TRAVAILLER

verbe

[T-L : travaillier ; GD : travaillier, travaillant1 ; DECT : travaillier ; FEW (XIII-2, 287b, 288) : *tripaliare ; TLF (XVI, 551b) : travailler]

I. -Emploi transitif.

A. -[Idée de torture, de souffrance, de fatigue] Travailler qqn / qqc.

1.Soumettre qqn à une torture, supplicier qqn.

Seigneurs, cil vous beneye qui sa mort pardonna Sur le mont de Calvaire quant on le traveilla ! (Tristan Nant. S., c.1350, 165)

Aussi li roys des infernaus Getta jus craus et gouvernaus Et se cessa, pour la merveille, Que plus les ames ne traveille. (Mach., C. ami, 1357, 83)

...et pourtant que Dieu fut traveilhiéz et traitiéz a mort en Jherusalem (JEAN D'OUTREM., Myr. histors G., a.1400, 72)

...que le Filz de l'omme Fust es mains des pecheurs baillié, Et puis en la croix traveillié (Gréban, Pass. J., c.1450, 388)

Ne doubtez paine ne tourment Dont on puist noz corps travaillier. (Du Prier, Roy Adv. M., 1455, 492)

LE PREMIER MAISTRE. Frappez, frappez plus fierement ! C'est ung fol. SECOND TIRANT. Tire toy arriere ! Le sang courra par la charriere Du coup que je luy veulx bailler. L'EVESQUE. Or qu'il n'y ait coing ne carriere Que vous ne pencez traveiller. (Ilz frappent.) (La Vigne, S.M., 1496, 344)

Au figuré.

...amours tres faulses, mauvaises et traitres, semblerez vous tousjours enfer qui de angloutir ames onques ne fut saoul ? Ne serez vous aussi jamais saoulez de traveillier cuers et les murtrir ? (La Sale, J.S., 1456, 300)

...aultre opinion ou supposition ne puis de vous avoir fors que me querez et contendez traveiller et tenter ; car vous cognoissez ma simplesse, jeunesse et innocence (C.n.n., c.1456-1467, 565)

2.Par extension. Faire souffrir, malmener, tourmenter qqn (au physique et au moral).

Car quant il voit Que de s'amour, present li, autres joit, Qui son ami appeler le soloit, Il a le cuer si jalous, si destroit, Que c'est merveille Qu'il ne s'occist, ou qu'il ne s'apareille D'occirre ce qui einsi le traveille ; Et ce li met jalousie en l'oreille. (Mach., J. R. Beh., c.1340, 123)

Vez que li las a perdu tout secours, Ne ses cuers n'a refuge, ne recours, Fors a la mort qui a li vient le cours. Car travillier Le volez trop, et dou tout essillier. (Mach., J. R. Beh., c.1340, 129)

Pour quoy me veulz tu traveillier, Tirant fel, plain de cruauté ? (Mir. st Guill., c.1347, 23)

Et leur imposons sur ce silence perpetuel, et deffendons estroictement que contre la teneur de nostre dicte grace ne les empeschent, molestent ou travaillent, ne seuffrent estre empeschez, molestez ou travaillez en corps en en biens aucunement (Doc. Poitou G., t.4, 1373, LXXII)

Les pauvres hommes sont batuz et travailliez et les bonnes femmes deshonnourees et les vierges efforcees publiquement et violees, contre les reigles de vray chevalerie... (Mézières, Songe vieil pèl. C., t.1, c.1386-1389, 528)

Elle est fille de l'ennemi de l'umain lignage, Sathan, par lequel il impugne, tempte et traveille toute ame devote qui veult servir a Dieu (Gers., Annonc., a.1400, 234)

A la parfin, Romain vainquirent Et Tarente de fait conquirent, Qui moult leur fu riche conqueste. A bon droit, en firent grant feste, Car moult les avoit travailliez ! (Chr. Piz., M.F., III, 1400-1403, 225)

...et autrement soubz umbre desdictes lettres de debitis s'efforçoit ledit de Besze de vexer et travaillier les subgiez du duc de Bourgongne. (Fauq., II, 1421-1430, 156)

...et a fait citer ung grant tas de povres gens au païs, et les contraint à eulz composer, et les travaille tant et si notoirement que on l'appelle au païs le citateur de la campagne. (Fauq., II, 1421-1430, 244)

...les notaires du Roy dient que les peageurs du peage de Conflans et de Maisons-sur-Seine, pendant le procès d'entre eulz, les travaillent au prejudice des arrestz donnez en ceste matiere (Fauq., II, 1421-1430, 258)

...'Je vous supplie que ne me vueilliés plus traveillier sans cause, car en verité je ne le desservy onques.' (Chancell. Henri VI, L., t.1, 1423, 46)

Et [le roi Lancelot] avoit ses alliez le duc de Millan, les Venissiens (...) et generalment tous les seigneurs et communaultez d'Ytalie, excepté la cité de Florence, laquelle voulloit seignourir ; et pour ce le avoit moult traveillee par pluiseurs saisons et de puissance affoiblie (La Sale, Salade, c.1442-1444, 190)

Nycolas, il te fault aler La bas en Oste, sans demeure, Ou l'archydiaque labeure Pour le peuple, et sy ly dyras Que j'ay bien entennu le cas Coment Jupiter si travaille Le peuple, qui est grant merveille. (Myst. st Bern. Menth. L., c.1450, 121)

...que c'estoit le consule lequel et sa gent avoient ainsi traveillié Hanibal, par quoy leurs escus et leurs paremens estoient ainsi plains de sang (La Sale, Sale D., 1451, 84)

Importuner qqn.

En laquelle église (...) fut fait et charpenté un hault plancher d'aiz (...). Et fut fait ledit solier afin que le peuple là venant, ne traveillast point lesdiz seigneurs, et afin que on peust veoir apertement ce qu'on devoit là besongner. (Monstrelet, Chron. D.-A., t.1, c.1425-1440, 397)

Quant ung escoutant sommeille Le prononçant le traveille (Michault, Procès honn. F., p.1461, 72)

Travailler qqn de qqc. Importuner qqn par qqc..

