TRAITABLE

adjectif

[T-L : traitable ; GD : traitable ; FEW (XIII-2, 143a) : tractare]

A. -[Sens actif ; d'une pers., de son comportement, de ses paroles...] Qui est accommodant, conciliant, aimable.

Tu dois vivre sotialement affin que tu estudies de estre amés et de amer, de toy doulx et traitable demoustrer, et non pas supporter seulement patianment les enfermetéz de tes freres ou de tes compaignons mais aussi voluntairement (Daudin, De la erudition H., c.1360-1380, 255)

...ilz [les chrétiens] ont (...) Une paroles si traittables, Si doulces et si amiables Qu'en parlant il semble qu'ilz oingnent Les cuers des gens (Mir. st Ign., 1366, 88)

Encor y a une autre chose, Biaus fils, vraiement je suppose Que qui sagement traiteroit Au soudan, qu'il acorderoit Legierement un bon acort. Si que je conseille et acort Que nous prenons gens couvenables, Sages, avisez et traitables, Et que très bien les enfourmions Et au soudan les envoions. (Mach., P. Alex., p.1369, 220)

Car toutes vos monitions Ont si douches initions Qu'il n'est riens si traitable cose. (Froiss., Joli buiss. F., 1373, 62)

...ce duc Winchelant fut largues, doulx, courtois et amiables, ... j'ai veu en mon temps que j'ay travailliet le monde CC haulx princes ; mais je n'en vey oncques plus humble, plus debonnaire, ne plus traittable (Froiss., Chron. M., XIV, c.1375-1400, 159)

Ces parolles doulces et traittables amolierent grandement le pointe de la ire que l'empereur avoit avant sa venue. (Froiss., Chron. M., XIV, c.1375-1400, 169)

...il envoyoit et escripsoit souvent en Angleterre, et raffreschissoit le roi d'Angleterre et son conseil de parolles et de promesses traittables grandement, à amour et à reformation d'aliance, et à durer à tousjours, (Froiss., Chron. M., XIV, c.1375-1400, 231)

En ce temps estoit li dus de Bretagne en Flandres dalés son cousin le conte Loeis de Flandres, le quel il trouvoit assés traittable et amiable, mès point ne s'ensonnioit de ces trettiés (Froiss., Chron. R., VIII, c.1375-1400, 225)

Moult de belles paix se fissent, les penans alans entre les honmes, tant que de cas d'ocisions liquel estoient avenu et desquels cas en devant on ne pooit venir a paix, mais par le moiien de l'afaire des penans, on en venoit a paix. En lors ordenances avoit pluissours coses assés raisonnables et traitables et la ou nature humainne s'enclinoit que del aler ou voiage et de faire la penitance (Froiss., Chron. D., p.1400, 895)

...benigne en parole et response, joyeux en conversacion, et en toutes choses tres traittable. (Chr. Piz., Faits meurs Ch. V, S., I, 1404, 142-143)

Point ne saroit Estre autre que doulz, et n'aroit Jamaiz cuer que rien lui plairoit Qu'il sceust qu'a autre desplairoit, Car raisonnable Est, courtois, doulz et amïable, Pacïent, piteux et traictable (Chart., L. Dames, 1416, 234)

DIEU. Gabriel, j'och bien que tu dis J'ay voulentiers oy tes dis Qui sont grandement caritables Pour le fait del homme et tractables. (Marcadé, Myst. Pass. Arras R., a.1440, 8)

...humble et traictable (Saint-gelais, Séj. honn. D., c.1490-1495, 124)

Remarque : Percef. I, R., c.1450 [c.1340], gloss.

Estre traitable à/vers qqn

Mais tu dois savoir qu'il ne souffist mie que prince soit seulement vers les grans et puissans hommes doulz, benigne, humain et traictable, mais meismement à ses plus petis subgiéz (Chr. Piz., Paix W., 1412-1413, 141)

L'OSTE SAINCT MARTIN. (...) Vien ça, vien ! Ou est ce garson ? Mayne ces chevaulx en l'estable, Puis apprés, par bonne façon, Pence d'aller mectre la table. HANNEQUIN LE VALET. A iceulx seray bien traictable, De cela ne vous soucïez : Avayne et fain ay proffitable ; Du surplus fïance faciez. (La Vigne, S.M., 1496, 201)

Mal traitable. Désagréable.

Car rien n'est plus desconvenable Que femme fole et mal traictable, Et si n'est chose plus plaisant Que femme doulce et appaisant (Chr. Piz., M.F., II, 1400-1403, 82)

...autant faisoit pour elle qu'oncques serviteur fist pour sa dame (...) et neantmains, comme dit est, tousjours trouvoit sa dame dure et mal tractable, et luy monstrant mains de semblant d'amour que par raison ne deust (C.n.n., c.1456-1467, 473)

B. -[Sens passif]

1.[D'une chose concr.] Qui peut être travaillé, qui est malléable.

...se en l'orine sont gravelles, nous coulerons l'orine et ferons secher la gravelle ; se elle est molle et traictable, c'est moult grant esperance de rompre la pierre (Gordon, Prat., c.1450-1500, VI, 12)

...que la bouche du malade soyt ouverte devant le souleil et soyt consideré la ranulle et se elle est noire ou brune ou dure et sans sentiment ne soyt point touchee car elle est chancreuse et se elle n'est telle mais est blanche et bien traictable, lors soyt prinse avecques ung crochet (...) et soyt tranchee et tiree hors (Panis, Guidon, 1478, tr.II, doct.2, chap.6)

...car ainsi le bois dessusdict en seroit plus tractable (Prevost, Cir. Guill. Salicet, 1492, III, 1)

[D'une chose abstr.] Qui est susceptible d'être traité.

Mais li coragez l'art despite Quant il a maniere despite Et qu'il n'a point de pacience Et n'est traitable par science (Ovide remede amours H., p. 1300 [1400-1430], 52)

2.[D'une pers.] Susceptible d'être traité, soigné.

Dont puis que tu seras traitablez Et par mon art medechinablez, Wiseuse tout premierement Fuy par mon amonnestement, Car par wiseuse est engenree L'amour qui est desordonnee. (Ovide remede amours H., p. 1300 [1400-1430], 53)