VOICI

préposition

[T-L : vëoirvezci ; GD : vezvezci ; GDC : voici ; FEW (XIV, 426b) : videre ; TLF (XVI, 1237a) : voici]

A. -[Pour présenter une pers. ou une chose qui est proche (plus qu'avec voilà)]

1.Voici + subst./pron. (prédiqué ou non) Voici.

Vecy mon hostel cy devant, ou il y a de toutes manieres de marchandises a grant plenté (Bérinus, I, c.1350-1370, 46)

Sire, vecy le corps en quoy Tu preis vraie humanité, Sanz corrompre virginité. (Mir. prev., 1352, 255)

Et ves ci l'ordre et la devise, Einsi com je la te devise (Mach., P. Alex., p.1369, 12)

Vez ci donques une cause prise de la nature de la chose. (Oresme, E.A., c.1370, 171)

Monseigneur, vecy ung present que monseigneur de Foix vous presente à vostre retour d'Espaingne, car il scet bien que vous avez eu pluseurs fraiz (Froiss., Chron. M., XIV, c.1375-1400, 126)

Damoiselle, pardonnez moy, car il me fault partir. Mais non contretant vecy vostre vassal a faire ce qu'il vous plairoit a commander. (Arras, c.1392-1393, 127)

Par mon chief, dist l'escuier, vecy bonne contenance de gens d'armes (Arras, c.1392-1393, 178)

Vecy la fleur de chevalerie du monde qui vient a secours avecques le roy d'Ausaiz (Arras, c.1392-1393, 182)

LE QUINT CHEVALIER [au marquis]. Je suis voz homs, ou que je soye, Et vous mes sires naturelz ; Et vez ci vos humbles subgez (Gris., 1395, 11)

Voyci la beste ! (Gris., 1395, 26)

SECONT VENEUR. Certes, bien sera tenu court Le cerf : il n'en fault plus parler, Maiz a la chace fault aler, Car ja sommes prez de la proye. Passer la voy par celle voye. Harou, Clabaut ! Voyci la beste ! Va la, Tirati, et l'arreste ! Haire, Lancelot ! (Gris., 1395, 26)

Biau signeur et bonnes gens, je compte Monsigneur pour mort, mais vechi son fil, son hiretier et vostre signeur, qui vous est demorés et qui vous fera encores biaucop de biens. (Froiss., Chron. D., p.1400, 502)

'Or tos descendés en la ville ; nonchiés ces nouvelles a ces chevaliers. Vechi le secours d'Engleterre qui nous vient.' (Froiss., Chron. D., p.1400, 524)

Je sens mon cueur qui s'affoiblist Et plus je ne puis papïer. Fremin, siez toy pres de mon lit, Que l'en ne me viengne espïer. Pren ancre tost, plume, pappier, Ce que nomme escriptz vistement, Puis fay le partout coppïer. Et vecy le commancement. (Villon, Test. R.H., 1461-1462, 73)

... voicy malle adventure. (Sots triumph., c.1475, 33)

Veés cy ung peuple fort maulvaiz Et de grant malice ramplit (Pass. Auv., 1477, 122)

SIMON. (...) Malegorge, sa, la friture, Et puis balhés la venazon. MALEGORGE. Veez cy de quoy. (Pass. Auv., 1477, 149)

Ves cy les prisoniers, mon sire, Que m'advés envoyé querir. (Pass. Auv., 1477, 172)

Je ne quiers que toute plaisance, Pour faire la nicque ou la nucque Me vecy. (B. veoir, p.1480, 14)

Remarque : Aussi Baud. Sebourc B., t.1, c.1350, 362 (XIII, 183). On peut considérer qu'il s'agit du verbe voir, sans lexicalisation en voici, dans des ex. comme ceux-ci

Mon seigneur, veez ci les clez, Si y vendrez quant vous vouldrez Pour vostre pais. (Mir. femme roy Port., c.1342, 165)

Aprés, quant il vendra a l'asemblee et fera devant le seigneur et ses autres compaignons son report ou de veüe a l'ueill ou de reporter par le pié ou par les fumees, qu'il aura en son cor ou en son giron, et chascun dira : 'Veez ci grant cerf' (Gast. Phébus, Livre chasse T., 1387-1389, 55)

... veez cy grans merveilles. (Arras, c.1392-1393, 35)

