VIL

adjectif

[T-L : vil1 ; GDC : vil ; DECT : vil1 ; FEW (XIV, 447b) : vilis ; TLF (XVI, 1149a) : vil]

A. -[Idée de valeur]

1.De peu de prix, sans valeur.

L'estature que ci propose Estre ne me samble autre chose Que Fortune (...) Ci vois tu le certain, Que d'or est son chief premerain, Après d'argent, nom pas d'estain. Di le voir : Men ge ? Or est d'arein vil et estrange. Certes, ce n'est mie bon change. Fols est qui a tels dons s'arrange, Ne tent sa main. (Mach., R. Fort., c.1341, 39)

Povre es de corps, meigre de vis, Vestu d'ort et vil garnement, Qui soloies si richement Vivre et vestir si nobles draps. (Mir. Barl. Josaph., c.1363, 253)

Li avoient mis [au cadavre du roi assassiné] unes chausses Rouges, reses, viez et usées ; Et s'estoient toutes troées ; Et uns viez solers emboez Qui tous IJ. estoient troez, Si que l'un des piez li paroit Telement qu'à tous apparoit ; Et un viez chaperon de pers Qui estoit tous mengiez de vers, Ort et vil, et puant, et sale Avoit, mors gisans en la sale. (Mach., P. Alex., p.1369, 272)

...la robe vile semblera aus princes (Foul., Policrat. B., V, 1372, 448)

Uilis (...) : vilz (Aalma R., c.1380, 441)

...predist le desconfort des laboureux de Beausse, que le cheval chargé de blé ne valloit que (sic) et le vin en petit pris et comme vil. (Simon De Phares, Astrol., c.1494-1498, f° 158 v°)

De peu d'importance, qui est tout au bas d'une échelle.

Et par ce appert la posicion desus dite tres raisonnable, car l'en diroit que la terre, qui est le plus vil element, et les elemens de cibas font leur circuite tres isnelement et l'aer souverain et le feu moins isnelement, si comme il appert aucune foiz par les cometes, et la lune et son ciel encore plus tardivement, car elle fait en un moys ce que la terre fait en un jour naturel. (Oresme, C.M., c.1377, 534)

2.Sans rien de positif, qui est repoussant.

...ces tempestes cesserent, Mais tels bruïnes engendrerent, Tels ordures et tels fumées Qui ne furent gaires amées ; Car l'air qui estoit nès et purs Fu ors et vils, noirs et obscurs, Lais et puans, troubles et pus, Si qu'il devint tous corrompus (Mach., J. R. Nav., 1349, 148)

Fai tant que de li m'estorde ; Car il n'a maison ne borde Qui vils, sale, obscure et orde Ne soit, pleinne de puour Et de laidour, Et mes cuers vuet et t'acorde Que ton dous salut recorde (Mach., Les lays, 1377, 413)

Considérer soigneusement Que, quant un homme est conçéu Dedens sa mère et repéu, Entièrement, sans dire fable, D'une matière abhominable, Lequel vil inconvénient À nulle autre beste n'avient, Dont un enfant, quant est sailli Du corps sa mère, est si failli Qu'il n'a puissance, à dire voir, À soy drecier ne soy mouvoir (La Haye, P. peste, 1426, 66)

[D'un animal, de sa laideur]

...briefment sa proie laissa Et devers terre s'abaissa, Si s'adressa isnellement, Dont je fui esbahis forment, Ou il choisi un chahuant, Un oisel lait, vil et puant, Dont li gentil oisel n'ont cure, Et pour sa villainne nature Qui fait forment a reprochier Se ne le deingnent aprochier. (Mach., D. Aler., a.1349, 383)

3.[D'une pers.] De basse extraction.

Remarque : DESCH., Oeuvres Q., t.4, c.1370-1407, 122.

B. -[D'une pers., de ce qui touche la pers., de sa conduite, de ses sentiments...] Méprisable, indigne, ignoble, vil.

Se Fortune aimme, c'est de loing ; Elle faut toudis au besoing, N'elle n'a de personne soing, Soit vil ou monde. Et pour si fausse la tesmoing, Qu'elle porteroit faus tesmoing Pour le mieudre amy mettre en coing Qu'elle ait en monde. (Mach., R. Fort., c.1341, 34)

Or tien dont son pooir si vil Qu'aies de toy la signourie. Garde que Raisons te maistrie Et qu'aies en toy pacience Et la vertu de souffissance (Mach., R. Fort., c.1341, 91)

N'en parlons plus, car l'air empire De parler de si vil matire, Car il valent, tant vous en di, Pis que Judas qui se pandi. Grant meschëance leur avengne ! Dites : 'Amen ! Dieu en souveingne !...' (Mach., D. Lyon, 1342, 201)

NOSTRE DAME. Vil charoingne ou il n'a qu'order, Plain de la Dieu inimitié, Fuy de cy (Mir. pape, 1346, 378)

Trop m'a volu pour vil tenir Pour s'amour que requis li ay. (Mir. marq. Gaudine, 1350, 136)

...pour ses pechiez vilz et ors Elle avoit set dyables ou corps. (Mir. mère pape, c.1355, 386)

...Et devint homs de tel affaire Que ne le vueil mie retraire, Car li airs corront et empire De parler de si vil matyre. Mais onques puis ne volt clamer Dame amie, ne femme amer. (Mach., C. ami, 1357, 92)

