VOLONTÉ

substantif féminin

[T-L : volenté ; GDC : volonté ; DECT : volenté ; FEW (XIV, 614b, 615a) : voluntas ; TLF (XVI, 1308a) : volonté]

A. -[Comme faculté]

1.Une des trois puissances de l'âme raisonnable, les deux autres étant l'entendement et la mémoire, volonté.

Et aussi comme les membres ou parties du corps d'un homme qui sont dissolutes et sont hors de leur bonne fermeté et disposicion par une maladie appellee tremeur ne sont pas menéz selon la volonté ou eleccion de celui qui est ainsi malade, mais aucune foiz quant il les cuide mouvoir a destre il tournent pour la maladie a senestre (Oresme, E.A., c.1370, 143)

Ne es tu pas une seule et simple substance ? Certes oy ! Neantmoins tu as trois vertuz, qui sont memoire, entendement et voulenté. (Gers., Trin., 1402, 166)

...et ainsi il y a en toy premierement memoire et de celle memoire vient intelligence et apres vient la voulente. Et en ces trois puissances ou vertus de lame reluisent aucunement les trois personnes diuines. (Cib., p.1451, 201)

Lymage de creacion est en tous bons et mauuais en tant quilz sont naquis en puissance dentendre et de aymer Dieu, et ont les trois puissances deuant dictes, memoire, intelligence et voulente. (Cib., p.1451, 204)

Pareillement aussi en nous est trouvee aucunement l'ymage de la trinité, car nous avons memore, entendement et voulenté. (Somme abr., c.1477-1481, 114)

[D'une pers.] De volonté. Énergique.

Pour ce temps estoit messires Jehans de Hainnau en la droite flour de sa jonece, et de si grant volenté que nuls chevaliers pooit estre. (Froiss., Chron. D., p.1400, 71)

...puisque combatre nous fault, monstrons que nous sonmes gens de volenté et de desfense (Froiss., Chron. D., p.1400, 868)

Estre plein de sa volonté. Être d'un caractère énergique.

L'ystoire dit (...) qu'il ot, grant temps après le trespas du roy Guion, un roy en Armenie qui moult fut beaulx jeunes homs et en chaleur de force et de vigour, et moult plain de sa voulenté, et de grant cuidier, et hardiz et aspres comme un lyon. (Arras, c.1392-1393, 302)

Remarque : Valeur péj. de cette loc., v. infra.

2.Libre arbitre.

Et les hommes ont franchise et liberté de volenté par quoy ilz peuent en plus differentes operacions. (Oresme, E.A.C., c.1370, 513)

Certes la liberté de ta voulente na pas tant seulement la semblance de Dieu ou son ymage quant a eternite et immortalite, mais aussi elle a en soy ymage et semblance de la diuine mageste. Cest voirement grant semblance que ta voulente a auecques leternite de Dieu car ta voulente ou franc arbitre est incorruptible et immortelle et iamais ne fauldra, et pour quelconque misere ne peult estre destruit ne appetisse car lame est immortelle et incorruptible... (Cib., p.1451, 223)

Franche volonté

Et est plus et plus vraiement le ciel en Dieu qui tout contient que Dieu n'est ou ciel, et aussi comme l'eternité de Dieu ne depent de quelcunque duracion successive, semblablement le immensité de Lui ne depent de quelcunque extension, dimension ou distance local, mais tout depent de Lui, car Il est cause de tout par sa pure, franche volenté (Oresme, C.M., c.1377, 284)

LE MARQUIS. Moy delitoie en liberté Et en ma franche voulenté, Si est liberté de coraige Petit trouvee en marïaige (Gris., 1395, 16)

Et aussi vouloient iceulx Cueurs faire vuyder le fraudeleux appel qu'ilz avoient par avant intergetté pour raison de laditte sentence contre eulx donnée, jaçoit ce qu'ilz avoient eu trestous de leur franche volunté ledit arrest pour aggreable. (Le Clerc, Interp. Roye, c.1502, 158)

Remarque : Consol. Boèce C., c.1350, gloss. (franchevoulenté).

3.Par analogie. [À propos d'une chose] Estre à volonté. Être sans contrainte.

...la roue de l'esventail est à voulonte, et son paignon, et la roue de l'arrest ne doit avoir que une dent avecques laquelle dent il arreste, car elle ne fait a chacun tour que ung cop (Traité d'horlogerie Z., c.1380, 278)

B. -Ce qu'une personne veut, désire ou entend faire.

1.Ce qu'une personne veut ; ce que Dieu veut.

a)Ce que veut qqn.

Puis que vo volentez aerse Y est, sire, de cuer entier Yrons. (Mir. emp. Julien, 1351, 175)

Mais pour moy garder de tel vice, Sa voulenté ly refusay. (Mir. Amis, c.1365, 33)

Et celui qui est contemptif monstre franchement tout sa volenté. (Oresme, E.A., c.1370, 255)

Il preeçoit le roy de France si grant droit avoir en ceste querelle, que les gens qui l'ooient, le creoient en verité ; et ossi de nature et de volenté il estoient trop plus françois qu'Englès, qui bien aidoit à le besongne (Froiss., Chron. L., VII, c.1375-1400, 125)

... Arreste et attendons ce chevalier, car je croy qu'il a oublié quelque chose a la fontaine, ou nous dire partie de sa voulenté dont il n'estoit mie pour l'eure advisié, car nous l'avons veu fort pensif. (Arras, c.1392-1393, 8)

A mort, a mort, faulx traitre ! Et cuida ferir mon pere d'estot par my le corps ; mais il tressailly ; et cil, qui venoit de grant voulenté eschauffez, et plain de yre, failly a son poindre, et mon pere sault et lui oste l'espee de la main. (Arras, c.1392-1393, 58)

Et la estoit Hermine presente, qui pas ne reffusa la voulenté de son pere. (Arras, c.1392-1393, 122)

Et se departi li consauls sus celle entente et volenté que li jones Edouwars seroit rois enoins et sacrés le jour de la Nativité Nostre Signeur. (Froiss., Chron. D., p.1400, 102)

...maiz doit estre dit cel fait plus fato estre avenu que de propos et volenté. (Baye, I, 1400-1410, 108)

Mais helas ! Adam [et Eve], ingra[s] de ce, forfi[ren]t mou tost contre [t]a majesté royale, divine et imperiale, en trespassant ton commandement de non mengier la pomme, et en preposant leur volenté a la tienne par orgueil et fole rebellion. (Gers., Concept., 1401, 398)

...mais cestui, qui est de savoir vaincre et corrigier le propre courage et volenté de soy meismes, est chose si comme par dessus nature (Chr. Piz., Trois vertus W.H., c.1405, 62)

Et, comme en l'ame soit planté Fervent desir et volenté De vérité et de tout bien (La Haye, P. peste, 1426, 16)

Et ainsi il aduient que combien que nous aions voulente de monter souuent iusques au souuerain eschelon de ceste eschielle, cest a contemplacion, nous est force et necessite que nous descendons. (Cib., p.1451, 179)

