EPITAPHE

substantif masculin et féminin

[T-L : epitafe ; GDC : epitafe ; AND : epitafe ; FEW (III, 232a) : epitaphium ; TLF (VII, 22b) : épitaphe]

A. -Affiche, incsription.

En ce temps dudit moys de juing mil IIIIcLXXI, le roy fut mal content des epytaphes et libelles diffamatoires qui ainsi avoient esté mis et atachez à Paris à l'esclande dudit monseigneur le connestable et d'autres. (Roye, Chron. scand., I, 1460-1483, 260)

Fist aussi icelui Virgille (...) pour une admiracion perpetuelle, une maniere de baings de somptueuse construction, qui garissoient de toutes maladies interiores et exteriores, et, pour chacune diversité de maladie, mist epithaphes et tiltres, pour advertir que l'un ne se print pour l'autre. Mais l'envie des escoles de Salerne fist rompre iceulx epithaffes, à cause de quoy sont hors usage. (Simon De Phares, Astrol., c.1494-1498, f° 70 r°)

B. -En particulier.

1.Inscription commémorative.

...et dura [la bataille] de nonne jusques à vespres et fut si cruelle que on ne lit point que jamais mourust tant de milliers de Romains qu'il fist ce jour (...). Touteffois ceste journée est à memorer, dont l'epitaphe est : 'Mille decem decies sex decies quoque seni'. (Simon De Phares, Astrol., c.1494-1498, f° 115 r°)

2.Inscription funéraire.

Epitaphium (...) : epitaphes, c'est ce qui est escript ou pourtrait sur la tumbe (Aalma R., c.1380, 121)

Or sus[,] amy[,] nobliez [l. n'obliez] mye Que l['] epitaphe ne soit mis Ou ses titres soient escripz En huit lingnes tant seullement (Milet, Destruct. Troye S., c.1450-1453, 222)

Tous escrirent epytaphes et dis Sur le tombel du grant orateur Marc (Robertet, Oeuvres Z., c.1450-1500, 123)

Et de ladicte execucion ainsi faicte que dit est, en fut fait ung petit epitaphe tel qui s'ensuit : 'Mil IIIIc, l'année de grace LXXV, en la grant place, à Paris, que l'en nomme Greve, L'an que fut fait aux Angloys tresve, De decembre le XIX, Sur ung eschafault fait de neuf, Fut amené le connestable, à compaignie grant et notable, Comme le veult Dieu et raison...' (Roye, Chron. scand., I, 1460-1483, 366)

...et si luy fist mettre une tombe par dessus, avecques ung tel epytaphe : 'Cy gist Tagete, la nourrice de Enée...' (Ovide mor. B., 1466-1467, 355)

Priez pour l'ame, s'il vous plaist, Du franc archier de Baignolet, Et m'escripvez a un paraphe Sur moy ce petit epitaphe : Cy gist Pernet, franc archier, Qui cy mourut sans demarcher, Car de fuir n'eut onc espace (Fr. arch. B., c.1468-1480, 40)

Ce fut celui duquel je trouve l'epithaphe ou cymitiere des Juifz à Paris, en la maison de Bretaigne, en la rue de la Herpe, ou jardin d'un nommé à present Laurens Le Blanc, mareglier de l'eglise de Paris, laquelle je translate de ebrieu en latin à la reqeste de très devost Jaques de la Forest, evesque de Paris, l'an 1492 (Simon De Phares, Astrol., c.1494-1498, f° 114 r°)

Et tout ainsi qu'i le demandoit, luy fut par moy acordé, et fut escript sur son tombeau, en lettre d'or, l'epytaphe qui s'ensuit : ... (Antitus, Poés. P., c.1500, 65)

Et deceda de ce monde riche de terres, de seigneuries et de biens et garny de bonne renommée. Duquel fut faict ung epitaffe, dont la teneur s'ensuit : Mars, mettez jus voz armes et bannieres, Et entendez ung pou à lamenter. (Le Clerc, Interp. Roye, c.1502, 395)

Remarque : Forme pitaphe : Doc.1491. In : Brunel-Tardy, Paris, l'Église et le roi, 2016, 64 (...pour eslir leurs sepultures (...) et faire pitaphe a leur bon plaisir et volonté).

Poème à la mémoire de qqn (pouvant servir d'inscription funéraire).

A Jehan du Périer [dramaturge] (...), en don à lui fait en considération d'une espitafe de feu monseigneur (Comptes roi René A., t.3, 1480, 322)

(S'ensuyvent les epytaphes et complaintes du dict seigneur pour lors faictes et composees par le dict de la Vigne.) Helas ! il est du monde trespassé Celuy qui a tous les autres passé En son vivant de grant honnesteté (La Vigne, V.N., p.1495, 314)

Voir aussi epitacle

ÉPITAPHE