusques a tant qu'une chaleur, Qui naist d'une amoureuse ardeur, De ceste pointure s'engendre Es cuers qui aimment sans mesprendre (Mach., D. verg., a.1340, 31)

Aprez me montra les estuves. Vous povez penser que c'estoit. Hommes tous nuds, femmes sans huves, Chascun le corps y affaitoit. (Martin Le Franc, Champion dames I-II, P., 1440-1442, 55)

2.Enseigner, éduquer qqn.

Ou cas qu'il soit duis et norris De gieus, d'esbanois et de ris, Et affaitiez par amité De douce debonnaireté. (Mach., D. Aler., a.1349, 267)

Trop doucement conmenchié a Unne canchon, que tost ot fete ; Car vraie amour du tout l'afete. (Dame Lycorne G., c.1349-1350, 154)

3.Gagner qqn (à faire qqc.).

...quant par dons on les affaitte [les .II. freres de Fortune] , La besongne sera bien faite A cil qui a beau don donné (Chr. Piz., M.F., I, 1400-1403, 68)

B. -Affaiter [un animal] Apprivoiser, dresser, en partic. pour la chasse.

A icelle parolle le bastart repaira, Ung faucon sur son poing que moult bel affaitta, Du cheval dessendi, dedens l'ostel entra, Le faucon mist a perche et gorge fait lui a. (Tristan Nant. S., c.1350, 218)

Et pour celle cause est bonne chose d'avoir afetié son limier en telle maniere qu'il ne crie point au matin, fors quant son maistre le veult (Henri Ferr., Modus et Ratio, Livre deduis T., c.1354-1377, 25)

Le philosophe nous apprent La premiere juste bataille Avoir esté sanz nulle faille Des gens et des bestes sauvaiges, Si firent les gens comme saiges, Car adonc les chiens affaiterent Et a chacier les ensaignerent. (La Buigne, Rom. deduis B., 1359-1377, 364)

Et se vous le voulez afaictier pour la pie, si le faictes vouler aux champs a poucins et pingons verez blans et tavelez de noir comme la pie est. (Ménagier Paris B.F., c.1392-1394, 155)

...madame m'a reprochié que j'ay affaittié mon chiennet (...) par ce je puis clerement apercevoir que elle scet tout l'estat de nos amours (Chastel. Vergier S., c.1450-1480, 103)

infinitif substantivé. Apprivoisement, dressage d'un animal.

...je sceus la maniere toute Des alerions, et leur guise, La naturele avec l'aquise, Dou gibier la grant melodie, Et de l'affaitier la maistrie (Mach., D. Aler., a.1349, 308)

C. -Affaiter qqc.

1.Accommoder, préparer qqc. ; en partic. assaisonner (un mets).

...et quant elles [les feves] seront boulyes comme bayennes les purer et gecter la puree, et remplir de boullon de char se c'est a jour de char, ou d'autre eaue se c'est a jour de poisson ; a affaictier a l'uile et a l'ongnon bien cuit, puis frit ou affaictié au beurre. (Ménagier Paris B.F., c.1392-1394, 199)

Et pour donner entendement a celui qui fera la sorengue si prenne ses anguilles et les amorche tres bien en belle eaue chaude et puis les lance en belle eaue fresche et les lave tresbien en .III. ou en .IIII. eaues ; et puis, que vous ayés vostre dreceur beaux et nect et les mectés par dessus et puis les appareillés et affaictés bien et nectement et leur trayés les boyaux et mectés par beaux trençons (Chiquart, Cuis. S., 1420, 168)

2.DROIT Transmettre la propriété ou peut-être seulement la possession' (Éd.).

Item, se ilh est alcunne personne qui affaite à altruy hieretaige gisans en pluseurs pieches, mains que ilh muevent de I seule sangneur et soient toute de I contrepain, ilh ne devrat que I warde tant seulement. (Stavelot, Chron. B., a.1447, 44)

II. -Emploi intransitif ou pronominal.

A. -Se préparer.

Et il se doit si affaitier Que, quant droit sera revenue Seur l'aubrissel, qu'en sa venue Il puist de droit lever sa tente (Mach., D. Aler., a.1349, 264)

Se hâter, se presser.