Et quant il aduient que par necessite de ceste vie on descende de ce qui est en propos et en voulente mais que ce propos demeure a la voulente la personne a neantmoins grant merite pourueu que ceste descente ne soit pas hors de gerre de bonnes oeuures... (Cib., p.1451, 179)

Dont peu se troeuvent au jour d'huy qui telle voulenté ayent. Et aulcuns pouroyent dire que c'estoit plus voulenté que raison ; mais quant a moy, je tiens tout le contraire (La Sale, Sale D., 1451, 214)

'Ma dame,' dist il, 'puis qu'il plait a madame ma mere, qui veult que je soye ainsin et le m'a mandé, il fault que je obeïsse a sa volenté.' (La Sale, J.S., 1456, 63)

...[la fille] amoit plus cher morir que ung tel secret fust a nul homme decelé. Ceste obstinée volunté ne dura pas gramment, quand pere et mere vindrent (C.n.n., c.1456-1467, 33)

S'elle fut bien joyeuse de ceste ambassade, il ne le fault ja demander ; mais pour couvrir sa volunté, elle en fist l'excusance et le refus a sa maistresse. (C.n.n., c.1456-1467, 270)

...combien que sa volunté fust plainement deliberée et resolue de soy retraire et revenir a son dit premier mestier, toutesfoiz le c[e]loit il a sa femme (C.n.n., c.1456-1467, 559)

[En cooccurrence avec consentement]

La cause de mariage est quadruple. La premiere cause, c'est que le consentement des voulentés et des couraiges soient expriméz par les paroles de present. (Sacr. mar., c.1477-1481, 44)

Les femmes sont deffendues et ne peuent vouer, ne faire veu de continence, se n'est par pareil consentement et voulenté l'un de l'aultre, ne acceder ne approcer a religion puet l'un sans la voulenté de l'aultre. (Sacr. mar., c.1477-1481, 52)

Les enfans aussi de petit eage sans la voulenté et consentement de leurs parens ne peuent vouer religion ou aultre chose (Sacr. mar., c.1477-1481, 52)

Derniere/derraine volonté. Ce qu'une personne veut qui soit fait après sa mort, disposition testamentaire.

...ilh fist lire pardevant li le dit testament et de son saiaul saieleir, il ratefiat ledit testament et dest expressement que chu que devens astoit contenut et escript astoit sa deiraine volenteit (Hemricourt, Pièces div. B.P., 1338, 53)

...sicomme il apert par le testament ou derraine volenté dudit feu Johan Gaudin (Cartul. St-Victeur B., 1362, 189)

Et plaise sovenir as peres desusdis comment c'est grand merite d'executer a la lectre la darraine volenté, mais qu'elle soit catholique, des trespassans en Dieu et ausi le peril du contraire. (Mézières, Test. G., 1392, 320)

...du consentement de maistre Sy... de Nanterre, president, maistre Henry Mauloué, audiencier, et de Jehan Lasne, executeurs du testament et derreniere volenté de feu messire Arnault de Corbie (Fauq., I, 1417-1420, 139)

...maistre Clement de Fauquembergue, greffier de ceans, et Robert le Caron, bourgeois de Paris, que on disoit avoir esté par ledit defunct nommez executeurs de sa derreniere volenté (Fauq., II, 1421-1430, 169)

Pour ce que foible je me sens, Trop plus de biens que de sancté, Tant que je suis en mon plain sens, Sy peu que Dieu m'en a presté, Car d'autre ne l'ay emprunté, J'ay ce testament tres estable Fait, de derreniere voulenté, Seul pour tout et inrevocable. (Villon, Test. R.H., 1461-1462, 28)

À/en la volonté de qqn. À la guise de qqn.

...pour ce qu'il semble à plusieurs que aucun Roy ou Prince puisse, de sa propre auctorité, de droit ou de previlège, franchement muer les monnoyes en son Royaume courans et en ordonner à sa volunté et plaisir (Oresme, Monnoies W., c.1365, II)

Li consaulz des bonnes villes de Flandres... veoient que leurs sires n'estoit mies en leur volenté mès en l'ordenance dou roy de France et de madame sa mère (Froiss., Chron. L., IV, c.1375-1400, 86)

Pières de Bar... ne pooit estre à sa volonté paiiés de ses gages (Froiss., Chron. L., V, c.1375-1400, 154)

'Entre vous, bourdeur et langageur et vendeur de bourdes et de langages ou palais à Paris en en la cambre de Monsigneur, mettés le roiaulme à vostre vollenté'. (Froiss., Chron. R., IX, c.1375-1400, 129)

Chils Ainmerigos avoecques ses compagnons couroient le païs à leur volonté (Froiss., Chron. R., IX, c.1375-1400, 141)

...se il en estoient signeur, il aroient la bonne rivière d'Escaut à leur aisse et volenté (Froiss., Chron. R., IX, c.1375-1400, 194)

... et lui dist comment Remondin se recommandoit a sa bonne grace, et qu'il ne lui voulsist desplaire s'il avoit prins vengence des traitres qui l'avoient voulu murtrir en trahison, et qu'il lui envoyoit le chastellain et les autres pour savoir la verité du fait, et qu'il en preinst la punicion a sa voulenté. (Arras, c.1392-1393, 73)

...et au seurplus que ledit Drouart seroit prisonnier à la volenté de la Court (Fauq., I, 1417-1420, 223)

...le conte de Sulfok et autres gens de guerre anglois, qui furent prins par assault à la volenté des ennemis (Fauq., II, 1421-1430, 312)

Adonc chante une chançon a volenté. (Marcadé, Myst. Pass. Arras R., a.1440, 117)

...vous sauldrez sur l'assemblée, et en prendrez et tiendrez a vostre volunté (C.n.n., c.1456-1467, 450)

...que les habitans d'icelle ville, hommes, femmes et enfans, eussent leur vie saulve seulement, dont il ne voult riens faire, mais, au contraire, fist serement que lui et tous ses satellites mourroient en la poursuite, ou il auroit ladicte ville et tous les habitans d'icelle pour en faire du tout à son plaisir et voulenté (Roye, Chron. scand., I, 1460-1483, 216)

À volonté. Volontairement, à dessein.

...et crois qu'i fut plus tost dit Cesar par ce qu'il trencha tout le monde ou plus veritablement que ce fust nom imposé a voulenté [éd. 'd'un commmun accord'] . (Mamerot, Romuleon D., 1466, 129)

À sa premiere volonté. Dès qu'il manifeste sa volonté.

Je voy venir nostre message, Il a fait assez bon devoir, On ne puet pas telz gens avoir A sa premiere voulenté. (Marcadé, Myst. Pass. Arras R., a.1440, 147)

[Dans une réponse] À vostre volonté. Comme vous voulez.