...sans se faire trop importuner ne traveiller de requestes (...) il avoit ung demourant de couvrechefz qu'il leur donna. (C.n.n., c.1456-1467, 523)

...dangier est pour nous de l'en traveillier, si la volenté ne lui vient de propre estomac. (Chastell., Chron. K., t.3, c.1456-1471, 405)

[D'une chose]

Si que, dame, se je pleure et gemi Parfondement et di souvent : 'Aimy !', N'est pas merveille, Quant sa fine biauté qui n'a pareille Et sa colour vive, fresche et vermeille, Et son trés dous regart qui me traveille, M'ont eslongié, Et qu'elle m'a dou tout donné congié Et de tous biens privé et estrangié. (Mach., J. R. Beh., c.1340, 84)

La mon vis de larmes se mueille ; La n'est il riens qui me conseille, Ne qui me doint Confort dou mal qui me traveille ; La sens je doleur nom pareille ; La Pitez dort ; la Desirs veille Qui trop me point. (Mach., R. Fort., c.1341, 50)

Et dès qu'Amours le me loa, J'eus droit, se mes cuers l'avoua. Quant d'Amours me vi conseilliez, Mes cuers, qui estoit travilliez En pensée de grief tristesse, Se mist tantost a une adresse D'entrer en un courtois propos Qui estoit voie de repos (Mach., D. Aler., a.1349, 292)

Adont desirs asprement me traveille, Art et bruist et demainne à son vueil N'à riens qui soit il ne pense ne veille Fors au retour que tant desir et vueil. (Mach., L. dames, 1377, 160)

Ha ! tresdoulce vierge Marie, Au sauvement de m'ame vaille Ce que mon corps peine et travaille, Si que de ce siecle muable Au repos viengne pardurable De paradis. (Mir. Pierre Changeur, c.1378, 278)

...et je te afferme que l'eaue de tes larmes, se elle est pure et nette sans laydure de pechié mortel, estaindra tout ou en grant partie l'ardent feu qui me travaille et brule. (Gers., Déf., 1400, 227)

...Car fain grandement les traveille (Gréban, Pass. J., c.1450, 172)

...Chargié d'une croix grande et haulte Qui piteusement le travaille (Gréban, Pass. J., c.1450, 323)

Le sommeil tant fort me traveille Que me vela ja mis a part. (Gréban, Pass. J., c.1450, 386)

...il avoit grant merveilles queles choses ce pouoient estre qui ainsi l'avoient traveillié (Percef. III, R., t.1, c.1450 [c.1340], 12)

...de mille penseez qui traveillerent une espace son entendement (Comte Artois S., c.1453-1467, 148)

...j'ay une maladie qui me traveille si durement qu'il me convient morir honteusement et à destresse (Miélot, Mir. N.D. L., 1456, 127)

...et tellement furent traveillié de fain et de soif qu[e]... (Colart Mans., Dial. créat. R., 1482, 139)

...celle fievre qui tant me traveille (Colart Mans., Dial. créat. R., 1482, 231)

Travailler son corps / sa chair. S'imposer des souffrances.

...je m'en vueil aler Aval le pais et la terre Conme pelerine requerre Les sains et traveillier mon corps (Mir. mère pape, c.1355, 372)

Car tant hé celle joie vaine (...) Qu'aler le fol contrefaisant Vueil en povreté, (...) Traveillier, pener et despire Ma charongne (Mir. parr., 1356, 8)

Il est es forestz de Sanar, Ou il va travailler sa char (Du Prier, Roy Adv. M., 1455, 480)

Fatiguer, épuiser qqn.

...ce bon chevalier, craignant qu'il ne traveillast sa treschiere amye, rompit son legier pas [Il vient d'enlever son amie et s'est enfui à cheval] (C.n.n., c.1456-1467, 547)

Travailler son corps. Se fatiguer.

Car celui qui est actif, il labeure aucunes fois corporelment et travaille son corps, par quoy il a plus mestier de nourrissement. (Oresme, E.A.C., c.1370, 525)

Emploi pronominal réciproque. Se tourmenter l'un l'autre, se battre.

C'est bataille belle et villainne : Belle en ce que bien se combatent, Villaine en ce que trop se batent Et se travellent sans repos. (Froiss., Méliad. L., t.1, 1373-1388, 163)

...Se voeulent travillier De gent encontre gent, (...) Ou de cent contre cent adz champs dessus l'herbier (Cip. Vignevaux W., p.1400, 190)

3.Malmener, endommager qqc..

Et y assis grosses bombardes dont ilz avoient fait battre et travillier la muraille d'icelle (Monstrelet, Chron. D.-A., t.2, c.1425-1440, 119)

Remarque : Doc. 1421 (Tournai, emperier, travelier, grever, ne dommagier le dit mur) ds GD VIII, 25a.

[D'une chose]

...vostre navreure est fort traveillie pour la paine de cheminer que vous avez prinse. (Percef. III, R., t.2, c.1450 [c.1340], 132)

Achademie fut une cité laquelle estoit fort traveilliee de tremblement de terre (Colart Mans., Dial. créat. R., 1482, 246)

Travailler un mal. Faire disparaître un mal.

Incontinent le fault happer [le fou] Et de grands buffes luy bailler, Pour le mal rompre et travailler, Mesmes le lyer d'une corde (Coust. Esop. T., c.1500, 174)

B. -[Idée d'effort (en vue d'un résultat)]

1.Travailler qqn de + inf. Faire effort pour que qqn fasse qqc., pousser qqn à.

...il est foux qui traveilhe ses hommez de venir en Danemarche (JEAN D'OUTREM., Myr. histors G., a.1400, 28)

Si celluy qui veult avoir asseurté d'aultre le trouve devant le juge et requiert au juge qu'il le adjourne à ung aultre jour pour luy venir donner asseurté, le juge ne le doit pas fayre, car ce seroit travailler la partie de venir à l'aultre jour ['imposer à qqn (sans raison) de'] , mais il le doit bien compeller à donner asseurté en présent (Vieux cout. Poitou F., c.1451-1454, 100)

Remarque : Chev. cygne R., c.1356, 21652, GD VIII, 25a.

2.Travailler un animal. Exercer, dresser un animal.

