VENDRE

verbe

[T-L : vendre ; GDC : vendre ; DECT : vendre ; FEW (XIV, 231b) : vendere ; TLF (XVI, 977a) : vendre]

A. -Au propre.

1.Vendre qqc. (à qqn). Céder qqc. (ou un animal, ou bien qqn traité comme une marchandise) contre de l'argent (à qqn).

[À propos d'un cheval] En Ynde n'a si mal serpent Qu'on ne ferrast plus de legier. Maus leus le puist et lui mengier ! On le congnoist ; ne le puis vendre Et ne truis qui le vueille prendre, Et hors ne le puis envoier, Pour ce qu'on ne s'en puet aidier. Et je ne le deingne tuer Ne hors de mon ostel ruer. (Mach., Compl., 1340-1377, 265)

...plus ne te sera mestier De charbon vendre. (Mir. roy Thierry, c.1374, 314)

...je vous fas assavoir Que selon ce que ceulx m'en dirent Qui jonne enfant la me vendirent, Qu'en Soissongne (...) Fu née la pucelle (Mir. ste Bauth., c.1376, 86)

Et la vueil je que tu me vendes, Et l'argent que tu en prenras Aux povres pour Dieu le donras (Mir. Pierre Changeur, c.1378, 266)

Et si ouverray par conseil S'il est bon ou non que je vende Ceste robe (Mir. st Alexis, 1382, 322)

...lesqueles patrenostres il print, et icelles vendi en ladite ville de Senlis, et oudit jour, IIIJ s, n'est record à quele personne. (Reg. crim. Chât., I, 1389-1392, 133)

...il entra pour boire en l'ostel d'un mareschal qui vendoit vin en ycelle ville, et, en buvant une chopine de vin qu'il avoit fait traire, print yceulx plas (Reg. crim. Chât., I, 1389-1392, 228)

...au partir qu'ilz firent d'icelle taverne, sondit ami et elle d'un commun assentement prindrent un hennap de madre, l'emporterent et ycellui vendirent en ladite ville de Rouen VIIJ blans (Reg. crim. Chât., II, 1389-1392, 435)

...il avoit sceu que en l'ostel de Jehan de Grant Rue, marchant demourant à Paris, avoit très grant quantité de fer, dont l'en faisoit au vendre le millier XVJ fr., et que ycellui de Grant Rue lui avoit dit qu'il le vendroit ce pris et riens moins (Reg. crim. Chât., II, 1389-1392, 488)

...et interim [les marchands drapiers] pourront vendre leurs draps au Landit prouchain pareillement, comme firent l'année passée. (Baye, I, 1400-1410, 196)

...neantmoins estoient les vivres en grant chierté à Paris, et vendoit on busche, blefs et avoines à plus hault pris que on n'avoit fait long temps par avant. (Fauq., I, 1417-1420, 184)

...sur la clameur ou plainte que ont fait à la Court pluiseurs povres femmes vendans denrées de freperie en la ville de Paris (Fauq., II, 1421-1430, 359)

...et puis, pour ce que Nostredit Seigneur fut vendu XXX deniers, dient que Titus fist vendre XXX Juifz pour ung denier (La Sale, Salade, c.1442-1444, 64)

Vueilz aussi que me rande compte De ces taverniers qui n'ont honte Chier compter ung po de viande, S'aucung pour mangier la demande, Ce que ne vault ung poitevin, Et, quant vient au plus bas le vin, Le troublent pour vandre la lye. (Myst. st Adr. P., c.1450-1485, 7)

Lequel sel, tant de ladicte coustume que des mannées, montans 3 muyz 5 sextiers 2 minoz, lesquelz ont esté mis à part et venduz en rompant tour de papier en la manière acoustumée. (Aff. Jacques Coeur M., 1453-1457, 589)

...se despartirent sans avoir leurs chemises, car Montbleru les mist en lieu sauf, et les vendit depuis cinq escuz d'or. (C.n.n., c.1456-1467, 400)

J'ay cy de toele a foison Pour vendre ; si venoit marchant, Bon marché farey, c'est raison, Pour ce que j'ay besoign d'argent. (Pass. Auv., 1477, 237)

Et arriverent a Ephese et le marchant porta sa marchandise au marché et vendit ses trois serviteurs (...) ...et les mena pour vendre au marché. (Macho, Esope R., c.1480, 13)

L'USURIER. (...) Or, monsieur, vous debvez entendre Que son mary, mort de pieça, C'une vigne m'a volu vendre Et des heritages. (La Vigne, S.M., 1496, 527)

À vendre

LE PAPE. (...) Car s'elles [les escharboucles] sont a vendre, voir, Je les aray. SECOND SERGENT. A vendre sont il ; bien le sçay (Mir. pape, 1346, 389)

Ces escharboucles me monstrez Que l'en m'a dit qu'a vendre avez (Mir. pape, 1346, 390)

Vendre à / en detail / en gros. Voir détailgros

...il a tierçoyé sur aucuns habitans de Melle ou dit pays de Poictou les fermes du IIIIe du vin vendu à detail et de l'imposicion du vin vendu en gros en la ville et ès forbours du dit lieu de Melle (Doc. Poitou G., t.7, 1418, 332)

...vendans à poix et à mesure, en gros et en destail (Chartes communes Bourg. G., t.1, 1456, 323)

Emploi pronominal à sens passif.