Si saverés adont quel droit vous i avés ; et se vous le faites aultrement, vous nous couroucerés. Li contes respondi et dist : 'Monsigneur, a vostre volenté.' (Froiss., Chron. D., p.1400, 486)

À/en volonté. Autant qu'on veut, sans limitation.

Si eurent vent et ordenance de mer en volenté (Froiss., Chron. R., IX, c.1375-1400, 154)

Les gens dou conte qui en avoient grant fuisson enclos, les ocioient à volenté sans nului prendre à merci (Froiss., Chron. R., X, c.1375-1400, 55)

... et orent li maronnier vent a volenté, et singlerent sans peril et sans damage, (Froiss., Chron. D., p.1400, 168)

A leur costé l'espee longue et large (...), Le grant bauldrier avecques le guindage Pour a deux coups l'arbaleste bender, Et pour a point plusieurs coups desbender La grosse trousse de garrotz et de vires, Pareilz a ceulx qu'on voit en ses navires Le plus souvent user a volunté (La Vigne, V.N., p.1495, 213)

À volonté de tant

A Jaques de Buxeul, escuier, conseillier et maistre d'ostel de monseigneur le conte de Charrolois, au gaiges ou pension à volenté de deux cens frans (Comptes Etat bourg. M.F., t.1, 1419, 33)

Rente à volonté. Rente qui prend fin au gré des parties (p. oppos. à la rente à vie).

...en laquelle ordonnance aussy ne sont pas compriz rentes à vie ou à volenté que prennent par nostre octroy aucuns noz officiers par les mains du changeur de nostre tresor (Baye, I, 1400-1410, 33)

Contre la volonté de

Item, toutes choses que l'en fait par force et par violence et contre sa volenté, l'en les fait avecques tristece. (Oresme, E.A., c.1370, 178)

Celui qui fait mal contre sa volenté, il ne le fait pas mauvaisement. (Oresme, E.A.C., c.1370, 175)

... [il] trouva une jeune fille de l'aage de XXIIIJ ans ou environ, avecques laquelle il jeut la nuit qu'il vint oudit chastel, et ycelle congnut charnelment contre son gré et volenté. (Reg. crim. Chât., I, 1389-1392, 12)

Disoit aussi ledit procureur du roy que oujourd'uy, contre le gré et volunté des maistres d'ostel de la royne, il avoit oujourd'uy convoïé les littiere et charioz de la royne (Reg. crim. Chât., II, 1389-1392, 457)

...doubtans la fuite ou delivrance desdis prisonniers et conte d'Armaignac, contre les deffenses du sieur de l'Isle Adam, et aussi contre le gré et volenté des gens d'armes estans à Paris (Fauq., I, 1417-1420, 136)

Sire, sachez de verité Que nous avons pris le voyage Tout contre nostre volenté, Et tout contre nostre coraige. (Myst. siège Orléans H., c.1480-1500, 372)

De volonté. À dessein, volontiers.

Ilz monterent aux chevaulx et enmenerent XXX. arbalestriers avecques eulx, et chevaulcherent tout le pas vers Montferrant. Encoires yssirent de voulenté aussy de Clermont plus de deux cens hommes, tout de piet, qui se misrent au chemin après ces chevaulcheurs, (Froiss., Chron. M., XIV, c.1375-1400, 222)

Et vueil, pére de deité, Estre povre de voulenté, Sanz quelque chose possesser. (Mir. st Alexis, 1382, 320)

De grande volonté. Avec force, énergiquement.

Li dis Gerars de Malain n'espargnoit point, mais se desfendoit de grant volonté et par bonne ordenance. (Froiss., Chron. D., p.1400, 544)

De toute sa volonté

JHESUCRIST. (...) Plus que pierre as le cueur deur Se tu ne m'ame de cueur pur Et de toute ta volenté. (Pass. Autun Biard F., 1470-1471, 146)

De (sa) (pleine/propre/pure) volonté. De son plein gré, sans contrainte.

Item, toute mendicité, soit pour fortune ou de volenté, est un opprobre ou reproce et aussi comme naturelment triste et desplaisable et miserable et non honeste. (Oresme, Pol. Arist. M., c.1372-1374, 307)

Quoique Brouxelle vous soit close, si savons nous bien que c'est plus par constrainte que de vollenté (Froiss., Chron. R., X, c.1375-1400, 204)

Et lors le feismes delier, mener et asseoir devant le feu ; et là, de sa plene volenté et hors de toute gehine, nous dist et confessa ce qui s'ensuit (Reg. crim. Chât., I, 1389-1392, 17)

... [il] congnut et confessa de sa pure volenté, sanz aucune force ou contrainte, et par serement, sur ce requis (Reg. crim. Chât., I, 1389-1392, 53)

En enterinant lequel jugement, icellui prisonnier, en soy despoullant et deschaussant, cognut de sa volenté, sans aucune contrainte [ceci] (Reg. crim. Chât., I, 1389-1392, 121)

... [il] cogneut et confessa de sa pure, franche et liberal voulenté, sans aucune autre contrainte de question, et print sur l'arme de lui, qu'il est verité (Reg. crim. Chât., I, 1389-1392, 146)

... il vault mieulx que nous repairons vers l'ost de nostre voulenté que par force nous y convenist repairier... (Arras, c.1392-1393, 233)

...toutes aultres gens diront que ce sera grans cruaultés, se vous faites morir ces honestes bourgois qui de lor propre volenté se sont mis en vostre ordenance pour les aultres sauver (Froiss., Chron. D., p.1400, 88)

Chils contes ...prist terre assés priés de Stales, de sa volenté et sans atendre mesire Jehan de Hainnau son oncle (Froiss., Chron. D., p.1400, 642)

...je vous promectz et asseure, sur ma foy, que tant que je vive aultre homme n'aray espousé de ma volunté et bon gré que vous (C.n.n., c.1456-1467, 167)

De bonne volonté. De son plein gré, de bon coeur.

Et pour ce je vous prie que, s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier qu'il se traye a part, car par un seul couart failly est aucunesfoiz une besoingne perdue. Et sachiez que tous ceulx qui n'y vouldront venir de bonne voulenté, tant de ma gent comme des autres, je leur donray or et argent assez, et navire avittaillié pour repasser la mer. (Arras, c.1392-1393, 109)

Et tout ce disoit elle de bonne vollenté, comme celle qui jamais ne pensoit ad ce que son pere pensoit. (Wauquelin, Manequine C.T., a.1448, 128)

De volonté fine. De pleine volonté.

Et g'iray de voulenté fine Pour entendre vostre propos (Mir. st Val., c.1367, 139)

De volonté grande

Si yray de voulenté grande, Puis que c'est, amis, son conmant. (Mir. fille roy Hongrie, c.1371, 22)

Outre la volonté de qqn. Contre la volonté de qqn.