Lonc temps a qu'apris en Savoie Comment on doit le chien garder Par especial d'afoler (...) Et travaillier quant il est temps Et le souvent mener aux champs. (La Buigne, Rom. deduis B., 1359-1377, 329)

...il [le faucon] n'a pas fain, mais il le fault veiller, Faire tirer, dompter et traveiller (Au grey d'amours F.-H., c.1400-1500, 152)

3.Travailler que + subj. Faire des efforts pour que qqc. se fasse.

...fors a traveillier qu'il parvenist a avoir celle Rommaine a femme. (Percef. IV, R., c.1450 [c.1340], 502)

...les dis keuriers se informeront aux voisins et en la dite ville et conté d'Arques et traveilleront par tous moiens à eulx possibles que la verité en soit congneue (Hist. dr. munic. E., t.1, 1469, 256)

II. -Emploi intransitif.

A. -[Idée de torture, de souffrance, de fatigue]

1.Souffrir.

Si vous fault un po traveillier Pour le sauvement de vostre ame : Portez le pacienment, dame (Mir. mère pape, c.1355, 356)

Et les mauvais yront en Acheron, C'est en enfer, pour tous temps traveillier (Desch., Oeuvres Q., t.1, c.1370-1407, 257)

...l'espace de .XL. ans, traveillerent les filz de Israel de batailles, par l'ordonnance de Dieu, pour le pechié de ydolatrie, auquel ilz estoient retournez. (Chr. Piz., M.F., II, 1400-1403, 161)

Et prieray, coment qu'il aille, Tres humblement le roy de gloire Pour mon amy qui tant travaille (Pac. Job M., c.1448-1478, 373)

Et quant Holland vey que son homme [qu'il vient de blesser] traveilloit et que la terre estoit abeuvree de son sang... (Percef. IV, R., c.1450 [c.1340], 115)

Mais tout ainsi que dolent cueur traveille Et que d'ennuy moult souvent se reveille, Ung soir m'avint que plus ne me chaloit De vie ou mort (Meschin., Lun. princes M.-G., c.1461-1465, 9)

LA FILLE. De rien qui soit rien ne travaille ; Je ne sçay pas qu'est devenu Mon mal ; hellas, je suis guerye ! (La Vigne, S.M., 1496, 467)

Se tourmenter.

La face avoit trop gracieuse, Plaisant, gaie, simple et doucette, Mais elle estoit un po palette, Pour ce que il avoit veillié Toute la nuit et travillié ; Et s'avoit il couleur assez, S'il ne fust de veillier lassez. Sus son chief ot un chapelet Et en son doit un anelet Qu'il resgardoit songneusement. (Mach., F. am., c.1361, 183)

Mais en traveillant comme dit est, elle s'endormy jusques a l'endemain (Percef. III, R., t.1, c.1450 [c.1340], 49)

Se fatiguer, se dépenser.

...et il se coucha voulentiers, com cil qui avoit assés travaillié le jour. (Chev. papegau H., c.1400-1500, 23)

Nous n'avons point apris tel chose Qu'il prengne asnes pour soy porter ; De riens ne se veult supporter, Tousjours travaille, tousjours paine Et sa doulce nature humaine Au monde n'a point de repos. (Gréban, Pass. J., c.1450, 213)

Proverbe.

Assés travelle qui labeure ['Le travail ne manque jamais de fatiguer'] . (Froiss., Pris. am. F., 1372-1373, 166)

[Du corps] Souffrir, se fatiguer.

Dormir sur la terre me fault, Car tant sens mon corps traveiller, Brief, que je ne puis plus veillier (Gréban, Pass. J., c.1450, 386)

Travailler à la mort. Souffrir les douleurs de l'agonie, être à l'agonie.

Et ainsi parla l'hermite à ce roy Henry traveillant à la mort (Chastell., Chron. K., t.1, c.1456-1471, 341)

2.En particulier. [D'une femme] Être dans les douleurs de l'enfantement, accoucher.

...elle ne peut enfant avoir, Et jour et nuit adès travaille (Mir. st J. Cris., c.1344, 281)

[Contre le mal de dents] Tel meschief n'a femme pour travailler. Mal de teste telle doleur ne fait. (Desch., Oeuvres Q., t.5, c.1370-1407, 4)

...pluiseurs de la ville de Paris et environ les aloient veoir et donnoient offrandes et aumosnes à ladicte eglise et à la mere acouchée, qui avoit moult travaillié en l'enfantement desdictes filles (Fauq., II, 1421-1430, 311)

Il me semble advis que Sarra Travaille ; Dieu, par sa puissance, Luy envoye bonne delivrance ! (Myst. Viel test. R., t.1, c.1450, 374)

...il convenoit que le jour naturel venist d'effanter (...) Et quant le jour fut venu, la bonne dame traveilla ung jour et une nuyt et lendemain jusques environ heure de nonne, dequoy les dames d'entour avoient tres grant pitié pour le travail qu'elles lui veoient pourter. (Percef. IV, R., c.1450 [c.1340], 157)

Se la mere est forte et qu'il n'appaire nulles causes primitives ne autres, c'est signe qu'elle travaille fort pour la secondine (Gordon, Prat., c.1450-1500, VII, 16)

Sy advint que ung jour encommencha de travellier, et tant que le plaisir de Nostre Seigneur fu qu'elle enffanta d'un filz (Hist. seign. Gavre S., c.1456, 183)

Travailler d'enfant. Souffrir des douleurs de l'enfantement.

Et se vous le mettés [le diamant] sur femme qui travaille d'enfant, elle delivera a sancté, et sera ly enfes euireus en sa vie (Mandeville, Lap. M., c.1350-1390, 176)

B. -[Idée d'effort (en vue d'un résultat)]

1.Prendre de la peine, faire effort en vue de qqc..