Dont, mon ami, ne vous soussiez que de bien faire, et quant au regart de vostre despense et de vous abillier honorablement, veez ci en ce saichet VJm escuz, et despendez honorablement et a Dieu soiez (La Sale, J.S., 1456, 151)

Sans doute lexicalisation dans :

Mon seigneur, veez cy grant plaisance. La damoiselle fait mervelhes. (Pass. Auv., 1477, 94)

Veez cy viande pour bien repaistre, Ma mere, et prenés en gré. (Pass. Auv., 1477, 106)

Veez cy Jhesus a nostre pas (Pass. Auv., 1477, 115)

Las, mon Dieu, veez cy piteux motz. (Pass. Auv., 1477, 190)

Hee, Dieu, veez cy la face Jhesus ! (Pass. Auv., 1477, 193)

Je croy que veez cy de son sang. (Pass. Auv., 1477, 231)

Veez cy eschelles telles quelles ! (Pass. Auv., 1477, 238)

Aussi veez cy beau monument. (Pass. Auv., 1477, 261)

Voici + subst./pronom. + attrib./prop. rel.

Montre moy comment mon pere s'i est obligiez ; et se je voy que tu en ayes droit, vecy ton argent tout prest. (Arras, c.1392-1393, 298)

Vecy qu'Aristote en escript ['voici ce que'] (Chr. Piz., Chem. estude P., 1402-1403, 230)

Te ve cy condamné ; Tu dis que cils qui gardera Ta parolle jà ne morra Mais vie ara perpetuelle. (Marcadé, Myst. Pass. Arras R., a.1440, 103)

O seigneurs, me ve cy trahi ! (Marcadé, Myst. Pass. Arras R., a.1440, 220)

Mais vecy qu'il nous fauldra faire ['voici ce que'] . (Path. D., c.1456-1469, 90)

Veez cy la croix toute propice, Mes seigneurs ; qu'est ce qu'en farons ? (Pass. Auv., 1477, 179)

LE CRESTIEN. (...) Vecy ung baston qui est propre Pour le cas (Mir. st Nic. juif, c.1480-1500, 126)

Me vecy prest de bout en bout. (Sots, c.1480-1500, 274)

Vecy ce que nous demandons. (La Vigne, S.M., 1496, 277)

Monseigneur, retirez vous, car voicy le duc de Bourgoigne qui vient (Le Clerc, Interp. Roye, c.1502, 270)

Monseigneur, voicy André Trolop qui n'est homme digne de combatre Jacques de Guyté qui cy est (Le Clerc, Interp. Roye, c.1502, 356)

[Présentant un terme temporel]

...vecy le temps d'esté et les chaces qui viennent où il nous fault entendre (Froiss., Chron. M., XIV, c.1375-1400, 31)

Vecy la tierce fois que nous avons parlé de ceste entreprinse et tousjours y avons trouvé quelque chose meilleure que devant. (Bueil, I, 1461-1466, 132)

Veez cy bon temps pour soy baigner Et pour mener joyeuse vie ! (Pass. Auv., 1477, 134)

Veez cy jornee fort piteuse. (Pass. Auv., 1477, 191)

Veés cy tresbon commensement. (Pass. Auv., 1477, 196)

De sa vie veez cy la fin. (Pass. Auv., 1477, 223)

Vecy jà la quaresme annee Que m'avés prinse et espousee (C. Riffl., c.1480-1520, 58)

[Présentant un passage dans un texte]

Veez cy Pentathecon et Esdras, Le Livre des Roys, Jeremie, Le Psaltier ! Ha, veez cy Izaye ! Je me veulx ycy arrester, Pour ce que veulx ung peu prescher. (Pass. Auv., 1477, 116)

Voici + inf.

Par foy, dist le roy Regnault, Anthoine, beau frere, veez cy gracieusement et a belle compaignie venir veoir ses amis ; au moins ne viennent ilz pas a main desgarnie. (Arras, c.1392-1393, 281)

Il ne demoura gueres que vecy venir nostre gouge et sa chambriere, bien lassées, Dieu le scet. (C.n.n., c.1456-1467, 409)

L'ADVOCAT. Vecy gens venir esperdus (Mir. st Nic. juif, c.1480-1500, 118)

Voicy noz ennemis venir ! (Myst. st Laur. S.W., 1499, 158)

Vecy arriver vostre gent Qui vous bien en diront le voir. (Myst. st Laur. S.W., 1499, 165)

Encores n'avoit le precedent a peine la bouche close, que voicy survenir ung homme navré de plusieurs playes mortelles (Antitus, Poés. P., c.1500, 71)

2.Voici (qui est)

Sire, qui n'auroit point de cuer au ventre, vecy assez pour y en faire venir. (Bueil, II, 1461-1466, 179)

Vecy bien pour rire (Copp. lard., a.1488, 160)

Voicy pour rire : Parlez vous point a moy, Johan ? (P. Jouh. D.R., a.1488, 34)

Pour telle chose voici...