Durant lequel voyage il est reccord que à IIJ ou IIIJ filles pucelles il ot compaignie charnelle oultre leur gré et volenté. (Reg. crim. Chât., I, 1389-1392, 66)

Et la voult Remondin prendre congié de son lignaige. Mais ilz y mistrent le plus grant remede que ilz porent afin que il demourast encores. Et le firent demourer oultre sa voulenté bien VIII. jours. (Arras, c.1392-1393, 69)

Englés ne se pueent longement tenir ne sousfrir de un inconvenient, qant on lor fait ; et se il le portent et suesfrent un temps oultre lor volenté, si en prendent il en la fin crueuls paiement. (Froiss., Chron. D., p.1400, 47)

...il n'est si estroicte garde au monde qui peust destourber n'empescher la femme oultre sa volunté a faire son plaisir. (C.n.n., c.1456-1467, 562)

Par volonté

Ou par droit ou par voluntey Furent li Templiez condempnez : Pape Clement lour fit tel honte. (Dupin, Mélanc. L., c.1324-1340, 60)

Par demie volonté

Tant me preecha et monstra de belles raisons en desirant de recouvrer son hiretage, que je m'asenti enssi que par demie volenté, que il fesist son plaisir (Froiss., Chron. R., IX, c.1375-1400, 152)

Accomplir la volonté de qqn

Dame, dist Remondin, je sui tout prest d'acomplir vostre voulenté a mon povoir. (Arras, c.1392-1393, 35)

...mon peuple m'ainme et amera, se je les sçai tenir, et me acompliront toutes mes volentés. (Froiss., Chron. D., p.1400, 800)

JHESUS. Mes enfans, je vous larrey tous Ung bien petit, car j'ay affaire. Pour la voulenté de mon pere Accomplir, m'en vaiz orer. (Pass. Auv., 1477, 157)

Accomplir sa volonté

...toute raison estoit de luy a cest cop arriere mise ; seullement luy challoit d'accomplir sa fole volunté (C.n.n., c.1456-1467, 456)

Accomplir sa volonté de qqn. Faire de qqn ce que l'on a décidé de faire.

Et je vous mettray temprement en lieu ou nous pourrons bien acomplir nostre voulenté de cellui qui ce hontaige nous a fait, car, de quelque cousté qu'il ysse du païs de Bretaigne, il ne nous puet eschapper, car nous y avons bonnes espies qui le nous vendront annoncier quant temps sera. (Arras, c.1392-1393, 68)

Avoir qqc. en volonté. Vouloir qqc..

Et di que un homme sobre a en volenté une chose qui l'encline a desirer et vouloir ce que raison dicte et juge estre bien. (Oresme, E.A.C., c.1370, 145)

Avoir volonté de qqc.

Qant il vei que son signeur s'en retournoit, il n'ot nulle volenté dou retourner, mais feri cheval des esporons et entra dedens la bataille (Froiss., Chron. D., p.1400, 733)

...vous requier, pour tous les services que jamais vous feis, qui ne sont pas telz que j'en eusse eu la volunté, si Dieu m'eust donné le povoir, que me facez avoir mon pain en quelque monastere (C.n.n., c.1456-1467, 94)

...combien qu'elle supposast que, pource qu'il estoit accompaigné du dit voisin, il s'en allast sur le bancq, toutesfoiz si n'en avoit il nulle volunté (C.n.n., c.1456-1467, 528)

Avoir volonté de + inf.

... et n'avoient les villes et li chastiel nulles volentés que d'yaus tenir (Froiss., Chron. L., VII, c.1375-1400, 227)

Quant audit cheval par lui acheté, dit qu' il est voir qu' il a païé dudit cheval XVJ s.. et que le residu il avoit volunté et entencion de païer, au plus brief que bonnement porroit (Reg. crim. Chât., II, 1389-1392, 457)

Et nous cuidions, se vous eussiez eu voulenté de femme prendre, que nous feussions le premier a qui vous en eussiez prins conseil. (Arras, c.1392-1393, 36)

Mais a vostre requeste je m'en yray par devers vostre pere pour faire la reverence, et aucuns de mes plus privez avec moy, car j'ay grant voulenté de lui veoir pour le bien que j'en ay ouy dire. (Arras, c.1392-1393, 52)

Se vous avez tant de hardement que vous vous osez vengier de ce tort qu'on vous fait, nous vous aiderons trestuit. Et il leur dist qu'il en avoit bien le cuer et la voulenté. (Arras, c.1392-1393, 57)

...comme il eust un filz licencié en droiz civil et canon, et il eust volenté de le instruire en office de notaire (Baye, I, 1400-1410, 119)

Ung jour entre les aultres, madame eut volunté de se baigner. (C.n.n., c.1456-1467, 43)

...sa dame n'avoit loisir ne volunté de l'entretenir (C.n.n., c.1456-1467, 253)

...monseigneur, je voy bien que vous estes avoyé de plaider, et j'ay volunté d'achever mes heures (C.n.n., c.1456-1467, 271)

Intencion n'ay ne volunté aucune de vous mettre en garde d'aultruy pour vous contenir et demourer entiere (C.n.n., c.1456-1467, 562)

SAINCT MARTIN. (...) En mon cueur et mon pencement Ay tousjours une volunté De pourchacer mon saulvement En la foy de crestïenté. (La Vigne, S.M., 1496, 149)

À quoy il luy fist responce par ses lettres, ainsi qu'il s'ensuit : 'Mons. le mareschal, je me recommande à vous tant et de si bon cueur comme je puis. Mon nepveu Vigier m'a dict que vous avés voulenté d'avoir une espée que j'ay. Je vouldroye bien avoir meilleur chose de quoy vous eussiés envye, car vous en fineriez bien se homme en finoit...' (Le Clerc, Interp. Roye, c.1502, 380)

Avoir volonté que

Si eut avis et volenté que, a poissance de gens d'armes et d'archiers, il passeroit la mer (Froiss., Chron. D., p.1400, 672)

Avoir sa volonté en qqn. Faire confiance à qqn.

...pluseurs haulz barons et chevaliers de Portingal qui voloient avoir ung roy... veoient le grant volenté que les communautez du pays avoient à ce maistre Denis (Froiss., Chron. M., XII, c.1375-1400, 234)

Descendre aux volontés de qqn

Et vous compterai comment cils rois dans Piètres esploita devers le prince , son cousin, lequel il trouva grandement courtois et amiable et descendant à ses priières et volentés (Froiss., Chron. L., VI, c.1375-1400, 200)

Faire la volonté/les volontés de qqn

Je feray vostre volenté : Alons, de par la mére Dieu. (Mir. enf. diable, c.1339, 37)

Et pour utilité il quierent gens appeléz demos ; c'est a dire, gens de grande industrie qui soient prés de faire la volenté et le commandement des seigneurs. (Oresme, E.A., c.1370, 425)

Si dist Geronnet à cel homme qu'ilz avoient trouvé : 'Se tu ne fais nostre voulenté, tu y es mort sans remede.' (Froiss., Chron. M., XIV, c.1375-1400, 214)

Mon chier seigneurs, voz volentez Ferons de cuer, c'est bien raison (Mir. march. juif, c.1377, 223)

Vostre voulenté sera faicte ; Je m'en y vays diligenment. (Pass. Auv., 1477, 214)

Faire sa volonté. Faire ce que l'on veut.