Amis Pierre, fay, si t'affaite. Et vous, anges, si en ralons A ly (Mir. pape, 1346, 384)

Ce temps ne s'affaitte, Ne cest orage point ne moustre Qu'il doie encore passer oultre (Mir. st Alexis, 1382, 343)

B. -S'affaiter à qqc. Se préparer à qqc..

A ce se doibt il affaitier, Comme esprevier aprez la proye (Martin Le Franc, Champion dames III, F., 1440-1442, 86)

ITHAMAR. Monsieur, Dieu vous doint joye parfaicte Et tout ce que le cueur desire. Il vous plaira le cas nous dire Pour quoy nostre venue est faicte. LE PRESTRE. Je le vueil, a cela m'affaicte, Je vous en donrray congnoissance. (Myst. Incarn. Nat. L., t.1, c.1454-1474, 230)

[D'un animal] S'affaiter à. S'apprivoiser à, se préparer à.

Et aussi les chienz s'i affaitent mielx, quar ilz le voyent plus souvent et le chascent de plus pres. (Gast. Phébus, Livre chasse T., 1387-1389, 244)

Et les chienz l'ateindront tost et l'abayeront grant pesce et le tireront a terre eulx meïsmes, si s'i afaiteront mieulx. (Gast. Phébus, Livre chasse T., 1387-1389, 253)

Proverbe.

Mais on dist : li oisiaux d'umainne affectïon Par lui mismez s'affaitte. (Jourd. Blaye alex. M., a.1455, 683)

S'affaiter à / de / en + inf. Se préparer à, se disposer à + inf..

Vierge royaux, mon cuer affaite A toy (...) saintement servir [Ou est-ce un empl. trans. ('je prépare mon coeur à...') ?] (Mir. ev. arced., c.1341, 110)

Bien a celui grace a fais, (...) Qui en vous servir s'affaitte (Mir. enf. ress., 1353, 81)

Mon cheval d'aler tost s'affaitte Pour ce qu'est vuit. (Mir. roy Thierry, c.1374, 293)

Que chascun s'apreste et s'affaicte De tost venir. (Mir. st Lor., 1380, 127)

III. -Participe passé en emploi adjectival.

A. -[Valeur positive]

1.[D'une pers.]

a)[Domaine phys.] Qui est arrangé, coquet.

Oppinés qui a le meilleur, Sus, maistre Jacques l'Affaictié, Que vous en semble ? Dictes en ! (Coquill., Oeuvres F., 1478-p.1494, 52)

Yeux affaités. Yeux doux.

Yeulx affeictiez sont mes heraulx (Coquill., Oeuvres F., 1478-p.1494, 262)

Mal affaité. Contrefait, difforme.

...mais elle a pris, Un nain contrait, mal affaittié. (Mir. marq. Gaudine, 1350, 147)

b)[Domaine moral ou domaine du comportement]

(Qui a été) instruit, averti (de qqc.).

Et quatre barons affetiez Par le conseil de sa mesgnie (Tomb. Chartr. Trois contes S., c.1337-1339, 78)

(Qui a été) bien élevé, bien éduqué.

Adont roÿne de la terre Fu Thamaris, qui yert de guerre Duite, apprise et bien affaitié. (Chr. Piz., M.F., II, 1400-1403, 202)

Bien sçavés que de vous ne fut mïe paiés ; Il le doit bien avoir, car bien est affaictiés [,] De hault lignaige estroit plus que ne soiés. (Galien D.B., c.1400-1500, 49)

Voiés le Chevalier a l'Anel Faé, trop convient celle estre affaitie qui jouyra de son amour ! (Percef. IV, R., c.1450 [c.1340], 1059)

Affaitié + prép. (à / de / pour...). (Qui est) préparé (à), décidé (à).