...et se foison a avoines qui pou se vendent, tendra des buefs en creche, dont fera grant argent quant seront gras. (Chr. Piz., Trois vertus W.H., c.1405, 155)

PREMIER MARCHANT. Le bled de cest an a vallu Beaucoup plus chier qu'il ne vauldra. Touteffois, celuy qui viendra Apprés la foire Sainct Remy, Je suis certain qu'il se vendra Plus de seize grox et demy. (La Vigne, S.M., 1496, 271)

Emploi absolu.

...si comme il appert en vendre et acheter et en toutes autres voluntaires commutacions desqueles faire la loy donne licence. (Oresme, E.A., c.1370, 291)

Et semblablement, division de possessions et commutacions comme vendre, acheter et teles choses sont de droit naturel. (Oresme, E.A.C., c.1370, 303)

Nous en avons [du poisson] pour trois sepmaines Pour vendre et pour nostre manger. (Pass. Auv., 1477, 127)

Nobles sont aux pillages, Fors ont les avantages, Putains mengent l'offrande. Quiconque achepte ou vende N'a qu'a tromperie soing. (Cene dieux, c.1492, 115)

Proverbe.

Chose qui plaist est a demy vendue. (Molinet, Faictz Dictz D., 1467-1506, 240)

Chose qui plait est a moictié vendue. (Molinet, Faictz Dictz D., 1467-1506, 338)

2.infinitif substantivé. Action de vendre, vente.

LE MARCHANT. Et j'ay le cuer du vendre engrant. (...) Se je les vens, vous en arez Bon courratage. (Mir. pape, 1346, 390)

Au vendre. À la vente.

...et au vendre, pour ce que aucuns de ceulx qui la barguignoient ne vouloient avoir, l'un que deux aulnes, l'autre trois et l'autre quatre, il faisoit l'aune XVJ d. de l'une desdites pieces, et de l'autre piece XIJ d. (Reg. crim. Chât., II, 1389-1392, 77)

3.Locution figurée.

Vendre huile

Aucunes proposicions aussi ont deux sentences, comme seroit ceste proposicion cy : tu vens huile ; la quelle puet signifier non mie tant seulement vente de huille, mais aussi flaterie. (Legrand, Archil. Sophie B., c.1400, 80)

En avoir à vendre et revendre. En avoir assez.

Quant Vieillesse vient les gens prendre, Il couvient a elle se rendre Et endurer tout son malaise. Nul ne puet faire son devoir De garder d'Amours l'observance, Quant, avecques son bon vouloir, Il a povreté de puissance. Plus n'en dy, mieulx vault que me taise, Car j'en ay a vendre et revendre ; Ung chascun doit son fait entendre ; Qui ne puet ne puet, si s'appaise, A quiconque [plaise ou desplaise.] (CH. D'ORLÉANS, Rond. C., 1443-1460, 356)

Ne rien vendre. Ne pas dilapider (?).

Par trop amer n'ay riens vendu Qu'amis me peussent reprouchier (Villon, Test. R.H., 1461-1462, 35)

Sans beste vendre. Voir bêteSans dommage, impunément.

Creez que je n'ay pas esmay Qu'i me eschappe sans beste vandre. (Myst. st Adr. P., c.1450-1485, 47)

Tu luy baille belle, Michault, Si tu y vas sans beste vendre. (B. veoir, p.1480, 16)

Remarque : T-L XI, 154.

B. -Au figuré.

1.[Idée de vengeance, d'expiation]

a)Vendre cher / cherement / douloureusement... qqc. à qqn. Faire payer cher qqc. à qqn, faire expier qqc. à qqn.

Et cilz qui ne pensoient fors a traïson et a mauvaistié, si lui ottroyerent, car bien avoient empensé qu'il le lui vendroient chier (Bérinus, I, c.1350-1370, 266)

Et lors que Orchas fut remonté, il vendi chierement aux gens du conte le despit et la villenie qu'ilz lui avoient fait, car il y fery tant et frapa que il les abatoit l'un sur l'autre, ne ilz ne pouoient ses coups soustenir. (Bérinus, II, c.1350-1370, 120)

Mez sachiez celle honneur ne dura longuement, Quer aprez li vendi trop douloureusement. (Vie st Eust. 1 P., c.1350-1400, 157)

PREMIER CHEVALIER. (...) [Barlaam] tellement l'a atourné [vostre filz] Qu'a la loy du tout l'a tourné Des crestiens. LE ROY. Se je le tien en mes liens, Par Mahom, chier li venderay. (Mir. Barl. Josaph., c.1363, 275)