Quant lo meliolech ouÿ celi point de sa mauvaise et faulce loy, il respondi au cadi que il en feïst sa volenté. (Jean Le Long, Voy. Odoric A.M., 1351, 15)

... il s'espardirent parmi le pays... Si y fisent une grant part de leurs volentés , car il ne trouvèrent homme qui leur deveast (Froiss., Chron. L., III, c.1375-1400, 134)

Cest homme ne puet longuement durer, car il ne craint rien ; ne aussi de lui conseillier est peine perdue, car on m'a bien dit pieca, dist le duc Anthoine, qu'il ne veult riens faire fors sa pure voulenté. (Arras, c.1392-1393, 283)

Je ne vous commenday pas, dist il, de luy laisser faire sa volunté. (C.n.n., c.1456-1467, 51)

Faire sa volonté de qqn/d'une communauté

Quant les Franchois eurent fait leur voulenté de la ville de Straule en Guerles, et leurs varles eurent mis à voye tout leur pillaige, ilz s'en departirent, (Froiss., Chron. M., XIV, c.1375-1400, 195)

Haa ! je sçay bien que je suis mort ; car messeigneurs veulent que je dye ce que j'ay dit seans en la gehine. Mais facent de moy leur voulenté, car je prens sur Dieu et sur l'ame de moy que ce que j'ay dit n'est pas vray, ne jà, se Dieu plaist, l'ame de moy n'en sera encoulpée (Reg. crim. Chât., I, 1389-1392, 551)

LA MARQUISE. ...Que le marquis tout a son gré Face de moy sa voulenté (Gris., 1395, 85)

Faire sa volonté de qqc./d'un animal User à son gré de qqc..

...on ne le tient pas en estat et fourme de roy, car il ne peut faire du sien sa voulenté. On l'a mis à pension et la royne aussy. Ce sont dures choses pour ung roy et une dame aussy. (Froiss., Chron. M., XIV, c.1375-1400, 61)

...il avoit acheté un cheval et lui baillié pour erres XVJ s. par. et neantmains avoit enmené icellui cheval et fait d'icellui sa volunté (Reg. crim. Chât., II, 1389-1392, 457)

Faire à sa volonté. Agir à sa guise.

... se il vous semble que ce soit chose qui soit bonne a faire, si en faictes a vostre voulenté. (Arras, c.1392-1393, 83)

...ledit mareschal avoit dit que de ce et de ses autres choses de ce royaume lui plaisoit que le duc de Berry en feist à sa volenté (Baye, I, 1400-1410, 147)

Se rendre à la volonté de qqn. Se rendre, se soumettre à qqn.

Gieffroy fist tantost lever unes fourches devant la porte du chastel et y fist pendre Glaude et ses deux freres, et manda a ceulx de dedens que, se ilz ne se rendoient a sa voulenté, qu'il les feroit tous pendre, se il les prenoit par force. (Arras, c.1392-1393, 206)

Vostre volonté est la mienne. Vos désirs sont pour moi des ordres.

Sire, dist Uriiens, puis qu'il vous plaist, vostre voulenté est la moye. (Arras, c.1392-1393, 121)

La volonté se mue

LE JUIF. (...) Je n'y voy rime ne raison De vouloir nostre loi desdire. Jamais n'y vouldroye contredire : A moy seroit grant trahison. Toute ma maison En est soubtenue ; Parquoy mesprison Auroye encourue. Ma foy est ferue En ung tres fort las ; Mais, quant ma voulenté se mue, C'est des faictz de sainct Nicolas. (Mir. st Nic. juif, c.1480-1500, 79)

Il est en la volonté de qqn de + inf. Il dépend du vouloir de qqn de.

Car celui qui malade, il n'est pas en sa volenté d'estre sain quant il li plaira. (Oresme, E.A., c.1370, 199)

C'est/(il) est la volonté de qqn que + subj.

...c'estoit la volenté du Roy, de monsegneur le Dauphin, de monsegneur le Connestable et gens du Conseil du Roy que lesdictes lettres feussent leues en la Chambre de Parlement et enregistrées (Fauq., I, 1417-1420, 122)

...et est sa volenté et veult que de cy en avant on lui communique ce que fait sera et avendra par deça. (Fauq., I, 1417-1420, 257)

Contenoit oultre ladicte creance que c'estoit la volenté du Roy que certaine lettre faicte et passée par aucuns qui tenoient lors le Parlement, touchant ladicte proposicion, soit revoquée par la Court et mise au neant (Fauq., I, 1417-1420, 281)

Il prend/il vient à qqn (une) volonté de/que

Quant le duc Wincelant de Braibant fut retournez en son pays ... il luy prist voulenté de visiter ses terres et ses chastiaulx, (Froiss., Chron. M., XIV, c.1375-1400, 171)

...le roy de Navaire...se tenoit en la chité de Pampelune en Navarre. Si luy vint en ymagination et voulenté qu'il convenoit qu'il eust sur son pays et presist par taille la somme de IIc. mille flourins (Froiss., Chron. M., XIV, c.1375-1400, 185)

Il m'est prise une volenté De moy partir de mes amis, Je veul aller par le pays Prendre du bon temps en liesse, Tandis que suis en jonesse (Marcadé, Myst. Pass. Arras R., a.1440, 116)

Ung certain temps après il luy print volunté d'aller voyager et veoir païs. (C.n.n., c.1456-1467, 332)

...luy vint volunté d'aller a la bonne ville pour aucune chose qu'il y besoignoit. (C.n.n., c.1456-1467, 513)

b)Ce que veut Dieu.

Tiercement, monsigneur, je vous pri que vous ne voeilliés eslire aultre sepulture que de jesir dalés moy, ou clostre de Wesmoustier, quant Diex fera sa volenté de vous (Froiss., Chron. L., VII, c.1375-1400, 182)

Une [maniere de trinitéz] est celle que mettoient les Pythagoriens et est que toute creature a commencement et moyen et fin, quar combien que aucunes soient perpetueles, toutesvoies selon Plato ce n'est pas de leur nature ne par elles, mais seulement du maintieng et de la volenté du createur. (Oresme, C.M., c.1377, 54)

... Mon amy, puis que je me sui mise si avant, il m'en fault attendre la voulenté de Dieu et moy confier en vostre promesse. (Arras, c.1392-1393, 42)

Voulez vous arguer contre la voulenté du Createur des creatures, qui tout a fait et deffera a son plaisir, quant il lui plaira ? (Arras, c.1392-1393, 255)

Gieffroy, je vous diray, il m'en fault aler en un pellerinage que j'ay promis de long temps. Je vous lerray le gouvernement de ma terre, et se je ne revenoye, que Dieu feist sa voulenté de moy, elle soit vostre. (Arras, c.1392-1393, 269)