Car qui en Dieu voeult travillier, Il doit dormir sans esveillier. (Renart contref. R.L., t.2, 1328-1342, 97)

Car commant qu'honneur soit et preus, S'est ce grant peinne d'estre preus, Et moult y couvient travillier, Moult jeüner et moult veillier, Meinte chaleur, meinte froidure, Meint grant peril, meinte aventure, Meinte dolour, meinte pensée, Pour garder bonne renommée. (Mach., D. Lyon, 1342, 211)

Puis firent leurs vivres chargier Dedens leurs nez sans atargier, Armes, chevaus et toutes choses Necessaires que penser oses, Pour si grant fait comme de prandre La noble cité d'Alixandre. Tant ont pené et travillié, Qu'il ont chergié et abillié Et mis à point tout leur harnois. (Mach., P. Alex., p.1369, 56)

...et encores peneroit et traveilleroit sanz cause, s'il aloit par devers ledit mons. le duc, qui estoit au Merle, par delà ladite ville de Poitiers (Reg. crim. Chât., I, 1389-1392, 521)

Et si ne mainnent nulles pourveances de pain ne de vin, car lors usages est tels en guerre et en travillant ['dans l'effort'] que il sont moult sobre, et se passent bien deus ou trois jours a mengier char a moitié quite, sans pain, et de boire aige de rieu courant, sans vin ne cervoise. (Froiss., Chron. D., p.1400, 126)

Grant desir hot de veoir l'ost De Daire Alixandres, si volt Travailler tant qu'il le veyst (Chr. Piz., M.F., IV, 1400-1403, 43)

...la Court lui a dit que la fin pourquoy avoit esté esleu estoit à ce qu'il traveillast, laborast et besoignast en ladicte Chambre (Baye, I, 1400-1410, 299)

...car la Court n'avoit point entention de le recevoir, si ne juroit de faire residense continuelle en ladicte Chambre et y besoigner et traveiller, comme il apartenoit (Baye, I, 1400-1410, 299)

Ce jour, a esté ordonné par la Court que chascun des seigneurs de ceans (...) paiera un escu pour satisfaire ceulx qui ont besoigné et traveillié à Court de Romme ou fait et poursuite d'icelles prerogatives (Baye, II, 1411-1417, 202)

Il vous fault ung peu travailler Pour aller au roy : il vous mande. (Myst. Viel test. R., t.4, c.1450, 191)

Noblesse de lignage vient de parens, sans travail, mais noblesse de cuer et de courage vient de la grace de Dieu, avecques travail. Nul ne l'a s'il ne traveille de cuer et de corps. (Nouvelles inéd. L., p.1452, 124)

Si me convient arrester et donner toute entente, veiller et traveiller, advisant ou je trouveray femme propice et convenable a moy. (C.n.n., c.1456-1467, 557)

Lui mort, le quist [Magdeleine] au sepulcre, et tant le quist et traveilla ['fit tant d'efforts (ici pour retrouver le Christ)'] et de sy fervente amour qu'elle fut la premiere a qui s'aparut puis sa resurection. (La Marche, Triumphe dames K.-B., p.1488, 10)

Durant le temps qu'on faisoit ce traicté, Le bon seigneur sans cesse travailloit En regardant d'un et d'autre costé, Comme son cas et tout son fait alloit (La Vigne, V.N., p.1495, 232)

Et est a entendre que si ce n'eust esté la grant solicitude du dict seigneur de La Trimoylle qui faisoit boyre et menger souvent les gens traveillans en cest affaire et par les grans prouesses et vaillances sur ce faictes, a grant paine l'eussent voulu faire les dictz Allemans. (La Vigne, V.N., p.1495, 278)

Travailler en vain

...l'autre chevallier traveilloit en vain. (Percef. III, R., t.1, c.1450 [c.1340], 40)

Lors le Tors et Troïlus monterent en la tour pour adviser comment ilz le pourroyent avoir, mais ilz travaillerent en vain, car il ne se pouoit aucunement faire. (Percef. IV, R., c.1450 [c.1340], 299)

En particulier. [Domaine érotique]

...[elle] trouva la doulce paire, dormans a braz. Et luy sembla bien qu'ils avoient traveillé cette nuyt, car ilz dormoient si bien qu'ils ne s'esveillerent pour personne (C.n.n., c.1456-1467, 367)

Travailler à / après qqc.

...N'à riens plus ses cuers ne veilloit, N'à riens ne voloit travillier Fors qu'à Sarrasins essillier. (Mach., P. Alex., p.1369, 97)

Et d'eulx aussi y avoit plusieurs qui du leur avoient assez et ne leur estoit besoing de travailler aprés la Court (Abuzé D., c.1450-1470, 69)

Affin que ne soye seclus du treseureux et hault merite deu a ceulx qui traveillent et labourent a l'augmentacion et accroissement des histoires de ce present livre, je vous racompteray en bref une adventure nouvelle (C.n.n., c.1456-1467, 215)

Et pour ce, maintenant je mect peine et travaille a ce que par les nopces fainctes j'aye cause de me courrocer s'il le denye (Rippe, Andrienne, a.1466. In : Chrestom. R., 209)

Cestui fut pur astrologien et travailla tout son temps après les jugemens particuliers. (Simon De Phares, Astrol., c.1494-1498, f° 41 v°)

Travaillier pour qqn

Lors me levay, si l'aprochay Et a l'esprivier reprochay : 'Amis, pour vous ay travillié. Nompourquant, se j'en ay veillié, Encor pour vous travilleray, Dont maintes nuis en veilleray ; Car desormais commence peinne, Mais c'est peinne qui joie mainne, Pour moy deduire et deporter. Se la porray aise porter.' (Mach., D. Aler., a.1349, 274)

Car j'ay fiance vraiement, Puis que pour elle [ma fille] traveillié Avez tant, que Diex le cuer lié Par vous m'en face. (Mir. st J. Paulu, c.1372, 136)

Travailler de + inf.

Tu dois panser et travaillier, Des qu'ilz sont nez [tes enfants] d'eux adrecier (Dupin, Mélanc. L., c.1324-1340, 207)

Quoy qu'il me fust joieusement, Me couvint il songneusement Penser, viser et travillier De ma besongne apparillier. Mais si volentiers le faisoie, Qu'adès en acroissoit ma joie. (Mach., D. Aler., a.1349, 265)

Il ne se convient pas, donques, trop traveiller de prouver conment le roy d'Angleterre, tant selon Droit escript que selon la coustume de France toute notoire, soit privé de la proprieté de toutes lez terres lezquellez il avoit par de ça la mer. (Songe verg. S., t.1, 1378, 280)

Travailler pour + inf.

