VAUTRIER

verbe

[T-L : viautrier2 ; GD : veltrier2 ; FEW (XIV, 328a) : vertragus]

Chasser avec des vautres ou vautrets (chien utilisé dans la chasse au sanglier ou à l'ours).

Watelet, vallet Henry de le Glisuelle, estoit alés viautryer es foriés de Fengne, liquels s'avoa et dist qu'il estoit de Monsigneur le conte et en riens il n'iestoit. (Arch. Nord, 1357, B 10616, f° 5 v°, IGLF)

Ancor nous donne autre plaisance Deduit de Chiens par sa puissance, Qui est si grande et si commune Que neïz en donne a la lune Par nuit quant on va veautreant [var. vantoiant, vantant, vaucroyant, l. vautroyant, veautrant, veuutrant] (La Buigne, Rom. deduis B., 1359-1377, 389)

Aussi puet on prendre sanglers a hayes, a roiz et a bourses, a fousses et en autres guises et engins que j'ay dit et en vautriant, qui se fet einsi. (Gast. Phébus, Livre chasse T., 1387-1389, 235)

Cy devise comment on puet prendre les sanglers a veautrier. Aussi puet on prendre les sanglers a veautrier, qui se fait en tel maniere. Quant en une forest on scet qu'il a de la glant ou faine, les sanglers, truyes et autres porcs, qui se relievent a l'entree de la nuyt, vont la pour faire leurs mengues. Donc doit celuy qui veult veautrier aler aprés le prim somme de la nuyt a tout mastins, alanz et levriers au dessoubz du vent de la ou il scet que les mengues [l. mengües] sont. Et doivent estre sis compaignons ou plus. Et chascun doit tenir deux ou trois chienz, et en doivent lessier aler l'un. Et celluy ira tantost trouver les sanglers, car il a le vent au nés et les abayera. Et ilz ne s'en bougeront ja pour le chien tout seul, especialment car ilz aront le vent au contraire, qu'ilz n'orront ne sentiront rien ne des chienz ne des genz. Et, des que les compaignons orront abayer, ilz doyvent laissier aler tous leurs autres chienz senz crier ne faire noyse, et courre aprés a tout leurs espieux et trouveront qu'ilz en auront pris un ou deux ou plus, ainsi qu'il est yci figuré. (Gast. Phébus, Livre chasse T., 1387-1389, 258)

Voir aussi vautre