Et c'est contre la fole presumpcion de creature humaine [qui veult enquerir] autre raison et autre cause que la voulenté juste de Dieu, en murmurant : 'pourquoy Dieu saulve les ungs et non pas les autres ?...' (Gers., Trin., 1402, 163)

Car Dieu par sa premiere voulenté 'veult tout homme estre saulvé', en tant qu'il est homme. Mais selon la seconde voulenté pas ne veult cest homme malvais estre saulvé, pour tant qu'il est malvaiz et reprouvable. La voulenté de Dieu precedente est selon l'ordre et le cours de nature finablement, ainsi qu'elle a esté creee de Dieu. La voulenté de Dieu consequente, ensieuvante, regarde l'ordre de la personne (Somme abr., c.1477-1481, 169)

S. NICOLAS. Dieu eternel, trois en ung vueil Une voulenté par essence Qui en divine prescience Congnois les cueurs et les couraiges, Tu vois de Sathan les oultrages (Mir. st Nic. juif, c.1480-1500, 135)

Chan Guys, la volenté du Dieu inmortel est que tu soies doresenavant recteur, gouverneur et maistre des sept nacions de ce païs (Simon De Phares, Astrol., c.1494-1498, f° 102 v°)

La volonté de Dieu soit faite

Non contrestant, la voulenté de Dieu soit faicte, car nous partirons, au plaisir de Dieu, de cy demain, aprez le service, pour lui aler visiter. (Arras, c.1392-1393, 94)

2.Ce que qqn désire.

a)Envie, désir.

Et qui [le Roy du ciel] , aveques les autres graces que il lui a donnees, il li a inspiree si noble volenté que il met sa cure et son entente a si bonnes sciences. (Oresme, E.A., c.1370, 98)

C'est le seigneur qui prepose et met son proffit, ses volentés et affeccions devant le proffit commun et devant le bien publique de ses subgiéz (Oresme, E.A.C., c.1370, 301)

Flateur mensongeux est comme menestrel du dyable qui tourne tousdis sa note selon la voulenté des escoutans ou dansans, tant se deussent trebucher, et est comme le mirouer qui rit au riant et pleure au plourant. (Gers., Annonc., a.1400, 235)

A monseigneur le conte de Saint Pol, la somme de deux cens 14 frans, que mondit seigneur le duc lui a fait baillier et delivrer comptant à plusieurs foiz et en plusieurs lieux pour lui jouer et en faire ses plaisir et voulenté (Comptes Etat bourg. M.F., t.1, 1419, 151)

...tant furent conjoinctes les voluntez, desirs et pensées de luy et d'elle, qu'ilz n'avoient pour eulx deux que ung seul cueur. (C.n.n., c.1456-1467, 147)

...[la chambriere] estoit fort en grand de conduire et acomplir les voluntez et plaisirs de sa maistresse. (C.n.n., c.1456-1467, 388)

Avoir volonté de + inf. Avoir envie de.

Remarque : Erec C.T., c.1450-1500, gloss. (avoirvoulentéde dormir).

Estre plein de sa volonté. Être mené par ses envies.

...un religieux de l'abbaye de Nostre Dame de Noyers estoit prieur ou gouverneur du prioré du dit lieu de Buxieres, et y avoit à cause du dit prioré haulte, moyenne et basse justice, et combien qu'il se deust estre gouverné comme bon religieus, toutes voie il estoit moult luxurieux et plain de sa voulenté (Doc. Poitou G., t.7, 1406, 89)

Volonté de qqc. Désir de qqc..

Et donques appert que volenté d'amistié avoir est tost faite mais amistié non. (Oresme, E.A., c.1370, 420)

Volonté est prise à qqn de faire qqc.

Remarque : Hist. prem. destruct. Troie R., c.1470-1480, 132/37.

b)En particulier. Désir sexuel.

...car le froit ne puet congnoistre femme, ne aussi a mouvement en femme, ne voulenté de habiter (Sacr. mar., c.1477-1481, 78)

[D'une femme] Faire la volonté de qqn. Céder au désir (d'un homme) d'avoir un rapport sexuel.

...maiz pour ce que elle et ladite Margot ne vouldrent accorder plenement la volonté dudit chevalier, il dist à elles que se elle ne faisoit sa volenté, que il la bailleroit à ses varlez et garçons, qui en feroient tout leur plaisir. (Reg. crim. Chât., I, 1389-1392, 45)

Accomplir/avoir/faire sa volonté (de qqn). Satisfaire son désir (avec qqn).

Ha ! ma chiére dame et amie, Deceu m'avez et trahy Se vous n'avez de moy mercy, Que vous vueillez par vostre grace Que de vous ma voulenté face (Mir. abbeesse, 1340, 72)

De li feray ma volenté : Si la tendra plus en vilté Mon seigneur, lors que il savra Que pucelle pas ne sera. (Mir. femme roy Port., c.1342, 173)

...il me devoit en ses braz nue Ennuit toute la nuit tenir Pour sa volenté acomplir. (Mir. femme roy Port., c.1342, 174)

Dame, mes corps ait mal dehait Se ma voulenté de vous n'ay ! (Mir. femme roy Port., c.1342, 192)

Et quant icellui Oudot ot d'elle qui parle ainsi fait sa volunté, et que elle qui parle fu relevée, vint à elle ledit Baudet qui dit qu'il la harigoteroit aussi (Reg. crim. Chât., II, 1389-1392, 510)

Et quant ladicte suppliante apperceut le fait, elle ala après, comme dolente et courrouciée, et trouva que sondit maistre et ladicte Jehanne estoient l'un sur l'autre en ladicte chambre. Et (...) elle ferme l'uys de ladicte chambre sur eulx et actendi qu'ilz eussent fait leur voulenté. (Ch. VI, D., t.2, 1417, 192)

...tousjours perseverant en malignité, dist qu'il feroit sa volunté d'elle. (C.n.n., c.1456-1467, 552)

Mais, las, telz m'ont voulu saisir Et metre en chanbre com on fait Les aultres filles en effet. Et en la chambre proprement Dudit mauvais gouvernement, Ou long temps, yver et esté, Ont fait de moy (a) leur volenté. (Sots mal., c.1480, 87)

[D'une bête femelle] Avoir chaude volonté. Être en chaleur.

Et si dient aucuns que quant la femelle a chaude volenté elle conchoit du vent seulement qui la fiert de deuers le masle et de son barat dient qu'elle emble les oeufz des autres perdris. (Best. hérald. H.E., c.1435-1450, 484)

Remarque : Syntagme qui manque ds FEW XIV, 615a : voluntas ; cont. quasi-identique att. par T-L XI, 710, s.v. volenté chez Brun. Lat. Carm. I 167, 1.

3.Ce que projette qqn, ce que qqn veut qui se réalise, qui soit fait, intention.