Si ne devons mie dormir, Ne nous à tel sejour tenir ; Eins devons toudis travillier, Quant einsi les veons veillier, Pour eaus porter honte et damage, Car il tiennent nostre heritage. (Mach., P. Alex., p.1369, 111)

...car bien parçoy Que ne finez de traveiller Pour acquerir l'amour de moy (Lannoy, WERCHIN, Ball. P., 1404, 362)

Bien meschant est cil qui sommeille Quant son maistre peine et traveille Pour les temptacions fouïr. (Gréban, Pass. J., c.1450, 248)

...le notable clercq, qui traveilla en son temps moult pour mettre par memoires les fais et adventures qui... (Percef. III, R., t.1, c.1450 [c.1340], 327)

[D'un animal]

Hommë, oysel [oiseau de proie] , cheval et chien, S'il ne travaille, ne vaut rien (La Buigne, Rom. deduis B., 1359-1377, 119)

2.Exercer une activité pour gagner sa vie.

...Hommes, femmes, jeunes et vieulx, Moult travaillans, en cellui temps, Soit en hostel ou soit es champs, Sont en dangier d'en encourir L'encombrement et de mourir (La Haye, P. peste, 1426, 60)

Comment on doit abstiner de traveillier excessivement et de baigner en eaue chaulde en temps de pestillence. (La Haye, P. peste, 1426, 83)

Maiz aux accoustuméz, sans fable, Est assez bon et tolérable, Travaillier gracieusement En ce temps, nom pas asprement (La Haye, P. peste, 1426, 84)

...quand il vit sa femme qui avoit les jambes levées, il luy dist qu'elle n'avoit garde de user ses souliers, et que sans raison avoit traveillé le cordoennier (C.n.n., c.1456-1467, 529)

...les choses non naturellez comme sont l'aer, boire, manger, dormir, veiller, traveiller, reposser, inanition et replection et les accidens de l'ame car icelles sont causes de toutes maladies et de santé. (Panis, Guidon, 1478, chap. sing.)

...qui bien travaille et laboure il a tousjours du pain a menger (Macho, Esope R., c.1480, 204)

Car qui en veult [de quoi vivre] , pour abrigier, Fault traveillier tout la sepmaine (Prisonn. desconf. C., c.1488-1489, 32)

infinitif substantivé.

Voulans aussi, de bon courage, Fouir excez et grant oultrage Tant en mengier qu'en traveillier Qu'en reposer et en veillier (La Haye, P. peste, 1426, 60)

3.Region. (anglo-normand, Picardie) Se fatiguer, faire des efforts en voyageant, voyager.

...Soit qu'on travelle ou qu'on sejourne (Froiss., Dits Débats F., 1363-1393, 91)

...tous jours en travillant Cest ymage avoec moi portoie (Froiss., Joli buiss. F., 1373, 65)

Sus le chemin ou je travelle [var. traveille] Oÿ nulle cançon parelle (Froiss., Méliad. L., t.1, 1373-1388, 216)

...car il cognoissoit trop mieulx les Alemens que nulz des aultres, pour tant qu'il avoit traveilliet et esté entre eulx pluseurs foys, tant pour le calenge de la ducié d'Osterice, dont on luy faisoit grant tort, que pour aultres incidences et actions que il avoit eues entre eulx. (Froiss., Chron. M., XIV, c.1375-1400, 230)

Par mon serement, mon tres gentil sire, j'en ai grant joye de vous, que vous estez si bien travaillee, depuis que vous estez si jones ; car je pance bien que vous n'avez pas encore XXX ans. (Man. lang. G., 1396, 92)

'Ore, sire, est Venyse une belle ville et grande ?' 'Oïl vrayement, sire, c'est la plus belle ville et le plus noble port qui soit en tout le monde, si come m'a l'en dit en cel païs là qui ont travaillee partout...' (Man. lang. G., 1396, 93)

Remarque : Cf. AND, travailler ; W. Rothwell, Z. rom. Philol. 109, 1993, 34-35.

Travailler par le monde. Travailler le monde

...j'ai veu en mon temps que j'ay travailliet le monde CC haulx princes (Froiss., Chron. M., XIV, c.1375-1400, 159)

Remarque : FROISS., Chron. L., I, c.1375-1400, 209 (entravaillantpar le monde) ; 378 (travillansle monde).

III. -Emploi pronominal.

A. -[Idée de torture, de souffrance, de fatigue] Se tourmenter.

Et Troïllus moult se traveille Pour la fille Calcas de Troie, Briseyda. (Mach., F. am., c.1361, 191)

La nuit en la tour [le roi] reposa, Mais heü petit repos a, Fors que le repos que nature Puet donner en tele aventure, Qu'on dit que cils fait la dorveille Qui dort de l'ueil et dou cuer veille. Et sans doute il se travilloit, N'à riens plus ses cuers ne veilloit, N'à riens ne voloit travillier Fors qu'à Sarrasins essillier. (Mach., P. Alex., p.1369, 97)

Sire, vueillez vous apaisier : Par trop se traveille de yre homs. (Gréban, Pass. J., c.1450, 399)

Se fatiguer.

Le chemin est long a merveille Si crains que trop ne se traveille (Gréban, Pass. J., c.1450, 116)

O vous, folles et ydiotes, vous ne savez que vous demandez, car en vous gouvernant je me lasse et traveille moult (Colart Mans., Dial. créat. R., 1482, 92)

...je porte chascun jour les grans et pesans faiz et le sac. Si me traveille en toutes ses besoignes. (Colart Mans., Dial. créat. R., 1482, 260)

B. -[Idée d'effort (en vue d'un résultat)] Prendre de la peine, faire effort en vue de qqc..

Que valent teles veilleries Et puis tels longues dormeries ? Certes, onques bien ordonnez Ne fu qui ad ce fu donnez. Mais princes qui fort se traveille Et qui dou cuer et de l'ueil veille Pour ses anemis resveillier, La se doit il bien travillier. (Mach., C. ami, 1357, 128)

Là ot une feste si noble Que de Mes en Coustentinoble N'ot depuis C. ans la pareille, Plus gracieuse ne plus belle, Ne qui fust si très bien joustée, Ne si cointement karolée. Li roys forment se travilloit, Et li dus pensoit et veilloit Comment li roys fust bien armez, Bien parez et bien acesmez, Par quoy li rois si bien joustast, Que devant tous le forjoustast. (Mach., P. Alex., p.1369, 45)