...en l'an mille quatre cens et sept, le vingt troisiesme jour de novembre, [Jean, duc de Bourgogne] fist tuer et meurtrir traistreusement vostre dit frere, nostre tres redouté Seigneur et pere, en vostre bonne ville de Paris, de nuict, par aguet lointain, de faict appensé et propos délibéré, par faulx, mauvais et traistres meurtriers affaictés et alloués pour ce faire (Doc. 1411. In : P. Champion, Vie de Ch. d'Orléans, 1911, 85)

Lesquelz piétons dessusdiz et ceulz qui les conduisoient vindrent tous ensemble au point du jour, de cy à la ville, bien affaictez d'assaillir. Et tant firent que par grans et cruelz assaulz boutèrent le feu en la ville (Monstrelet, Chron. D.-A., t.2, c.1425-1440, 268)

...deux mille trois cens francs archiers tous bien en point et hommes bien affaités à l'onneur du roy (Maupoint, Journ. paris. F., p.1465, 61)

...sur la grave et droit au bort de la marine veismes gens propres affaictez pour nous faire les bien venans et recueillir la nostre nef comme estrangiere. (Saint-gelais, Séj. honn. J., c.1490-1495, 108)

Affaitié de

Expérimenté en, accoutumé à.

Gaudïon l'Espagnot est d'armes affaittiés (Tristan Nant. S., c.1350, 157)

Il sont appers, il sont haitiéz, Et de cheminer affaitiés. (Le Fèvre, Respit Mort H., 1376-1380, 73)

Pourvu de.

Et qu'encore la reverra En tous endrois mieus affaitie De scens et d'onneur mieus garnie. (Mach., D. Aler., a.1349, 264)

Mes c'est en lieu sans pitié, Sans confort, sans amistié Et sans regart affetié De nul espoir. (Froiss., Pris. am. F., 1372-1373, 111)

Habile, accompli.

Sire roys Esclamars, dist Saudoines li fiers, Ou est roy Bauduins qui tant [est] afaitiés ? Je pensoie moul bien que vous l'abateriés ! (Bât. Bouillon C., c.1350, 62)

Qu'il ne s'enfuie, miex le gaitiez Que c'il fust murdrier afaitiez ! (Myst. Pass. N.S. R., c.1350-1370, 181)

Remarque : Sans doute même sens, appliqué à un animal (éd. : 'fatigué', mais à quoi rattacher un tel sens ?)

Tout ainsi que ung lion affaicté [var. affamé] se repose par force de peine et de travail qu'il a eu pour querir sa proye, puis aprés, quant il sent serf, toreau ou aultre beste ou il puisse mettre la patte dessus, il se lieve sur bout en droissant les crins et oreilles, tout ainsi Troyle, oyant parler de la guerre perilleuse, recommença a revenir en sa force et grant vertu (Beauvau, Troyle B., c.1455, 639)

2.[D'un animal]

a)[D'un oiseau] Qui a été apprivoisé, domestiqué.

En particulier. FAUCONNERIE (Qui a été) dressé pour la chasse.

Si fis tant que j'eus une prise Qui fu en un certein lieu prise Au conseil d'un de mes amis Et fu dedens uns oiseaus mis, Tous afaitiez et tous privez. (Mach., D. Aler., a.1349, 265)

L'aprentis demande comment l'en doit loirrer un faucon nouvel afetié (Henri Ferr., Modus et Ratio, Livre deduis T., c.1354-1377, 184)

...un trop gentil esprivier, Bien affaitié pour le gibier (Mach., F. am., c.1361, 183)

b)[D'un animal domestique] Qui a fait l'objet d'un dressage.

Et adonc la print un levrier, Bien affaittié pour le mestier. (La Buigne, Rom. deduis B., 1359-1377, 442)

Mais ceulx la vi je en cellui estre, Par antifrasim, loyaulx estre. Chevaulx affaitiez ne vendoient, Pour riens jamais ne le feroient (Chr. Piz., M.F., II, 1400-1403, 72)

Ne se fye en chien affaitié Qui en court demourer desire (Martin Le Franc, Champion dames III, F., 1440-1442, 39)

J'ay au cueur douleur grant despit Que ce vieulx matin affaictié Ne marche habillement du pié (Gréban, Pass. J., c.1450, 321)

Nennil, il avoit ung coulon, Tant bien affaitié que merveille. Qui luy bechoit dedens l'oreille Grains de bled, qu'il y avoit mis Et disoient ses bons amis Que le saint esperit parloit A luy toutes fois qu'il voloit (Molinet, Myst. st Quentin C., c.1482, 315)

3.[D'une chose]

a)[Domaine concr.] (Qui est) préparé, façonné, arrangé.