Car les volentés des gens sont inmanifestes et occultes, et aucuns non justes faingnent que ilz ont volenté de ouvrer justement et non ont. (Oresme, E.A., c.1370, 525)

...tant parlèrent li baron et li chevalier... et si s'esmeurent que de fait et de volenté, ... il acordèrent que il iroient assegier Saint Waleri (Froiss., Chron. L., V, c.1375-1400, 131)

...par lesquelles [lettres] il lui peust apparoir quelle volenté avoient ceulz de Paris en la matiere des traictiés dessusdis (Fauq., I, 1417-1420, 332)

Si n'eust esté son cousin, il en eust prins vengence (...). Toutesfoiz il fut content de differer sa volunté jusques a tant qu'il eust prins au fait et l'un et l'autre. (C.n.n., c.1456-1467, 352)

La volonté de qqn. Son intention (bien arrêtée).

...le bon hoste (...) hucha a part le chevalier, a qui il compta la volunté des quatre villains enragez. (C.n.n., c.1456-1467, 549)

En volonté de. Dans l'intention de.

...lui qui parle et un nommé Le Roussellet, demourant à Laon, en entencion et volenté de gaignier sur le premier homme où il verroyent leur avantage, pour gaignier aus champs, se partirent de ladite ville de Vaily (Reg. crim. Chât., I, 1389-1392, 155)

Estre en volonté de + inf. Avoir l'intention de.

... nous sommes tous en voulenté de mettre mort cellui qui nous a fait si grant vitupere et si grant deshonneur. (Arras, c.1392-1393, 68)

...messire Jehan de Hainnau... venoit tous armés, et plus de trente cevaliers avoecques lui, et crioient : 'Hainnau !' et estoient en volenté de ocire tous les archiers que il trouveroient ens es fourbours ou lors gens estoient logiet. (Froiss., Chron. D., p.1400, 119)

Estre en la volonté que. Avoir l'intention, la volonté de.

Et savez vous pourquoy j'ay esté bien marry quant j'ay veu que vous ne me faisiez point de responce, car il me sembloit que vous n'estiez plus en la volenté que je vous laissay touchant Bourgoigne : et, je n'ay autre paradis en mon ymaginacion que cestuy là. (Le Clerc, Interp. Roye, c.1502, 327)

En bonne volonté de + inf. Dans la ferme intention de.

Et quant Remondin l'ot, si se met au devant du senglier, l'espie ou poing, en bonne voulenté de le destruire, et ly sengliers destourne de lui et court vers le conte. (Arras, c.1392-1393, 21)

Estre de la volonté de qqn. Avoir les mêmes intentions, les mêmes opinions que qqn.

...Marcus Luculus, lequel Marcus Anthonius avoit fait decappiter pour ce qu'il estoit de la voulenté de Bruttus et de Cassius (La Sale, Sale D., 1451, 163)

Dire sa volonté. Dire ses intentions, ses vrais sentiments.

Se celle que jadiz servoye De si bon cueur et loyaulment, Dont tant de maulx et griefz j'avoye Et souffroye tant de tourment, Se dit m'eust au commancement Sa voulenté, mais nennil, las ! J'eusse mis paine aucunement De moy retraire de ses las. (Villon, Test. R.H., 1461-1462, 66)

Dire ses volontés de qqn. Dire ce que l'on veut de qqn, dire du mal de lui.

Et quant ce virent aucuns que la perte leur estoit grande, si maudisoient fortune en appert et à secret, disans leurs voulentés des gouverneurs. (Journal bourgeois Paris T., 1427, 212)

Se mettre en volonté de + inf. Se mettre en position de.

Si se avisèrent li un par l'autre et se missent en volenté de chevauchier... (Froiss., Chron. R., XI, c.1375-1400, 201)

C. -Disposition dans laquelle une personne se trouve quant à ce qu'elle veut ou qui est voulu.

1.Bonne/mauvaise volonté

a)Bonne volonté. Disposition à bien faire ou à faire ce qui est souhaité.

...gloire soit la haut ou ciel a Dieu, et pais soit en terre aus hommes de bonne volenté. (Foul., Policrat. B., V, 1372, 426)

Par Dieu, seigneurs, dist Gieffroy, vous estes bonnes gens et loyaulx, et je vous mercie de vostre bonne voulenté, mais il n'est besoing quant a present, car j'ay assez gens sans vous traveillier pour acomplir mon affaire, au plaisir de Dieu. (Arras, c.1392-1393, 197)

...c'est que on se repente du pechié passé, et garde de l'advenir ; par ce faire on aura bonne voulenté ; et, moyennant bonne voulenté, faictes, Sire, que en chascune terre tant de temporalité comme de l'espiritualité (...) le don de bonne paix soit ottroyé (Gers., Noël, p.1404, 314)

Damp moine, voyant la bonne volunté de sa voisine, après ung grand tas d'excusances (...), dist a basse voix... (C.n.n., c.1456-1467, 536)

M'amye treschere, puisque vostre bonté se veult tant humilier que de moy offrir ce que je n'oseroie requerir sans tresgrand vergoigne, je vous remercie. Et si vous voulez perseverer en ceste bonne volunté, je sçay que nous devons faire. (C.n.n., c.1456-1467, 547)

JOSEP. Seigneurs, je vous pry qu'en ce lieu, De ceste oincture soit frocté (...). JACOB. Je y ay tresbonne voulenté ; Or le faisons diligenment ! (Pass. Auv., 1477, 260)

L'ADVOCAT. Sainct Nicolas sur les humains Monstre avoir grant auctorité Et que partout il met les mains Quant on a bonne voulenté. (Mir. st Nic. juif, c.1480-1500, 154)

LE PREVOST. Quant on a bonne voulenté Envers Dieu et ses benoistz sainctz, Sans vouloir mal ne faulceté, Grant confort treuve [on] en ces plains. (Mir. st Nic. juif, c.1480-1500, 154)

De bonne volonté. Volontiers.

Donc doit on bien de bonne voulenté Servir la vierge et amer (Mir. chan., c.1361, 183)

...car celui qui est juste et celui qui est de grant et bonne volenté et celui qui a vertu, nous loons tels pour les fais et pour les oeuvres a quoy ces choses les habilitent. (Oresme, E.A., c.1370, 139)

Sachiez qu'il n'a si grant pecheur ou monde que Dieu ne soit plus grant pardonneur et plus debonnaire, quant le pecheur se repent et lui crie mercy de bon cuer et de bonne voulenté. (Arras, c.1392-1393, 255)

Trestout ce que je [Griseldis] penseray Qui soit a ton plaisir, feray De voulenté tresbonne et lye (Gris., 1395, 90)

Mais Proece ne voelt point que nuls povres bacelers de bonne volenté s'escuse de non querir les armes par defaute de mise, car se il le vault, il trouvera qui l'aidera, se il le desert, qui l'avancera et paiera selonch son bien fait. (Froiss., Chron. D., p.1400, 36)