Li roy, Percevaulx et Bremons Se fierent dedens la bataille. Chascuns tint l'espée qui taille, Chascuns grans cops donne et depart ; De Sarrazins font grant essart. Mais li roys si fort se traveille Que chascuns en a grant merveille. Aussi Perceval de Coulongne, Qui a basti ceste besongne, Moult hardiement se combat ; Quan qu'il attaint tue et abat. (Mach., P. Alex., p.1369, 73)

Donques aussi comme nous veons en force et en santé de corps que la superhabundance et excés de labourer corporelment et de soy trop excercer, travaillier et grever et, d'autre partie, deffaute de labourer, de soy excercer et trop soy reposer corrumpent ou apeticent la force du corps (Oresme, E.A., c.1370, 150)

L'EMPERIÉRE. Sa, dites moy (...) Se savez de ce chevalier Qui tant s'est volu traveillier Qui il est, ne conment a nom (Mir. Rob. Dyable, c.1375, 63)

Musehault, nous nous traveillons Et si grevons en vain noz corps. Sanz plus avant aler m'acors Qu'erriére a Romme retournons (Mir. st Alexis, 1382, 333)

...en soy regarda et advisa qu'il avoit perdu son voyage, et s'estoit pené et traveillié, et encores peneroit et traveilleroit sanz cause, s'il aloit par devers ledit mons. le duc (Reg. crim. Chât., I, 1389-1392, 521)

Mais endementiers que le josne homme se traveilla a la queue du povre cheval... (La Sale, Salade, c.1442-1444, 27)

...quand son bien viendra, par ma foy, je me traveilleray pour elle, comme je doy. (C.n.n., c.1456-1467, 295)

...le dauphin respondi que n'estoit besoin de soy traveiller, ne de haster pour venir (Chastell., Chron. K., t.3, c.1456-1471, 197)

Ne vous travailhés plus ; Trop estes courtois et benigne, Car, raby, je ne suis pas digne Qu'ad ma maison, sire, veignés. [Réf. à Luc 7, 6] (Pass. Auv., 1477, 128)

Se travaillier en vain

Amours, je t'ay donné le bail De moy, et encor le te bail. Mais bien voy qu'en vein me travail, Qu'adès te truis Preste pour moy faire travail. Si n'ay fortresse ne murail Que ne soie dessous le mail Dangier destruis. (Mach., Compl., 1340-1377, 244)

Car comment que Desirs m'assaille Et me face mainte bataille Et poingne de l'amoureus dart, Qui souvent d'estoc et de taille Celeement mon cuer detaille, Certes bien en vain se travaille, Car tout garist son dous regart Qui paist d'amoureuse vitaille Mon cuer et dedens li entaille Sa biauté fine par tel art Qu'autre n'est de quoi il me chaille (Mach., R. Fort., c.1341, 24)

Et pour ce, dame de vaillance, Qu'en moy n'a pas sens ou science Pour vos biens et douceurs retraire, Si com je le deüsse faire Et com volentiers le feroie, Mais en vain me travilleroie, Ma dame, trés humblement ren ge A vous grace, mercis, loange Cent mille fois, et vous salu. (Mach., R. Fort., c.1341, 84)

...Car en vain me travillerai (Dame Lycorne G., c.1349-1350, 296)

Li amiraus en geteroit Cinq cent mil hommes en une heure ; Nostres roy pour neant labeure Et si n'est pas bien consilliez, Einsois s'est en vein travilliez ; N'il n'a pas gens pour li combattre, Car il seront cent contre quatre. (Mach., P. Alex., p.1369, 65)

Toute la route s'arresta Seur le corps des mors à esta, Car il les cuidoient lever Et eaus eu chastel raporter. Mais il en vain se travilloient, Qu'à force avoir ne les pooient, Car la force n'estoit pas leur, Dont il avoient grant doleur. (Mach., P. Alex., p.1369, 155)

...affin que les gentilz chevaliers du Francq Palais ne se traveillassent plus en vain. (Percef. III, R., t.1, c.1450 [c.1340], 218)

...pour fol on le devoit tenir, pour ce que en vain se travelloit (Hist. seign. Gavre S., c.1456, 25)

Se travailler pour neant

ESPERENCE. Et comment te conseilleroie ? Pour nëant me travilleroie, Car je pers en toy mon langage. Uns oiselès en une cage N'a pas l'entendement si dur Com tu as. (Mach., R. Fort., c.1341, 115)

Tu te travaillez pour nyant. (Pac. Job M., c.1448-1478, 321)

...pour neant me travelloye (Hist. seign. Gavre S., c.1456, 37)

Se travailler à / de qqc. Se préoccuper de qqc..

Cilz qu'a bonne perfection Vuet diffinir s'entention S'en doit travaillier et pener. (Dupin, Mélanc. L., c.1324-1340, 182)

A sa mort travaillier ne fault : Il est desja mort, autant vault. (Gréban, Pass. J., c.1450, 309)

Se travailler à+ inf. S'efforcer de.

Aussi doi je, se trop ne fail, Loër Esperence, a qui bail De moy et de mon cuer le bail, Et mercier ; car se riens vail Et s'a bien faire me travail, C'iert sans doubtance Par li ; car en mortel travail Fui entre le coing et le mail, Si que je ne donnasse un ail De ma vie (Mach., R. Fort., c.1341, 120)

...il (...) se travailla de la cognoistre charnelment, mais par chaleur qu'il avoit et nature habandonnée a l'ardeur charnelle, feist semence et laissa tout aler sans aulcunement congnoistre charnelment icelle fille, laquelle ne se demenoit pas moins fort, et depuis se travailla a sçavoir se pour la seconde fois il la pourroit congnoistre (Doc. 1463. In : H. Haustein, Z. frz. Spr. Lit. 52, 1933, 111)

Se travailler de + inf. S'efforcer de.