...trois assez honnestes compaignons court vestus (...) chascun tenant un baton par maniere de costeret affaitié en leurs mains, vindrent en hault en la chambre (Reg. crim. Chât., I, 1389-1392, 263)

Et sist mondit seigneur le Dauphin tout seul ou haut siege des clers, comme en la place du secont president, son siege affaitié et paré comme une chaiere (Baye, II, 1411-1417, 41)

b)Qui est bien formulé ; habile.

Par priere de affaitee demande, Interrogé se l'ung ou l'autre avoue, A ce respons, se aucun le me demande : Entre deulx eaus, comme le poisson, noue. (CH. D'ORLÉANS, Ball. C., c.1415-1457, 194)

...et, brief, par dessus tous il emporta le pris et l'onneur et avecq ce savoit son estre entre toutez gens sy que chascun le tenoit en grace ; son parler fu affaittié et tant bien assis c'onquez retoricien mieulx ne parla. (Comte Artois S., c.1453-1467, 26)

B. -[Valeur négative]

1.[D'une pers.] Qui est apprêté pour tromper, hypocrite.

Or y a villain affettiez Qui cuide tropt estre prisiez Par sa fole presumption. Villain mignot entrecudiez Qui contrefait les escuiers Semble singe coste ung lion. (Dupin, Mélanc. L., c.1324-1340, 145)

Ce n'est q'un paillart affaittié, Qui deçoit de sa mauvaistié Ainsi les gens par son parler. (Mir. st Alexis, 1382, 347)

C'est ung faulx larron affaictié ; Il en rostira la lemproye, Car c'est par luy que nostre proye Est perdue si meschamment. (Gréban, Pass. J., c.1450, 351)

(Estre) affaitee. Faire la dissimulée.

Par bieu, voicy qui n'est pas pire. Viens çà : tandis que je dormoye, Puis que tu fais tant la ruzée, M'as-tu pas osté ma monnoye ? Regardez qu'elle est affaictée ! Respondras-tu, hau ! becquerelle ? (Sav. Calb. T., c.1475-1500, 162)

Emploi substantival. par ellipse. Personne qui trompe par sa mignardise.

Il ayme fort les femmes. Il pourroit trouver quelque affetée à Paris qui luy sauroit bien dire tant de belles parolles qu'elle luy feroit envye de revenir (Comm., II, 1489-1491, 68)

[Du langage, du comportement] Apprêté, trompeur.

Motz affaictiez, fains semblans, faulx sermens Tirez de court, passez par mains de maistres. (Abuzé D., c.1450-1470, 121)

Et pour colorer l'occasion de son voyage, elle, comme femmes scevent bien faire, trouva une bourde toute affaictée. (C.n.n., c.1456-1467, 408)

2.[Du vin] Frelaté.

Vin aigre, verjus, clarey et tous vins affaictés par espèces ne sont pas compris au ban, mais en vent qui il plaist sanz licence, ne aussi vin de sac ne tient point de ban, mais se vend sans licence. (Chartes communes Bourg. G., t.1, 1371, 391)

3.[D'un produit proposé à la vente] Qui n'est pas de bonne qualité marchande.

Guagea l'amande Johan Colin, sergent, de ce qu'il avoit arresté [“confisqué”] blez a une feme, affaitez si come l'on disoit, et la delivra sans le faire assavoir a monsieur le maire (Doc. 1376. In : P. Rézeau, R. Ling. rom. 78, 2014, 405)

Remarque : Sans doute faut-il lire affaissés dans l'ex. suiv.

Si li Maires ou li echevins font missions pour la cloison de la ville, ou pour les chaucies ou pour les pons affaitiés [l. affaissés ?], les forains qui ont maisons en la ditte ville de Beaune paieront les dites missions selon que raison sera (Chartes communes Bourg. G., t.1, 1370, 238)