L'ADVOCAT. Sainct Nicolas ycy demonstre Une merveilleuse devise. Pour chant vecy piteuse contre, Faulx homme plain de couvoitise. (Mir. st Nic. juif, c.1480-1500, 143)

Voici + adv. + part. passé

Messeigneurs, voicy mal venu De Saint Lou, qui est ainsi pris (Myst. siège Orléans H., c.1480-1500, 445)

Vecy bien galé son osté ! Avant ! avant ! or du souffler ! (Myst. st Laur. S.W., 1499, 247)

3.Subst. + que voici

Compains, on m'apielle Plaisanche, Et ma compagne que vechi A nom Esperance. (Froiss., Par. am., c.1361-1362, 48)

...je ne puis croire, et ja ne creray, que la greingneur partie des Londriens en amour et faveur ne s'enclinent devers le roy, monseigneur que vecy, car parfaictement ilz amerent monseigneur le prince, son pere de bonne memoire (Froiss., Chron. M., XIV, c.1375-1400, 60)

Et pour lors avoit en ce païs un baron nommé Hervy de Leon, qui fu frere Alain que veez cy. (Arras, c.1392-1393, 56)

Et ces deux femmes que ve cy S'en yront avec vous aussi (Marcadé, Myst. Pass. Arras R., a.1440, 29)

Je te faictz seigneur et grand maistre Sus les sotz de ma court notable, Et si te faictz mon connestable Pour le baston de la frairie Porter devant moy, Sotterie, Et regir mes gens que voicy. (Roy sotz, c.1450-1500, 226)

Et puis, enfans, que farons nous De la grant robe que veez cy ? (Pass. Auv., 1477, 201)

LE .I. SERGENT. Celuy aux cent escus Que vecy trestous espandus. (Mir. st Nic. juif, c.1480-1500, 140)

Je ne vous fauldray pas pour tant Et vois boire a ce combatant, Mars, mon bien aymé que voycy. (Cene dieux, c.1492, 126)

Subst. + comme voici

Puis qu il demeure en si biau clostre Com vechi, c'est un grant signour (Froiss., Par. am., c.1361-1362, 48)

4.[Précédé de que exclam.] Que voici...

Helas, que veez cy corps precieux, Plaisent, remply de grant doulceur. (Pass. Auv., 1477, 260)

Mort bieu, que vecy grosses joues (Tr. Men., c.1480-1500, 292)

B. -[Pour présenter une proposition (sans qu'on ait, comme pour voilà, à remonter à ce qui précède)]

Vecy : tu seras diligens De biaus diz recorder assez (Mir. chan., c.1361, 165)

Si furent en Bruges si esbahi que nulles gens plus, et commenchièrent à dire : 'Vechi, nostre destrucion est venue' (Froiss., Chron. R., XI, c.1375-1400, 59)

Voici que

...et en signe de ce vezcy que tu concevras et enfanteras un filz, qui sera appellé Jhesus. (Mir. nonne, 1345, 315)

Vezcy que nostre seigneur descendra sur une nue ligiére, c'est a dire en Marie qui fu la nue ligiére, qui n'ot onques pois de pechié. (Mir. st Ign., 1366, 73)

Voici + interr. indir.

: 'Sire, ... I avés vous pensé et regardé ?' - Oil, respondi il, et vechi conment : nous treterons d'avoir .I. respit a durer .XV. jours tant seullement, et se la en dedens nostres sires, li contes de Hainnau, ne vient si fors que pour combatre les François et lever le siege, nous renderons la forterece. (Froiss., Chron. D., p.1400, 397)

Le Policratique le preuve, Et vecy comment il l'appreuve (Chr. Piz., Chem. estude P., 1402-1403, 228)

Vecy qui yra quant et vous pour nous rapporter des nouvelles. (Bueil, I, 1461-1466, 205)

Voir aussi es2voilà