Si doy moult bien examiner Trestout le fait par ordenence Qui appert en vostre audience, Afin que loiaument en juge. Einsi doivent faire bon juge. Et vous vous devez travillier De moy loiaument consillier. S'en die chascuns son plaisir, Tandis com nous avons loisir. (Mach., J. R. Nav., 1349, 255)

Si commanda qu'on l'i herberge, Et qu'on y prengne là herberge, Pour herbergier une partie De sa milleur chevalerie ; Et que l'autre partie veille Parmi la ville et se traveille De bien gaitier ; et que les gardes Ne soient lentes ne couardes, N'endormies, et que bon gait Face chascuns, car en agait Sont Sarrazins pour eaus destruire (Mach., P. Alex., p.1369, 96)

Et li dist : 'Bremont, chiers amis, Nous dormons, et nos annemis Ne dorment pas, mais toudis veillent, Et de nous grever se traveillent. Si ne devons mie dormir, Ne nous à tel sejour tenir...' (Mach., P. Alex., p.1369, 111)

Si ne puis pas avoir longue durée Et ma dolour longuement endurer, Puis que desirs ne me laisse durer. Car j'ay desir qui se traveille et peinne De moy deffaire, et ma dame honnourée Ne scet mie que j'aie si grief peinne Pour li que j'aim plus que nulle riens née (Mach., L. dames, 1377, 133)

...tel cas avenant, le prince de la Chevalerie du Crucifix, en personne ou par ses grans officiaux, selonc l'estat et dignite dez personnes esquelles sera le debat, se travellera a son plain pooir d'estaindre lesdis debas (Mézières, Sustance H., 1396, 50-51)

Les plus sages se travaillerent D'enquerir ce qu'en ert le mieulx (Chr. Piz., M.F., III, 1400-1403, 60)

Il s'est travaillé de mettre le royaume en son premier estat. (Chastell., Chron. K., t.1, c.1456-1471, 31)

...et se traveilloit le duc de luy complaire en tout son pouvoir. (Chastell., Chron. K., t.4, c.1456-1471, 294)

Et, en allant a cheval parmy la ville, le duc milannois mist tousjours au dessus de ly le duc de Cleves, et se tenoit dariere ly deux ou trois pas par humilité et recognoissance de son estat ; de quoy toutevoies le duc de Cleves comme tout esvergondé estrivant alencontre, dru et souvent se traveilla de le faire venir coste a coste ; lequel, non le vueillant faire, s'excusa (Chastell., Chron. IV, D., c.1461-1472, 243)

...d'acquerre choses impossibles ne nous devons traveillier. (Colart Mans., Dial. créat. R., 1482, 88)

SAINCT MARTIN. (...) Or, Francequin, mon amy, sur ce point, Je te supplie, vueille mon conseil prandre. FRANCEQUIN. A, je vous prie, ne vous traveillez point De me vouloir de vostre loy surprendre ! SAINCT MARTIN. Veulx tu pas bien en toy mesme comprendre Que Jupiter n'est c'un deable parfait ? (La Vigne, S.M., 1496, 217)

[De chiens]

De le relancer [le cerf] se travaillent Et y mectent tout leur effort. (Brézé, Chasse T., c.1481-1490, 38)

Se travailler pour + inf. S'efforcer de.

...tous les chevaliers de ceste assamblee se sont assez traveilliez pour acquerre honneur et loenge. (Percef. III, R., t.1, c.1450 [c.1340], 179)

Peuple infiny de dames esveillees, Qui moult s'estoient en ce cas travaillees Pour recevoir les nobles pelerins (La Vigne, V.N., p.1495, 166)

IV. -Participe passé en emploi adjectival. [D'une pers.]

A. -Accablé de fatigue, épuisé.

Sire, se Dieu me doint sancté, Je ne seray ja traveilliez ['fatigué, lent'] De vous servir, mes esveilliez. (Myst. Pass. N.S. R., c.1350-1370, 99)

De loing vieng, pour quoy sui las touz Et travailliez. (Mir. Amis, c.1365, 4)

...il n'avoit pas grant quantité De gent qui fussent bien haitiez ; Einsois estoient mal traitiez, Lassé, foulé et travillié, Mal peü et mal abillié, Pour le chaut et pour la bataille. (Mach., P. Alex., p.1369, 95)

Quant il y vint, il assailly Le chastel, mais il y failly, Car sa gent estoient lassé, Grevé, travillié et foulé Dou grant chaut et de la bataille, Et s'avoient po de vitaille ; Et li Sarrazin qui estoient Eu chastel, bien se deffendoient. (Mach., P. Alex., p.1369, 215)

Les dessusdiz champions, pour la querelle de la chaere saint Pierre, s'estoient longuement combatuz, et tant que tous deux estoient travaillez. (Mézières, Songe vieil pèl. C., t.1, c.1386-1389, 365)

...pour ce que elle estoit jà moult traveilliée et ne se povoit bonnement revenger contre eulz deux, congneut icellui Oudot elle qui parle charnelment une foiz (Reg. crim. Chât., II, 1389-1392, 510)

Tant chevaucha, par nuit obscure, Moult traveillez, qu'il arriva En la cité (Chr. Piz., M.F., II, 1400-1403, 297)

...ledit David entra le premier, ilz trouverent ladicte femme, et lui dist icellui David qu'elle alast soupper avec eulx ; qui lui respondi qu'elle ne yroit de celle nuit et qu'elle estoit trop traveillée. (Chancell. Henri VI, L., t.1, 1426, 382)

...pour conforter, aider et secourir l'avangarde de noz gens qui lassez et travaillez estoient (La Sale, J.S., 1456, 219)

...nostre chareton, jasoit qu'il fust las et traveillé, n'en avoit garde [de dormir] . (C.n.n., c.1456-1467, 66)

...mes au regard de retourner dont il [le dauphin] estoit venu ne de soy traire devers luy [le roi de France] , il n'en estoit pas encoire avisé. Aussy il ne faisoit encoire que venir, et estoit laz et traveillié et venu de loingtaines marces (Chastell., Chron. IV, D., c.1461-1472, 87)

ABBÉ. Frere, je suis si traveillé De tant cropir en ceste place Que je suis tout ensommeillé ; Brief, je ne sçay plus que je face. PRIEUR. Tournez ung bien petit la face ; En mon giron si dormyrez. ABBÉ. Il faut que mon sommeil se passe Cependant que vous veillerez (La Vigne, S.M., 1496, 580)

[D'une femme enceinte]

Regardez ung peu en pitié Ma povre espouse tant enseincte, Qui est tant traveillee, sans feincte, Qu'a peinne se peult elle ayder. (Myst. Pass. Troyes B., a.1482, 196)

[D'un organe]

...mon estomac en est si traveillé que, tantost qu'il les sent, il a assez disné. [On ne lui sert que des pâtés d'anguilles] (C.n.n., c.1456-1467, 83)

Travaillé de qqc. Épuisé par qqc..