Vous avés mise et cavance assés, et peuple de bonne volenté, qui desirent les armes, et qui point ne voellent estre wiseus. (Froiss., Chron. D., p.1400, 229)

Ces aliances et concordances de Jaquemon d'Artevelle et de ceuls de Gaind plaisirent grandement bien a ces signeurs d'Engleterre qui la avoient esté envoiiet ; et prisent de toutes ces convenances lettres seelees dou seel a causes de la ville de Gant. Et puis retournerent a Valenchiennes, deviers le conte de Hainnau et lors compagnons, et monstrerent de parole et par les lettres que il avoient, en quoi et conment chil de Gand estoient de bonne volenté obligiet. Dont dist li contes de Hainnau a ces signeurs d'Engleterre : Biaus signeurs, vostres besongnes s'avancent grandement, se vous avés les pais de Flandres et de Braibant d'acort. (Froiss., Chron. D., p.1400, 262)

Parlons doncques de la gloire qui doit estre a Dieu, et puis de la paix que doivent avoir les hommes de bonne voulenté. (Gers., Noël, p.1404, 293)

Je te pardoins me mort de bonne volonté (Jourd. Blaye alex. M., a.1455, 117)

...car de nostre part, se oncques en quelque maniere il nous offença, de très debonnaire affection prions la divine Majesté qu'elle luy pardonne, et de bon couraige et de bonne voulenté luy pardonnons. (Le Clerc, Interp. Roye, c.1502, 284)

Avoir bonne volonté à/de + inf.

...li consauls de ces signeurs, et monstroient tout en lor parole que il avoient tout grant volenté a desfiier le roi de France. (Froiss., Chron. D., p.1400, 289)

Dont lor fu demandé, en la presence dou roi, se il avoient bonne volenté de requellier en lor ville le roi d'Engleterre conme vicaire a l'empereur. (Froiss., Chron. D., p.1400, 291)

...en remonstrant la grant affection et bonne volenté qu'ilz avoient tousjours eu et avoient à apaisier les guerres et divisions dessusdictes (Fauq., I, 1417-1420, 292)

...le duc de Bedford, regent de ce royaume pour ledit Henry, son nepveu, roy de France et d'Angleterre, avoit entencion et bonne volenté d'emploier corps, amis et chevance pour le bien de ce royaume (Fauq., II, 1421-1430, 74)

...s'il avoit bonne volunté de combatre et faire armes, elle n'avoit pas mains de desir de luy de lyer son emprinse [Cont. grivois] (C.n.n., c.1456-1467, 146)

...car il n'avoit pas tousjours ne le temps ne le loisir de se trouver vers elle, il luy dit a ceste foiz la bonne volonté qu'il avoit de luy faire service et en quelle façon [D'un homme très amoureux] (C.n.n., c.1456-1467, 315)

LA FEMME [au juif] . Se Dieu nous doint bonne santé, Nous avons bonne volonté De vous contenter de tous poins. (Mir. st Nic. juif, c.1480-1500, 88)

Donner bonne volonté à qqn. Manifester à qqn ses bonnes dispositions.

Quant le duc de Bourgoingne eubt oy là les nouvelles, comment ses gens, qui estoient en garnison en Braibant, se portoient bien, si en ot grant joye, et pour eulx encoires mieulx encourragier et donner bonne voulenté, il escripsoit souvent à messire Guillaume, son chevalier. (Froiss., Chron. M., XIV, c.1375-1400, 196)

Proverbe. Bonne volonté doit estre reputee pour oeuvre

Mon tres redoubté seigneur, prenez en gré, s'il vous plaist, car se ly homs fait le mieulx qu'il puet ne scet, on le doit prendre en gré, car, en aucuns cas, bonne voulenté doit estre reputée pour euvre. (Arras, c.1392-1393, 312)

b)Male volonté/mauvaise volonté. Disposition à agir mal, à ne pas faire ce qui est demandé, à se dérober.

Le Dieu Adam fist tous nus, et tu par male volenté te veulz vestir. (Jean Le Long, Voy. Odoric A.M., 1351, 27)

...aucunes personnes incogneues et meues de mauvaise volenté ont miz et ataché aux portes de l'eglise de Nostre-Dame de Paris et de pluseurs autres eglises certeinnes cedules diffamatoires en langage françoiz (Baye, I, 1400-1410, 95)

...en recongnoissant sa merveilleuse sapience (...) en recongnoissant finablement sa tres doulce bonté qui nous a administré et offert paix, grace et gloire pardurable, se a nous ne tient, c'est a dire, a nostre mauvaise voulenté. (Gers., Noël, p.1404, 293)

...Sire, pere de misericorde et de toute bonté, vueilliez convertir et corrigier toutes males voulentez en bonnes par la vertus de vraye penitence (Gers., Noël, p.1404, 314)

'Helas ! messeigneurs, puis que vostre mauvaise volunté est ainsi tournée, et que humble priere ne la peut adoulcir ne ploier, au mains aiez en vous ceste honesteté que...' (C.n.n., c.1456-1467, 552)

Item la mauvaise voulenté des reprouvéz est eternele, pour quoy la paine doibt estre tele. (Somme abr., c.1477-1481, 177)

2.[Valeur péj.] Disposition arbitraire fondée sur la fantaisie et l'humeur, caprice.

À volonté. Par caprice (p. oppos. à la raison).

...et de ce sont venus les tirans d'icellui pays, esleus a voix de peuple, a voulenté, et sans raison ne loy de droit (Bouciquaut L., 1406-1409, 179)

...ceulx qui veulent vivre a voulenté et sans raison heent ceulx qui les reprennent (Bouciquaut L., 1409, 443)

De volonté. Par la seule volonté, de façon arbitraire.

Item, quant nous avons respondu aus raysons des oppinions contraires, il ne semblera pas que nous condempnons ces oppinions de voulenté et sanz cause, quar il convient que ceulz qui enquierent la verité jugent souffisanment et non pas comme anemis et adversaires des oppinions contraires. (Oresme, C.M., c.1377, 178)

Par volonté. De façon arbitraire.

...oncques puis que son filz [du roi de France] arriva en la maison de ce prince [le duc de Bourgogne] et que par nulle voye ne l'en pouoit retraire, oncques puis ne moustra amour ne semblant d'amistié envers cele, ains et plus haynes, indignations et froideurs, non fondees toutevoies en desserte, sy non par volenté, comme mieulx et plus clerement apperra tantost, la ou toutes cestes attaines et povretéz de cuer prendront fin par mort (Chastell., Chron. IV, D., c.1461-1472, 278)

(Estre) plein de sa volonté. (Être) enclin à se laisser guider par sa fantaisie, par ses caprices.

...et assez tost aprèz je fu mis en prison par aucunes gens plains de leur voulenté plus que de raison (Le Fruictier, Lament. C., 1409, 91)

Chief essoignié de piteuse aventure, Jeune regent plain de sa volenté (Baye, II, 1411-1417, 219)

Remarque : Sans valeur péj., voir supra.