Par amours [Polyphème] amoit Galathee, Qui le haoit plus que riens nee Pour sa façon ville et horrible Qui estoit hideuse et terrible, Et pour son doulz amis Accis Que li mauvais avoit occis En traÿson et par boidie, Par fureur et par jalousie, Car une roche li rua Si qu'il le destruit et tua. (Mach., Voir, 1364, 622)

Les gens le roy furent espars Par la cité, de toutes pars, Qui metoient tout à essil. Là furent Sarrasin si vil Que hors de la ville fuioit Chascuns, qui fuir s'en pooit, N'onques si grant occision Ne fu dès le temps Pharaon. (Mach., P. Alex., p.1369, 90)

...car ilz font toutes teles viles operacions afin de gaaignier et pour .I. poi de gaaing ilz soutiennent obprobres et vilaines reprouches et diffames. (Oresme, E.A., c.1370, 240)

Ainsin veult amener aucune consolacion par les oreilles, aussy par les narines, aussy par l'atouchement vil et ort (Gers., Pent., p.1389, 85)

...et audit pillory feust crié solempnelment la cause pourquoy il estoit tourné oudit pillory, afin que d'ores en avant chascun y prenist exemple, et se gardast de jurer tel vil serement. (Reg. crim. Chât., II, 1389-1392, 357)

...consideré le vil estat, vie dissolue et gouvernement d'icelle Marion, prisonniere, la multiplicacion et reiteracions des larrecins par elle fais et commis à plusieurs et diverses fois de fait et aguet appensé (...) deliberé fu que l'en ne le povoit espargnier que comme larrenesse elle ne feust executée (Reg. crim. Chât., II, 1389-1392, 436)

...la royne du monde faicte subjecte, subjecte a la plus vile et abhominable subjection qui soit, c'est celle de pechié. (Gers., Concept., 1401, 401)

...il s'abaisse en vices et viles besongnes (Chr. Piz., Paix W., 1412-1413, 177)

Et encores de ce vil pechié de envie dit Plato : Invidiam fugere studeas et amore carere, que reddit siccum corpus faciens cor iniquum . (La Sale, J.S., 1456, 21)

Considerez que je fusse transi [si la Cour n'avait pas cassé le premier jugement], Foye, polmon et rate qui respire ; Et vous, mon corps, ou vil estes et pire Qu'ours ne pourcel qui fait son nic es fanges, Louez la Court devant qu'il vous empire, Mere des bons et seur des benoistz anges. (Villon, Poèmes variés R.H., c.1456-1463, 77)

Combien, au plus fort de mes maulx, En cheminant sans croix ne pille, Dieu, qui les pelerins d'Esmaulx Conforta, ce dit l'Euvangille, Me monstra une bonne ville Et pourveut du don d'esperance : Combien que pechiez si soit ville, Riens ne het que perseverance. (Villon, Test. R.H., 1461-1462, 29)

Tout est perdu, tout est par eulx destruict, Rien ne demeure en chasteau në en ville, De tous les biens que nature produyt Ilz font a eulx tout subject et serville, Et ne scauroye ne de jour ne de nuyt Tant en tuer o ma faulx orde et ville, Qu'il demeure sur terre ne cru ne cuyt. (Cene dieux, c.1492, 109)

TURC. S'aulcun de vous en nul temps la main tint D'excecuter une emprise civille, Ne se jamais le droit du roy soubstint, A ceste foys n'aict pencee si ville Que lasche soit (La Vigne, S.M., 1496, 231)

Estre chose vile à qqn

Aguillonnez sui de mes anemis Qui en mon cuer ont meintes peinnes mis. Asservis sui, qui m'est chose trop vil(l)e, Car il m'estuet mettre aus murs de la ville ; Et si vuet on que je veille à la porte Et qu'en mon dos la cote de fer porte ; Ou il convient qu'ailleurs demourer voise Et laissier Reins, dont petit me renvoise. (Mach., Compl., 1340-1377, 251)

Li roys, qui bien l'a entendu, Longuement n'a pas atendu, Eins respondi courtoisement : 'Seigneurs, je say certeinement Que il dit voir comme evangile. Mais ce seroit chose trop vile À moy, qui tant me sui penez, Que je vous ay ci amenez Et s'avons heü tele honnour, À l'aïde Nostre Signour, Qu'onques chose plus honnourable N'avint a nul de nous, sans fable, Car nous les avons detranchiez, Ocis, desconfis et chaciez...' (Mach., P. Alex., p.1369, 83)

Tenir qqn/qqc. si vil que

Quant li roys oy la nouvelle, Il dist : 'Ma doleur renouvelle, Quant je voy qu'on me tient si vil, Qu'on dit villenie à mon fil ! Biaus dous Dieux, que t'ai je meffait ? Ne sera pugnis ce meffait ? J'ay perdu honneur et loange En ce monde, se ne m'en vange.' (Mach., P. Alex., p.1369, 258)

Morray je dont sans avoir vostre amour, Dame, que j'aim, crein et desir, par m'ame, Plus loiaument, mieus et plus par honnour Qu'onques amans ne pot desirer dame ? Certes, je croy bien qu'oïl, Quant mon service et moy tenez si vil Que ne daingniez veoir ne resgarder Moy, las ! dolent, qui muir pour vous amer. (Mach., L. dames, 1377, 193)

Las ! dolens, li souvient il, Comment le regart soustil De son viaire gentil M'a mis et tient en essil, Dont tous me gaste et essil ? Certes, bien croy que nennil, Quant elle me tient si vil Que pour li sui en peril De morir, et si sui cil Qui l'aim plus qu'autre cent mil. (Mach., Les lays, 1377, 319)