Prenez doncques confort en vous ; et affin qu'il vous souveigne de moy, prenez ma potence qui a nom Perseverance et la portez avecques vous au chemin, en vous appuyant quant vous serez aucunesfoiz travaillez de voler, et elle vous donra allegeance. (Mézières, Songe vieil pèl. C., t.1, c.1386-1389, 197)

Auquel de Moustereuil il qui parle dist qu'il demourroit en ycelle ville de Poitiers pour faire appareillier son cheval, qui estoit moult blecié et traveillié du chemin que fait avoit. (Reg. crim. Chât., I, 1389-1392, 525)

...il fut tant traveillié de ferir que, s'il eust eu a besongnier, ses coups eussent estés de petite value. (Percef. III, R., t.1, c.1450 [c.1340], 12)

Endementiers me vint au devant un varlet travaillié merveilleusement de chevauchier (Percef. IV, R., c.1450 [c.1340], 546)

...s'en alla coucher et reposer, car il estoit traveillé de la nuyt (C.n.n., c.1456-1467, 391)

...il estoyt lassé et travaillé de labourer (Macho, Esope R., c.1480, 237)

Participe passé en emploi substantival.

Tant a nagié qu'en Chypre vint, Et là sejourner le couvint Pour ses gens d'armes reposer. Et vous devez bien supposer Que moult y avoit de bleciez, De lassez et de travilliez ; Et pour ses chevaus mettre à point, Qui estoient en petit point. (Mach., P. Alex., p.1369, 217)

...compassion es travailliés, aide es soufraiteus (Gast. Phébus, Livre oraisons T., c.1380-1383, 39)

Musique aussy relieve et reconforte les corps des traveilliez, non mie seulement des hommes, maiz des bestes, comme il est escript en Tacuin. (Evr. Conty, Harm. sphères H.P.-H., c.1400, 88)

B. -Malade, souffrant (ou blessé).

Beau amys, vous esteiz traveilhiéz, maiz je vous feray sainier. (JEAN D'OUTREM., Myr. histors G., a.1400, 230)

La il toucha et guerist les malades Des escrouelles et d'autres griefz maussades, Cinq cens personnes grandement traveillees, Dont les Ytalles de voir telles aubades Ne furent onc si tres emerveillees. (La Vigne, V.N., p.1495, 236)

C. -Troublé, agité.

...je me sens tant traveillié par la vertu de ce lay que... (Percef. III, R., t.2, c.1450 [c.1340], 15)

V. -Participe présent en emploi adjectival.

A. -[D'une pers.] Qui se donne de la peine, actif.

Li Escot sont dur et hardit et fort travillant en armes et en guerres. (Froiss., Chron. D., p.1400, 126)

...les histoires des vaillans, Qui furent preux et traveillans Et de soy gouverner par meurs Prudens et bons (Chr. Piz., M.F., II, 1400-1403, 64)

Scipïo tant fu travaillant Qu'il a toute conquise Espaigne (Chr. Piz., M.F., III, 1400-1403, 228)

...cestuy roy si travaillant, Si craint, si sage et si vaillant (Chr. Piz., M.F., III, 1400-1403, 242)

...vaillant et traveillant chevalier, plein de haut los (Chastell., Chron. K., t.5, c.1456-1471, 213)

B. -[D'une chose]

1.Fatigant, pénible.

...le riche homme de la dicte parabole, qui ala en pelerinage, n'est autre que Jhesuscrist, qui, empres son travaillant pelerinage de trente et troys ans ou environ, ala ou grant pelerinage ; c'est assavoir quant il monta ou ciel vestu de nostre humanite glorifiee. (Mézières, Songe vieil pèl. C., t.1, c.1386-1389, 83)

Cellui [chemin] a senestre est assez plus brief que l'autre a dextre, et par cestui je descendiz ; mais il est assez plus traveillant au monter, car il est tresroides et pierreux, et n'y porroit monter cheval nul. (La Sale, Salade, c.1442-1444, 74)

2.En mouvement, agité.

L'autre reson est come la mer est toutdis travaillant, ore a monter et puis avaler, ensi qe jammes ne repose (Henri Lanc., Seyntz medicines A., 1354, 91)

Remarque : Cf. AND, travailler.

C. -Participe présent en emploi substantival.

1.Substantif masculin.

a)Martyr.

O vous, bien eureux confessours, De la loy de Dieu deffensours, Aidés le pouvre traveillant (Prières saints R., t.1, 1400-1500, 132)

b)Celui qui s'efforce de faire qqc., qui peine à faire qqc..

...ilz firent samblant que ledit batel fust féru en terre et qu'ilz ne peussent passer de là, ne eulz de là départir. Et meismement dix ou douze de leurs gens saillirent en l'eaue ; qui faisoient semblant de vouloir bouter ycelui batel par force du lieu où il estoit assis. Si faisoient moult fort l'embesongnié. Et alors Henry, Jehan, Richard et Thomas, véans de leurs murailles l'esbatement d'yceulx galans et la manière qu'ilz tenoient, désirans de les aler aidier et souscourir, mais non pas au plaisir d'yceulx travillans, mais pour vouloir conquerre proie, saillirent hors sans délay et coururent vers ycelui batel pour le prendre. (Monstrelet, Chron. D.-A., t.5, c.1444-1453, 261)

2.Substantif féminin. Femme en travail, accouchée.

...sur le commencement de février elle entra en traveil après midy une heure environ, et n'y estoient point, ne le dauphin, ne le duc, ains s'en estoient allés à Nivelles chasser pour donner lieu et place à la travaillant. (...) ...à l'heure du droit et grant traveil de la dame, un merveilleux et très-impétueux coup de tonnoire vint férir par-dessus la maison (...). Donc prestement après, la contesse se délivra d'une fille que le dauphin tint sur fons (Chastell., Chron. K., t.3, c.1456-1471, 297)