S'en mes mains peut jamais venir, Certes je li venderay chier Ce que les mains m'a fait sechier Et amortir. (Mir. st Panth., 1364, 359)

Sa mort leur vendoit chierement, Qui les plusieurs de toutes pars Trebuchoit fendus en .II. pars (Chr. Piz., M.F., III, 1400-1403, 11)

...quant les anemis sont pou, on ne les doit pas si enclorre que on ne leur lait aucun lieu par où ilz puissent fuir, car en fuiant les peut on mieulz occire ou prendre, mais se ilz se veoient veo[ie]nt si enclos que fuir ne peussent, ilz vendroient chierement leur mort (Chr. Piz., Faits meurs Ch. V, S., I, 1404, 227)

...creez que le tour qu'elles m'ont joé leur sera cher vendu. (C.n.n., c.1456-1467, 188)

Vele la ['le voilà', Triboulet mort] , vele la tout estendu, Dont le deul nous est chier vendu ['nous est si pénible'] . (Vig. Trib., c.1480, 232)

...Penser voloir la vendre chere A quelc'un la folle entreprise, Que j'ay tousjours ung hart derriere Dont chacun ne sait pas la guise. (Myst. siège Orléans H., c.1480-1500, 572)

SECOND [TIRANT]. Vostre forfaict TIERS [TIRANT]. Present vous sera chier vendu. (La Vigne, S.M., 1496, 345)

Emploi impersonnel.

Il pert bien que pas ne m'amez, Quant vous ainsi me diffamez Com ci dedans avez escript. Mais, par le tresdoulx Jhesu Crist, Il vous sera vendu trop chier ! Biaux seigneurs, alez li trenchier Tost le poing destre. (Mir. st J. Cris., c.1344, 296)

...si n'est la misericorde de Nostre Seigneur, a qui me recommende, il me sera en l'autre monde bien cherement vendu. (C.n.n., c.1456-1467, 328)

Vendre cher(ement) sa chair. Faire payer chèrement sa vie.

...et vendirent leur char le plus chièrement que pouvoient (Chastell., Chron. K., t.2, c.1456-1471, 35)

...et ne souffroit pas que Françoys se vantassent de l'avoir vaincu descouragé, ains leur vouloit vendre sa char le plus chier qu'il pouvoit (Chastell., Chron. K., t.2, c.1456-1471, 135)

Se vendre cher(ement)

...se cy feust ores le vassal, il ne feust pas deguerpi, ains se feust moult chierement vendus, car oncques de si preu chevalier ne de si courtoiz je n'oÿ parler (Bérinus, I, c.1350-1370, 329)

...certes se rien vaulsissiez, Si bons princes ne lessissiez, Qui deffendirent Le champ et bien chier se vendirent (Chart., L. Dames, 1416, 284)

b)Se vendre. Résister âprement (se vendre cher).

Sarrasins i trouva, mais encontre euls se vent, A l'un trenche le chief, l'autre ochist a tourment. (Bât. Bouillon C., c.1350, 178)

[Le sanglier] Aus chiens court sus isnelement, L'un fet crier, l'autre fuïr ; Il se vent quant vient au mourir. (Henri Ferr., Modus et Ratio, Livre deduis T., c.1354-1377, 251)

2.[Idée de trahison]

Trahir (qqn) pour de l'argent, livrer qqn par trahison.

JUDAS. Seigneur, que me voulez vous rendre D'argent de luy, je le vandray [Jésus] A vous, et plus n'i attendray ; Achetés lou et me payés. (Myst. Pass. N.S., fragm. Troyes R., c.1350-1370, 273)

Trahir .

Aprés assez tost vint Judas le traytre, qui vendu l'avoit (Frère Robert, Chastel perill. B., c.1368, 365)

...comme il disoit et encores dit ledit Fournet, que qui de rechief li vouldroit mettre, il diroit que il avoit vendu et trahy tout le royaume de France (Reg. crim. Chât., I, 1389-1392, 539)

...Sire, prenez garde à vostre gouvernement ; car vous estes aujourduy gouvrené par gens qui vous sont traittres. Et croy que se je fusse descendus en Normendie atout vostre armée, que nous estions tous vendus. (Escouchy, Chron. B., t.1, c.1453-1460, 300)

Julius Cesar au Senat [compl. de lieu ; var. en Senat] je vendiz (Villon, Poèmes variés R.H., c.1456-1463, 64)

Ne scay qui les a advertiz ; Croy que avons esté venduz, Que sur nous sont venuz courrir, Dont fort nous sommes deffenduz ; Mes ilz sont sur nous survenuz Qu'ilz estoient bien vingt contre ung (Myst. siège Orléans H., c.1480-1500, 328)

3.Vendre pour. Faire passer pour, faire admettre pour.

Remarque : Scheler, Gloss. Geste Liège, 305 (v. 1524 : Proidom fut et loyaus, por teil le puit onvendre).